السلام عليكم ورحمه الله وبركاته
.
.
.
روايتي الثانيه ،،
تتكلم عن واقع يعيشه بعض العائلات وللعلم الروايه بتكون أحداثها (درامية )وبحاول اكثر سيتكون واقعيه { انشاءالله تستمتعون بقرايتها} وانشاءالله أكملها ،،

.
.
.

بسم الله
.
.
.
،،،
البارت الاول ؛

في بيت حموله في قسم خاص مكون من صاله ومطبخ وطاوله طعام وثلاث حجر
ساميه: سالم انا ما اقدر اكمل اكثر من جيه ما ابا أعيش هني ابا بيت بروحي افهم
سالم : قتلج امي تبانه كلنا في بيت واحد
ساميه:يعني ما تقدر تقوللها بنروح في بيت بروحنا العيال كبرو وبناتي كبرن ما يستوي كلنا في بيت واحد
سالم : شو كبرو بعد اكبر وحده عمرها ١٨ وهي اكبر حفيده اصلا
ساميه : انزين بعد ما يستوي تم هني وعيال اخوانك ما تاخذ راحتها البنت ولا انا اخذ راحتي بعد
سالم : انا ما عندي مشكله اني اسوي بيت بروحي بس امي الله يهديها وانتي تعرفينها متسلطة وما تحب حد يعارضها
سلميه : امك عل عين والراس بس بعد لازم يكون عندنا خصوصيه شوي
سالم : ....
دخلو الحجره ورقدو
الحجره الثانيه
شما : ههههههه شلابسه انتي
مها : شفيه لبسي ؟! (كانت لابسه بنطلون وقميص ل فوق الركبه بشوي مع أكمام)
شما ؛ هي لبسي جيه وروحي عند يدو عشان تمردغج
مها : هففف استغفرالله يدو ماعرف ليش ما تباني البس جيه واصلا ما عندي عيال عم أتحجب منهم اصلا وكلهم صغار وعمومي ما يلسون في البيت اصلا واذا كانو موجودين بعد شو يعني عمومتي وانا لبسي كله وسيع وطويل :(
شما : مادريبها يدتج يوم سلامه الي عمرها ١١ تباها تلبس كندوره
مها : صح غريبه ش يايبنج انتي هني احيدج دوم مع سلامه وهند
شما :هند محد راحت عند خالاتها وسلامه امم يعني بيني وبينج انتي تعرفيني ما احب ايلس مع الأصغر مني والمصيبه سوالفهم سوالف باايخه
مها : والله عيل يوم انتي تشوفين جيه ليش يالسه وإياي وانتي عمرج ١٣
شما :انا وانتي غير يعني اول شي خوات وبعدين تفيركنا شوي متقارب مع بعض !!
دخل علي
علي :السلام عليكم
مها وشما: وعليكم السلام
علي :يدوه تقول يلا نزلو تحت وانصحج مهوي بدلي لبسج عشان ما تعصب
مها : ها شوفي حتى اليهال عرف
شما :خليها ع ربج بس
انتهى البارت