رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

**سحآب** · 09-04-2018, 10:16 PM

رد: رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

شفت المشاهدات بس محد رد ف قلت خلني احط لكم البارت الثاني يمكن تتحمسون وتردون علي المهم أتمنى بعد م تحرموني من النقد البناء

البـــــــــــــــــــــــارت الثاني

بعد وفاه ابو البنات عاشوا البنات عند عمهم وحرمه عمهم

<
<
<
<
<

تتارجح بهدوء ف الحوش ف هالجو الحلو ,غارقه بهدوء المكان وشعرها الاسود الطويل يرف ع كل نسمة هواء خفيفه فتحت عيونها الخضراء باستمتاع وردت تسرح ب احلامها الورديه الناعمه غافله عن العين الي تراقبها بحقد

ظلت تراقب كل حركه خفيفه من شعرها الاسود الي يرف بهدوء وباغراء شدت ع ايدها بحقد وبغيره قربت صوبها ......و
بحزم: انتي شو تسوين هني ؟؟
استيقظت من احلام اليقظه والتفتت ع ورا شافت اختها وعدوتها : منار ؟ وركزت ع الي ف ايدها ومسكت شعرها الاسود بخوف
منار شدت ع المقص الي ف ايدها وبحقد : اففف بس ماعليه اليايات اكثر بقصه وبرتاح من غرورج ودلعج
عهود بحزم تقدمت لها وسحبت المقص بعنف من ايدها ورفعته ف ويه منار : صدقيني ي منار قربي منها وشوفي شو بيستوي فيج
شيماء ركضت وانخشت ورا اختها
عهود وعيونها ع المقص وبسخريه : كنت بقص شعرج الحين بس حرام تكسرين الخاطر (ومسكت شعر منار) بروحه شعرج ضعيف وما فيج الا كم خصله شعر انصحج تستعملين دابر املا ينفع ترا هههههه
منار دزت ايد عهود بعنف من شعرها الاشقر وبعصبيه : مايخصج ووفري نصايحج لنفسج وراحت بعد م شافت شيماء بحقد

شيماء ماسكه شعرها بخوف : عهود هاي شكلها م بترتاح الا يوم تقص شعري
عهود تعرف ان شيماء اكثر شى مهم عندها ف هالدنيا شعرها سحبتها وبملل : ماعليج هاي خوافه بس تقول كلام خلنا نروح نشوف اختج الثانيه
ودخلوا البيت

تشوف الكبت بقهر بعد م قطعت ثيابها فطوم هي م عندها شى تلبسه لحفله صديقتها الوحيده وماتعرف اصلا كيف تروح لها وعمتها مانعتها من الطلعه بسبب دلع فطوم
دخلت بدفاشه : هلووو
عنود انسدحت ع السرير المتهالك : م تعرفين تدخلين بهدوء يالدفشه
عهود طلعت لسانها وقعدت جنبها
شيماء دخلت وهي ماسكه شعرها الطويل راحت بسرعه للمرايه ولفته كامل عشان م يتكرر الموقف مره ثانيه
عنود يلست باستغراب : شفيها اختج ماسكه شعرها كانه بيطير
عهود : من حقها تتعقد حليلها بنت عمج المصون.......وقالت لها السالفه
عنود رفعت حاجبها : شفيها هاي هي واختها يغارون منا ؟؟
عهود رمشت بدلع وعيونها العسليه تلمع وبغرور : بروحج قلتيها يغارون حليلهم ههههههه
شيماء قربت منهم : بنات شرايكم نقفل الباب لاني صراحه قمت اخاف منها
عنود كشت عليها : بتاع حكي وبس لاتخافين منها
عهود بملل وقفت : بنات انا ..............

