مدونتي نبض فكـــري

**نور الفجـــــــــر** · 03-12-2018, 12:08 PM

رد: مدونتي نبض فكـــري

المشكله انك تتكلم عربي وتضيع مخ الواحد لما يجي يقرا لك ماهااززززا

اكتب عربي وما ينفهم افضل من نكتب شيء ما ينقري ولا ينفهم

اوهايو قوزايمس
أولى
كومو استاس
موي بيين قراسياس

إيتو

ما علينا البنت هذي ثقافتها عاليه وتبتزنا بلغتها عادي تصير في احسن العائلات .

نور سؤال خارج النص

اما ماهو خارج النص فلا تخافين ... سكارى وعقولها معها ...

حياك يابرذر الغداء عند نفر حلفت حلفت
والعشاء عند الوسمي ونور قول تم
ونحن يالبنات مانعرفكم

>>عشان مانبدس بغسل المواعين مخ

الجميع محيا يا هلا ومسهلا غداء وعشاء تبون البر والا البيت

كان تبون البر الجنس اللطيف فوق روسنا جالسات على المراكي وما يرفعن عود من مكانه
حنا نشب الظو ونسوي القهوه ولو بغن نصبها لهن من عيونا ونسوي الغداء ونغسل المواعين
ونظف العزبه وهن فقط يتمشن براحتهن

تبون البيت لاوالله يا اخياتي الله يعينكم تشيلون كل شيء
هذا نظامي في البر لاني طالع بهن يوسعن صدورهن من قعدة البيت

وسلامتكم

**نور الفجـــــــــر** · 04-12-2018, 10:21 AM

رد: مدونتي نبض فكـــري

يوم كتب وزير السلطان
اعادنا للماضي قليلا فتذكرت حذفه لمشاركاتي الجميله

بحجة انها محل نظر
وفي غيرها ما يعمي البصر فتذكرت وزير السلطان في مسلسل كويتي تاريخي
فقلت في نفسي لعل هذا من طبع السلاطين فقبلت برايه لثقتي بشخصه .

اوصلنا بقوله الى حقيقة يصعب الوصول اليها من بني هذا الجيل وهي الكتاب
ونصح بقراءته ودلل على قوله بثبات الكتاب وتلاشئ الأكثرية من غيره ولعلي
ازيد الوصل صلة فاشير الى تدبر القران ففيه من تقويم النفس ما لو علموه لتدبروه
قال وقوله الحق .. افلا يتدبرون القران ...

خارج النص على قولتها
اول مرة من عرفتها في المنتدى يجي منها بركه

اللي خلت وزيرنا الفاضل يطل علينا بهذه الاطلالة الطيبه
بارك الله له ولها فالدال على الخير كفاعله ... دمتم بود

**نور الفجـــــــــر** · 04-12-2018, 10:46 AM

رد: مدونتي نبض فكـــري

اخوي نفرررررررررر
صبحك الله بالخيرررررررررر

حبيت اصبح عليك واتطمن انت واااااعي والا ناااااايم
ما ادري بعض اللي قريته هو علم والا حلم
دمت بود

**نور الفجـــــــــر** · 04-12-2018, 12:39 PM

رد: مدونتي نبض فكـــري

هلا وغلا حياك ربي

اي كلام بالضبط كل كلامي من جنب القدة

خبري بك تصيب الهدف وراها ها المرة جت جنب القده
لايكون من اثر الاسم اللي حطوه لك عاداك ترا راعية
حتى لو قالوا نور تراه دايم يا من جنب القده او من فوقها .
فانت ارفعها شوي الله يرفع قدرك علشان ما يردها الحارس
دمت بود

