-
-
رد: روايتي الولى ( خلك معي مالي في غيبتك فرح )
البـــــــــــــــــارت الــــــثـانـي
صباح يوم الجمعه ..
ببيت أبو عمار .. البخور مضبب المكان و ريحه العود منتشره بأرجاء البيت .. البيت كان هادئ مره كلهم نايمين
على الساعه 10:00 نزلوا ام عمار و أبو عمار و عمار و زوجته غالية و عياله تالين و تركي و اروى اجتمعوا
بغرفه الطعام ... جهزوا الخدم السفره و جلسة العائلة على الطاوله ..
تركي : ماما اعطيني الخبز
تالين : و انا بعد
غاليه و بكل حنان : من عيوني ..
أبو عمار : بنروح انا و عمر بعد الفطور نذبح ذبيحه و نجيبها و عاد انتوا اطبخوها للناس اللي جايينا اليوم
اروى : و منو بجينا ؟؟
أبو عمار : أبو عبدد الملك نسيتي انه جاي يخطبج
اروى كانت ناسيه الموضوع مره : انا قلت لكم اني ما ابي اتزوج تغصبوني يعني
أبو عمار بكل عصبيه : ايه نغصبك سامعه .. ولو سمعت انك عملي حركه بايخه للناس و الله يا اروى لتشوفين شي ما شفتيه فاهمه
اروى و الدموع بغينها و البكي خانقها : انت طول عمرك تفكر بمصلحتك و بس ما بحياتك فكرت بسعادتي .. انا الوحيده من بين اخواني تعاملني جذي
و لما خلصت كلامها صعدت دارها و هي حتى ما اكلت لقمتها
عمار : يبه ليه ما شاورتها .. ليه تبي تغصبها ؟
أبو عمار : الزواج ستر لها و هي ما عادت ياهل .. خواتك تزوجوا بعمرها و يمكن اكبر شوي لكن ما يخالف
عمر : يبه بس بنات اول مو مثل بنات الحين
أبو عمار : اسمعني انت وياه خلصوا فطوركم و روحوا على دواماتكم فاهمين ما ابي أي نقاش ثاني
عمر و عمار : ان شاء الله يبه
خلصوا فطور أبو عمار و عمار وعمر طلعوا دواماتهم .. ام عمار راحت تقرأ سوره الكهف بهليوم اما غاليه كانت تبخر البيت بكبره تركي و تالين يلعبون بالبيت
دخلو تالين وتركي لعند اروى و شافوها تبكي ..
تركي : عميمه لا تبكين ترى و الله نبكي معاج
تالين : عميمه صح جدي قاسي شوي بس و الله يحبك كثير
اروى : يا عيال اطلعوا شوي و سكروا الباب معاكم
قبل لا يطلعون دشت غاليه مرة عمار
غاليه : يالله حبايبي نزلوا تحت ابي اكلم عمتكم شوي
طلعوا تركي و تالين دشت غاليه لعند اروى وسكرت الباب وراها
غاليه : قومي غسلي وجهك .. ابي احاكيك شوي
اروى : ان شاء الله
راحت اروى و غسلت وجهها .. و طلعت لغاليه جلست هي و غاليه على الكنبة بغرفتها
غاليه : ادري انها صعبة عليك بس تدرين العم اذا بغا شي لازم يسويه
اروى: طيب ما فكر في حياتي و سعادتي
غاليه : اسمعي يا اروى ، و الله الزواج متعه و حنان و مسؤوليه
اروى قاطعة غاليه : و نجره و هواش و زعل و طلاق مو صح ؟؟
غاليه : مو كل علاقه زواج تنتهي بطلاق ترى طبيعي تنهي بحب
اروى: حاسة بضيق
غاليه : قومي صلي ركعتين و جهزي نفسك من الحين طيب يا قمر
اروى تتصنع الابتسامه : طيب
قامت اروى و صلت ركعتين تدعي فيهم الله يسهل لها طريقها بحياتها الجديدة
و بعدها دخلت و تدوشت غسلت شعرها ... طلعت من الحمام حست انها ارتاحت شوي
طلعت لها ملابس لبست بنطال اسود سكني و قميص ابيض فضفاض و بدأت تنشف شعرها بالسشوار
صاي يوصل لحد اخر ضهرها ..عملته كعكه و نزلت مع أمها و غاليه اللي كانوا
جالسين بالصاله ..
غاليه : ما شاء الله يا قمر
اروى : يسلمو
ام عمار : ما شاء الله .. وشك منور اليوم يا حلوه
اروى : مامي بصراحه انا مروقه و رتحت شوي الحمد لله و انا موافقه على جيت الناس و ان شاء الله راح اقابلهم
ام عمار : الحمد لله
اروى : و الله يمه دامني ادري انه غصب عني اتزوج .. ليش اتعب نفسي ببكي .. متقبله اللي يصير
ام عمار: يمكن خيره
اروى : بس عندي شرط واحد بس
ام عمار : شو هويه اوليلنا يالله
اروى : ابي اكمل الثانويه ..ضروري اكملها اهم ما عندي شهادت الثانويه
ام عمار : ان شاء الله أقول لهم شرطك
غاليه : ما تبين شي من السوق ؟؟
اروى : لا سلامتك
و جلسوا مع بعض يشوفون التلفزيون
قبل اذان الظهر بنص ساعه .. وصلوا عمار و عمر و أبو عمار البيت و جهزوا ليروحوا صلاة الجمعه بجامع النور .. تدوشوا و لبسوا الدشداشه و الشماغ و تبخروا و
لما اذن راحوا الصلاة
ببيت أبو عبد الملك
أبو عبد الملك : اوووف فراس اتأخر .. عبد الملك نادي على اخوك تأخرنا عالصلاه
و بسرعه الى نزل فراس : كاني يااي
و رحوا عالصلاة ..
[COLOR="#4B0082"]
انتضروا البارت الثالث ..
]تعليق
-
رد: روايتي الولى ( خلك معي مالي في غيبتك فرح )
حبيت اقدم لكم صور للشخصيات ..
(( الصور افتراضيه رمزيه من قوقل .. لا اصف تلك الشخصيه و لكن اشبهه عليها ))
فراس :
اروى :
صديقات اروى :
شوق :
ميعاد :
تابع باقي صور الشخصيات ..تعليق
تويت
تعليق