دخلت عليهم كعاصفه ورفست الباب بقوه ع اليدار

شيماء بفزع : بسم الله سكنهم ف مساكنهم
عهود بهمس : هالعيوز فيها حيل ترفس الباب جي ؟
عنود حطت ايدها على عينها ووقفت وبقهر : مافي خصوصيه ف هالغرفه ليش داخله جي ؟

تمت واقفه ساعه تنافخ بعصبيه كانها ثور مستعد يهجم وبنتها الحيه تبكي دموع التماسيح

منار بعصبيه : انتي هي لاتكلمين عمتج جي احترميها
عنود بهمس : بالمشمش
عهود : انزين خلصينا شو .....
عمتهم نوره بصراخ : جـــــــــــــــــــــــــــــــــــــب انتي وياها انا الي اتكلم هني بس , ممكن اعرف شو استوا اليوم (وركزت نظرها على شيماء)
شيماء بلعت ريقها بخوف ومسكت شعرها بخوف
الكل :...........................
عمتهم نوره بخبث : انزين خلنا نكمل الي كانت بتسويه منار
منار ضحكت وعيونها ثابته ع شيماء
عمتهم نوره : منار حبيبتي امسكي المقص وكملي شغلج حبيبتي
عهود تشوف اختها شيماء ترجف بخوف وعيونها الخضراء تلمع بالدموع
وتوامها عنود ماسكه ايدها بخوف وترجف
عهود بغضب تحركت بهدوء لمنار ووقفت امامها
منار رفعت حاجبها وبصراخ : شو تسوين واقفه جدامي قومي بسرعه ولا بقص شعرج انتي بعد
عهود كتمت قهرها وبهدوء : قصي شعري بدالها
عنود , شيماء , عمتهم , منار !!!!!!!!!!!!!!!!!!
منار بالنسبه لها عرض مغري لانها اهانتها وجاها الانتقام ع طبق من ذهب وبابتسامه خبث : انزين عيل انتي بدالها

وتناثر شعر عهود وتمت منزله راسها تشوفه يتساقط بهدوء

طبعا شعر شيماء وعهود نفس الطول لانهم م كانوا يطلعون الصالون وم يقصونه وكان واصل لركبهم

منار بعد دقايق تنهدت بتعب لانه شعر عهود كان كثيف : جي يكفي عشان تتعلمين مره ثانيه م توقفين جدامي و تعرفين مستواج ي بنت الفقر

عنود مسكت ايدها الي ترجف بقهر

عمتهم نوره شافت عنود وببرود : انتي يلا جهزي العشا بسرعه ولا هالمره بنفذ تهديدي
وطلعوا

شيماء تبكي ركضت لعهود وضمتها : عهود ءء انا اسفه ع عهو .....اهئئ اهئ ءء
عهود تشوف شعرها الي وصل لكتفها ولكن بشكل غير مرتب وبابتسامه : يالخبله ليش تصيحين ؟ انا كنت بقصه اصلا
شيماء رفعت راسها من حضن عهود ورموشها مبلله بدموعها : صدقق؟
عهود بملل : هي , حتى م اعرف كيف اغسله معاناه افتكيت منه الحين
شيماء مسحت دموعها ومسكت شعر عهود : انزين لازم نرتبه ع الاقل
عهود غمزت لها : خلاص هالمهمه عليج عيل
شيماء تحب سوالف المكياج والشعر بشكل مب طبيعي لدرجه انها تقول لصديقاتها ف الجامعه يطرشون لها الميكب والتسريحات الجديده وهي مهتمه بالموضه ولو انها ف هالسجن لكن صديقاتها وخواتها يخففون عنها هالشئ

شيماء التفتت وباستغراب : عنود وينها ؟
عهود بسرعه سحبتها : راحت تجهز العشا لعائله القرود تعالي نساعدها
ركضوا بسرعه للمطبخ دخلوا وشافوا عنود تحط المعكرونه فالفرن وييها احمر ولافه شعرها الاشقر ذيل حصان
شيماء : عنود ليش م قلتي لنا عشان نساعدج ؟
عنود التفتت بخوف عليهم وقربت صوبهم بسرعه : لاء انتو لازم تطلعون بسرعه قبل لاتشوفكم
عهود مستغربه
شيماء بقهر : لاء يالغبيه لازم نساعدج شو فايدتنا خوات ع الفاضي !
عنود بتوتر : انتو مب فاهمين هي ......

