مدونتي نبض فكـــري

**نور الفجـــــــــر** · 21-11-2018, 12:06 PM

رد: مدونتي نبض فكـــري

تصدقون امس الناس بالناس وتعلقياتهم عن الصراحه
وانا مودي وقتها جالسه ارسم ولا علي بالموضوع

شخصيا .. ما يهمني في الصراحة
.. نقد .. توجيه .. بيان
العبث لا اهتم له ولكني نبهت لنشره
حتى لاتكون صراحتى كهفا للغيبة والنميمة

لا ماعليكم بنزل خربشه كنت اظن وخاب ظني

حرزوا فيها ع مال ارفع الباقي

شيء ما احبه ابد .. التوقع .. التخمين ... الالغاز ..
لذلك مشاركتي بتكون ما ديه لانك جوعانه اقدم لك طبق
بري جوه غيم ومطر تم عمله بيدي الكريمه

الملفات المرفقة

**نور الفجـــــــــر** · 22-11-2018, 10:02 AM

رد: مدونتي نبض فكـــري

تتوقعون ان صاحب الصراحات الشينه هو نفس الشخص يرسل للجميع وتتوقعون انه ممكن يرسل صراحات
فيها عبارات توحي انه واحد منا وتتوقعون انه يحاول الوقيعه بيننا يعني يخلينا نشك ببعض وكيذا كل شي جائز

كل شيء جائز كما قلت اخي ... ولكن يبدو لي من معطيات سابقة لم توفق عضويتها في الاتساق

مع نهج المنتدى ومبتغى أعضاؤه ان الامر قد يكون مجرد ازعاج لارباك المنتدى واعضاؤه لان المصلحة
الظاهرة مما توفر من صراحات خلط للامور بلاهدف شخصي مما يجعلني استبعد ان يكون من داخل المنتدى وان كان ذلك قائما .

**نور الفجـــــــــر** · 24-11-2018, 01:42 PM

رد: مدونتي نبض فكـــري

مدونة الصور
كغيرها من المدونات الكتابية او الصوتيه
وكون المدونة حكايات الشخص نفسه وتوجهاته وافكاره
ساعمد أحيانا الى نقل ما يمر بي من نشاط حسب وقته
فهل الفكرة المبنية على التنوع التي اثارته تنهيده مجدية ؟
من حيث ان الصورة تحكي واقعا اكثر مما تحكية بقية المدونات ؟
اعتقد ذلك فما هو رايكم ؟
...........
في حائل وانا لست من أهلها كان لي جولة ممتعه لم ينقطع المطر
خلال أسبوع كامل قضيت يها وقتا ممتعا عنواني المتعة والبساطة في كل شيء
جلسة عصرية في بطن وادي بعد سيل
فهل حكت الصورة لكم شيئا ما ؟

الملفات المرفقة

**نور الفجـــــــــر** · 25-11-2018, 11:22 AM

رد: مدونتي نبض فكـــري

طبق حائلي
لو استثمر كما ينبغي لدخل موسوعة جنس

الملفات المرفقة

**نور الفجـــــــــر** · 28-11-2018, 11:33 AM

رد: مدونتي نبض فكـــري

بداية

مبروك اختنا زهرة امل افتتاح المدونة
تكون ان شاء الله انطلاقة يها من المنفعة والمتعة ما يسر

ثانيا
الحمد لله على خروج نفرة نفر وصغيرته من المشفى واجر وعاية ان شاء الله

ثالثا ... اللي قال لاتستعطف الأعضاء بمرض بنتك ... خذوا الناس بصدق قولهم
واذا عوفيتم فاحمدوا الله

أخيرا الوسمي يبي موضوع ... تاكله يده

تذكرت لي موضوع وشاورت حوائية وجاني الرد
ابشر بصوغة من ديرة حائل اللي انت زرتها نزل موضوعك وتشوف
بعدها هونت يالوسمي ... انا خواااااااااااااااااف .

