رد: لو طال الصمت وقسيت ،محفور فيني لو أبطيت.

تسلمم اناملك
ماننحرم

رد: لو طال الصمت وقسيت ،محفور فيني لو أبطيت.

٦
العصر وصل ابو عبدالعزيز واهله من الشرقيه واستقبلهم فهد ووصلهم لبيت ابوه، بالسيارة
فهد: كيفك ياعمي ، عسا الطيارة ما تعبتك
ابو عبدالعزيز:بخير ياعمك ، نسال عنك وعن الاهل
فهد:عساه دايم ، بخييير كلهم ينتظرون وصولكم متحمسين
ابوعبدالعزيز:الله يحفظهم.
صمت من الطرفين ، قطع هالصمت ابو عبدالعزيز:الا ما قلت لي.
فهد حس نبرة عمه تغيرت ،:ويشهو ياعمي
ابو عبدالعزيز بنبرة حاده :ليه ما قلت لي عن ابوك وعمليته ، هاه مالي قدر ولا لي حسبه .
السيارة كلها هدوء بمعنى الكلمه ، فهد مثل اللي انكب عليه مويا بارده مو عارف شيقول توتر
لف شاف عمه يناظره بنظره ما تريح: لك الحشيمه والقدر ياعمي لكن كيف تبينا نقولك ان عمليه ابوي بعد ملكه بنتك ، كيف تبينا نقولك ، والوالد هو اللي طلب إن ماحد يدري لا قريب ولا بعيد عشان ما حد يخاف.
ابوعبدالعزيز بصراخ:الحين انا صرت اي احد عشان تخبون علي ماهو بعذر وابوك ان شفته بتصافا معه.
فهد ماهو ناقص ابوه يتعب عليهم:انا قلت لك السبب ياعمي ، اترك ابوي تراه ما عاد بصحته اللي تخبرها حتى نسمه الهواء نخاف عليه منها ، ماهو ناقص انك تجي وتحاسبه ع شيء مضى
ابو عبدالعزيز:مالك دخل بيني وبين ابوك شي ما يخصك، وبعدين من قالك انه مضى ها من قال؟؟
فهد بحده وبغضب:لا يخصني دامه يعني ابوي ، لا تضايق ابوي ولا صار فيه شي مانت مشتري عافيته وبتعطيه ياها ، قلت لك ياعمي اذا بتفتح المووضوع اسال عن السبب لكن لا تسوي مشكله ولا تعصبه ماعاد يقوى.
ابوعبدالعزيز:يصير خير .
وصل فهد ونزلوا اهل ابوعبدالعزيز وابوعبدالعزيز ،نزل فهد بعدهم وسكر الباب بقوة:استغفرالله بس.
عبدالعزيز:شوي شوي عالباب لا ينكسر.
فهد:ماشفت ابوك انت وشلون شوي ويكفخني.
عبدالعزيز:ياخي ماعليك تراه يحق له هو اخوه وبعدين انسى شوف الحين ابوي بيدخل ويقعد سوالف وضحك مع عمي وانت اللي بتاكلها ضغطك يرتفع عالفاضي.بمشي اسلم على عمي والعيال واجيك
فهد:توكل .
دخل ابو عبدالعزيز والعيال وسلموا واقعدوا الشياب سوالف وضحك وجو اخويا ابو فهد وقرايبهم لجل يسلمون عليه وعزم الا يذبح لهم لكنهم رفضوا وحلفوا يمين ما يذبح ، وانحبر ابو فهد ما يذبح. لكن بيجيب لهم مندي.
بين السوالف بالمجلس الكل مجتمع عند ابو فهد كل جماعته وجيرانه واخوياه وعمامه ونسايبه.
ابو عبدالعزيز بصوت واطى لابو فهد:الا ياخوك ما قلت لي وينهم عيال ام منصور ما الفو عليك يسلمون؟
ابوفهد صح استغرب مثل ابو عبدالعزيز:يمكن ياخوك ظروف وبعدين توي طالع يمكن ماسمعوا .
ابوعبدالعزيز:وانت صادق ، يالله بدخل داخل اسلم عالبنات.
دخل وسلم عالبنات واخواته وبناتهم وبنات اخوانه الباقيين، وقعد يسولف مع خواته بالصاله ويضحك مع البنات وبعدها رجع المجلس.
جا اخوه ابو محمد وزوجته ورحبوا فيهم والى اخر ،.
خلونا نروح لعيلة ثانيه ما ذكرتها من البدايه عيله ابو فارس*
ابو فارس رجال من اخويا ابو فهد وابوعبدالعزيز كان خوي لهم بالثانوي يشتغل رقيب.
ام فارس :تشتغل فراشه بأحد المدارس.
فارس:توه موظف عسكري.
نايف:ثانوي من جيل فهد وعبدالعزيز
مريم:من جيل وعد ومشاعل
نرجع للقصه،
جت ام فارس وبناتها وسلموا عليها وقعدت مريم مع البنات وقعدوا سوالف لانها مو اول مره يعني تزورهم .
بين السوالف حست ان بنات ابو عبدالعزيز فيهم شويه غرور بس على ايش ماتدري.
دانة قالت لهم سالفه فجر والتحويله وكلهم ضحكوا حتى مريم ضحكت معهم ،
فجر:وججعع دانة أنا مامنتك ماتقولين للبنات يمسكونها سنه قدام ، يعني ترضينها على اختك الصغنونه.
دانة:اللي اعرفه الامانه حراام وما ابي اخذ ذنوب
وبعدين تعالي لسانك اطول منك وتقولين الالصغنونه
مريم: ههههههههههه حراام عليييك.
انتبهت لوعد ونظراتها وحست بنظراتها انها تستحقرها.
زينب:اكبببر نذللللههه ياانااس.
فجر:انا اشهد
دانة:ههههههههههه ومنكم نتعلم
جاتهم مشاعل متحمسههه: بننااات هي بنات ومن زود ماهي متحمسه طاحت عليهم كلهم ضحكوا
ويسبونها، مشاعل:عندي خببر توي جبته حصري بس ويش لي لا قلته.
وعد:لك ما تبين من ٥٠ لين ٢٠٠
دانة:واذا طلع زي وجهك اختي العزيزة ولهطتي قريشاتنا عالفاضي؟
فجر لقت فرصتها ترد الصاع، مسكت وجه مشاعل :اشوف وجهك ميشو ، يجنن خقق اكيد الخبر يجنن صح ؟
مشاعل ابتسمت وخبطتها دانة من ورى:وجع مشيعل قولي خبرك .
وبقولكم لو بيوم يجيني مرض ولا شي اعرفو من فجير بتذبحني هالنتفه .
ضحكت فجير لكن بداخلها اختها احيان تحرجها حتى لو قداام بنات عمها .
عبير:قووولي يااللله.
مشاعل:تم ، اسمعوا ابوي باكر بيسوي عزيمه كبيره وبيعزم الكل الليله.
داليا:احلفي
وعد:ما اصدق
خبطتها مشاعل:ياخاينه ماتصدقيني؟؟
رؤى:مصدر موثوق ولا من الهواء
مشاعل:موثوق ١٠٠٪
زينب:واخيييرا ونااااسههه
دانة :ههههههههههه اخييرا بنشغل اغاني وكذاا يسس
فجر:لا ينط فيك عرق ما تعرفين ابوي ما يحب يشغل اغاني بعزايم البيت؟
رؤى:صاادقه والله شنسوي ؟
مريم:نفس اللي عندنا .
داليا:الله المستعان عالعقليه الرجعيه
فجر:وججع تسبين ابوي
مشاعل :اي مريم يااويلك باكر تسحبين وما نشوفك والله اجيك انا وفجر واسحبك مع كشتك
فجر:ايوالله صادقه بس لازم لاقدر الله وماجت من بيودينا ننفذ التهديد؟
مشاعل:اخوانك واذا مو فاضيين سواق.
فجر:عشان يقرون على ارواحان باكر الفاتحه ، لا حبيبتي انسحب.
مريم والبنااات ماتواااااا ضحكككككك.
فجر:والله مو بايعه عمري شاريته.
مريم حاوطتها من رقبتها:ليه حتى بالخيال تعترضين ليش تحبين التعقيييد ؟ها ليش؟
وعد بنبره حاده:تبينها تكذب على عمرها وتعيش حياه وواقع غير اللي تعيشه ها؟
مريم ولا كأنها سمعتها ، فجر لقطتها وهي طايره وشافت النظرات، مشكله اللبيه بالاشارة يفهم..
فجر:تحمستي مرهه وعدوه اهجدي بعدين مريم ترا صدق واقعنا معفن لو بيدي غيرت عالمي وكل شي.
مريم :اذا هذا كلامك وانت بتدخلين متوسط وباقي ماشفتي شي من الحياه ويش خليتي لنا.
فجر بقلبها'شفت شي بحياتي ما انساه اسوا يوم مر بحياتي والله بيججي يوم واموت ياارب عجل على هاليوم ، حسبي الله عليك يا فهد والله ما انسى اللي سويته فيني وانا ثاني ابتدائي ، ويلك من الله يا فهد كيف بعيش باكر مثلي مثل الناس ولا ويشهو مصيري اعيش باقي البنات ولا امووت ياارب اموووت ، يارب ابي انسى يارب  يصير فيني حاادث وافقد الذاكره اكره فهد الله ياااخذككك.'
كلهم استغربوا سرحانها وشرودها فجاة، واللي خلاهم يستغربون لما حست على نفسها ناظرت فيهم شافوا في عيونها نظره الم وانكساار.
فجر :ادري اني حلوة خفوا علي.
زينب:دخييل هالثقه
دانة:هانا مو نتانا ولا سيلينا قومز ولا لميس ؟
عبير:الحين خبريني هالثقه من وين طاحت علييك.
مريم:عيونها حلوة
فجر ملامحها صارت مثل المصدوم كلهم ماااتووا ضحك
مريم:تووبهه ماا امدحهاا ههههههههههه
دانة:زين اختي ما صار فيها شي .ههههههههههه
فجر:ما عليكم من الاعاقات اللي تجيني لاحد مدحني تعودوا ههههههههههه
البنات ههههههههههه

