تويت
مذكرااات بنت منكوسة
متعوووب عليها نقلتها حرفي ركبت راسها الصفحة ماتنسخ
مسائكم فرفشة وضحك
لباقة وظرافة
بالبداية قبل لاتبلشوا تقرأوا مو يوسوس لكم الشيطان
انه شموووسة لها بالهمقالب
أنا اسم الله رزينة ومايطلع مني الهبل ..ماعرفتني والله
________
مرة بنت قرأت نصيحة تحكي انه ( البنت الطفولية الي مخها ضارب وتتعامل بعفوية
تجذب الرجل لها فتصدلها شي واحد ويخطبها ويتدبس فيها .
وقررت البنت تجرب هالطريقة .وحطت براسها اخو زوج أختها ....
وتقول كالتالي ..
ياجماعة اجيت زبط أخو زوج أختي ...ورحت لعندها والعيلة
وكانت العيلة مجتمعة وسهرانة ، وسمعت طراطيش كلام أنهم بدوروله على عروس ...
طول الوقت كنت مراقبته من غير ماينتبه (انتو بتعرفوش أني بقدر حرك بؤبؤ واحد والتاني ثابت بمكانه )
هاي القدرة العجيبة تعلمتها من كتر ماحاولت ازبط عرسان ..
ماعلينا / المهم انه قاعد جنب الشاحن من أول السهرة وبلعب بتلفونو
ومو معبر حد ..شايف ، بس صراحة حقو .... لأنو لحيته مكتملة وطوله طول النخلة ....
وبلعب حديد شكله ، ومش قادرة أوصف قديش ساحر ..
المهم رحت عملت نفسي ماني مهتمة كمان ومو معبرة حدن ،ورحت مسكت لعبة أبن أختي ،وعملت حالي
أنها عاجبتني وأني كيووت ،وبدون سابق أنذار ،وبدون سابق أنذار سمعت صريخ وبعدين الا صحن البزر والمكسرات خبط براسي
الا هو ابن اختي بعيط بدو لعبتوا ..
.طبعا أول شي عملتوا انه طلعت على أخوه لزوج اختي ..بالطريقة الي شرحتلكم ايياها بؤبؤ العين الأنفرادي
الا هو حابس ضحكته ..وماسك حالوا بالعقل ..
رحت مسكت ابن اختي وحطيتوا بحضني وعملت حالي بسكتوا وانه عادي يعني ماصار شي (ايش يعني صحن بزر براسي )
روحي رياضية ...
وحكيتله (بدك هاي بيبي ،هيها خد أمسك يلا ...يلا ياخالتو ...بس هو ضل متنح ..
ويعيط ويتفلت بحضني زي المعزة الي تنازع....أصبعوا دخلوا بعيني
قمت بكل قواي سلختوا هداك الكف وبأعلى صوتي حكيتله حلص يا ابن الكلب ....
طبعا هو هدى هدوء غريب من رعبتوا مني ..بس العيلة صفنوا فيني ..ما أنا سبيت على ابو الولد
سبيت نسينا شو يعني .....
وأنا هون ويلي عيني بدها توقع من مكانها
ولا ويلي وجهي لمحمر متل البندورة
ولا ويلي العيلة الي كلهم سكتو وقاعدين يجحروا فيني .وكل واحد مصدوم وفاتح عينه 180 درجة ...
ولسه قبل لا أفكر كيف بدي أتصرف ..أبن أختي نط على راسي وسحب لحجاب عن راسي .....
على أساس انه هيك ينتقم مني وهو فعلا انتقم ...لأنو غرتي اول ماسحب الحجاب ..وقفت ..زمبركات
لأني صرلي شي شهر مو ممشطته ...وشعري مزيت وملزق براسي .. ومنظري كان كتير بيخزي ....
الي خلى الموقف يخزي اكتر ..انه أول ابن اختي ما نزع لحجاب وهرب فيه ...
أخو زوج أختي الي كنت بدي أزبطوا فقع ضحكة عليم الله وصلت ضواحي العقبة ورجعت ...
أنا ماعرفت اتصرف بهداك الموقف لأنو الكل ضحك وجد كنت مسخرة ..من ورا هالشيطان القرد لصغير ..
بس من يومها لليوم وأنا مافتت دار اختي او خليت حدا من اهل زوجها يشوفني ويارب يفقدوا الذاكرة
جزئيا لينسوني وخلص
التوبة ماعدت بدي زبط عرساان
ودمتم سالمين
تعليق