الملفات المرفقة

**نور الفجـــــــــر** · 28-11-2018, 02:31 PM

رد: مدونتي نبض فكـــري

مسكييييييييييييييييييين والله ينور
رنووووووووووووووووووووووه

الوسمي ما عرف وش انا أقول !!! شف انا اعترف ان في اسلوبي عوج
لكن وشلون ما تفهم على وتفهم على طيف اللي اكثر حكيها لاهو عربي ولاصيني ولا اوردو
مرات اشوا تترجم كلامها ومرات لا . ما علينا خلني أوضح لك وش كنت أقول
أخيرا الوسمي يبي موضوع .. هذي بينه ما تبي توضيح
تاكله يده .. هذا مثل اكيد تعرفه .. للي يدور الغثاء والمهاوش
تذكرت لي موضوع .. موضوع من اللي بببالك كنت بطرحه متعلق بحواء
شاورت لي حوائيه ... حوائية يطويل العمر اقربها لك شوي وحده مثل طيف

مستعده تشخط في أبو أبو ادم .
وجاني الرد .. يعني قالت لي كانك قدها اطرح ها الموضوع
الصوغه ... هي الهدية ... البرد اللي شفته ... جايني وانا بحائل
تقول بكسره على وجهك ان طرحت موضوعك .. علشان كذا هونت
يقولون من خاف سلم ... لكن ما عليك اخوك حزام حطب كانك صملت
هات اللي عندك وابشر لو تجتمع حواء كلها نفضناها نفض
وسلامتكم
بروح اشوف وش قالت طيف الله يعين

**نور الفجـــــــــر** · 29-11-2018, 11:21 AM

رد: مدونتي نبض فكـــري

ي الله ... اخوي الوسمي معاد لقى احد يحارشه وحط حرته فيني
عشاني حبيب وقام مر يحدر بي ومر يسند بي
يقول

كذا كلامك ينفهم بس بصياغتك له وكتابتك ترا
محد فهم شي

ويوم وضحت لها ... الـــ محد اللي ما فهم شيء
يقول
وفـ الاخير ينطبق
عليك مثل " من فسر الماء بعد الجهد بالماء "
واللي يرحم والديك ارس بي على بر .. اسند والا احدر ترا دار بي راسي ؟!!!

ما علينا يقول الوسمي

وخلي صدوركم شماليه مو حجازيه ولا نجديه عاد تصدقون
اشوف الحجازيه اكثر الناس صدورهم وسيعه ومو اي شي يطير بهم
مدري ليه ودوها للشمال وساعه الصدر اقصد !!!

احد جاب سيرة اهل نجد والا الحجاز
ما سمعت الا القصيبي الله يرحمه يوم يقول نحن الحجاز ونحن نجد
و من خلقنا وحنا نعرف البرود وسعة الصدر لاهل الشمال
والحرارة وضيقة الصدرلاهل الجنوب من غير قصور في الجميع
فخونا الوسمي علشان احد بنات القوة على قولة اخونا نفر موجودة
ShahrzaD
ما جاب سيره أهلنا اهل الجنوب ... الخوف زين !!!!!...[

بعض البشر تغليه لو ما تشوفه
يجذبك له شيء غريب بالأحساس
ومع ان زايد الله يرحمه يقول

صوتك يكفينـي بـلا شـوف
هل كيف في شوفك ولامـاك
لكني ما اصدق ياي شيء يغني عن الشوف

استمتعوا مع إجازة نهاية الأسبوع غيم ومطر وطرب

**نور الفجـــــــــر** · 29-11-2018, 01:42 PM

رد: مدونتي نبض فكـــري

يقول لانك جوعانه زين وقتها اني تريقت قبل اجوف التدوينه
مو انا اللي قلته والله .... انا ما فاتريش على احد …

ودي اعلق واطقطق

بس مالي حيل جوعانه جدا ودايخه علقوا انتم خذوا راحت
شفتوا تقول جوعانه جدااااا
عموما هذي صفة التسرع اللي معروفة عن بعض حواء وهذا احد الردود على سؤال اخونا الوسمي

