‎الفكر شوش من كثر ماطرابه
‎لي مدة وانا اسهر اليل مابات
‎رحت الطبيب وقال عندك كئابه
‎ مريض لازم تلتزم باالعلاجات
‎هاذي تحاليلك لكشف الاجابه
‎نبي نشخص حالتك باالفحوصات
‎ قلت البلاقلبي تزايد صوابه
‎ تنزف جروحه من قوي الاصابات
‎بااسباب فقد الي كواني غيابه
‎من غيبته غابت جميع الملذات
‎حتى الفضاضاقت عليه رحابه
‎ليابغيت اسج في بعض الاوقات
‎ ياعل قبر ضم ماجد ترابه
‎ يسقيه غيث من صدوق المخيلات
‎ وتغشاه رحمة خالقه عن عذابه
‎ وتبدل السيئه لماجد بحسنات
‎ ويرويه من حوض عذي شرابه
‎ حوض النبي الي ختم باالرسالات
‎يارب ماجد عوضه في شباب٠
‎في جنة الفردوس بااعلا الدرجات
‎ وارضى عنه ورضه ويمن كتابه
‎ويسر حسابه واستجبب الدعوات
‎وانا عزايه فيه عسى ألقى به٠
‎عند الولي في مستقر الرحمات
‎ امين يامرسي شوامخ هضابه
‎ياسامك فاالكون سبع السموات
‎رثاء أبو ماجد الحربي بأبنه