: ماشاء الله انا شو قلت لج عن خواتج؟
عنود تبرر بخوف : ءء انا ..........
عمتهم نوره بابتسامه : عهود اسحبي اختج وروحوا فوق بتفاهم مع عنود شوي
عهود سحبت شيماء بتردد وسكرت الباب

فجأه سمعوا صراخ حاد :أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأا
البنات فتحوا عيونهم برعب لانه هالصرخه كانت ل عنود ؟
عمتهم نوره طلعت من الجهة الثانيه وعلى شفايفها شبه ابتسامه وما انتبهت لهم
شيماء ركضت بسرعه
وعهود ظلت مكانها مصدومه بعدين استوعبت وركضت شافت اختها وتوامتها يالسه ع زاويه المطبخ وتتلوى من الالم
عهود بخوف : عنود هدي شو فيج ؟
عنود رفعت راسها وشافت صوره اختها ضبابيه بسبب كثره الدموع كتمت المها ونزلت راسها بس الالم كان فوق طاقتها
عهود مدت ايدها ورفعت راسها ب ايدها الثنتين وملمس بشره اختها كان نار تحت ايدها وبالم وبصوت مكتوم : عنود قولي شفيج ؟؟
شيماء تبكي بصمت بعد م شافت منظر اختها وانتبهت ع شى وشهقت : هــــــــــــئ عهووود شوفي ايدها !!
عهود مسكت ايدها وشافت حرق ع ذراعها وكان كبير واحمر بشكل مخيف فتحت عينها بصدمه وشتمت بقوه : ال#########
عنود م تحملت الالم حطت راسها ع كتف توامتها وقعدت تبكي ب انين يقطع القلب
عهود وعيونها العسليه تلمع بشده وبحقد تحس ف صدرها نار م تنطفي الا بانتقام من عمتها وبناتها
وقفت ببرود : شيماء ساعديني ناخذ عنود فوق
شيماء بخوف : وعشاهم
عهود مسكت ايد اختها عنود : ياكلون تبن
وراحوا لغرفتهم

انفتح الباب بقوه هالمره وكان ...؟

عمهم ناصر بعصبيه : وين العشاء ؟
شيماء ضمت عنود الي رقدت بتعب
عهود وقفت ببرود : عشاك جاهز خلي نوره تحطه هي وبناتها
بعد م سمعت اسمها رفعت حاجبها وقربت صوبهم : نوره جي حاف ؟ بدون عمتي ؟؟
عهود تقدمت صوبهم وطلعت وسكرت الباب لانها اختها راقده وم تبا تزعجها لانها رقدت بصعوبه رفعت حاجبها وعقدت ايدها : الزبده العشا جاهز وبناتك مب ناقصهم ايد ولا ريل عشان يحطونه ع الطاوله بس
عمتهم نوره بعصبيه : لا والله بناتي انا مب خدامات و ..
عهود قاطعتها بحزم وعيونها العسليه تشتعل بغضب : تبين تبلعين خلي بناتج يهزون طولهم ويجهزونه نحن م نبا لا عشا ولا شى منكم
عمهم ناصر بعد م تذكر شى بربكه : صح صح ارتاحو انتو بس وبيوصلكم العشا ل فوق اذا تبون
عهود ببرود : م نبا عشا وبهمس سم ف بطنكم
عمتهم نوره بصدمه : بس ؟
عمهم ناصر سحبها بابستامه تسليك وهمس ف اذنها : تحركي وانتي ساكته

