أحبك يابعد كل الحروف وعلّها تفداك
أحبك يابعد بيت القصيد وكل غاياته

أحبك يابعد عمرٍ قضى مني على ذكراك
أحبك يابعد من داج بالدنيا بخطواته

أحبك يادفى برد السنين اليا غفت بحماك
أحبك يا امل عمر الوحيد ويابعد ذاته

أحبك يابعد قلبٍ نزف كل الغلا لرضاك
أحبك يابعد كل العيون ونزف دمعاته

أحبك كثر ماتبرى جروحٍ لامسة يمناك
أحبك كثر ما يلجا فقير الحال لسكاته

أحبك بس لو تعرف وش اللي بالحشا ينخاك
وربي لو كشفت اللي بقلبي!!مت لرضاته

أنا وشلون ابين لك غلاك ولهفتي للقاك
انا وشلون اعبر لك عن اللي بين طياته

أنا لو قلت لك ببعد وابرحل واتنحى وانساك
لساني!! واعرفه لا زّل ياشيّنه بزلاّته

تعال ارجوك شفني من رحلّت وعبرتي تنعاك
تعال وظمني ياحي ذا الطاري وظماته

تعال وداوني ,واللي خلقني يالدواء بشفاك
يقولون الجمر طب المريض بحر كياته

تعال وخل عنك الصد والهجران!! مايزهاك
حلاتك توصل اللي يم دارك زاد جياته

أنا والليل وابيات القصايد في امل لقياك
اقول الشعر والليل الحزين يعدّ نجماته

أماني عاشت بصدري اغاني داخلي تهواك
تموت ان غبت وان رديت عاش الليل وابياته

أنا مقدر على بعدك على صدك على فرقاك
يموت بغيبتك قلبٍ نزف لك حر حسراته

دخيل الصبح في وجهك دخيل الليل لا غطّاك
دخيل الرمش لاسيّر على خدك بسجاته

دخيل الجمر والسكردخيل البلسم! الفتّاك
دخيل اللي تثنّى لين عذبني برقصاته

أمانه ترحم اللي شاف منّك صدتك وجفاك
دخيلك تدمح الزله وغلطاته وهفواته

أحبك من هنا لاخر هنا لاخر هنا لهناك
احبك لعنبو حي الرضيع وحلو غفواته



عجبتني وحبيت انقلها لكم