العفة بهل وكت فد شي غريب
عدهة عقدة وحالة لوعدهة اكتئاب

الشرف شنهي الشرف كلش قديم
هسة وكت التجذب عيون الشباب

واللبس كلة حصر مضياك حيل
والعباية مخصرة وفيكة الحجاب

الكحلة والمكياج هم هذا عتيج
هسة وكت التاتو والفن العجاب

والما مكبلة هاي ﻻ مو بنت اصول
هاي جكمة وعوبة فاول بالحساب

هاي وحدة مشوهة وماعدها ذوق
هاي موش امثقفة براي الصواب

خو بنات الجامعة وكت الدوام
جاي تفتح ملهى مو تفتح كتاب

جيت ادور ع الزينة وما لكيت
جيت ادور ع شرف شو جنة ذاب

اني اريدن وحدة قدوتها البتول
زينبية وتحمل اخﻻق الرباب

اني وين الكة مثل هاي الصفات
جنت اضن اهواي الكلة وظني خاب

عمي قابل حتى لو جانت مكبلة
وحتى لو جان الكلب مرتين حاب
..............................................
طبعا مع احترامي للجميع وكﻻمي ميشمل الكل بس للبعض
الكل ع راسي بس حبيت أبين انو البنت سمعتها لو انغدشت أضل بصمة طول العمر متروح وبعض الشباب هذا تفكيرهم يحبون بس ميزوجون اﻻ وحدة زينة
المهم الكل ع راسي ومااقصد الكل مرة ثانية
تحياتي الكم ❤❤