الاياوجودي طول صبري وصل تاليه
يبين الخلل في راعي الهم لو يكناه
على ابوجيبن ياخذ القلب من راعيه
بياضه يشبه طله البدر في مصحاه
وجسم وسيع النحر والخصر زاوييه
اصابع اكفوفك تلتقي شبر فالمثناه
ولا من تكلم هرجته تسحر امحاكيه
تقول انه يدوي جروحي بزين حكاه
الا يا رسولي روح له رد لي ناييه
والا غير دور لي علومه مع من جاه
اغيابه يمزع سترة القلب ويقاصيه
ما تنزح عني ضيقة البال لين القاه
واجامل واقول لي سنين وانا ناسيه
وانا زرع قلبي قام طول الجفا يلاحاه
الا ياعذول القلب ما فاد نصحك فيه
وقلب(ن) تولع حب غاليه ما ينساه
كيف يتوب مجروح المحبه عن مدوايه
وهو اللي اعين فيه جرح الحشا ودواه
احبه ونفسي ما تدور بديل(ن) فيه
على حب غيره عزلت مالها مشهاه
مسفرابن صمعه