تويت
☆*✲ﾟ*｡(((يوميات وخواطر مبعثرة )))｡*ﾟ✲*☆
مساء الخييير !
جد يعني مدري ليه كنت شايله هم يعني اليوم صح كان الجدول زي الزفت اول حصتين رياضيات بعدين فيزيا و بعدين كيميا يعني ورى بعض وربي هبل جدول متخلف يعني المفروض ماده علميه بعدين ادبيه مو كل المواد العلميه ورى بعض ! بس يلا عادي اول حصتين كانت حلوه و معلمة الماده نوتيلا وربي اعشق هذي الابله هي درستني العام اول ثانوي و دحين تدرسني ياخ شرحها حلو ماشاء الله و حتى أسلوبها و معلمة الكيميا كنت اعشق الكيميا بس بعد الابله هذي اظن اني بكرهه ياخ باااارده بشكل و شرحها ممل بس تهرج و تشرح و م تخلي احد يقول شي و لا مشاركة ولا شي يعني اول درس يكون شي بسيط لكن هي لا لين دق الجرس وهي بس تهرج اما معلمة الفيزيا ف هي نفسها معلمة العام بارده احم نجي لمعلمة الدين المعلمة كتكوته ماشاءالله و حتى اسلوبها يعني تعطيك الزبده من الموضوع اما الاحياء ف المعلمة دي كمان نوتيلا تعجبني يعني تاخذي راحتك معاها ف الفصل ضحك و هرج وكل شي و بنفس الوقت تفهمك و تخلص الشرح بسرعه نجي للغثا الانقليزي اخخخ وربي أكرهه هذي الماده تجيب لي الصداع و معلمة الماده سخيفه و بارده و بس تهرج تجيب الكأبه للواحد و فوق دا كله تبغانا نتكلم انقليزي زي البلبل مدري مين قال لها اننا امريكان بس كان يوم حلو لان شفت صحباتي الي كانوا غايبين امس وكدا و كمان لان م عندي شي و شكلي بسوي زي أمس نمت الساعه ٣ الظهر وصحيت ٤ الفجر وبس والله ❤️
Sent from my iPhone using منتدى عبير
مساء الخييير !
جد يعني مدري ليه كنت شايله هم يعني اليوم صح كان الجدول زي الزفت اول حصتين رياضيات بعدين فيزيا و بعدين كيميا يعني ورى بعض وربي هبل جدول متخلف يعني المفروض ماده علميه بعدين ادبيه مو كل المواد العلميه ورى بعض ! بس يلا عادي اول حصتين كانت حلوه و معلمة الماده نوتيلا وربي اعشق هذي الابله هي درستني العام اول ثانوي و دحين تدرسني ياخ شرحها حلو ماشاء الله و حتى أسلوبها و معلمة الكيميا كنت اعشق الكيميا بس بعد الابله هذي اظن اني بكرهه ياخ باااارده بشكل و شرحها ممل بس تهرج و تشرح و م تخلي احد يقول شي و لا مشاركة ولا شي يعني اول درس يكون شي بسيط لكن هي لا لين دق الجرس وهي بس تهرج اما معلمة الفيزيا ف هي نفسها معلمة العام بارده احم نجي لمعلمة الدين المعلمة كتكوته ماشاءالله و حتى اسلوبها يعني تعطيك الزبده من الموضوع اما الاحياء ف المعلمة دي كمان نوتيلا تعجبني يعني تاخذي راحتك معاها ف الفصل ضحك و هرج وكل شي و بنفس الوقت تفهمك و تخلص الشرح بسرعه نجي للغثا الانقليزي اخخخ وربي أكرهه هذي الماده تجيب لي الصداع و معلمة الماده سخيفه و بارده و بس تهرج تجيب الكأبه للواحد و فوق دا كله تبغانا نتكلم انقليزي زي البلبل مدري مين قال لها اننا امريكان بس كان يوم حلو لان شفت صحباتي الي كانوا غايبين امس وكدا و كمان لان م عندي شي و شكلي بسوي زي أمس نمت الساعه ٣ الظهر وصحيت ٤ الفجر وبس والله ❤️
Sent from my iPhone using منتدى عبير
تعليق