ثاني يوووم يوم العزييمة..
ببيت ابو فهدد .
ام فهد تحيي بالحريم هي وام راكان ، والبنات مستلمين القهوة والشاي وهذي السوالف ، طبعا ام راكان هي اللي دايم تستلم طبخ الذبايح ابو فهد ما يحب حد يطبخ بعزايمه غير حريمه ، ما اقولكم عقليه رجعيه ما يحب المندي .

رد: لو طال الصمت وقسيت ،محفور فيني لو أبطيت.

٧
طبعا كالعادة البنات اللي تقهوي واللي تجمع الكاسات واللي تجدد القهوة والشاي وفجر حاشره البزارين وتهاوشهم ما يوصخون البيت بس يكبون شاي ومويا ، طبعا لو أمها درت ما خلت فيها عظم حي.
وام راكان كل شوي تشيك على قدور الطبخ حقت الذبايح بحكم انهم عايشين بالمزرعه فهم حاطينها بالحوش اللي من كثر ما هو كبير تلعب به الخيل .
بعد صلاة العشاء ....
ام راكان:بنات جهزو نفسكم لجل تبدون توزعون الحلا والقهوة وبعدها بربع ساعه وزعوا معجنات وشاهي او عصير ،فاهمين.
مشاعل:ابشري ياعمه .
وعد:تم اعتبريه محلول ياعمه
البنات كلهم قاع يقسمون بعضهم .
لفت ام راكان وقالت لهم انهم بعد عشر دقايق يبدون.
ما حد منهم سمعها .
لفت على مشاعل:اسمعي انت الصاحيه فيهم ذولي يخربوا بلد مثل ما وصيتك خلااص.
مشاعل:والله ياعمه خلاص ارتاحي انا بقولهم
ام راكان:الله يقويك .وطلعت للحريم.
مشاعل بصوت عالي مست فيه ناس :بنااات وجععع
دانة:وصمه فضحتينا فيه ناس
رؤى:ويش تبين .
مشاعل:بسم الله وحده وحده.المهم عمتي ام راكان تقول بعد عشر دقايق تبدون الحلا وبعدها بربع ساعه ترجعون توزعون المعجنات فاهمييين.
رؤى:تماامممم .
وبعدها بعشر دقاايق بدوا.
عند الرجال....
عيال ابوفهد وتبوعبدالعزيز مستلمين القهوة والشاي واللي يساعدهم يرفضون ويحلفون يمين ما يتعب نفسه.

وثانيا بنات المتوسط ما ينعابون هامنك كنتي منهم بيوم ؟ ولا تتشمتين يمكن باكر تتزوجين واحد فقران صح ولا لا؟ ولو الفلوس شي مهم لهالدرجه كان قدرنا نشتري  صحة ابوي ، ولو هي مهمه لك بشكل كبير كان نجحتك باثانوي بالنسبه اللي تبينها ؟ ولا لا؟؟؟
مريم انجن جنانها :كيف تراديين كذا كيف تدعين علي بواحد فقير قاهرتك عيشتنا كل شي متوفر وانتم حتى جوال وبالعافيه يوافقون ، قاهرتك عيشتنا سفريات بسفريات.؟قولي لا تستحين يمكن ناخذك لا سافرنا نشفق عليك .
البنات من صدمتهم فيها كلهم لفوا عليها حتى خواتها ايش ما صار فيهم ما تقول كذا هم مو بس بنات عمهم هم خواتتهم .
فجر هوووب هووب ما دعيت عليك لا تقلبين الهرج وثمني كلامك زين تفهمين ، وقلت لك بقول الحق ولو على قص رقبتي ولا ايه صح كلمه الحق توجع صح اوجعك الكلام؟وبعدين حياتنا الحمدالله من احسن ما يكون وسالفت اللي نبيه مو متوفر هلي ما رفضوا شيى الا وهم خايفين علينا ويفكرون بمصلحته علينا ، مو كل ما قلنالهم شي وهم جابوه ؟والشفقة خليها لك ما بقالك كرامه بعد كلامك ذا والشرهه مو عليك لا والله الشرهه علي اكلم وحده رافعه خشمها للسما بيجي يوم وينكسر خشمك لسابع ارض مثل ماهو فوووق الحين .
مريم:بنشوف ياتربيه المتوسط وخلي مريمك تنفعك .
فجر:تربيه امي اولا وتراك ابلشتي ام امي ما كنك داخله ودارسه متوسط زمااان ، ومريمي جعلي ما افقدها .
البنات هجدوهم وسكتوهم وللحين مصدوومين قبت مهاوشه وقعدوا يجرحون ببعض ولا يتهيأ لهم ؟؟؟
راحت فجر غرفت امها بتنام عندهاوهي تفكر تقول  لامها وتتغدى بوعد قبل ما تتعشى فيها؟بس كيف هي كنها سبت تربيه امها وجحدتها فضلت تسكت.وتدعي من الله الله يفكها من وعد وحركاته بتروح هي فيها ووعد بتطلع مثل الشعره من العجينه .
اليوم الثاني صحت فجر عالظهر كذا قبل الصلاة شافت امها تصلي استغربت :يمه اذن الظهر ولا لا؟
ام راكان:هزت راسها بلا وهي صاده عنها.
فجر تحاول تفهم من تصرفات امها طاح الفاس عالراس ولا باقي؟
:يمه تصلين الضحى ؟
:ايه ولفت لها وعطتها نظرها جمد فيها الدم فجر خلااص دمها جمد بالغصب تسحب نفسها وتقوم
وصلت عند راس امها:يمه تكفين ويش فيك معصبه علي؟
:ما فيني شي ما اقول الا ياخسارة التربيه اللي ربيتك عليها .
فجر انخرشت وعرفت فيه ان:يمه نخيتك ويش فيك علي والله تعرفين ما حب الظلم كيف تبنيي اظلم حد؟
ام راكان على نفس وضعيتها :ويش قايله لبنت عمك وعد ها ليه مضيقه صدرها قولي .
فجر بقلبها'طلعت مثل الشعره من العجينه وضايق صدرها حلو حلو بدينا لعب بزاارين'::يمه حلفت بالله واللي يرحم جدتي امك بقبرها تسمعيني ما تقاطعيني وانا والله ماني بلاعبه بالكلام واحكي وشوفي العدل نخيتك.
ام رااكان:ما ابي اسمع .
باست راس امها :يمه حلفتك بالله لتسمعيني وهذاني ترحمت هلى جدتي تكفين ،
ناظرت امها امها منزله رراسها للسجادة ،فجر:تكفين يمه نخيتك ما نخيت رخوم اعدلي واسمعي
ام راكان،:قولي اسمع .ولا تلعبين بالكلام يافجير لا افجر فيك تفهمين .
فجر ضحكت :ههه ابشري بقولك والله كل حرف طلع مني .
وبدت تقول لامها كل شي من وإلى.لما خلصت ناظرت امها :ها يمه انا مو قلت الصدق ودافعت عني وعن كلامها المهين لنا؟
غلط يمه زلا لا ، مع اني ادري والله ما ركبني الغلط اساسا بس يمكن يركبني لاني راددت اكبر مني لكن تكفين اعدلي.
امها:والله يابنتي ماطلعت منك شيء مو زين لا بالله ولا طلعت العيبه منا ، طلعت منهم من بنتهم .
وبعدين متاكده من كلامك ما زودتي ما نقصتي شي؟ فجر :اقسم بالله العلي العظيم يايمه واللي ما يوفقني لو كذبت كل اللي قلته هو اللي امس من دون ما تبلى ولا شي .
ام راكان:بس اللي قالته وعد فيه كلام زياده ووكلام غريب.
فجر:شفتي يمه انا بريئة وهي تحط من عندها بهارات.
امها:حاولي تتجنبينها لحد ما يسافرون طيب.
فجر:ابشري لكن اقولك من الحين ما في اني اعتذر لها ، هماني قلت لك من الحين
:والله يابنيتي لو تعتذرين وتقطعين الشر من اساسه ولجل ما توصل لعمك وابوك اقصري الشر.
:هذا اللي هي تبيه لكن لا حتى لو جدي طلع من قبره وقال اعتذري ما اعتذرت
:يوووه منك من بنت تحبين تطولينها ، المهم لا تقربين منها وتجنبيها كم يوم ويسافرون واذا غلطت عليك لا تردين واسكتي
فجر وهي كاتمه الضحكه :على حسب لساني اذا رت ابلعه واسكت كان بها واذا ما قدرت منك السماااح .
:ولسانك ما تعرفين تمسكينه الواحد ما يقول لك كلمه تردين بعشر ، عاد تقصينه تبلعينه ترمينه المهم ما تراددين فهمتي.
:ههههههههه ابشري ببلعه .هههه
:ههههههههه هذي بنتي السنعه .
قامت ام راكان وطلعت بعدها فجر من الغرفه وحاولت تكون ولا كأن شي صار وبنات عمها بادروا معها
فجر:هلا بزيزو صباح الخيييير .
اهبدتها زينه على كتفها بمزح:صبح صبح ياعم ،
تصدقين احسبك زعلانه .
:ناظرت فيها فجر واشرت على نفسها:انا ازعل لا بالله ما زعلت بس كنا نفسيات وانتهت السالفه بالله الحين لو بزعل منكم مع مين بحش ؟؟
زينه:استغفرالله توك صاحيه وتبين تحشين ههههههههه
فجر بتمقلبها وتشوف:خفي علي يالثقيله ، المهم شفتي اللي امس من خوات منصور؟اللي لابسه بنطلون مبهدل.
زينه:ايوا ايوا والله شفت ولا شفتي بلوزتها كيف الترقيعه ، ايه وشفتي وحده لابسه فستان احمر مفرع وضيق شوي وينقطع ههههههههه
فجر:ههههههههههه استغفرالله توك صاحيه وتحشين ،ههههه
زينه:ههههههههههه حماااره ما تنسين .
:ههههههههه اما عليك وصف لام احمرههههه
تحفههههه
زينه:ههههههههههه قهرتني شوي واروح اغطيها بالسفره ههههههههه
فجر:هههههههههههههههههههههه ههههههههههه
امانه زينه وربي فضيحه ، ذنبها على جنبها ههههههههههه
****وتجمعوا البنات بغرفه ام فهد لان قد قلت لكم البنات ما عندهم غرفه خاصه فينامون بغرفه الضيوف ولما يجي أبو عبدالعيزيز ينامون بها اهله ويتقسمون البنات احيانا واحيانا كلهم ينامون بغرفه ام فهد جنب بعض ....
عبير:بنات خاطري بايسكريم .
دانة:والله حتى انا
فجر:خاطري بايسكريم من السيارة اللي ببيتنا اللي قبل دايم توقف عند بيتنا تنتظرنا حنيت لها .
رؤى:وربي جد واااههه يا طعمه يجننن.
فايزة:خلونا نكلم احد من العيال وهو بيتكفل .
وعد:خلاص بس من نكلم ؟
داليا :مالنا الا عيسى وموسى ، ويش قلتم.
البنات :تتتتممم
يجلون بورقه كم نوع من الشوكزلاته يجيبون ومن الفراوله وكذا .
دانة:الحمدالله معي فليسات بجيب الحين اكثر من واحد .
عبير:زيي ، ياااحرام ما تقدرون تجيبون مثلنا كثييير.
فحر من قالت دانه انها معها فليسات وهي بس تتبوسم لها ، شافتها زينه وحبت تتمنذل عليها:اقول فجير انتي تورينا سنونك ترا خلاص درينا ابتسامتك حلوة.

