السلام عليكم ورحمة الله وبركاته
وأسعد الله أوقاتكم بكل الخيرات والمسرات.. من زمان والله عن ذا القسم
وفرصه وصلتني الدعوة من الأخت تنهيدة ولاقيت وقت أعلق على الموضوع..ولو إني ماني بمحضر له
ذاك التحضير..بس بتكلم ..أيوه بتكلم... أحد عنده مانع..ولا حتى دواس..
والله ذا الولد خفيف ظل إسم الله عليه..هههه
إذا موضوع نقاشي وحساس وبديناه بمزاح..وش تتوقعون مضمونه ..!!
خلاص أنت وأياه عطيناكم وجه...كل واحد على كرسيه ويفتح ملزمته..ويتابع معي..
على أساس نعطي الموضوع حقه من النقاش..أول شيء نبي نعرف وش معنى الصداقة..؟
هل معناها إني أمشي معاك أو أسولف معاك خلاص صرت صديق..؟
طبعا لا...!!
الصداقة هي من صدقك...هي إيش ...هي من صدقك..
طب صدقك في أيش...؟
صدقك باأفعاله معاك...صدقك بكلامه معاك...صدقك باإحساسه معك...
طب أنتي ياأخت تنهيدة تتكلمي عن الصداقة الألكترونيه..
في نظري بالوقت الحاضر..الكل صار واعي..وخذا كفايته من الوعي في إستخدام هالوسائل الإجتماعية..
ويقدر يختار الصداقة اللي تتناسب مع ثقافته ومع تفكيرة الأجتماعي
إذا راقي فهو بيختار ناس راقيين ولاراح يرضى يدنس نفسه بعينات هدامه..لأخلاقة ولتربيته اللي أهله مستأمنينه عليها..
بوقتنا الحاضر والله أصبح إن لم يكن الكل فالأغلب مكشوف ..
تبادل التحيا والأعجاب..
أشوفها شيء عادي..والله أنا إنسان إنعجبت باإسلوبك وراق لي ..شيء فطري ميولي بتتوجه لك..
رأي بالصداقة الألكترونية مؤيد لها بس بشرط تكون وفق الأسس اللي أنا راسمها في بالي
واللي هي بإختصار
"عامل الناس كما تحب أن يعاملوك"
"أحب لأخيك ماتحبه لنفسك"
ومشكورة كل الشكر على هالموضوع..ولي عودة بإذن الله إن لاقيت وقت..
يسعدك ربي

الســلآم عليكم

اول مره اقرا الردود قبل اقرا الموضوع من البدايه بس العنوان اللي شفته قريت كل الردود حتى
المحذوفه >> درينا انك تقدر تقرا المحذوف لا تطول الهرج

طيب لا تدف !

ماعليكم الموضوع اعجبني صراحه نجي للمهم الصداقه مطلب من الكل بس لازم نفرق بين الصداقه هنا
والصداقه في الواقع ونعرف اش تعني !

فاول شي لا احد يجي يقارن بين الصداقتين هنا في الافتراضي او هناك بالواقع الامور تختلف
بشكل كبير لان زي عندنا في عالمنا الواقعي بمجتمعنا مستحيل تكون بنت صديقتي واكلمها او اطلع معها وكذا !

نجي للصداقه اللي تقصدها اختنا تنهيده في موضوعها هذا الصداقه النتيه خلوني اقول
فيس .. تويتر .. منتدى .. انستا .. ووو

هنا اشوف الصداقه امر عادي وطبيعي تنشاء صداقات وتكون العلاقه بين الاصدقاء فيها قويه
لدرجه توصل للثقه الكبيره بالآخر والشكوى له واخذ رايه في اشياء كثيره وكذا
وبعضهم يكون تواصلهم كبير بعد هذه الصداقه الالكترونيه !

وعادي كمان تنشاء هذه الصداقه بحكم اننا ماسوينا صفحات او اشتركنا في منتديات الى عشان
ناخذ ونعطي ونقبل الراي والراي الآخر فراح تتكون الصداقه بشكل لا ارادي بعض الاحيان بحكم
الكلام تبادل الاراء وكذا وتتطور للسوال والسلام وكذا فتيدا تنشاء الصداقه ووتطور

دام الطرفين وجدو الاحترام المتبادل الصدق في ابداء الراي بدون قيود او شي
وهذه من ميزات الصداقات الالكترونيه انك تبدي رايك بدون اي تحفظ او خوف لانه مجرد راي
في احيان كثيره مايكون قصدك من ابدائه اي شي فقط لمجرد ابداء الراي

اشوف الصداقات الالكترونيه افضل الصداقات وحتى تطغى على الصداقات اللي في الواقع
لانك هنا تاخذ الراي او تبديه بدون خوف خسارة الطرف الثاني بالمختصر

هنا فـ عالمنا الافتراضي مافيه مكان للحساسيات الزايده من ابداء الراي في المشوره
وايش قصدك من رايك ومدري ايش اللي نواجهه بالواقع

فـ الاخير لاني شكلي طولت

اقول انا مع الصداقات الالكترونيه وبقوه بعد دام الاحترام موجود معرفه الحدود وعدم تجاوزها كمان مهم
وايش كمان !!

ايوه صح قبل انسى لحد يخاف من الصداقات الالكتروينه تراها ماتضر بس لا تتعمقون فيها
ولا تحالون تفرضوا الراي على الصديق الالكتروني خلوه براحته واسمعوا منه .. وبس !


خلاص يكفي والبركه فـ العالم اللي قبل ماقصروا فـ الموضوع
تناولوه من كذا ناحيه

شكرا تنهيده الشكر للعالم اللي ادونا رايهم بعد
تقبلو مروري ووجهة نظري هذه وكونو بخير

ســــلآم