عهود دخلت الغرفه وهي مب مرتاحه لابتسامه عمها

نوره بقهر سحبت ايدها : انت شفيك ؟ الحين انا بناتي ........
ناصر سحبها مره ثانيه ودخلها الغرفه واشر لها اسكتي : اسمعي نحن ف ورطه
نوره حست بتوتر زوجها قعدت ع السرير وطالعته باستغراب عشان يكمل كلامه
ناصر وهو واقف مسح ع شعره الخفيف : شوفي اذا اكتشفوا البنات انه لهم نصيب من الشركه بتورط لانه الشركه كلها لهم وغير الاراضي مقسمه لهم بعد لكن بيستلمون الورث اذا وصلوا لسن محدد والحين المفروض يستلمونه بس ؟
نوره بلعت ريقها وهي خايفه هالعيشه والدلال كله يضيع : بس ؟؟ قول بسرعه بتجلطني
ناصر بخبث : اذا ............ بيكون لي نصيب من الورث وهذا المكتوب ف الوصيه
نوره ضحكت بخبث : اها اذا جي السالفه الموضوع عندي
ناصر انسدح صوبها وبفرح مسك ايدها : ويلوموني بحبج !
نوره تضحك الخجل

و ....................................................................................................................^_* خلونا من العجايز هههههه

الساعه 10 : 15 م

عهود وقفت ولبست عبايتها قربت صوب شيماء وعنود وبحنان : خواتي , وهزت كتفهم ع الخفيف
عنود عقدت حوايبها بالم : عهود م قدرت ارقد بسبب الالم والحين يوم رقدت تقوميني حرام عليج والله
شيماء لاحياه لمن تنادي : همممم
عهود وهمست ف اذنها : عنودي قلبي عمري قومي
عنود بتافف يلست : افففف خلاص قمت ش تبين
عهود ابتسمت : البسي عبايتج بسرعه
عنود مستغربه تشوفها
عهود بسرعه : البسي بسرعه لاتطالعيني جي اسمعي كلامي وبس
عنود لبست عبايتها بضجر
ونفس الشئ قامت شيماء بعد همس عهود المتواصل

طلعوا للحوش والقمر منور الفريج كامل والهدوء سيد المكان

شيماء بقهر : عهود البس عبايتي عشان اقعد ف الحوش ؟ بعقلج انتي ؟
عنود كاتمه المها : عهود خلنا ندخل قبل لايشوفنا حد
عهود قربت صوب سياره عمها ومتجاهله كلام خواتها وفتحت السياره وشغلتها
عنود , شيماء 0_0!!!!!!!!!!

بعد م ركبوا كلهم السياره عهود بملل : قبل لاتتكلمون ايوا سرقت مفتاح السياره من عمي وهو راقد ووين رايحين ؟ المستشفى طبعا

بعد ربع ساعه وصلوا لانه المستشفى م كانت بعيده

فالمستشفى

عنود يالسه ع السرير

الممرضه يلست ع سرير عنود : يلا وانتي عطيني ايدج
عنود مدت ايدها
الممرضه بعد م لفت ايدها وحطت كريم : يلا لاتنسين كل مره تغيرين الشاش واستعملي الكريم الي بتاخذيه من الصيدليه الحين وايد بيساعد ع الحروق وسلامات مره ثانيه
, طلعت بهدوء بعد م اكملت شغلها

عنود طلعت من الغرفه
بهمس صوت رجولي بحت : عنود ؟؟؟

بعد م سمعت صوته تميزه وتعرفه بين كل الاصوات التفتت وقلبها فز لصوته وتسارعت نبضات قلبها

سالم وعلى شفته شبه ابتسامه بعد م انتبه للحمره الي تسللت لخدودها البيضاء : عنود شخبارج ؟
عنود بربكه : ءء بخير
سالم يبا يشوف عيونها بس هي م سمحت له لانها نزلت راسها وبضحكه : انا بعد بخير الحمدالله
عنود بلعت ريقها ( اذا يلست اكثر هني بينفضح شوقي ودقات قلبي العاليه ) : ءء احمم اشوفك ع خير مع السلامه
سالم بسرعه : ءء
بس هي راحت قبل لايتكلم
سالم مسح ع شعره بضحكه وهو يتذكر حبها له وبتفكير ( معقوله الحين نست حبها لي ؟ )