رد: لو طال الصمت وقسيت ،محفور فيني لو أبطيت.

ورجعت لكم بالبارت اللي بعده بتبدا احداث جد عشتها والله وانظلم فيها عيله وبتكلم عن حياة ابطالي الحين بعامنا ٢٠١٩
من بدايه الروايه حبيت اخذ الروايه من المهم الى الاهم وكانت بدايه الروايه تتكلم عن احداث من عام٢٠١٣
والحين ٢٠١٩ واتمنى فعلا تستمتعوووون ولاتنسووون الللايكك عشان استمررر

رد: لو طال الصمت وقسيت ،محفور فيني لو أبطيت.

١٠
البارت الحريقة""

اليوم هو يوم زواج حنان ومنصور
بالمشغل ، ام فهد وام راكان وام عبدالعزيز
ام فهد :لازم نبدا بدري لجل نخلص بدري
ام عبداللعزيز: الله يعين يا خيه
ام راكان:أنا خلصت التسريحه والماكياج برجع البيت اسوي غدا للعيال
ام فهد :زين ماتسوين رغم ان فجر هناك وهي بتسوي لهم غدا
ام راكان:فجر صغيره توه مخلصه اولى متوسط كيف تبي تطبخ ، وابوفهد ما كنك تعرفينه لازم يا انا يا انتي اللي نسوي اكله وانتي خلك عند البنات وانا بروح البيت
ام فهد:عالقوه ان شاء الله
ام عبدالعزيز:اقول يام راكان انتي ليه ما خليتي فجر ولمى يجون للمشغل يسون مع البنات
ام راكان: البنات صغار يام عبدالعزيز ما ابي اسوي لهم شي أكبر منهم توهم
ام عزيز:انتي ادرى ياخيه
ام راكان:مع السلامه
الجميع :مع السلامه
طلعت لقت عزيز ينتظرها
عبدالعزيز:هلا بعمتي ام راكان وشلونك وسلم عليها
ام راكان:هلا بعزيز الحمدالله نسأل عنك ما عدنا نشوفك ياوليدي
عزيز:الحمدالله انا بخير دامك بخير ياعمه ،الدنيا مشاغل وتلاهي
ام راكان:طيب ودني لشقة منصور خلنا نشوفها
عزيز:عشان كذا جيبت اروحك معك المفاتيح علشان نحط اغراضها وملابسها؟
ام راكان:ايه معي يالله نمشي
ركبوا السياره وحركوا عالشقه لما وصلوا
ام راكان:امسك المفاتيح
خذاها عزيز ودخلوا الشقه وشافوها وشافوها الاثاث وشيكوا عالمطبخ نظيف وكامل بأدواته وكل شي
كان اثاث البيت من كنب وفرش حلو بس ماهو فخم يعني عادي مرهه بس حلو
المهم حطت ام راكان اغراضها بس ما رتبتها لان امها بتجي بعدها وترتبها .
أم راكان:ويشرايك عزيز بالشقه
عزيز:من ناحيه النظافه يا عمه نظيفه ومرتبه وكل شي بس الفرش مو مره
ام راكان:طيب ويش نسوي ، لو امك شافتها ماراح يعجبها
عزيز:بتصل على منصور يجي هنا ونشوف لان امي راح تقوم القيامه اذا شافت الاثاث اللي بتعيش فيه حنان
ام راكان:يمكن الرجال مشغول ياوليدي
عزيز: ما اظن لانه اتصل علي بالطريق وقال اذا احتجتوا شي اتصلوا
ام راكان:طيب اتصل
اتصل عزيز على منصور وبحكم ان منصور شقته قريبه من بيت امه ما اتاخر ١٠دقايق ووصل
منصور:السلام عليكم
ام راكان وعزيز:وعليكم السلام
بعد سؤال عن الحال وسواليف ، عزيز:منصور بغيت اسالك عن الاثاث
منصور :ايه ويش فيه
عزيز:بتظلون فيك دايم ولا لا؟
منصور:الصدق اني ما اعرف بذوق اختك ف ماعرفت كيف تبي يكون الاثاث واخترت اي اثاث لين نتزوج وهي تأثثه من نفسها وانا قلت لها وهي وافقت
ام راكان:زين ما سويت ي منصور
عزيز: ماشاء الله ، ايه وين تبي تسافر مع العروس ان شاء الله
منصور:انا كنت حاسب حسابي من قبل لا اخطب اختك نروح حقل وبعدها نروح لندن وبعدها مكه
عزيز: زين والله الله يوفقكم
ام راكان:الله يجمع مابينكم يارب ويسعدكم
منصور:اااهه ياارب
عزيز:ههههههههه ، طلع عاشق ، يالله نحن نستأذن نبي نروح
منصور:ههههه فمان الله وباس راس ام راكان

*طبعا ابوفهد وام فهد وام راكان هم ربو منصور واخوانه وخواته وهم تكفلوا بمصاريفهم كلها لما توفى ابوهم وهم اطفال فهم مثل عيالهم ، لكن ام راكان وام فهد يعتبرون منصور مثل اخوهم بحكم انه كان يعاملهم مثل خواته من وفاة ابوه وهو بالمتوسط وهم كانوا ثلاثتهم يسهرون ويتابعون افلام صح هن حريم متزوجات لكنهم تزوجوا بالمتوسط وكذا*****

