أمـتـزاج الـمـلـح مـــع سـكــر نـبـاتـك
فــي حيـاتـي يعـنـي الـشــي الكـثـيـر

و الله انـي مـا ابالغ فــي صفـاتـك
لا ورب الكـعـبـه انــــك شــــي غــيــر

خايف اذنب فيـك واكسـب سيئاتـك
واغضب المولى من الوصف الخطير

دام مــنــي مـاتـشــوف الا رضــاتــك
وش عليـك مـن الفلـك لــو يستـديـر

الغـلا والشـوق عايـش فــي رجـاتـك
والمـشـاعـر فـــي غـيـابـك تستـخـيـر

فــي زعـلـك وغيـرتـك قـمـة حـلاتـك
يابصـيـرت واحــد)ن( وقـتـه ضـريـر

وارتسام العفـه بمبسـم شفاتـك
تجلي الخافـق مــن اشــراك الضمـيـر

قاسـي النـظـره وفالممـشـى طـراتـك
فـلـسـفـة خــالــق بـأبـهــاج الـنـظـيــر

صرت اشمـك مسـك خالـط طيباتـك
ثــــم اردك ريــــح ريــحــان وعـبـيــر

كيف ابنسى عشرتك وانسى غلاتـك
وانـــت مـعـيـه بالشـهـيـق وبالـزفـيـر




مالها طعم الحياه بلا حياتـك
ياا مـذاق الشـهـد عـقـب القمطـريـر


شعر/محمد مرغل البلعاسي