تويت
احسبها وضعت كل النقاط على كل الحروف
بسم الله ابدأ
::
::
لا يا حمام الورق ياللي مهنتك جر اللحون
أسرفت في الاجواد حتى بيحت مكنونها
ما دام خلانك قريب من الغصون إليا الغصون
وش لك على ذيك الطروق اللي تجر لحونها؟
صوتك ترانيمه شجن وانا بعد كلي شجون
لا واعذابك يالقلوب اللي تهيض شجونها
دارك قريب ولا عرفت البعد فراق الضعون
و حر الفراق يولع الجمره على غليونها
الشوق يجبرني على بدع المثايل والفنون
وانا سليط في مثايلها و بدع فنونها
دنيا تجرعنا العنا من كل شكل وكل لون
لا قلت زانت عودت ثم عرضتني متونها
والناس ما منها رجا توعد وتخلفك الظنون
حتى الامانه ضايعه ما عينت مامونها
ماكل من يدانها يصدق و يوفيك الديون
منها بري لانيب ضامنها ولا مضمونها
بلشت بعيال الظهر واليوم بعيال البطون
الله يكافينا عيال ظهورها و بطونها
لا جيت تضحك لك ولا قفيت تضرس بالسنون
مثل الذياب اللي على البيدا تحد سنونها
وجدي على اللي يسبق الكلمه بنظرات العيون
أدعج غنج ياخذ من الآرام زين عيونها
ابو رموش ظلها يضفي على ذيك الجفون
تعيش رعشات الرموش اللي زهت بجفونها
وابو جديل لا ضوى يسدل على بيض المتون
ليلة دجى تصعب على السارين ما يسرونها
يا عود موز مرتوي يسقيه هتان المزون
لا هب نسناس من الغربي تميل غصونها
يا مسحة الكف الندي يا نبضة القلب الحنون
يا غيمة خيل علي براقها و مزونها
يا نسمة العطر العذي لا فاح عطر الزيزفون
الرند في طرافها والعطر عطر ردونها
قالوا لنا بعض المحبه من جنون في جنون
وانا غريم بالمحبه جنها و جنونها
لا هان قدرك يا غضيض صباك وحنا ما نهون
عشرة زمن ما اظن ننساها ولا تنسونها
يشهد على صدق المشاعر رب مكه والحجون
إني على ذيك العهود أحنها و أصونها
أنت الوفا ساس النقا كفيت صكات المنون
يا بلسم جروح دهاة الطب ما يبرونها
بنيت لك وسط الحشى درع الموده و الحصون
تموت عذال الهوى موتة قهر من دونها
قلم عادل الدوسري
بسم الله ابدأ
::
::
لا يا حمام الورق ياللي مهنتك جر اللحون
أسرفت في الاجواد حتى بيحت مكنونها
ما دام خلانك قريب من الغصون إليا الغصون
وش لك على ذيك الطروق اللي تجر لحونها؟
صوتك ترانيمه شجن وانا بعد كلي شجون
لا واعذابك يالقلوب اللي تهيض شجونها
دارك قريب ولا عرفت البعد فراق الضعون
و حر الفراق يولع الجمره على غليونها
الشوق يجبرني على بدع المثايل والفنون
وانا سليط في مثايلها و بدع فنونها
دنيا تجرعنا العنا من كل شكل وكل لون
لا قلت زانت عودت ثم عرضتني متونها
والناس ما منها رجا توعد وتخلفك الظنون
حتى الامانه ضايعه ما عينت مامونها
ماكل من يدانها يصدق و يوفيك الديون
منها بري لانيب ضامنها ولا مضمونها
بلشت بعيال الظهر واليوم بعيال البطون
الله يكافينا عيال ظهورها و بطونها
لا جيت تضحك لك ولا قفيت تضرس بالسنون
مثل الذياب اللي على البيدا تحد سنونها
وجدي على اللي يسبق الكلمه بنظرات العيون
أدعج غنج ياخذ من الآرام زين عيونها
ابو رموش ظلها يضفي على ذيك الجفون
تعيش رعشات الرموش اللي زهت بجفونها
وابو جديل لا ضوى يسدل على بيض المتون
ليلة دجى تصعب على السارين ما يسرونها
يا عود موز مرتوي يسقيه هتان المزون
لا هب نسناس من الغربي تميل غصونها
يا مسحة الكف الندي يا نبضة القلب الحنون
يا غيمة خيل علي براقها و مزونها
يا نسمة العطر العذي لا فاح عطر الزيزفون
الرند في طرافها والعطر عطر ردونها
قالوا لنا بعض المحبه من جنون في جنون
وانا غريم بالمحبه جنها و جنونها
لا هان قدرك يا غضيض صباك وحنا ما نهون
عشرة زمن ما اظن ننساها ولا تنسونها
يشهد على صدق المشاعر رب مكه والحجون
إني على ذيك العهود أحنها و أصونها
أنت الوفا ساس النقا كفيت صكات المنون
يا بلسم جروح دهاة الطب ما يبرونها
بنيت لك وسط الحشى درع الموده و الحصون
تموت عذال الهوى موتة قهر من دونها
قلم عادل الدوسري
تعليق