عنود برجفه تنهدت بعمق عشان تهدي نبضات قلبها
بهبل : بسم الله عليج خيتي طالعه من ماراثون ؟؟
عنود تهدي توترها وبقهر ضربت كتف عهود : عهود مب وقت هبلج
شيماء ابتسمت : الحمد الله ع السلامه
عنود تكلم عهود : شوفي الذوق ,والتفتت على شيماء : ربي يسلمج قلبي
عهود سكتت عارفه انه اختها تغير الموضوع وقفت بتفكير و م انتبهت ان خواتها راحوا
بسرعه : ععءء قطعت كلامها بعد م شافته فتحت عيونها بصدمه اكيد اختها شافته عشان جي كانت متوتره تغير عن اخر مره عريض بهيبته وشعره مبعثر ولابس كندوره بنيه وعليها رمل شوي لكن م غطت ع جاذبيته وع شفته شبه ابتسامه

تحركت قبل لايشوفها وراحت لخواتها , ورجعوا للبيت ومحد حس فيهم وناموا

اليوم الثاني .....

الساعه 8 ونص ص

بصراخ : عنوود قومي بسرعه
عهود : ي ليل الزق (فتحت عيونها بضيج ) : خافي ربج ي الظالمه ي الديايه شوفي الساعه كم ؟
عمتهم نوره بتكبر طنشتها عشان مصلحتها : قومي اختج بسرعه عمج يباها
عهود ناظرتها ببرود : سكري الباب وراج بس
عمتهم نوره طلعت بقهر خاطرها تذبح هالعهود وتفتك منها
عنود بكسل : عهود شو صاير
عهود تتثاوب : ردي نامي م صار شى
عنود قامت بخوف : خلني اقوم اشوف عمي شو يبا قبل عشان م تعصب علينا عيوز النار
عهود كشت عليها وردت تنام
عنود دخلت الحمام وانتو بكرامه وطلعت بعد م توضت وغسلت ويهها وصلت الفجر
بعد دقايق
عنود وهي تحاول تخفي خوفها تنهدت بهدوء وشافت عمها يالس بروحه ويشرب قهوه
انتبه لها ووقف بحماس : هلا ببنت اخوي هلا صباح الويه الحلو ,, صح النوم ي قمر
عنود عقدت حوايبها من القصيده الي سمعتها ع هالصبح واستغربت يلست الجهه الثانيه بهدوء : قالوا تباني
عمها قعد بعد م تفشل لانها اتجاهلته طنش حركتها وبدون مقدمات : جهزي نفسج ولد عمج بيي اليوم وبياخذج
عنود : 0_0 !!!!!!!!!!!!!!!!!!

ف غرفه ما دخلتوها ف بيت ابطالنا ......

يالسه ع السرير وضامه دبدوبها وتبكي ب الم : خلاص خلاص بياخذها انا بينساني
منار منسدحه ع الغنفه وبملل : بمووت منج ليش تصيحين
فطوم ضربتها بالدبدوب وبقهر : لاتستوين غبيه قلت بياخذها واشرت بقهر سالم ل عنود بيتزوجون
منار ببرود : جهنم تاخذهم نحن شو يخصنا بالعكس افرحي خلصنا من وحده باقي 2
فطوم بصراخ : منااااااااااااااار
منار بضحكه : الحمدالله والشكر وقفت وقربت لاختها وضربتها على راسها , يالخبله نسيتي ان سالم يحبج وم يحبها
فطوم سكتت بذهول وتذكرت
منار بتصفيق : براففووو تذكرت خيتي فيج زهايمر لاسمح الله ؟
فطوم م ردت عليها وتمت تنط ع السرير بحماس
منار طلعت وهي تضحك : الحمد الله والشكر
فطوم يلست ع السرير وهي تتخيل انه سالم زوجها راضيه تكون الثانيه لانها تعرف مكانها ف قلبه واكيد مع الوقت بيطلق عنود

