بسم الله الرحمن الرحيم
السلام عليكم ورحمة الله وبركاته

اضع بين ايديكم روايتي الاولى واتمنى ارى تشجيع وردود سواء مدح او نقد
اتقبل كل شي برحابه صدر ...
اسم الروايه ( ظلمني اعز الناس على قلبي )
للكاتبه : همسه حب
استمتعوا بالقراءه .....
**************************
التعريف بالشخصيات ..!
الجد : محمد ( ابو هيثم ) شخصيه قويه جدا وقياديه عنيد واللي فراسه لازم يسويه على كل قسوته الا ان فيه طيبه وخصوصا للاشخاص الي يحبهم
الجده : علياء طيبه وحبوبه جدا وتحب عيالها مرة
ابناءهم :
الابن الكبير هيثم (ابوخالد) عمره 45 متزوج من سوسن وعيالهم
خالد : عمرة 21 سنه يدرس ثالث جامعه في بريطانيا تخصص( طب علم نفس )خاطب بنت خالته
بشاير : عمرها 20سنه تدرس ثاني جامعه
ساره :عمرها 19 سنه تدرس اولى جامعه
سديم :عمرها 18 سنه تدرس ثالث ثانوي
سعود : عمره 17 سنه يدرس ثاني ثانوي
الجازي : عمرها 15 سنه تدرس ثالث متوسط

ابنته جواهر ( ام راكان ) عمرها 40 سنه زوجها صلاح وعيالهم
راكان : عمره 25 سنه متزوج هنادي وعنده ولد اسمه مشاري عمره 10 سنوات
رائد : عمره 24 سنه يشتغل ( شرطي )
خلود : عمرها 18 سنه تدرس ثالث ثانوي بنفس مدرسه ( سديم و جود )....(خلود بويه)
صالح : عمره 17 سنه يدرس ثاني ثانوي (مغزلجي درجه اولى خخخخ) بنفس مدرسه سعود
فارس :عمره 19 سنه يدرس اولى جامعه تخصص (هندسه )
نواف: عمره 14 سنه يدرس ثاني متوسط

متعب ( ابو ريان ) عمره 43 سنه متزوج سناء عيالهم
ريان : عمره 22 سنه يشتغل فشركه
وفاء : عمرها 19 سنه تدرس ثالث ثانوي عاديده سنه
نورة : عمرها 17 سنه تدري ثاني ثانوي دافوورة وتاكل الكتب
مريم : عمرها 16 سنه تدرس اول ثانوي
رغد : عمرها 15 سنه تدرس ثالث متوسط بنفس مدرسه الجازي

ابنته هيفاء ( ام احمد ) عمرها 38 سنه زوجها ياسر وعيالهم
احمد : عمره 21 سنه يدرس ثالث جامعه تخصص (اداره اعمال)
يوسف : عمره 20 سنه يدرس ثاني جامعه وخاطب سديم ويشتغل مع ابوه فالشركه
جود : عمرها 18 سنه تدرس ثالث ثانوي مع سديم فنفس المدرسه
فجر : عمرها 17 سنه تدرس ثاني ثانوي مع نورة

ابنه عادل مو متزوج ولايفكر بالزواج حاليا عمره 27 سنه يشتغل فشركه ابوه

°°°°°°°°°°°°°°°°°°°°°°°°

البارت الاول ...
في مكان بعيد عن اراضي المملكه وبالتحديد في بريطانيا
كان يمشي شاب في اوائل العشرينات من عمره مع صاحبه
؛.....هلا والله حسام وينك امس مختفي فاليل
ارتبك حسام وقال : اااااء كنت عند واحد صاحبي
خالد وهو مو مصدق كلامه فنفسه (الله يهديك ياحسام وتبطل هالحركات ):اهاا طيب انا عندي محاظره الحين يلا اشوفك بعدين
حسام : اوك وانا بعد

°°°°°°°°°°°°°°°°°°°°°°°
في اراضي المملكه وبالتحديد فالعاصمه الرياض
في قصر الجد كان مجمع كل العايله
الجد : ها عيالي مستعدين للاختبارات ؟
فجر بهبال : يووه يجدي ليش تذكرنا
ام احمد : يابنت عيب تكلمين جدك كذا
الجد : خليها على راحتها يابنتي
فجر بصوت واطي عشان ماتسمعها امها: فديتك يااحلا جدووو
يوسف يناظر سديم ويقول : والله ياجدي انا اكثر واحد متحمس ومنتظر تنتهي الاختبارات
سديم فهمت قصده ووجها صار الوان من الخجل >>ياعيني
وفاء تغمز لها : الله لنا ( يوسف متحمس عشان ملكته هو وسديم بعد الاختبارات )
ام احمد : الله يوفقكم ويسهل لكم ان شاء الله
الكل : امين
وقعدوا سوالف وضحك وبعد المغرب الكل راح لقصره

°°°°°°°°°°°°°°°°°°°°°°

باول يوم بالاختبارات ببيت الجد عند ام خالد وهي تصحي بناتها
ام خالد : يلا ي بنااات قوموا تاخرتوا صارت ست الا ربع يلا عشان يمديكم تفطرون وتراجعون
قاموا البنات يتكاسل وكل وحده قامت تصلي وتلبس ونزلوا للفطور
على طاوله الفطور الجده : ها ياعيالي عساكم ذاكرتوا زين
سديم : الحمدلله انا ذاكرت كويس
سعود : يلا ي بنات قوموا لا نتاخر
البنات باسوا راس جدتهم وجدهم وطلعوا على دواماتهم

°°°°°°°°°°°°°°°°°°°°°°
عند ابو ريان صحيوا البنات بدري ماعدا وفاء
ام ريان : يلا بنتي قومي تاخرتي واخرتي خواتك معك
وفاء ووجها مفقع نوم : قايمه قايمه يمه
تحت بالصاله .،..
مريم : يمه وين بنتك لسى ماقامت ؟ تاخرناا
نطت وفاء : هذاني جيت جيت يالدوافير
بالسياره،.
نوره : ي ربييي ي بنات بطني يعورني احس اني ماذاكرت زين
وفاء : ول ول عليك اكلتي الكتاب اكل وتقولين ماذاكرت زين
نورة : قولي مااشاء الله ياحماره مو مثلك عند الافلام طول وقتك ماكان عندك مذاكره
وفاء : الله يخلي البراشيم
مريم : ممكن تسكتون خلونا نراجع مابقى وقت
وجلسوا يراجعون لحد ماوصلوا مدارسهم

فبيت ابو راكان وابو احمد الوضع ماكان مختلف ع الباقيين صحيوا بدري وفطروا وتجهزوا وراح الكل ع دوامه

°°°°°°°°°°°°°°°°°°°°°°°°
في مدرسه البنات دق الجرس على بدايه الاختبار (سديم و خلود و وفاء و جود )
سديم: والله خايفه يا تولين احس اني نسيت كل شي
تولين : لا ان شاء الله انتي تقولين كذا لانك متوتره مرة هدي ي قلبي
سديم وتولين شافوا الاستاذه جايه لجهتهم
سديم: ي ليل جت استاذه موزة مالي خلقها
تولين : هههههههه ايوالله امشي نطلع للقاعه قبل لا تجينا

°°°°°°°°°°°°°°°°°°°°°
فجامعه احمد كان تخصصه اداره اعمال
وصل احمد على جامعته واستغرب ان عمار ماجاء مو بالعاده مايجي
بعد ماخلص احمد محاظرته اتصل على عمار
احمد : سلام اخبارك
عمار :وعليكم السلام ي هلا حمدلله بخير وانت
احمد : حمدلله بخير ...غريبه ليش ماداومت
عمار : والله ياخوك اسامه صار عليه حادث وانا بالمستشفى عنده
احمد : لاحول ولاقوة الا بالله يلا انا جايكم بس فاي مستشفى انت
عمار : فمستشفى **********
احمد : يلا مسافه الطريق
(عمار صديق احمد الروح بالروح >> عمره 21سنه ثالث جامعه تخصص (حاسب)

°°°°°°°°°°°°°°°°°°°°°°°°
فمدرسه البنات الثانويه ....
عند سديم وتولين ...كانوا يمشون
وقفتهم بسمه بغرور : سديم حبيبي ممكن اكلمك شوي بروحنا
سديم وهي تناظرها باستغراب : خير وش تبين وش بيني وبينك عشان تكلميني
بسمه انقهرت من كلام سديم : شوي بس مو مطوله
تولين : ماهي جايه معك
بسمه بغيض : وانتي مين كلمك اصلا >> طيرت جبهتها هههههه ماعلينا نكمل
سديم : خلاص بشوفها وش تبي وراجعه
تولين بقهر : اووكيهه
(بسمه ويلقبونها بسام من شله البويات وهذه اخطر بنت فالشله واغلب البنات يخافون منها والي يعاند هواها مستحيل تخليه فحاله >>نيهاااهاااا
وصديقاتها ... بشرى هذه وحده ايمو وبسمه يلقبونها بسام وخلود بنت خالة سديم ويلقبونها خالد وهذه الشله شله مشاكل )
عند سديم وبسمه
بسمه بعد مااخذت سديم لمكان مافيه بنات
سديم : قولي وش عندك ؟
بسمه : بصراحه ياسديم ودي اقولك شي بس لا تفهمين غلط
سديم : قولي وان شاء الله ماافهمك غلط
بسمه : ودي اصير صديقتك
سديم : وش قصدك
بسمه بخفه باست رقبه سديم
سديم انصدمت وبدون شعور عطتها كف طيحها
وراحت تركض لصديقتها تولين
بسمه مصدومه من الكف : هييييين والله لاوريك
وصلت سديم لتولين وهي تبيكي
تولين وهي تضم سديم : بسم الله عليك وش سوت لك ؟ سوت لك شي تكلمي
سديم وهي تمسح دموعها : ما سوت لي شي
وبعدين قالت لها كل السالفه
تولين : قلت لك لا تروحين عندها انتي ماطاوعتيني
سديم وهي حاضنه تولين : اهئ اهئ اهئ
تولين : خلاص حبيبتي اهدي
سديم: ان شاء الله
جا سواق سديم
سديم : يلا حبيبتي تولين بعدين اكلمك
تولين : اوك حبيبتي انتبهي لنفسك
سديم : اوك وانتي بعد

بعد مارجعت سديم من المدرسه سلمت على امها وابوها وطلعت على غرفتها وهي تعبانه ونامت .

°°°°°°°°°°°°°°°°°°°°°°°°°

فبيت ابو راكان
كانوا الاهل قاعدين مع بعض
وفجاه دق جوال خلود : عن اذنكم
الكل : اذنك معك
طلعت لغرفتها
خلود(خالد) : الو هلا
بسمه(بسام): هلا فيك خالد اخبارك
خلود(خالد ) : تمام حمدلله اخبارك انت
بسام(بسمه) : تمام اسمع ابي رقم بنت خالتك سديم
خلود(خالد): ليش وش ناوي عليه
بسمه(بسام) : انت اعطيني اياه وماعليك
خلود(خالد) : اوك خذ *******055
بسمه (بسام) : يلا تشااو
(طبعا هم كل وحده ملقبين لها اسم ولد ومايكلمون بعض الا بصيغه عيال )

°°°°°°°°°°°°°°°°°°°°°°°°

الكل مجتمع على الغدا... ماعدا سديم كانت فغرفتها.،.،.،..
الجد:وين سديم
ام خالد:جت تعبانه من المدرسه وطلعت نامت
الجد يكلم بشاير:قوم صحي اختك خلها تجي تتغدا معنا
بشاير :ان شاءالله
طلعت بشاير لغرفة سديم وفتحت الباب ودخلت لقت الغرفة بارده وهي متلحفه بالغطا
بشاير:سدومه حبيبتي يلا قومي الغداء جاهز
سديم وهي قايمه :يلا جايه
ع الغدا........
الجد:اخبار خالد ياهيثم من زمان ماكلمنا
هيثم(ابو خالد):والله يايبه اعذره هالايام عنده اختبارات ومو فاضي يحك راسه
الجد:الله يوفقه ويوفق الجميع يارب
الكل:امين
دق جوال سديم برقم غريب وماردت ودق اكثر من مره
ام خالد:ردي على جوالك يابنتي يمكن وحده من صاحباتك محتاجه شي
سديم بارتباك: ماعليك يمه مافي شي مهم وحطت جوالها صامت ضل الرقم يدق سديم توترت واستاذنت طلعت غرفتها وردت
سديم :مين معي
..... :وينك ياحبي من اول اتصل ماتردين
سديم:نعم من انت ومن وين جبت رقمي
:....افا ي عمري انا اعرف كل شي عنك
سديم بعصبيه : وش تعرف ياحقير
:....تبين اقولك عنوان بيتكم ولا مدرستك ولا وش كنتي لابسه اليوم حددي ي قلبي
سديم انهبلت وسكرت فوجهه وهي تبكي

°°°°°°°°°°°°°°°°°°°°°
فبيت ابو ريان كانوا قاعدين يسولفون
ام ريان : يمه ريان
ريان : لبيه يمه
ام ريان : متى ياولدي افرح فيك
ريان : يمه انا ماافكر بالزواج حاليا
ام ريان : ليش يمه مااشاء الله عليك تشتغل ومو ناقصك شي
ريان : بفكر بالموضوع
ام ريان : الله يوفقك ويرزقك ببنت الحلال الي تسعدك يارب
ريان ابتسم وقال : امين
وفاء باستهبال : الله لنااا
ابو ريان ضربها بخفه على راسها : توك صغيره ي بنت خلصي دراستك اول
وفاء بهباله : هههههه
نورة : الله يكملك بالعقل ههههههههههه
وفاء : وياك ههههههههه
وقعدوا سواليف وضحك
°°°°°°°°°°°°°°°°°°°

فالمستشفى عند احمد وعمار
وصل احمد ومعاه باقه ورد
احمد : السلام عليكم
عمار واسامه وابو عمار : وعليكم السلام ,,
احمد سلم على اسامه : الحمد لله ع سلامتك
اسامه : الله يسلمك
عمار : تفضل
سولفو شوي
احمد : يلا انا استاذن
عمار : على وين
احمد : والله تعبان جاي من الدوام ابي اريح اشوفك فاليل ان شاء الله
عمار : ان شاء الله مع السلامه
°°°°°°°°°°°°°°°°°°°°
سديم انزعجت من الرقم الي كل شوي يدق عليها
سديم : خير وش تبي
:....هلا والله وغلا بهالصوت ي قلبي
سديم معصبه : اقول انقلع انت ماعندك اخوات تخاف عليهم
:....افا ليش هذا كله ي بعدي اووو للاسف ماعندي خوات
سديم وهي معصبه : وش دخلني فيك اتركني فحالي
:.....مااقدر ي روحي والله مالقدر
سديم سكرت الجوال وهي معصبه وبنفس الوقت خايفه
(ي ربييي من هذا وش يبي مني لازم اتصل على تولين تقولي وش اسوي دقت عليها
تولين :هلا سدومه كيفك
سديم:الحمدلله تمام فاضيه؟
تولين:والله كنت اذاكر والحين اخذت بريك
سديم : كويس والله في موضوع شاغل بالي ومخوفني
تولين : وش فيه سدومه لا تخرعيني
قالتلها سديم كل الي صار معها
تولين: حبيبتي سدومه مالك الا تطنشينه ولا تردين عليه مره ثانيه الحين لازم تنتبهين لدراستك وبعد الاختبارات ان شاءالله نشوف حل
سديم:ان شاء الله قلبي يلا انا بسكر جوالي وبروح اذاكر مع السلامه
تولين: مع السلامه قلبي

°°°°°°°°°°°°°°°°°°°°°°°°°°°°°°
انتهى البارت الاول
اتمنى يعجبكم لا تحرموني من ردودكم ...