*ما أشتاق قلبي لغيرك و لا فز قلبي لغير شوفتك
نظرة عيونك همسة شفاتك من قبل لمسة ايديك

*يروح كلي و أرجع أنا العدم إذا ناظرني بس
تبقى الجريئة صامتة و خجولة ابقى انا غير

*كن شي(ن) من أشوفك ينبهني و ينهيني معك
ضحكتك تغط احوالي من اطالعها يتلاشى الكلام

*اعارض الكل و يتعب الكل مني الا انت لك هيبه
شيء تلقائي حفظت اسمك و رقمك دون سابق انذار

*يسألني كل دقيقة تبغين شي؟كافي علي انت و زياده
و اساله كل يوم تحبني؟كنه اختبار صار ينوع في الاجابات

*تعودنا لا غاب واحد تنقلب الاحوال و الثاني يتم حيران
مدري وش اللي يحصل اذا قال اسمحيلي شوي تعبان !

*ايه انا عليه اغار و هو تكيف معي كروتين يومي
يقول لي من يشوف من يكلم و وش لهم من صلة

*علاقتنا غريبة مثلنا ،بس ما هي علاقة نت
سبحان مجمع القلوب من الشمال للجنوب

*هذا قدرنا كيف ما كان راح احبه و الاقيه
اصلا انا ما توقعت لغيرك اكون بهالحياة

*يقولون الكل في عين امه جميل
و كن عيني مثل عين امك تراك

*ايه انت اجمل و اكبر من مقارنتك بغيرك
يحرم عليهم يوصلونك لانك نادر(ن) طبعك

*انت عندي شي خيال شي اكبر من تواصيف الكلام
محتاج لوصف شاعر و تحليل دكتور عيون اكبر تراك

*يا حبيبي انت عندي تسوى الملايين صحيح؟!
بس الملايين تعجز توصلك لو في الاحلام




*فكرة انك تكون مع غيري نفسها ظلم و حرام كيف انها تكون
الحقيقه انا احبك و انت تحبني و انتهى الكلام
بقلم :ريان مطر الحوسنية