تويت
ياهاجـسـي مـاعـاد بــه مقـعـاد واقــدح يـازنــاد ..
مــن لابـنـا بيـتـه عـلـى سيـسـان كـنـه مـابـنـا
إمــا تـدافــع دون ديـــن الله ومـلــة خـيــر هـــاد ..
ولانقـول اش عـاد نبغـى فيـك واش تبـغـى بـنـا
الله مــن حـزنـا مـسـوي فــي ملامحـنـا ســواد ..
والله مــــن هــمــا بــــرك بـصــدورنــا وانـتـابـنــا
ستيـن عـام القـدس مستـأسـر وثانـيـه القـيـاد ..
مافـيـه يــوم والسـديـس بداخـلـه صـلــى بـنــا
واذا تـركـنـا دولـــة النـهـريـن يـرعـاهـا الــجــراد ..
صـــارت ولايـــه فـارسـيـه وانـكـسـر مشعـابـنـا
واليوم شوف العيـن شفنـا سوريـه كومـة رمـاد ..
والله مـوصـيـنــا بـنـصـرتـهــم بـــنـــص كـتـابــنــا
أمـــة مـحـمـد قطـعـوهـا بالمـراهـيـف الـحــداد ..
ان المصـاب امـرا جلـل وش صابـنـا وش صابـنـا
يامسلميـن اصحـو تـرى مايصنـع المجـد الـرقـاد ..
بـيـض الـوسـايـد مـــا تـطــول روسـنــا ورقـابـنـا
وشـلـون نـرضـى بالمـذلـه والاهـانـه والفـسـاد ..
ويـدنـســون المـحـصـنـات ويـذبــحــو شـيـابـنــا
وليا متى نصبر على شيخ المجوس احمد نجاد ..
مـابـاقـي الا يسـتـفـزون الـمـجــوس اعـصـابـنـا
ولـيـا مـتـى بـشـار يطـحـن فـالـبـلاد وفالـعـبـاد ..
ويقـول حـزب الـلآت صـار اليـوم ضـمـن احزابـنـا
ويـقـول دولــة روسـيـا دولــه عليـهـا الاعـتـمـاد ..
وأصحـابـكـم مـايـقـدرون يـنـافـسـون أصـحـابـنـا
طشـو قنـاع الخـوف والجنـه تنسـنـس بالـبـراد ..
حـنــا الـعــرب ركـــازة الـحـربـه عـلــى حـرابـنـا
والـروس ماهـم كـفـو لاصــار التـحـدي والعـنـاد ..
مـازعــزع السـوفـيـت غـيــر اشبـالـنـا طـلابـنــا
والله لناصـل عقـر دار الخصـم فـي نفـس البـلاد ..
ونـذكـره بالـمـاضـي الـلــي سـطــروه احبـابـنـا
خـل السـلاح النـاووي خــل العسـاكـر والعـتـاد ..
يـقـصـف بـهــا بـيـبـان داره ثـــم يـسـلـم بـابـنــا
مافيـه خطـه عسكـريـه فـيـه مـسـراح وهـجـاد ..
خلـوه بكـره ينـشـد اركــان الجـيـوش اشجابـنـا
هـو مايعـرف انـا نـحـب الـمـوت ونـحـب الجـهـاد ..
والامـنــيــات انـــــا نــطـــب اقـبــورنــا بـثـيـابـنـا
يـاخـادم البيتـيـن تـكـفـى يـامـنـاد الـقــوم نـــاد ..
والله اكـبــر تـخــزي الشـيـطـان لــيــن يـهـابـنـا
معـك العيـال اللـي تشابـه للصقـور مـع الـهـداد ..
مـاتـعـدل الـكـفـه ومــيــزان الــحــروب إلا بــنــا
وابشـر بـعـزك ياملكـنـا يـاوريـث اهــل الـشـداد ..
مطلـوب منـك الامـر والبـاقـي بــروس اشنابـنـا
والحـمـدلله مـابـنـا قـاصــر ولا ضـعــف إقـتـصـاد ..
ويـغـطــي الـبــتــرول روس إجـبـالـنــا وتـرابــنــا .
منقـــــــــــــــول .