الايالله ياللي تسجد الناس في رجواه
ايوصله عبده في صلاته وفي صومه
عسى الله يثبتني على طاعته ورضاه
ويجعل نفسي ضمن الابرار مرحومه
الله يقطع الحاجه وراء واحدن تشناه
والله يقطع معامل هل الكبر والزومه
والله يقطع اللي لا بدى لزمك خلاه
لما جات صكات الزمن ضاعت اعلومه
يطيب الشلي من طيب راسه ومن مجناه
ولو كان ما نفسه على الطيب ملزومه
فان والله اني مااشره الا على شرواه
والا اللي تعداه المشاريه ما لومه
فلا كل من يقضي لزوم العرب تنصاه
ولا كل من جاب الخطا تقدر تلومه
ولا كل عدن لي وردته قراحن ماه
ولا كل شين ينصفط لو غلي سومه
ولا كل من قفى بتحزن على فرقاه
ولا كل من قاربت تصلح لك اسلومه
وما قدره ربي على العبد شين جاه
ولا تنقسم حاجه ماهي له بمقسومه