نخليها تفكر بخططها

عهووود !!
عهود بضيج : الله يصبرج ياروح , شو فيج يعني م اقدر ارقد ف هالبيت و
سكتت بعد م شافت دموع اختها : عنوود ! شفيج سوت لج شى عيوز النار قامت بسرعه وبعصبيه , هاي يبالها حد يوقف ف وييها و شافت ايد عنود الي مسكتها وهي تهز راسها ب لا
عهود يلست بسرعه : انزين قولي شو صار ؟
عنود والدمعه تجر دمعه من عيونها : بتزوج
عهود بصدمه : كييف
عنود مسحت دموعها وبقهر : عهود مب وقت غبائج
عهود بعصبيه : شو السالفه تكلمي عدل
عنود قالت كل شى
عهود انصعقت : كيف تتزوجين الحين ءء وانتي م جهزتي شى وكيف ياخذج جي على طول ؟؟
عنود بتوتر : ماعرف منو بعد الي بياخذني ,, عهود سوي شي
عهود مسكت ايدها وبجديه : عنود شوفيني ولد عمج الي بياخذج اتفائلي يعني بتطلعين من هالبيت وبترتاحين من عمي وحرمته

عنود فهمت قصدها : بس؟
عهود بابتسامه تطمنها : توكلي ع الله وصلي استخاره
عنود نزلت راسها بتفكير
قاطعتها
عهود ضربتها على راسها : والحين برا من غير مطرود برقد
عنود مسكت راسها ب الم : ناسيه اني اختج الكبيرة
عهود تقلدها : ناسيه اني اختج الكبيرة وبصوتها م يهمني اطلعي خلي ولد عمج ياخذج ويفكنا منج
عنود تعرف انه عهود تمزح وطلعت للحوش ويلست ع المريحانه وتفكر بمستقبلها
طبعا شيماء راقده ولا حاسه ب الي حولها رقادها ثقيل هالبنت

الساعه 11:15 ص

وصل هو وابوه لبيت ناصر
وبتفكير المفروض اخذ فطوم بدالها

قبل ساعتين

اللحاف تحت وراقد بالعرض ع السرير ع بطنه
قاطع نومه العميق : تترررررننننننن ترررنننن
اهتزاز وصوت المنبه قام بكسل ودخل الحمام وانتو بكرامه يتروش

طلع وهو لاف الفوطه ع خصره والفوطه الثانيه ينشف فيها شعره تذكر كلام ابوه امس ان بيتزوج عنود المحجوزه له من يوم م انولدت وابوه حجزها له تنهد وشاف الصوره الي ع مكتبه رفعها وابتسم ع جنب كانت له ولفطوم وعنود هو كان شال فطوم الي واضحه الفرحه من عيونها وعيونه وعنود كانت ع جنب وشعرها الاشقر الذهبي يلمع تحت الشمس وعيونها العسليه البريئه تلمع بالدموع حس انه يبا يمسح هالدموع تنهد بهدوء ورد الصوره وراح يلبس كندوره بيضاء وشماغ والعقال

نرد للواقع

دخل المجلس وسلم على عمه بالخشم
وقعدوا كلهم يسولفون شوي قبل لايوصل الشيخ

عند البنات

عنود يالسه بضجر ع السرير : عهود ذوقج خايس خلني اختار انا
عهود اشرت لها ؛ اسكتي ابا اركز ، والتفتت عليها بحماس، اباج تطلعين حلوه عشان يحافظ عليج عريس الغفلة وترتاحين وتعيشون بسعاده وهناء
عنود بملل : واو (قلدتها بسخرية) سعاده وهناء "كشت عليها" م اقول غير مالت عليج وعلى حظي اني بتزوج جي كأني بنقاليه يدفعون عشانها وياخذونها لبيتهم
شيماء يلست صوبها وبتفاؤل : عنود انتي ماشاء الله حلوه استغلي جمالج عشان يدلعج وايد
عهود اشرت على شيماء : شوفي حتى هالنتفه فاهمه احسن منج (غمزت لها) شدي حيلج بس وهالله وهالله ب الحركات (وبضحكه تعرف ان اختها خجوله) والقلب داعي لج
عنود ضربتها ب الوساده : يالماصخه انا مب نفسج جريئه
عهود بضحكه : ههههه الحين خلينا نشوف شو نلبسج وبحماس شرايج تطلعين له بستيان ومايو
عنود صرخت وويهها استوا طماطه حرفيا ؛ عهووووووووووووووووووووووووووووووووووود !!!!!!!!!!!!!!!!!!!!
شيماء وعهود :هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

