ياعيوني اللي سهيره ما يجيها انعاسي=ويافوادي أللي فقد بين الخلايق ولفه
الوليف أللي جذبني عوده المياسي= وإن مشى كنه الجميحي يوم دقوا سلفه
وارد أمريكا جديدً ثوبه القرطاسي= ماوقف عند المهندس يشتغل في بلفه
ليت خلي مايصدق بي كلام الناسي= والنمايم.. والعذايل.. والهروج الجلفه
أعذلوني قلت كفوا خاطري منحاسي= فاهمً كل العلوم الصالحه... والتلفه
ماعلي إن كان قلبه في المحبه قاسي!!= فطرة الله والطبايع في البشر مختلفه
والليالي علمتني لين صار إحساسي= بعد فضل الله يعرف المقديه والصلفه
اه ما احلى العد لول ياحلاوة كاسي= مشرب صافي وحالي مثل در الخلفه
حمس قلبي حمس بنً شله المحماسي= حركه غمرً شجاعً ماهرج بالزلفه
هيه يابستان حبً خاوياً يبُاسي=اشهد ان سود الليالي صابته باللفه
صابر وإن زاد فيني الوجع بالراسي=فالعدايل ترتكي وإن جاء الحفى للظلفه
مابقى الا انشر هوانا في وكالة واسي=مثل نشرة بوش وعلومه وحلفه
بستحي .. والحب.. يبقى.. ثابت بالساسي=وإن طعن فيه الزمان وحرك سيوفه وشلفه