تويت
ياشوق لو انك عن الحـال تـدري
وتشوف حال اللي هواكـم براهـا
ياشوق دمعي فوق الاوجان يجري
وكثر البكا هدد عيونـي يعماهـا
ياشوق يكفي كني العـود مبـري
وش لك بحال ياإسن مـن رجاهـا
ياشوق وش ينفع صدودك وهجري
وانت ابعد علي من النجوم بسماها
وجدي عليك ياشوق واطول صبري
وجد الذي ماتـوا بيـوم ضناهـا
وجد الذي من قبل يحجى ويـذري
دارت به الدنيـا وضامـت شقاهـا
وجد الذي من عقب ماهوب مثري
قـام يتعطـى لابتـه وقربـاهـا
ياكثـر عبـرات تكسـر بصـدري
إليا انقضت هذيـك هـذي وراهـا
جرحتني ياشوق والجرح خطـري
وجـروح قلبـي مالقينـا دواهـا
خاشرتني ياشوق حتـى بعمـري
قربك سعد روحي وغايـة هواهـا
جبرتني يامشعـل القلـب جبـري
حتى عيوني لـو بكـت ماكفاهـا
اتركني اسعد لو ثوانـي بعمـري
يكفي علي دنيـاي دارت رحاهـا
منقوووول .