ترا القلب هاجوس الضماير طرق بابه
وسلم عليه وبشره باللي احبه
ايلو ان ابن عدلان يدري بما جابه
وقف على باب الضماير ورحبه
حيثه صديق لي وما صابني صابه
واللي يبي قلبي بالامثال يضربه
من واحد مايقنع العاقل الا به
لصار ماشافه على اللازم يكبه
بيني وبينه مغنطيسات جذابه
لو ان النفوس بعيد الافكار تقربه
يلوح براق الدجاء من ورى اسلابه
وكن القمر من مفرق الراس للبه

سعد ابن جدلان
تلذذت قاف الاكلبي يوم غنابه
وزين القصيد احب راعيه واحبه
توجد على اللي تل قلبه وقفابه
وانا لعب بي اللي كان من قبل يلعبه
ابو منحر(ن) براق وعيوان جذابه
وعنق المهاه اللي راعى الذوق يرغب به
لمنه تذكر خاطري خيرة اصحابه
تدق الضماير كنها دقت منبه
مايسمح خفوقي لين اوقف على بابه
وارب المكان اللي هوى الخاطر يربه
تمنيت خلي لكن اخطيت مضرابه
لين افلست من مضنون قلبي وانا السبه
وراعي الهوى لا دبرت عنه اركابه
معد له يكون يمد كفينه لربه

مسفر ابن صمعه