صدقتني الحين
شفني جيت مدرعم وطبيت ما دريت

**نور الفجـــــــــر** · 05-12-2018, 01:12 PM

رد: مدونتي نبض فكـــري

واللهي شوف عجيب امرك تقول من خلقنا وحنا نعرف البرود وسعه الصدر لاهل الشمال
ي عني والنعم في الجميع وصحيح دايم يقولون خلي صدرك شمالي
لكن الى محيرني اني ما ادري من اي عصر بالضبط مولود انت
لاني ما قد مر عليه ان فيه تكمله بعد وسعه الصدر الشمالي ان اهل الجنوب بروحي عنهم
بان االحراره لهم وان صدورهم ضيقه الله لايجيب الضيقه عل مسلم
فا ما ادري من وين جبت هذا الكلام ومين الى مألف كل ذا ماشاءالله ابد ماسك خط في الابداع
الله المستعان بس

اعتذرت عن ما كتبت وأكرر الاعتذار ... واعتذر عن الخوض في هذا الامر مجددا ليس لانني على خطا فانا ناقل لما سمعت وما كتب ولكن لانني لا احب الخوض في مثل هذه الأمور لحساسيتها على جميع المستويات وانا مخضرم ولدت بين جيلين اخر جيل وبداية جيل 1955 وسمعت من جيل سبقني كما سمعت وقرات من جيل أعيش فيه وليس لي علم بمن الف هذا التوصيف ان كان حقيقي او ابتدعه ان كان بدعة . وبعيدا عن ما قد يؤلف ويبتدع نتفق باختلاف الشخصيات باختلاف مناطقها سواء في اللهجة او في بعض العادات والتقاليد فليس بعيدا حسب دراسات علم النفس ان يكون اثر هذا الامر كغيره من اثر بيئته
للجميع مودتي

**نور الفجـــــــــر** · 07-12-2018, 11:29 AM

رد: مدونتي نبض فكـــري

فني كمبيوتر يشتغل في مستشفى
يقول فيه موظفات يطلبن أشياء أسويها في أجهزتهم و يقدمن لي قهوة وحلى
وأحيانا ساندوتشات وشايوكل مرة نفس الشيء، وكنت أحسبهن معجبات فيني
ومرة سمعت وحدة منهن تقول "وين الدب راعي الكمبيوتر يجي ياكل باقي الحلى والقهوة بدل مانرميها"

طلعت مشروع حفظ النعمة

انه من كيدكن ان كيدكن عظيم

**نور الفجـــــــــر** · 09-12-2018, 03:31 PM

رد: مدونتي نبض فكـــري

سوالي اخت جدتك .. وش تصير لك .. طبعا جدتك زوجة جدك مو ام امك او ام ابوك
جدتك زوجة جدك اختها وش تصير لي !!

اللي اعرفه ان اخت جدتك سواء لامك او لابوك انها خالتك ... لانها ي خالة امك او خالة ابوك
وخالتهم تكون خالتك .... صح انها قريبة من قولهم ... يخال ابوي حك ظهري ... لا قلتها ابلشوك من هي ذي
فاحسن لك تقول اخت جدتي اهون ..
اذكر اخوي الله يرحمه وحنا صغار كنا نعرف خالة امي بــ ام ال فلان ... شهره لها معروفه بها في القرية
مدري وش السالفة بس اخوي قال ام ال فلان قالت امي الله يرحمها ... قل خالتي خل الله وريدك ...
انا عاد الصغير انبسطت يوم هاوشته

دعوا لهم بالرحمة يوم جبنا سيرتهم .. وفقكم الله

**نور الفجـــــــــر** · 11-12-2018, 10:55 AM

رد: مدونتي نبض فكـــري

ماخذي لي عطر من العربيه للعود
انصحكم فيهم اسمه " كلمات " والله ياهو رايق
وينفع للكل شباب وبنات
وربي بلاش مو بفلوس العطر بطل

ويقول ما عليكم من الإعلان ...
ودي انشد الصمت يصلح اعلن عن جوالات في محلي
بس مستحي اخاف يقولون .. حريش بريش محراث النار ...