" ليه دايم الولد حتى لو هو صغير اشجع بمليون مره من البنت
في كلامه وفي اتخاذه للقرار وفـ تحمله للمسؤليه "

ماعلينا اختنا طيف هداها الله تسرعت كعادة بعض حواء وقالت سبق إصرار
وما قدمت شيء قد المقام وما ادري ايش وانا صادق في كلامي بس ما خلصت
البر ما هو براد شاهي وملقاط ..... البر وناسة وسعة صدر واستمتاع بالاجواء الحلوة
اللي جاك مقبلات فقط
توي ما كملت هذي القهوة وقدوعها . تمر ... توكس ... جلكسي ... سنكرز ... فليييك
بالهناء والعافية .

الملفات المرفقة

**نور الفجـــــــــر** · 01-12-2018, 01:36 PM

رد: مدونتي نبض فكـــري

اخوان قسم ان جبهتي طارت ومحد سمى عليها

اول شيء ... بسم الله عليك بالرحمن الرحيم
اعوذ عليك بكلمات التامه من كل شيطان ومن كل هامه

الـــ هامه بتشديد الميم تقول جدتي الله يرحمها انها داب
عرضها شبر وطولها ذراع وتقول لاصارت الحرمة قشرا
وتصوط اللي حولها يسمونها الهامه .

ثاني شيء ي اخوي انت غاطس راسك في الماء ورجليك فوق وش علمك ؟
ما سمعت بحش الرجلين ظني انه اكود من قصف الجبهه
الجبهه راس ما لها ادهنها بنيفيا الأصلي اللي قوطية ازرق وتشاوى
بس الرجلين لاحشت وشلون تمشي ؟

ثالث شيء ما ادري وش بك على اختنا شهرزاد يوم تقول ....
الله يسامحك ياشهرزاد
ويوم تجنب سيرتها يوم الكلام عن وسع الصدور وضيقها .. اكيد فيك شيء والا
البنت سيرتها عطره ومن اللي قالته عن برامجها وخدماتها في عملها اشوفها نموذج راقي
لكن كانك جاي لها في درب لا تستبعد تهومك يعني تصير من اللي قالت جدتي ترا اليوم كل
شيء جايز وانت تشوف بعينك .

رابعا ..لاتقلد .. اذكر يقول لنا مدرس الفنية في المتوسط .. احذروا التقليد
وانت تقول انك ... مت .. وانت هذا حي يرزق وقبلك طيف قالت انها ماتت
ويوم عزيتها زعلت تقول تعزيني وانا حيه ترزق ...حيه ..يعني ما ماتت لاتفهمني غلط ي اخوك

أخيرا ابشر بسعدك يوم نخيتني وما عليك من حكي الناس تراي حزام حطب وينشد بي الظهر
بس .. ايموجي ... اللي تقوله ترا ما اعرفه هو وجع يجي في الجبهه والا وشهو
وسلامتك

**نور الفجـــــــــر** · 02-12-2018, 06:54 PM

رد: مدونتي نبض فكـــري

طبعا نور الفجر أتوقع جايب السالفه على شكل مزوح

جل ما ذكرتيه حقيقة وصحيح فما عنيته مداعبة لصاحبنا لتتولى اختنا الفاضله شهرزاد امره
كونها من بنات القوة في تصنيف اخونا نفر ولعلمي بانها من اهل الجنوب والنعم بهم جميعا .
فما ذكرته بعض مما الفناه من جيل سبقنا متفق مع ثقافة جيلهم ليس لنا الاعتراض عليه
ولا القبول به فلكل جيل ثقافته وما يالفه وليس لدي تصنيف للخلق يخالف التصنيف الشرعي لهم
وان كانت مشاركتي غير موفقة بسبب حساسية هذه الفقرة الا انها جاءت في سياق الدعابة فقط
فمعذرة لفهم لم يتفق ومقصدي . ودمتم بود

مدونتي نبض فكـــري

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget