لا صد عنك من توده وجافاك ... خله وجازه بالجفا مثل صده

خله بدربه لايخيفك وينهاك ... وجازه بالافقا لين يعرف مرده

جازه بما مدت يمينه ويدراك ... وضده بمن يكره ترى ذاك ضده

لاترتضي بالهون في كل ممشاك ... وحدك وخصمك وقفه عند حده

خلك عزيز النفس والعز ماواك ... وكل عطه تفصيل ثوبه بقده

أحرص على حسن العمل في سجاياك ... واللي يعمل الخير بالخير بده

واللي يعمل الطيب لو كان ماجاك ... طيبه لو أنك تقصده جد جده

اسمع ندا من للمهمات ينخاك ... وذا منحته لا تبيح بسده

خص الرفيق اللي اذا جيت حياك ... وان غبت عنه ياصلك بالموده

واللي تربص منك لا يعرف أقصاك ... وباب يحاول منفذ منه سده

واصحا جليس السوء وياه يبلاك ... يرميك في درب الشمت والمضده

ولاتخاطب جاهل يكثر الغاك ... تنساق في جهله وقصدك ترده


واعرض وخلك صامت واحبس ارياك ... ومن لا استشارك لاتقدم بمده

وارج الذي بأمره من الكرب نجاك ... اللي على يعقوب رجع موده