تويت
وين صوتك في مسا الذكرى ووين أيامك
إنفتق جرح عجزت آضمده وأكنه
أدري أن طيوفي الولهى تجي قدامك
تذكرني بس حزني مادريت عنه
كان حلمي أرسم الواقع بدرب أحلامك
كان حلمي أقلب الدنيا بعينك جنه
كان فرحي لاجذب قلبي جميع الآمك
كان عمري فدوتك ولك الفضل والمنه
كنت لا ابتسمت شفاك وطاح ستر لثامك
قلت ياحي الزمان اللي ضحك لي سنه
كنت أهيم بشوفتك وأرقب شعور هيامك
وأثر مابه عاشق يصدق بعمره ظنه
راح بك وقتك وللمجهول ساق أقدامك
وانتهى عمر خذانا ما خذينا منه
وصرت لاهبت علي من الشمال أنسامك
أمتلا صدري حنين ، وجر قلبي ونه .
.
.
-
الشاعر / مرزوق الروقي .
.
تعليق