بعد نص ساعه

عهود بحنان : يلا وقعي ي قلبي
عنود انتبهت لتوقيعه الراقي سمت بسم الله وبهدوء : وقعت
عهود بحماس : كوللولولولولولولولولولولوشششش
شيماء قربت منها تبوسها : عمري احلى من يتزوج مبرووك
عنود بهمس : الله يبارك فيج
طبعا عمتهم يالسه تشوفهم بسخرية
وفطوم فالغرفه تصيح ومنار عندها تطمنها

بعد دقايق

عمهم ناصر : عنود يلا تعالي عشان يتأكد الشيخ من موافقتج
عنود بهمس : انزين وقفت بهدوء وتبعت عمها
وصلت لباب الميلس
الشيخ من الجهة الثانيه من الباب بعد م شاف ناصر : موافقه ي بنتي؟
عنود بتردد
سالم!!
عمها ناصر مسك ايده بتوتر
الشيخ باستعجال : موافقه ولالا
سالم بصدمه ( لايكون بترفضني!! هذا الي ناقص ) تسلل صوتها الناعم لأذنه
عنود بنعومه : موافقه
الشيخ سلم ع الي ف الميلس وبارك لهم وطلع
وردت عنود لخواتها بخوف

بعد كم دقيقه

عنود !!
عنود التفتت على عمها : امر عمي ؟
عمهم ناصر : تعالي يلا بتروحين مع ولد عمج
عنود ترددت تبا تسأله اي ولد عم ( افف خلاص بشوفه الحين ) لبست عبايتها وخذت شنطتها الصغيره

عهود وشيماء الدموع تنزل شلال من عيونهم

عهود ركضت صوبها وضمتها : بشتاق لج توامتي
عنود ابتسمت وبادلتها الحضن : بكلمكم دوم ع التليفون
التفتت على شيماء وبهدوء : م تبين تسلمين علي؟
شيماء بكت نفس الاطفال وبنعومه ضمتها : كلمينا دوم لاتنسين
عنود بضحكه : هههه عمري الدلوعه
عهود بابتسامه : يلا ريلج ينتظر برا على نار
عنود تذكرته وتحركت بعد م ودعت خواتها

عنود وهي تمشي سرحت بمصيرها المجهول

فالحوش
شافت سياره رنج روفر بلون اسود تنهدت عرفت انها سياره عريس الغفلة لان عمها م عنده هالسياره احتارت تركب ورا ولا جدام
ركبت ورا بهدوء وهو حرك السياره بهدوء وم تكلم ،، وسرح بحبيبته يعرف انها متضايقه الحين ف غرفتها وتبكي

وصلوا للفندق

نزلت بتوتر وهي تسحب شنطتها رفعت راسها شافت عرض اكتافه ونزلت راسها مره ثانيه مستحيه تشوفه و بفضول تبا تعرف منو خذت من عيال عمها من يوم م توفى ابوها وهي م شافت ولا واحد منهم لانهم انتقلوا لفريج ثاني

وصلوا لجناحهم ودخلت قبله للغرفه وفصخت عبايتها واستغربت انه م تكلم معها لحد الحين تنفست بهدوء اكيد الحين بتشوفه وبتكلمه

