ودي أرقـى فـوق رجـم عـالي واجلس لحالي
لانـتشى فـكري تـهيا هـاجسي ولحرف غنا

غـنت حـروف القصايد والشعر هو راس مالي
أرســل شـعوري يـدندن مـن لحونه مـا تسنى

يــا هـواجـيسي كـفـاية الألــم فـاق احـتمالي
الـتـفـاكير.. اتـعـبـتني والـسـهـر فـيـني تـجـنا

آتـنـفس عـطـر مـنهو سـاكنن بـاقصى خـيالي
زوبـعة لـشواق تـبدأ مـن وسـط قـلبي الـمعنا

هـو رفيق الدرب واكثر هو خليلي هو حلالي
وجـــدي لــلـي راح عــمـره وبـحـلالـه مـاتـهنا

يـبتهج قـلبي ويـصرخ شـوق لا شـفته قبالي
كـــل مـافـيـني يـحـبـه حـــب راقــي مـاتـدنا

لــو يـلـف الـكـون كـله ..مـالحبي لـه.. مـثالي
حـتى لـو يـطلب عـيوني جـاته ولـه ما تمنى

صوته المحبوس فيني يهمس بكلمة .. تعالي
والـحنين الـلي بـجوفي مـن عـقب فرقاه ونا

ونـة الـلي مـاحصل لـه يـفرح بلحظة وصالي
كـلـما بـانـت طـيـوفه .. شـلـته لـظـروف عـنا

لـه احـاسيسي تـترجم الـشعور الـلي بقى لي
مـابـقى لــي غـيـر جـرحن بـالمعاليق اسـتكنا

لـــو تـبـعـدنا الـمـسـافه لـــو تـغـربـنا الـلـيالي
ابـقى دايـم لـه وفـيه مـثل مـا فـي يـوم كـنا
؛
ريوف القوافي




Sent from my iPhone using منتدى عبير