المهم عالساعه٢ الظهر راحت ام عزيز هي وولدها عشان يرتبون اغراض حنان وكذا
دخلت ام عزيز الشقه وانصدمتت منها :ياويلي عليك يابنتي بتعيشين بخرابه وانتي بنت ابو عبدالعزيز
عززي:الله يهديك يمه وين خرابه ،بعدين هو قالي انا وعمتي ام راكان انه اول ما يتزوجوا حننا بتأثث البيت يعني اثاثه موثابت
ام عزيز:الله لا يوفقك يا منصور الله لايوفقك بتاخذ بنتي من العز وتسكنها بخرابه وعمتك ام راكان تدري وما قالت شي عاجبها اصلا
عزيز: استهدي بالله يمه واهدي ترا بسافرون اسبوعين بعدين يسكنون فهمتي
ام عزيز:لا لا مافهمت ولا ابغى افهم ، والله الزواج ما راح يتم،ولا بنتي بتروح عالقاعه والله ، اصلا بنتي ما تبغاه اجبرها عمك وحريمه
عزيز:حرام تظلمين اهل عمي تراك انتي اللي جبرتيها
امه:ولد ولا كلمه مو انت اللي تعلمني الظلم والدين
والله ما اخليهم يتهنون والله
واخذت جوالها واتصلت على ام راكان:الو ام راكان
ام راكان: ام عبدالعزيز علامك معصبه ويش صاير؟
ام عبدالعزيز: علامي انك انتي وزوجك الله لايوفقكم
وين ما تروحون زوجتوا بنتي هالزواجه وهي ما تبيها
ام راكان: علامك يا مره تدعين لا تظلمين انا ما جبرت بنتك توافق عليه انت اللي جبرتيهها وبنتك ما تبي هالزواج كل ما نروح لصالون عشان جلسات العروس ولا السوق تجهز تقول ماتبي تتجوز وانها مغصوبه
ام عبدالعزيز: ولا كلمه والله واللي اسمه الله لاتصل على بو عبدالعزيز واخليه  يكنسل العرس ونرجع مكان ماجينا
ما تخافين الله ماشفتي الشقه اللي بتسكن فيها البنت خرابه ها ماتشوفين ؟
ام راكان: قوليله وخليه يشوف الشقه ويشوق كيف انك ظالمتهم والرجال قال لانه ما  يعرف بأمور الاثاث اختار اي شي لين يتزوجون وهي تأثثه
ام عبدالعزيز: يقول اللي يقوله ما همني والله بنتي ماهي حاضره الزواج  تفهمون والله لافشله هو وامه الخبله ناقصه العقل المجنونه
ام راكان: استحي على وجهك تفضحين ببنتك وتسوين سواياك وباكر ماحد بياخذ من عارك يشكون فيهم العيبه ، استري على بنتك وخلي العرس يمشي مثل ماهو وبعد العرس سوي اللي تسوينه
ام عبدالعزيز: تظلمين بناتي انتي وتششكين فيهم ، ويقولون لللي يقولونه
ام راكان: انا ما اظلم ومتاكه من هفتها مثل ما اني متاكده من سوايا امها ، يرضيك بنتك ما تحضر ويتكنسل العرس  تظنين بيعيبون عالرجال ؟لا الجرال حامل عيبه لاكن بنتك واخواتها بكره بينظلمون بسببك استري على بنتك وخلي العرس يكمل
ام عبدالعزيز: والله لو ولدي عزيز ما قالي اسكت واخلي الليله تعدي على خير ما يردني عنك وعن بو فهد وعن منصور الا المحكمه
والله لا يوفقك لا انتي ولا بوفهد ولا ام فهد ولا عيالكم ولا بناتكم يا جعلكم ما تتهنون بحياتكم
وقفلت الخط طبعا بعد اذان العصر راحت ام راكان وفجر ولمى للقاعه سبقوا البقيه وايدها على قلبها من ام عبدالعزيز

على اذان المغرب طلعوا كلهم من المشغل متوجهين للقاعه .
بالقاعه دخلت العروسه بغرفه خاصه تاخذ راحتها فيها هي وامها وخواتها وبنات عمها بوفهد.
امها كانت معصبه واللي يجي يبارك لها ترد عليه من طرف خشمها وبدون نفس.
جت ام راكان تبارك لها دفت ام راكان بقوة وبعصبيه قالت:ذنب بنتي برقبتكم كلكم
طبعا كل المعازيم لاحظوا امها معصبه وماهي راضيه عالزواج .
بعد شوي طلعوا البنات عالمنصه وقعدوا يرقصون وهم مايدرون عن شي وضحك وناسه
وعد: بنات شوفوا خوات منصور قطع ذي فساتين؟؟
مشاعل:ياخي ويش دخلنا لو يلبسون اكياس المهم نتونس ونرقص لين عظامنا تتكسر
وعد:ايوالله صادقه.
جوا عبير ورؤى ودانة وفايزة والانظار عليهم،عبير:بنات شوفوا كيف الحريم يناظروننا
رؤى:والله احس اني خفت من كثر ما يناظرون.
طبعا فايزة ودانة ما قعدوا عالطاوله مثل البنات.
عبير: اقعدوا يمال العافيه رجولكم ماتكسرت من الكعب والرقص
دانة تتصنع الابتسامه وتناظر الناس:الا والله ومحمره بعد
رؤى:احد ماسكم اقعدوا
فايزة:ما نقدر والله
وعد:ليهه؟؟
دانة:نحلل الفساتين والكشخه
البنات:ههههههههههه
الانظار لفت عليهم ،والبنات هجدوا