طلعت من الغرفه وشافته بصدمه !!!!!!!!!!!!!!!
كان منسدح ع الغنفه وحاط ايده على عينه بتعب وعقاله وشماغه ع الطاوله
توترت وارتفعت درجه حرارتها وكانت بترد بسرعه تعثرت بكعبها وطاحت : اااء
رفعت راسها شافته قريب منها : انتي بخير ؟
عنود تسارعت نبضات قلبها مره ثانيه وسرحت بعيونه
كان قريب منها لدرجه انه انتبه ع لبسها وفهى ,, فستانها كان ابيض وقصير بتصميم هادي لكن فتحة الصدر واسعه
عنود نظرته لصدرها وترتها ووقفت بسرعه وبعدت عنه : ءء انا بخير وردت شعرها الاشقر ورا اذنها
سالم وقف بهدوء وهو يناظرها بتفصيل لشعرها الاشقر الذهبي الويفي الي يوصل لخصرها لعيونها الناعسه العسليه ولخدها المتشرب بحمره ورديه لذيذه لانفها لشفايفها المليانه ركز ع شفايفها المليانه المرتجفه تخيل طعمها بفمه قرب منها كانه مسحور ب هالكتله الانوثيه المتفجره ونزل راسه وو......................................

ف النهايه هو رجل كامل وهي انثى كامله لذيذه

و

...................................................................................
....................................................................................
........................................................................................ ^_^

نخلي المعاريس مع بعض شوي

لاتنسون تكتبون التوقعات عشان اتحمس واكتب لكم :)

**hanoo66** · 09-04-2018, 10:59 PM

رد: رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

الروايه حبيبتي روعه
بس حبيبتي حاولي تخلين الامور سطحيه يعني ما تتعمقين فيها
لانه انا وبنات كثير صغار وشباب ياثر عليهم
ولا روايتك ماشاءالله روعه روعه
اسفه اذا ما عجبك كلامي

**سحآب** · 09-04-2018, 11:03 PM

رد: رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

المشاركة الأصلية بواسطة hanoo66

الروايه حبيبتي روعه
بس حبيبتي حاولي تخلين الامور سطحيه يعني ما تتعمقين فيها
لانه انا وبنات كثير صغار وشباب ياثر عليهم
ولا روايتك ماشاءالله روعه روعه
اسفه اذا ما عجبك كلامي

حبيبيتي ثانكيوو
ان شاء الله بس بحاول اخفف من الجراه شوي بس وين الشباب يقرون ؟ كله بنات تطمني
منوره الروايه اسعدني مرورج قلبي

**hanoo66** · 09-04-2018, 11:07 PM

رد: رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

منوره بنورج حبيبتي الله يسعدش وين ماتكونين حبيبتي

**سحآب** · 09-04-2018, 11:09 PM

رد: رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

المشاركة الأصلية بواسطة hanoo66

الروايه حبيبتي روعه
بس حبيبتي حاولي تخلين الامور سطحيه يعني ما تتعمقين فيها
لانه انا وبنات كثير صغار وشباب ياثر عليهم
ولا روايتك ماشاءالله روعه روعه
اسفه اذا ما عجبك كلامي

المشاركة الأصلية بواسطة hanoo66

منوره بنورج حبيبتي الله يسعدش وين ماتكونين حبيبتي

امين ويسعدج حبيبتي
عادي اطلب منج شى انا جديده ع المنتدى وابا اعرف كيف انشر الروايه لو ماعليج امر انشريها لو حبيتي الروايه وبكون شاكره لج :)

**hanoo66** · 09-04-2018, 11:11 PM

رد: رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

هههه واكيه حبيبتي بس مو اليوم باكر
لانه الساعه 1 وبنام
وراى مدرسه

بس سوال الروايه حقيقيه ولا خياليه؟؟

**سحآب** · 09-04-2018, 11:14 PM

رد: رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

عمري والله عسوله ,, زين عيل نوم العوافي واحلام سعيده والله يوفقج

**hanoo66** · 09-04-2018, 11:15 PM

رد: رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

بس سوال الروايه حقيقيه ولا خياليه؟؟
انتي العسل كله حبيبتي امين ويوفقج حبيبتي

**سحآب** · 09-04-2018, 11:17 PM

رد: رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

فيها من الواقع والخيال اكيد والاكشن ف الاحداث اليايه

رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

رواية/ ودي أضـمك وتحرقني بجمر حضنك ، أبيك انا والشاهــد الله انا أبيك .

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget