اسمحي لي مـا كفـان الـلـي قريتـــه
من حروفك امـتـلـكـنـي مـا سبانـــي
ان كتبتـي حـار عـقـلـن قـد نهيتـــــه
وان قــريـتـي حار حـرفـي بالمعاني
يا حروفـي اوصـلي له لـين بيتــــــه
ثم ضمـي مـن بـحـرفـه قـد غوانـــي
اشرحي له كيـف حـالـي لـو طريتــه
احتضن حرفن بسحـره قـد خذانــــي
اعترف لــه ان كـلامـي لـــه عنيتـــه
كـل حـرفـن قـد كتبـتـه لــه اغانـــــي
يا وجودي كيـف لـو قـلـبــه نخيتــــه
يكتب الـلي لـو قـريـتـه لـي امانـــــي
خايـفـن لـو يـمـتـنـع قـلـبـن هويتـــــه
قبل لا هـو يـكـتـمـل مـا بـه سلانـــي
يـا فـؤادي اغـتـنـم مـا قـــد بديتــــــه
اظهر الـلـي يـعــتـزي فـيـهـا لسانــي
يكفي اللي في بطانك قـد خفيتــــــــه
الــوداد الـلـي طـويـتـه هـو طوانــــي
وش يضره لو عـطـانـي مــا بغيتــــه
لو اشوفـه بـس اشـوفـه لـو ثوانــــــي
كـل دربـن يـنـتـهـي لــه قـد سعيتــــه
كل دربـن لــه سـعـيـتـه قـد عصانــي
يـا غـروره خـذ فـؤادن لــك هديتـــه
يا عسى يرضى الغرور اللي ضناني
لــو غــروره مـهـلـكـي لا مـا شنيتــه
وان شنيتـه كـل حـبـي لـــه دعانــــي
ان عطيته مـارضـى بـالـلـي عطيتــه
وان عطاني يا عيـونـه لـيت مانـــــي
من عيـونـه صـابـنـي سـهـم وخذيتــه
في فؤادي مـن سـهـامـه مـا خطانــي
يالوصـوف الـطـاغيـه الـلـي رأيتــــه
تخضع القلب العصي واللـي انانــــي
يـالـعـيـون الـنـاعسـه فـيـهـا لقيتــــه
ما يـعـافـا بـه خـفـوقـن كـم يعانـــي
يـاشــفــاتــه لا نـطـــق ودي كليتــه
الشفـاة اللـي تـكـاشـف عـن جمانــي
قـامـتــه عــودن ثــمــــــاره اشتهيته
ضـمتـه تـطـفي شعـل بـين المحاني
ياوصوفـه اشـفـعـي بـالـلـي عسيتـه
ان اتـيـتـه اشـفـعــي لــــي ياعساني
التقي ذيك المنى الـلـي قـد رجيتــــه
في عـسـى لو يـبـتـدرنــي بالحساني