نبذة عن فساتين البنات وكشختهم:
وعد:لابسه فستان بنفسجي ماسك طويل ومن الاكمام والجوانب مزين بالرصاصي ،وتسريحتها كلها ويفي كبير على ورا والماكياج كان عبارة عن ايلاينر وشادوا بلون بنفسجي هادي وروج لحمي يجننن وبلاشر خفيف.
مشاعل:لابسه فستان ازرق قريب للكحلي من الريش منفوووش وميدي اكمام، ومسويه شعرها فير كله ملموم على تحت بطريقه حلوة والماكياج عباره عن ايشادوا بني فاتح مره هادي وايلاينر وروج احمر صارخ وبلاشر خفيف
رؤى:لابسه فستان خمري من قدام قصير ومن ورا طويل منفوش ولامه شعرها من قدام وتاركه اللي ورا ناعم والاطراف فير والماكياج ايشادوا احمر خفيف على زهري طلع يجنن وايلاينر وبلاشر وروج أحمر قريب للعودي طلع يمووت عليها
عبير:فستان رمادي ماسك ميدي ووالاكمام منفوخه وتجي تمسك من عند معصم اليد ولامه شعرها بطريقه حلوه على جنب يعني مايله ،والماكياج طبعا ايشادوا اسود خفيف حيل على أحمر عااادي حيل وايلاينر وروج لحمي حلو وبلاشر
دانة:كانت لابسه فستان أحمر بكم واحد يمسك من عند الخصر ومن تحت نفشه بسيطه بس مبرزة الفستان وشعرها رافعته فوق كله فييير والماكياج كان هادي عباره عن ايشادوا لحمي وبلاشر وايلاينر وروج لونه لحمي غامق درجته بطله
داليا:طبعا هي ودانه بنفس العمر بس كل وحده من ام ولابسه مثل فستان دانه بس هي لونه زهري والماكياج نفسه لكن لون الروج كان لحمي فاتح حلو ونفس طريقه الشعر
فايزة:لابسه فستان سكري منفوش وقصير ماسك من عند الخصر، والماكياج يشابه مكياج دانة وداليا لكن روجها أحمر صارخ .
وزينه:لابسه فستان خيط من فوق لكن ماسك على كامل الجسم لونه ذهبي والمكياج نفس مكياج اختها فايزة لكن الروج خمري .
طبعا بطلة الروايه فجر واختها لمى:لابسين نفس الفساتين واللي هي ابيض يجي كسرات وقصير من قدام ومن ورا طووويل .
وشعرهم امهم مستشورته لهم ولامه بعضه بطريقه حلوة .
نجي للعروسه **:
لابسه فستان ابيض مفتوح من عند الصدر وماسك من الخصر وبحكم انها شوي سمينه فما لبست منفوش لبست فستان من قدام به نفشه خفيفه حييل ومن ورا ذيلها طوويل ومع الطرحه بعد طويله كان يجنن طبعا مكياجها كان خطييييير ما اتذكر ايش كان لونه بالظبط لكن كان بطللل .واخيرا كان معها مسكه على شكل ورده كبيره وكلها فضي كانت حلوة.
طبعا الساعه ٩ زفوا العروس .
الزفه كانت خيييااال اول مابدت اغنيه الزفه كانت البدر لراشد الماجد انفتح الباب وطلت حنان بكامل زينتها وكان قبلها واقفين فجر ولمى بالمباخر قريب من عند كوشتها ،ولما خلصت الزفه ووصلت حنان عند الكوشه قاموا البنات يسلمون عليها والحريم بعد ولما جوا خوات منصور يسلمون عليها قالت امها:جوا الجوان يسلمون ،سمعتها اخته نورة وانقهرت
طبعا امها كل شوي ام عبدالعزيز تقول لحنان :اصبري وانا امك والله لازوجك سيد سيده
سمعتها ام راكان وام فهد وام سامي وام منصور واسكتوا
بعد شوي طلعوا البنات لابسين ثياب عيال ومتلثمات بشماغ عيال بنات بو فهد وبو عبدالعزيز ونوف بنت ام سامي ولمياء اخت ام راكان
وقعدوا يرقصون ، اول ما ادخلوا طبعا الحريم والبنات تغطوا يحسبونهم عيال طبعا البنات ماتوا ضحك وهم يرقصون ولما خلصوا فصخوا شماغاتهم والحريم قعدوا يضحكون يحسبونهم عيال.
بعد نص ساعه جا وقت حنان تروح شغلوا لها اغنيه وداعيه وودعوها بين بكاء واحضان وزعل، طلعت حنان من هنا هي ومنصور رايحين عالشقه اتصلت ام عبدالعزيز على بو عبدالعزيز وروحوا الكل استغرب حتى ما تعشوا ، راحو هل بو عبدالعزيز ورا منصور للشقه بعياله وبناته وتهاوشت ام عبدالعزيز مع منصور وقالت له كلاام قهره
بعد ما دخلوا شقه منصور عزيز وامه ، ام عبدالعزيز:منصور ويش الشقه اللي بتسكن بنتي فيها؟
منصور انقهر :مافيها شي يام عبدالعزيز وولدك عنده علم وام راكان بعد
انقهرت من رده:الا فيها انا بنتي بنت بو عبدالعزيز تسكنها بذي الخرابه؟؟؟
منصور:ما هي خرابه ي حرمه واقصري الشرر واستحي على نفسك تسوين كذا بليله عرسها .
ام عبدالعزيز: ما ابي حيا ولا ابي هالحيا ويش شفت منا يوم انك تسوي في بنتي كذا .
منصور:مالي كلام مع حريم كلامي مع الرجال وادخلي لبنتك من طلعنا من القصر بس تصيح كني خاطفها .
دخلت ام عبدالعزيز لحنان وراحت لبنتها:هين وانا امك والله لاخذ حقك منه.
منصور:ويش العلم يا عبدالعزيز
عبدالعزيز: ما تعرف حق هالحريم؟
منصور:الا اعرف مير انت ما انت كفو توقفها تسوي هالحركات بعرس بنتها
عبدالعزيز عصب:الا انا كفو لكن انت ما انت كفو تاخذ اختي.
منصور:غصب عنك كفو ،وبصوت عالي،:وشف هذا انا اخذت اختك غصب عنكم
عبدالعزيز: لا مو غصب طيب منا نشفق على واحد مثلك ونزوجه اختنا ..
منصور: بالنهايه صارت لي وحليلتي ومحد له دخل فيني فهمت؟؟؟
طلعت ام عبدالعزيز ومقهورة انها تزوجها:اصلا لو انت رجال ما رضيت تاخذ وحده مغصوبه عليك .
منصور جن جنانه:ماهي مغصوبه والحين اطلعي انتي وولدك برا ؟
ام عبدالعزيز: تطردنا؟
عبدالعزيز دف منصور من كتفه:ولد تراك صبي عندنا تفهم لولا عمي بوفهد وافضاله عليك كان الحين انت واهلك مشردين.
منصور مسك عبدالعزيز مع ياقت ثوبه:تخسي انت وعمك تفهم وعمك مثل ما اجبرتوا بنتكوا علي هو غصبني شفقه على خواتك عشان ما يعنسون.
ام عبدالعزيز فكت بينهم:تحمدربك وتبوس يدك وجه وقفا زوجناك بنتنا ولا من بيرضى بواحد امه بنص عقل وخواته الله وسمعتهم تشرف.
منصور قفلت معاه:برا .
وطلعوا من الشقه عبدالعزيز وامه ، طبعا امه ماسكت عن الدعاوي .
رجع لحنان ولقاها مقفله لغرفه وصوت بكاها عالي:حنان فكي الباب .
حنان ماترد، :حنان فكي الله يهديك ما اني بماكلك
حنان فكت الباب وظلت ماسكته وواقفه وراه:نعم؟
منصور: لمي اغراضك بنسلم على اهلك وبعدها بنسافر.
حنان: وين بنسافر ؟
منصور:بعد ما نسلم على اهلك بنروح حقل للبحر وبعد باكر الفجر طيارتنا بنسافر لندن.
حنان: طيب
وطلع قعد بالصاله وهموم الدنيا فوق راسه ويتذكر كلام امها لما قالت انها مغصوبه عليه ،وتذكر انه كذب ودخل بوفهد بالسالفه وظلمه.
تعوذ من ابليس وقام توضا وصلى ركعتين لربه .
بعدها ناظر ساعته كانت الساعه ١٢ ، طلعت حنان ومعها الشنطه حقت ملابسها وشنطت ملابسه اخذهم وطلعوا متوجهين لبيت هلها ، دخلت وسلمت عليهم  وهو قعد عند ابوها اللي باين ما يدري عن شي يتقهوى وسوالف.
امها تساسرها:هو سألك اذا انتي مغصوبه ؟
حنان: لا ما سأل.
امها:اذا سأل قولي الصدق تفهمين.
حنان:يمه كنت مغصوبه لكن لما كلمته ايام الخطوبه احس ارتحت له وراضيه اعيش معاه.
امها:انتي تفهمين ولا لا؟
حنان:طيب.
بعد ما سلمت على اهلها وودعتهم طلعت لقتها ينتظرها فتح لها الباب وركبت وقفله وراح لبابه وركب.
وانطلقوا متوجهين لحقل .
نرجع للقاعه ، طبعا الساعه ١٢ فضيت القاعه وروحوا الناس
وبالبيت ام راكان قالت لام فهد عن ام عبدالعزيز واللي صار كله .
ام فهد: ياغبره ويش ناويه عليه هالمره.
ام راكان: الله يستر، انا من  شفتها روحت بعد بنتها على طول وانا غاسله ايدي.
ام فهد: الله يستر ويكفينا شرها .
ام راكان: ايوالله ، الله يجيب العواقب سليمه
بالشاليه منصور وحنان قاعدين يتعشون ،طبعا هو من قبل طالب لهم اكل بالشقه لكن من اللي صار ماله نفس ياكل ولما وصلوا حقل اتصل على حق الشاليه وطلب منه يجهز عشا معاريس له ولزوجته ولما وصل حصله مجهز كل شي.

منصور ياكل وعقله مشتت يسالها ولا لا؟ يخاف تقول ايه وبعدين يطلقها ويش بيقولون الناس فيها فقرر انها ما يسألها لاطول فترة .
قعد يسولف معاها وما حس انها كارهته عادي .
ثاني يوم امها ازعجتها بالاتصالات واجبرتها هي تقول له انها ما تبيه لانه ماسألهاا.
العصر كان قاعد قريب من البحر وجت حنان عنده بالقهوة والشاي وجلست ابستم لها وردت الابتسامه وهو قاعد يتأمل البحر قرر يفاتحها الموضوع

رد: لو طال الصمت وقسيت ،محفور فيني لو أبطيت.

اذا تبوني اكمل الروايه وانزل تكمله البارت العاشر لازم تحطوون لايك ، مو معقوله المشاهدات ٢٩٣ واللايكات سبعه ومن شخصين بس ،
الحين تكمله البارتات والروايه تعتمد عليكم، اذا تجاوزت الخمسين لايك تبشرون مو بس على بارت واحد وانتوا احرار

رد: لو طال الصمت وقسيت ،محفور فيني لو أبطيت.

اجممممملللللل شيييييي حصل❤❤❤????????
شكلي بسحب اني انزلها بالمنتدى واظل مستمره انزلها بالوات
ويش راييييكم
مرهه في تفاعل وتقيمها وترتيبها عاااالللي ❤❤❤❤

رد: لو طال الصمت وقسيت ،محفور فيني لو أبطيت.

بنزل لكم تكمله البارت العاشر هو ما هو بارت جديد لاني ابي البارت١١ مختلف تمام عشان كذا اسمعه


تابع البارت ١٠
                      لطفا حبايبي تفااااااعل


فقرر يفاتحها الموضوع .
منصور:حنان بغيت اسالك عن شغله
حنان:طيب ويش هي؟
منصور:ذاك اليوم أمك قالتلي إنك مغصوبه علي وإنك كارهتني،صحيح هالكلام؟؟
حنان قمطت وتوترت حست حياتها راح تنهدم قبل ما تبتتدي  اذا قالت ايه، لكن اذا قالت لا بيتغير كل شي ، لكن ماتنكر للحين إنها تحس بنفور تجاهه.
:ليه تبي تعرف؟
منصور: لاتردين السؤال بسؤال ،ردي بجواب.
حنان: اممم صح كلام امي.،لكن .....
منصور قاطعها مصدوم تمنا تقول لا،وبعصبيه :اذا النفس عافت يابنت العم ما فيها لكن واعذار.
حنان: لكن الحين غير احس عادي مو مغصوبه .
منصور ولا كأنه سمعها،:شوفي يابنت الناس انا ما يهمني لكن واعذارك ،مافي رجال يقبل بوحده عايفته ومغصوبه عليه.
تلمين اغراضك والفجر واوديك بيت أهلك وإنتي من درب وأنا من درب.تركها وقام
حنان انصدمت ما توقعت كذا يصير مت انها سوت مثل ما امها قالت لها ،هي للي بتعيش معاه كيف سمعت كلام امها وخربت بيتها؟؟الناس ويش بتقول عنها ،اكيد بيظنون فيها العيبه،ولو أهلها دروا منصور مالمسها ويش بيسوون.
منصور دخل داخل وهو مصدوم حب حياته الانسانه اللي حبها وصارت شريكه حياته ،تطلع كارهته و مغصوبه عليه؟؟
نتركهم ونرجع لتبوك.
طبعا حريم بو فهد مع ام عبدالعزيز بينهم مهاوشه وبين ام منصور بينهم نقل حكي .
الاوضاع عند اهل ام منصور  وام راكان وام فهد وام عبدالعزيز ما تطمن بخير ،متوترين ومشاكل بمشاكل والرجال مايدرون بشي.
وبنات بو عبدالعزيز تهاوشوا مع بنات بو فهد وام منصور
نرجع للحقل،طبعا أذن الفجر ومنصور نايم بالصاله حنان بالغرفه ،صحا منصور وراح المسجد يصلي وحنان صحت وراحت تتوضا لتصلي ،رجع منصور من المسجد وظل بالسيارة يتذكر امس ،وكلامه لما قال لنفسه حتى لو ردت بلا بينتظر بعدين يطلقها لكن اللي بيسويه إنه بيطلقها اذا رجعها أهلها ، ما كان يحس بالذل بإجابته مثل ما حس بإجابتها ،وكيف بصبر ويرضى يعيش مع وحده كارهته ما في احد يرضى ،وهو حتى مالمسها ،وتذكر كل ما حاول يقرب منها تبعده ما توقع ان كلام امها يصدق.
اتصل عليها منصور وطلب منها انها تطلع له ينتظرها ،انتظر شوي وطلعت بالشنط نزل واخذها وقفل الشاليه وعطى صاحب الشاليه المفتاح وتوجه لتبوك حيث ابطالي متواجدين.
بعد ٣ وصلوا منصور وحنان بيت بو عبدالعزيز وفتحت حنان الباب ونزلت ونزل هو بيعطيها الشنط ،اخذتهم ولفت عليهم لما سمعته يناديها،
منصور:حنان
حنان لفت على طول عليه
منصور:انتي طالق
حنان ما توصف خييبتها بذا اليوم ،ركب منصور سيارته وحرك
دخلت حنان تجر خيباتها،قابلها ابوها وسالها وقالت انه طلقها، ابوها عطاها كف .
حنان حست سنونها طاحت مع ذا الكف.
ابوها،:وليه طلقك؟؟
حنان ساكته ما تكلمت
جت امها وخواتها واخوانها، امها:يا هلا يا هلا ببنتي حنان وين زوجك؟
حنان انصدمت من امها:تسالين عنه ؟
امها:ايه مو زوجك؟ وينه بسلم عليه
حنان انجنت:يمه طلقني انتي تبينه يطلقني وقلتي لي اقوله اني مغصوبه عليه واني كارهته.
'وبصراخ'وفوق ذا تساليني وينه ،خربتي بيتي وجايه تستقبليني فرحانه؟
حنان ما حست الا بالكف على وجهها،لفت شافت امها :تضربيني يمه وانتي و عبدالعزيز جاييني بعد ما روحنا من ابعرس انا ومنصور وتقولين له اني ماابيه واني مغصوبه عليه ها ،باي حق تضربيني؟
ابوها من هول اللي يسمعه قعد على اقرب كنبه ،
امها:وانا قلت لك بزوجك سيد سيده ، وانتظري والله لاخلي رجال القبايل يتمنونك
ابوها:قصدك يسولفون فينا، وحده ما كملت ٣ايام يطلقها زوجها ويش تبين يقولون فينا؟ بنتهم ما حافظت على شرفها ،هاه
امها:اسال اخوك ويش مهبب وبعدين تعال وحاسبنا
ابوها:لاتدخلون اخوي بمشاكلنا ،مو كل مشكله والثانيه تدخلونه .
امها:اخوك ساس البلا كل شي من تحت راسه واذا مانت بمصدق اسأل بنتك وعبدالعزيز منصور قال بعظمة لسانه ان اخوك اللي جابره .
ابوها مسك حنان من شعرها:صحيح كلام امك يا بنت؟
حنان؛والله العظيم صدق يبه عمي سبب طلاقي.
عبد العزيز:تراهم صادقين يبه ،عمي اجبر ننصور يتزوج حنان والا هو ما كان له نيه بالزواج.
ابوها اقتنع:والله لأوريك يا بو فهد جزا سواتك ببنتي.ودف حنان وطلع هو وولده
وراح لبيت بو فهد.دق الباب جا  فهد وفتح الباب
وكان بيسلم على عمه لكن عمه دفاه ودخل داخل
طبعا فهد حول راسه ميه سؤال وسؤال على سواة عمه ومتعجب منه.
دخل بو عبدالعزيز على بو فهد وعياله بالمجلس.
بو عبدالعزيز:لا صاروا بناتك بناتي ذيك الساعه انت حر تزوجهم ولا تخطب لهم الرجاجيل ،تفهم ولا لا؟
بو فهد: السلام اول ياخوي،ويش صاير؟
بو عبدالعزيز: السلام لأهله وللناس الكفو ،ولاعاد تقول اخوي ،مافي اخ يرضى لبنات اخوه المهانه.
فهد: استهدوا بالله يا جماعه وصلوا عالنبي
بو فهد جن جنانه:قول لعمك المطوع المدين،وانت واشر على بو عبدالعزيز ثمن كلامك وتكلم زين الناس ويش اللي صاير؟
بو عبدالعزيز: الصاير ياخوي مساعد ان تطلقت وانت السبب في طلاقها ،ليه تجبر منصور عليها؟
رجال ما يبي تزوج جعله ما تزوج تجبره على وحده ما يبيها؟ ما تخاف اللله بكره الله يبلاك ببناتك.
بو فهد: استح على وجهك يا ابراهيم واعرف ويش تقول ، ما ارضاها لبناتي كيف تبيني ارضاها لبناتك،ومنصور مو انا اللي قلت له يتزوج ولا كان لي دخل ولا علم انه ناوي يتزوج ،زي زيك ما كنت اعرف الا لما جا وطلبها ذاك اليوم.
واذا على طلاق بنتك  روح واسالها ويش مسويه مع رجلها اللي رامي عليها اليمين.
عبدالعزيز: ويش قصدك ياعم ؟؟
بوفهد اشر  عبدالعزيز :اطلع منها انت لاحكوا الرجال الورعان مالها صوت.
وانت يا بو عبدالعزيز الرجال يوم خطب البنت انا سألته ااذا  متاكد من قرااره من الزواج ولا لا عشان بعدين ما يهون والناس تحسب البلا من بنتك
الجرال قالي انه شاريها ارجع لبنتك ومرتك وطلاق بنتك من تحت راس مرتك اسالهم وتعرف الحق مع مين
بو عبدالعزيز: اسمع الهرج انا برجع للبيت وبترك تبوك بكبرها وبرد للشرقيه وانسى عندك اخ فيها واقطع العلاقه اللي بيننا.
بو فهد: باللي ما يحفظك ،وزين ما سويت.
طلع بو عبدالعزيز معصب ورجع لاهله .
بو عبدالعزيز: حنان يا حنان وين طسيتي
حنان: امر يبه
تعالي معاي ودخلها المجلس وقفل الباب
حنان خاافت وجلس ابوها قبالها:اصدقيني القول ولا تكذبين علي انت ويش قايله للرجال؟
حنان:ما قلت له شي وقلبها يتراقص من الخوف
ابوها :اصدقيني القول يا بنت ويش مسويه
حنان سكتت وتدعي الله امها تجي،دخلت ام عبدالعزيز وفتخت ابباب بالمفتاح الثاني .
:يارجال ويش تبي بالبنت ،اتركها ،صدقت كم كلمه اخوك قالها لك.
ابوها مارد،اخذ المصحف وحطه قدام حنان ومسك يدها وحطها عليه:احلفي بالله ما قلتي له شي ولا سويتي له شي؟
حنان سكتت ،امها :يا رجال علامك على بنتك، اتركها عنك
ابوها مسك امها :والله العظيم لو ما تروحين من قدام وجهي لارمي اليمين عليك وولدك يوديك بيت اهلك.
امها خافت ورجعت على ورا بعيد عنهم بشوي:(
ابوها :احلفي يا بنت لاقسم بالله لايلعب الخيزران على ظهرك.

المهم بحاول اسرع الاحداث لاني كل ما اتذكر ذي السالفه والظلم اللي شفناه اكرهه حتى نفسي ،فمعليش بحاول اختصر هالسالفه بالذات"
طبعا حنان اعترفت وابوها صاير يكرهها وطاحت من عينه
حنان تشوهت سمعتها وراحت فيها والكل لا  قعدت بمجلس تساسروا وقالوا هذي المطلقه ومن هالكلام
امها ابوها معاد يطيق امها وتاركها تسوي اللي تبيه
والحريم صاروا يخافون يزوجون عيالهم من بناتها بعد ما يبون الفلم يتككرر .
بالبارت الجاي بكون مسلطه الاضاءة على ابطالي وبتكلم من الوضع حاليا ومن اليوم .
وبقولكم ويش صااااار فيهم وكيف غربلت فيهم دنيتهم .
انتظروووووووووني بالبارت الجاي بيكون قوي وبحاول اخليه يتجاوز الفين كلمه عشانكم.

رد: لو طال الصمت وقسيت ،محفور فيني لو أبطيت.

الباااارت ١١
      لطفا فووووت=فووت قبل تقروووون
اليوم ٣ يوليو ٢٠١٨
اول شي بتكلم عن التغيير والاحداث الجديده بالروايه ولابطالي.

****طبعا ابطالي الحين تغيرت حياتهم وكمان مكان سكنهم تغير ،فأهل بو فهد وجماعته صاروا من تجار الرياض ،وبوعبدالعزيز بعد مثلهم لكنهم بالاجازات الكبيره يتجمعون الجماعه كامله ويجعون تبوك كم شهر وبعدها الرياض ،لان اقااربهم وبناااتهم المتزوجات فيها.***
عيله بو فهد.
بوفهد:كبر وتغير وصار وجهه وشعره يتخلله الشيب
سواله قبل شهر عمليه القلب المفتوح والحين هو يشتغل من الروس الكبار بوزارة الصحه بالرياض
ام فهد:كبرت وتغيرت وصار كل همها عيالها ،لدرجه احيان تظلم البنات ولا يزعل الولد،وبالطالعه والنازله تعطيهم فلوس لسبب ومن دون سبب
ام راكان:صح انها كبرت لكن موباين عليها بالعكس اللي يشوفها يقول انها بنت توها ٢٥ او٢٦
عادله تحب بناتها وعيالها وتحب عياال وبنات ام فهد وتعااملهم كنهم عيالها وبناتها هي.
فهد: عمره ٢٨يشتغل بشركه خاصه واحيان يشتغل شغل اضافي كمندوب وكذا لماركه فلورينا وتشانيل واديداس.
أسمر طويل بشكل يجنن لاهو نحيف ولا هو سمين متوسط في غمازتين له عوارض واحيان يحلقها واحيان يخليها ،شعره ما يحبه يطول فأول ما يطول يخفف شعره ،ام راكان وام فهد يعتمدون عليه كنه كبير العيله،لان مو كل شي يعرفه زوجهم وولدهم يحله.
راكان:عمره ٢٤وي مليان ،طويل نفس طول فهد ،ابيض على حنطي فاتح ،له سكسوكه خفيفه ،ماكمل جامعه فصل وقدم على القوات الخاصه بالرياض،والحين هو يشتغل فيها ،راعي سهرات واستراحات هو ربعه يتجمعون فيها ،لاتفهمون غلط يعني سهراته وطلعاته كلها شبابيه
ابراهيم:عمره نفس راكان ٢٤ ،ماهو نفس طول فهد وراكان اقصر منهم ،ابيض له سكسوكه عصبي حيييل ونفسيه بشكل ما يمزح ،جوه متقلب ،لكن مافي زيه بروحه السوق رغم انه قروشه اخلصي اخلصي لكن مايخلي شي بخاطرنا لارحنا معه.كمل جامعه مو مثل راكان باقيله سنه ويخلص جامعه بتخصص شريعه
مشاعل:٢٩ متزوجه وهي الحين حامل بشهرها ٣ واسم زوجها أحمد وهو بالامن العام يشتغل بتبوك. ،مشاعل قصيره طولها١٥٧ بيضا حيل خدودها مورده خفيف حلوة سمنت بعد زواجها قبل ٥اشهر .شعرها دايم تصبغه قصير لحد اكتافها باخر فتره طول شوي لونه أشقر رمادي،شعرها حيل نااااااعم من الله نعومته لكن عيبه شوي خفيف.عيونها سودا وصغيره.
رؤى:عمرها ٢٦ طويله طولها مناسب حيل ،ماقبلتها الجامعه فتدرس بمعهد خاص دبلوم وناويه تكمل وترجع تسجل بالجامعه ،طبعا هي مسجله بحافز وذا اللي مريحها تقدر تصرف على نفسها.بيضا على حنطي فاتح لكن اللي يشوفها يقول بيضا عيونها بني غامق وعيونها وسط،نحيفه حيل جسمها حلو ،شعرها يفرق عن مشاعل من النوع الخشن لونه بني صبغته بزواج مشاعل .
داليا:عمرها ٢٤ بيضا كنها مصريه ،دبدوبه ماهي قصيره ولا طويله لكن طولها يميل للقصر .عيونها اسود كبيره خلصت جامعه بتخصص كيميا حيوي ،حواجبها كثيفه ولونها اسود ،شعرها احيان ناعم واحيان خشن لكنه يميل للناعم ،طبعا بشرتها دهنيه حساسه .فهي حذره تجاه بشرتها
دانة:عمرها٢٤ تزوجت قبل ٤اشهر يعني بعد مشاعل بشهر ،درسوا هي وداليا مع بعض وخلصوا مع بعض وبنفس التخصص،بشرتها حنطي كنها قمحي ،تجنن ملامحها وفخمه وحاده عيونها ناعسه ،خشمها حد السيف ،امي احيانا تشبهها بملامح لميس ،مو هياط لكن صدق به لمحه منها.شعرها كان اسود مثل سواد اليل ويوصل طوله لتحت خصرها لكنها من الغباء قصته لين حدود رقبتها ومن النحاسه بعدها انخطبت ههههههههه
عيسى :عمره٢٢ طويل طوله١٦٣ اسمر لكن سماره افتح من فهد ،نحيييف ،يحب انه يخلي له شعر طالع عشان يحلق من الجوانب ،فاهمته الاخ ،اكبر مصلحجي ممكن تشوفونه ،يحب خواته دايم ااذا ماهو عند ربعه قاعد عند البنات يسولف معهم ،وطبعا ما يقصرون البنات كل شي يسولفون فيه فضيييحهههه هالخوات.يدرس جامعه تخصص عربي
موسى:٢٤ عمره طويل وابيض ونحيييييف مثل الكورين ،ياحظه بجسمه الله يرزقني مثله ،هههههههه،
له عوارض ويازينه لاروق وياشينه لاعصب ،ااذا كان توه صاحي نوم خط احمر ماحد يقرب منه ،يدرس جامعه تخصص عربي
فجر:عمري٢٠،ملامحي هاديه وجميلة عيوني ناعسه ولونها عسلي فاتح يجنن لون عيوني ورموشي كثيفه ،حنطيه بشرتي مايله للبرونزي ،يعني لون بشرتي مثل اللي يسون تان ،راضيه فيها شعري طويل لاخر ظهري ولونه بني غامق طبعا من الحنا وطولي ١٦٣ واللي يميزني عيوني ،هذا وصفي لنفسي ،لكن وصف صديقاتي لي رغم اني احيان احسهم يبالغون مو غرور لكن احسهم يبالغون يقولون "لاناظرت بأحد اشده يلتفت لي ،تحس بمشيتها شموخ وهيبه" هههههههه خيااالي وااااااسع، هاديه  واحيان اصير هاديه وبقوة لكن اللي ينرفزني اوريه حده،احب العزله بس ما ني متوحده اميل للانطوائيه واعشق أفلام الانتقام حييييييل والرعب والاكشن والافلام الهنديه ،اعشق الروايات الرومانسيه واللي فيها انتقام ،اكثر وحده بخواتي امسك دموعي ومو بسرعه اصيح ولا على اي شي تافه .
قدمت عالجامعه انتظر قبول..
لمى:راديو البيت عمرها ١٧ توها مخلصه اول ثانوي بسرعه تطول طولها حلو يعني ١٥٨ ،نحيفه حيل جسمها حلو وبيضا تلق لق ههههههههه ،تعشق اليسا حيل،مزعجه ماترتاح الا اذا قالت اللي بقلبها بكايه بسرعه تبكي.

