رد : ممكن تساعدوني ضررررررررورررري ؟!!!

بالنسبة للكتب فهي كثيرة...
خصوصا في الفترة الأخيرة...
أي مكتبة تدخليها تلاقي فيها ...
وإن شاء الله أجيب لك إسمه قريب....

وممكن أكيد تتعلمي زي ما قلتي بالمواظبة ...بشرط تستمري..
مع أفراد البيت ,,لأنو لو كانوا من النوع إلي ما يحبذ اللغة..
فأنصح بالمعاهد والأكاديميات..لأنهم يوفروا لك المتحدثين باللغة الأصلية...

أتمنى تكوني استفدت..
تحياتي...

رد : ممكن تساعدوني ضررررررررورررري ؟!!!

هلا اختي......

اولا احييك ع حماسك ورغبتك الشديدة لتعلم الانجليزية....... بس كثير من كتب تعلم الانجليزية فيها الكثير من الاخطاء ، وانا انصحك بعدم استخدامهن لانه صعب عليك تغيري الغلطة اللي اكتسبتيها...بس في حالة عدم مقدرتك ع دخول المعاهد او عدم وجود شخص ف عائلتك يتكلم الانجليزية بطلاقة فاستخدمي الكتاب....

لكن تعلم كلمات جديدة بس ما تكفي في اكتساب اللغة..عليك تستخدمي كل كلمة تتعليمها حتى لا تنسيها.
اتمنالك التوفيق

تحياتي:
do the best

رد : ممكن تساعدوني ضررررررررورررري ؟!!!

يسعدكم ربي يالغاليات ..

جزاكم الله خيرا وبارك فيكم ..

غاليتي الجوري اشكرك من كل قلبي على ردك الرائع الذي زاد حماسي انتظر منك اسم الكتاب والله يسعدك ان شاء الله يكون شامل للغه بأكملها .. وانا في حفظ الانجليزي ممتازه بس مشكلتي في الترجمه مافهم المقصود الا لو كنت عارفه من قبل الكلمه وش تعني عشان كذا ودي اعرف اقرا واتحدث به وماعندى بالبيت احد يعرف انجليزي بس ان شاء الله تتسهل معاي ..

الغاليه rosy

حبيبتي مايمديني اروح معهد الا ودي اروحله بس ان شاء الله اذا بدات في البيت ما حوقف الا في النهايه ..
الله يخليك ويوفقك يالغاليه عالاهتمام والرد ..

رد : ممكن تساعدوني ضررررررررورررري ؟!!!

اهلين راما
انا بالاول كانت لغتي مو مره..لين ماخذت دروس من النت وشريت كتب ومنها بعد كتب انا ادرسها في الجامعه..
الكتب الي فادتني هي>>
intermediate vocabulary by->B.J thomas

هذا الكتاب تتعلمين منه الكلمات المستدخدمه في اللغه..يعطيك اولا موضوع معين"دائما المواضيع مفيده..تساعدك اذا كنتي تسافرين برا"بعد الموضوع يعطيك الكلمات المهمه فيه..وبعدين قصه وفيها فراغات ..
اول شي تسوينه انك تترجمين الكلمات الانجليزيه لعربي وتحفظينها..وبعدين تحاولين تحطينها بمكانها الصحيح في القطعه..
وراجعي اجوبتك بنهاية الكتاب..لان الحلول موجوده

english for all

هذا يساعد بالقواعد..ويجي معه شريط لازم تسمعينه وانتي تقرين الكتاب..وهذا مرررررره مفيد..

get ready to write

هذا الكتاب يساعد بطريقة كتابتك..يخليك تكتبين كثير وكلام مررررره كثير..احيانا يقول تكلمي عن نفسك او تكلمي عن اخوك او عن ابوك او.... يعني بتتعبين شوي..بس اهم شي انه ينفعك..

اما عن كتب علشان تتعلمين كيف تتكلمين انجليزي..هذي بسيطه..روحي لأي مكتبه وأسأليه عن كتب محادثات مع اشرطه خاصه للمحادثات..واسمعي هذي المحادثات الي بينهم وردديها معهم..


وانا عندي 40 درس للانجليزي حملتها من النت..والصراحه ماعرف وشلون انزلها على المنتدى
اذا كنتي تبغين اعطيك اياهم..ارسلي لي ايميلك..لاني حاولت ارسللك ورفض مدري ليش؟؟


اتمنى اني افدتك..والله اني اعرف شعورك ورغبتك القويه بالتعلم..وهذا الي خلاني اتحمس لك..