طيف وشمس ونفر حياكم الله لكم كم يوم غايبين
نستنى تنهيدهـ وشهرزاد والملكه وتكمل الامور مع خفائي بعد
يارباااه وابو العز اللي يشوفه يقرسطه ويجيبه صاير يتغلي المحلي

( اسمي مكتوووووووووووووووووووووووب )
الحمد لله لاني حاضر على طول
صح مرات اخذ غفوة بس ذيب انوم بعين وافتح بعين

الســـلآم عليـــكم .. دار قوما مومنين ..

قال تعلى
وما اؤتيتم من العلم الا قليلا
كنت من الابتدائية الى اليوم احسب السلام هذا
خاص للموتي لانها سنة الرسول صلى الله عليه وسلم
في اللسلام عليهم

**نور الفجـــــــــر** · 12-12-2018, 11:55 AM

رد: مدونتي نبض فكـــري

وانتم مقروعين لا احد يرسل وصفات يكفي اللي وصل

بعد .. القرع ...
بلل ريقك بزيت الزيتون لاحسيت حلقك ينشف
لانه كلما نشف الحلق يزيد الالتهاب
وجرب مره بس والتجربة خير برهان
واجر وعافيه ان شاء الله

**نور الفجـــــــــر** · 13-12-2018, 12:22 PM

رد: مدونتي نبض فكـــري

مدري ليه لاشفت الصوره تذكرت خوينا نور كويس الفجر

قبل فتره يقول انه لحق ع الخمسينات الميلاديه طلع شايب الله يعطيك الصحه والعافيه

شف ي اخوك مثل ما قلت الحمد لله انا واياك صافي ي لبن او على قولتهم سمن على عسل
مسالة اني شايب انا طال عمرك اقسم العمر قسمين قسم مادي وهو عدد السنين
ومن ها المنطلق .. حلوه المنطلق ... ما علي من عدد سنيني اللي تعدت الخمسين
ولو ظهر النور الأبيض في راسي يقول الشاعر
عيرتني بالشيب وهو وقار ... ليتها عيرت بما هو عار
ان تكن شابت الذوائب مني ... فالليالي تزينها الأقمار ..
على طاري الشيب عندنا شايب طرا عليه العلم الطيب

قام صبغ لحيته .. عاد لاصاروا الناس البارح شايفين لحيتك بيضاء ويوم صبحتهم والا سودااااااااااااااء بقوه طبيعي يستغربون قالوا وراك على اللحية يبو سالم قلبتها قال انا ما قلبتها هي اللي اللي انقلبت انا بس رديتها لاصلها اللي ظهرت عليه
القسم الثاني ... وهو العمر الحقيقي العمر الروحي لاصارت روحك شبابية على طول ما عليك من الشيب يظهر في احسن العئلات هنا انا عمري عمر .. الأشد ... حتى اذا بلغ اشده وبلغ أربعين سنه ... انا وقفت في الأربعين واللي يبي يعدي الله يسهل عليه

يمين انك محشش بجد

الحشيش طال عمرك امر سلبي فيكون دايم شمال ما يكون يمين ... اما من اوتي كتابه بشماله
لان اليمين امره إيجابي .. سلام لك من أصحاب اليمين ... الله لايهينك المره الجايه خله يسار

اجل فيه سلام للموتى

والله ما قلت ان فيه سلام للموتي من عندي قلت احسب لان المطوع الله يرحمه اللي هو مطوع المسجد ومدير المدرسة والمفوض السامي لتاديبنا في المدرسة والا في البيت والا الى رحنا نهدف الغنم وفي أي مكان من القرية كان هو مدرس الدين ويوم جاء درس زيارة المقابر ما شرح الحديث على السبوره لانه الله يرحمه مثقف وواعي خذنا للمقبره على بعد 300 متر وطبق لنا السلام اللي ذكرته وقال انه حديث صحيح عن الرسول وحفظناه الى يومك لارحنا للمقبره سلمنا عليهم بها السلام لكن ما اكذب
عليك والله ما عمري سلمته بها النص على ناس حيين .

مدونتي نبض فكـــري

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget