قـالـوا عــنـه مـسـكـيـن تــرا ومــظـلـوم
و أنــا مـا أقـــول عـنـه إلا يـا خــســاره
لــو يــحــزن وتـصـبـح عـيـونه غــيــوم
مــا هــزنـي مـهـمـا طــاحــت أمـطـــاره
مـــحــدن لأحـــد يـبـقـى عــلى الـــدوم
كــلــهـا كـم شـهـر والـعــلاقة مــنــهــاره
تــرا الـنـاس كــلن لــه أوزان وحـجــوم
وانــت مـن اللي مـا شـفــنـا الا غــبــاره
يـتـبـاهـى بـجـمـالـه ويغـتـر بين القــوم
ولو شافته الحكومة سفرته مع السفاره
بــكـى ! ومــع وصــفـي شــق الـهـــدوم
وشـهـد قـلبي بـمـوقـفـه أكـبـر انـتصاره
لا حــشـا مـانـي بـه أســتـهــزأ وألــــوم
هــذا جـزاء سـواتـه وجـزاء اخــتـيـاره
هـو كـان بـالـقـلـب مـقـلـط ومـحـشـوم
لـكــنـه خــان الـعـشـرة وشــهـد دمــاره
هــي كــذا الـحـيـاة كــل شـي مـقسـوم
وكــلـن يـجــيـه رزقــه لـو اهــو بــداره
تــغـيـر حـالـه واصبحت علومـه عـلـوم
يـتـمـسـكـن عـنـدي بـجــمـيـل الـعـبـاره
" احـبـك يا رغــــــد وفـيك حييل مغروم "
قـالـهـا وسـط حــشـد وبـثــقـة جــبــاره
يـحـسـب مـثـل أول يـصـيـر مــخــدوم
ألـبـيـه كـل ما نـادى في لـيـله أو نـهـاره
قـضـت الأيـام ذيـك يا الحظ المشـؤوم
قـضـت ومـاني بـقـايـل عـليها خـساره !
غــلاك مـن القـمـة صـار الحين مـعـدوم
ما بـه شي ينفـعك لا جمالك ولا سمـاره
خـلاص الـيـوم أمـرك عـنــدي مـحـتـوم
أنـهـد قـصـر الـشـوق وأنـهـدت العـمـاره
روح عـســاه يحـفـظـك الـحي القـيــوم
وعـسـى من يحـبك ما يندم بإخــتيـاره
قـلـت لك يا زيـن مـحـدن لأحـد يــدوم
نـشـقـى والتــعـب نـغــنـي على أوتــاره
أنـت خنـتني وسرقت من عيوني النوم
لكن ورغم اني ما شـفت بـمثلك حـقاره
قـلـت أدعـي لـك حـيـن أصــلي وأقــوم
عـسى الله يحـميك بما ان الـدنيا دواره
لا تـتـحـسـف لا صــرت مـنـي مـحـروم
ولا تنتظر مني بـعد خـذلانك أي إشـاره
اصبحت الحين بسـاحة الحب مـهـزوم
لا فادك غرورك ولا عناد قلبك وإصراره
الـمـهم الحـيـن انـسى اللي صـار اليـوم
وأعـتـذر اخطيت في سفاره وما سفاره
خـنقـتـني وكـأنـك على صـدري جـاثوم
حـق لي اخطي واتبع الخطا في مساره
بس الصراحة حلوين واحنا كذا خصوم
بان لي ضعفك وبانت الحقيقة الجـباره
اي أنا أصدق من بالهوى سموني القـوم
سـقـفي محدن طـاله ولا مـس أسـواره
واسـم الكـذاب عـلى جبـينك مخـتــوم
من حـلوفك وكــذبـك يـبـي لك كـفــاره
مو عيبك لا صار قلبك من البشر مزحوم
عيب الناس اللي ماخـذة قـلبك عـمـاره
مــانـت بـآخــر إنــسـان عـلى العــمــوم
وبـعـدك تـرا قـلبـي بـيـكـمـل مــشـواره