شعاني قصيدة شاعرن مبدع منشاد
اذن العرب ليجاء الشعر منه تطرب له
تمجد بحب الوضح بالقاف يوم انقاد
يخلي راعى الوضحا يجاريه ويشله
كل الحب ينقص بس حب العفر يزتاد
ومن طاح في حب العفر ماطوى سجله
لها رونق يفرق على باقي الاذود
راعى الصنف الاخر ماهو يعينه فابله
على حب راعيها يجيها وله وعناد
هيام مهوب بهيام عنتر ولا عبله
وذا شفته تنساق له مالها رداد
تلافت لمنه جر صوته وتقبل له
وهو وده انه يفرش مراحها سجاد
حنون لها حتى من الرمث والربله
ليا غاب عنها ماتهنى بشرب و زاد
وذا شفها كان مال قارون مال له