عيله بو عبدالعزيز
بو عبدالعزيز:تقاعد من شغله بالشرقيه وهو الحين ساكن عند اهله وجماعته بالرياض
ام عبدالعزيز: حرمه همها المظاهر والمدح ،ولازم تمدح بناتها ومنافقه وتحب تهرج بالناس حتى الميتين تتكلم فيهم،حقووودة،صارت الحين تحاول تخلي بينتها ترجع لمنصور ،بعد ما خربت بيتها .
عبدالعزيز:عمره٣٢ ماتزوج والسبب امه ،كان يبي مشاعل ولكن امه من كثر ما تهرج بالناس وباهل بو فهد وتكذب كرهها من كلام امه عنها ،لكن كلامها كله كذب ،شغل بنات تغير حييل عن ذاك الطيب صار خبيث وماينعرف له،متوظف بقوات الطوارئ بالقصيم ويزور اهله بالاجازات ،يكلم وحده من نفس الجماعه مجنونه،اتذكر قالت ،لو يتزوج غيري انتحر ليله زواجه،وهو مستغل هالشي لانها تسولف عن كل بنات الجماعه ومن كثر ماتسب وحده تصير بنت عمه طلبها تجيب رقمها وخبله وجابته وصار يكلمها ويحبها وهي بعد ترفض الخطاب عشانه،لكن امه مهددته لو يتزوجها بتغضب عليه.ما انكر مملوح بس مو لدرجه فارس الاحللام،ابيض له عوارض خفيففففففه ،شعره قلييييل كنه اصلع ،طويل حيل .بس ياحظ خواته كل ماجا الهدايا تسبقه ،اناادري ان لنا الله ههههههههههه
حنان:٣٣عمرها ،بعد ما تطلقت ماتزوجت ولاحد خطبها ،سمينه يعني مليانه حيل ،بيضا شعرها صح طويل لكنه خفييييف ،اسود لونه ،تاخذ احيانا دورات عااللاب ،خريجه ثانوي بعدها ما كملت ،ابوها بعد طلاقها صار يعاملها مثل الخدامات وامها ما تحبها كرهتها ،صارت البنات الباقي عندها اهم من حنان لان حنان وطت روسهم ،مو كنه منها المتخلفه .دايم لازاروا عمهم بو فهد تقعد مع عمتها ام راكان وتسولف تحس انها اقرب لها من امها ،تحب نقل الكلام والهرج بالناس
وعد:عمرها ٢٩ بيضا وشوي مربربه يعني جسمه مليان بس مو مثل اختها هي انحف ،تشتغل بمدرسه حكوميه بالادارة ،مغررروووووره فاهمه انها ملكه جمممااال وهي من جنبها بس لانها بيضا وشعرها طويل لكن خفيييف ولونه اسود ،تغاااار من اي شي.
متخيلين ،اني مره بالعيد كنت ثاني ثانوي وحطيت مكياج كامل واخيرا امي ساعتها وافقت لانها تقول ماعندي بنات يحطون مكياج الافي الجامعه عشان ملامحها ما تخرب وتشوهه وجههاا،المهم وافقت وحطيت بس الاساسيات اللي هي كريم اساس وفاونديشن وظلال وايلاينر ورسمه حواحبها وحطيت روج نااااعم ،قالت ونحن جالسات نسولف :ما احس له داعي الوحده تحط مكياج حتى بالعيد ،ناظرتها كانت تقلب عيونها فيني،قالت اختي:بالعكس عادي استمتعي بالحياة ،قالت:زين مني حطيت كريم اساس ورسمه عبير حواجبي وايلاينر وبلاشر وروج .
قهرتني كله عشان حاطه مكياج ،بالله مو اسمه غيره؟

المهم نرجع للروايه.
عبير:٢٧ عمرها ورع ما عندها ملامح انوثه ولا بجسمها ،مثل امها من تحت لتحت ،توها مخلصه معهد ،بيضا وحواجبها مي مرسومه وكثيره ،تعرفون ويش يعني معصقله معصقله .شعرهاا خشن رغم طوله
فايزة:٢٥ ،البنت ذي هاديه لدرجه الموت واذا سولفت تسولف عن المسلسلات وعن الكوريين ولا عن سعودي مزيون ،بخييييييله لدرجه لما يكون معها فلوس تشتري فيها كله جالكسيات وتخبيها تحت سريرها وما تقول لحد ،تموت بشي اسمه جوال ما تفارقه.واصدمكم مره قالت انها تكره امهاا.
تدرس انتساب بالجامعه .
زينه:عمرها٢٤ قصيييره حيل وشوي سمينه ،بيضاااااا وخدودها من الله مورده ،فلاويه اذا اجتمعت انا وياها بجمعه نفصل والبنات مستمتعين،تدرس انتساب بالجامعه ،هي انا وياها رغم اختلاف العمر تفكيرنا متشابه وخيالنا واسع .واهتماماتنا تتشابه.
هي الوحيده اللي تختلف عن خواتها بالتفكير.
عبدالله:٢١ عمره يدرس بكليه الطبيه خاصه بالرياض،ضخم وطوويلل يخووف والله ابيض ومهمل شنبه طالع كنه لحيه له ،وعععع،انسان ماعنده مسؤوووليه
عبدالرحمن:٢٠ انا اكبر منه بثلاث اشهر لكن اهلي اخروا دراستي عشان اختي لمى،يدرس تخصص حاسب توه مخلص تحضيري.دب ،بشرته ابيض انسان عنده مسؤوليه ويسوي اي شي يرضي ابوه عكس عبيد اللي مطلع قرون لابوه رغم انه الاكبر.
ماجد:١٨،لمى مطلعه له قرون دايم تغثه تحب تزعجه وتتمشكل معه ،دب طويل تحس معه احيان ضعف شخصيه واحيان انفصام بالشخصيه ،دلوووووووع داييم يصييح جواله مو عاجبه حتى لو غيروه امس لازوم يغيرونه اليوم.

طبعا بنات عمي بو عبدالعزيز امهم مانعتهم يصبغون او يقصون شعورهم ،وعلمتهم عالحش والهرج بالناس والنفاق والغرور ،ومفهمه بناتها حياتنا حياة فقر ،ودايم،اخوي سوا اخوي جاب ،وععع اللي يسمعهم كنه براد بيت .احيانا يطبخون اكل بس عشان امهم تمدحهم عند فلانه وتخطبهم ،،هههههههه
كنها مناير والله حاليا قاع ترسم على معرس اسمه عمر من جماعتنا وكل ماجت امه وهي اللي تطبخ العشا وتسولف معها وتتميلح عشان تخطبها والخطه جاريه التنفيذ،عقليتهم صغيره عمرهم ماشاوفوا الحياةمتخيلين بس مرااا طلعوا شاليه مع اهل بوفهد بعد ترقيته لجده انصدمووا فيه كذا ولا وقومت امهم القيامه ،ورجعت بعدها بيومين ،حقدت عليهم ،وعمي مانعهم من الشيبسات والشوكلاتات والايسكريم والوجبات السريعه والغازيات ،منجد احياناا احزن.
ماينخاف عليهم يجيبونها بالخش والدس.
اليوم ١٢/٧/٢٠١٨ ،طلعت نتايج القبول وانقبلت فجر بتخصص ترجمة طبية،بجامعة من جامعات الرياض.
*محادثه البنات:
عهد:بنااات طلعت نتايج القبول..
نهى:يمممههه قلبي.
رانيا:وجععع منك كل شوي تذكير قلبي بيوقف منك.
فجر:اخخخخخخ لو انتي قدامي مصعتك تمصع.مقروشتنا ولا مخليتنا نتهنى.
عهد:احمدووووووا ربكم والله ،مافي مني اثنين خايفه على مستقبلكم.
رانيا:امحححححق خووووف،والله كنك موقت الصلاة كل شوي ترسلين.
فجر:هههههههههههههههههههه
عهد:ضحكتي بليا ضروس ياقليله الخاتمه ،وانتي راني حبيبات اسمعي لولاي ماعرفتي متى تطلع.
فجر:راني حبيبات ردي عليها .هههههههههههههههههههه
رانيا:انا راني يا شاني ،ههههههههههههه
عهد:مع نفسكم بروح اشيك ،البرود اللي عليكم اقولكم طلعت وتضحكون هنا .
رانيا:لا تلوميني توي استوعب هههههههههههههههههههه
فجر:يمهه بنااات قلبي يدق ،بروح اشيك،دعوااتكم
طلعوا كلهم يشيكوون،بعد شوي.
عهد:بناات انقبلت ،رياضيات،لا لااااااااا اكرههه.
فجر:مبروووك،وانا انقبلت ترجمه طبيه ،كله انجليزي رعببببب.
عهد:الله يبارك فيككك،مبروووك يالاجنبيه ههههههههه
فجر:يبارك بحياتك،يقطع شرك اجنبيه مره وحده هههههههههههههههههههه
عهد: هههههههههههههههههههه
رانيا:بنااات انقبلتتتت احيااااء ،مبروووك لكم.
فجر:،مبروووك.
عهد:اخص يالمصريه مبرروووك.ههههههههههه
رانيا:مصريه بعينك ،عالزين العنزي اللي فيني تقولين مصريه.مالومك عمياء من هالنظارة اللي اكبر من راسي.
فجر وعهد:هههههههههههههههههههه هههههههههههههههههههه
فجر:اهجدوا خلاص خنشوف البنات الباقي.
نهى:انقبلتتتتت معكم معلمه الفيزياء.
البنات:مبروووك .
نهى :الله يبارك فيكككم.
لمى:بنااات انقبلت تمريض ،باااركووووولي.
البنات:مبروووووك.
لمى:الله يبارك فييكم.
وسنا انقبلت شريعه،وفايزة انقبلت عربي وروان نفس تخصص فجر ،هم صديقات من اول ما فجر جت الرياض وصار لهم اربع سنين مع بعض.

رد: لو طال الصمت وقسيت ،محفور فيني لو أبطيت.

اعذروووني برجع انسق التواريخ والاعوام مع الباترت الجديد ،فيمكن اطول لكن اوعدكم بعوضهم ببارتين سوا.