رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

البعيد عن العين متخبي ف القلب

☆*✲ﾟ*｡(((يوميات وخواطر مبعثرة )))｡*ﾟ✲*☆

صباح الفرص السعيده صباح العمر الذي لن يتوقف ع خيبة صباح الحياة التي لابد ان نعيشها كما يجب صباح الخير...

احم احم يلا ببدا اتكلم و اقول كم هرجه كدا قد جربتوا شعور لم طفل يحبك و تعامليه بحب وكدا بس بعدين تندمي ؟ لانه يتلصق فيك و بمحل م تروحي يجي وراكي ؟ انا كدا كنت مع بنت خال ماما كدا و دحين ناشبه لي محل م اروح حتى لم ابا انام تنام جنبي لم اكل جنبي لم امشي تمشي ورايه والله بكل مكان حتى ان احاول اهرب منها مقدر من كثر هي قاعده وراية ورايه يمكن لو انتحر تنتحر معايا استغفر الله صح انا احب الأطفال إلا اعشقهم بس إلي زي كدا ؟ احبهم بس يعني م احب زي كدا اف معرف اشرح ان شاء الله فهمتوا بس جد يعني أعطوني طريقة او خطة اخليها تبعد عني والله حتى كلام مع بنات خالو م اقدر اتكلم يقولوا روحي بعديها ويعدين تعالي هالكلام م ينفع لها طيب دقيقة انا ايش دخلني ؟ يلا الي عنده طريقة يقول لي

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

لما احس انك تتعمد تجيب طاري شخص طلعته من حياتي بس عشان تشوف ردة فعلي بخليك تلحقه عشان تذوق ردة فعلي صح !


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

لما أسولف و يمر احد حلو او احبه قدامي :

بعدين قلت له تعال ، المهم قلت له تعال وكذا ، و لما قلت له تعال ، قام قال لي ، قام قالي وش اسمه هذا


______________

للامانه دايما تسير معايا


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆








Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆



احب هالبنت بكل تفاصيلها كنت اتكلم معاها فجأة كدا ارسلت لي زي دا الكلام ربي يسعدها الله لا يحرمنا من بعض ❤️❤️


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

صباااااااح الخيييير ...

بعض الجمل ...تقولها ؟؟

بقول لكم بعض الجمل و الكلمات و الدعاوي الي ماما تقولها لي الله لا يحرمني منها

لم تشوفني أتصور ( روحي يا شيخة ان شاءالله وانتي تتصوري يطلع لك جني عشان تبطلي تتصوري هذا الي فالحة فيه بكره تتزوجي و انتي ع للكوشه تمسكي لي الجوال و تتصوري انا عارفة انك م ح تبطلي إلا اذا طلع لك جني )<<الدعوه دي دايما تدعيها بس لم اجي أتصور اسمي بالله و احس خلاص يعني تبطل الدعوه ههههه

لم تشوفني قدام المرايه ( كم مره قلت لك م توقفي ع المراية وقت طويل يقولوا اهل اول ان الي يوقف قدام المراية كثير بتجنن انتي م ترتاحي إلا لم تشوفي لك جني او قرينك ان شاء الله يارب تشوفيهم عشان تعقلي و تبطلي تطالعي فيها )<<اكتر دعوة اكرهها وقتها جد اخاف أوقف قدام المراية لمدة يعني حتى اخاف اطالع فيها بس عادي يعني كلها كم ساعة و خلاص مافي احساس تعودت هههههه

لم تشوفني ع الجوال ( هذا الي فالحة فيه قومي سوي لك شغلة الله لا يبارك ف الجوال دا الغلط مو منك مني انا انا الي جبت لك هو لو م جبته لك كان احسن لي قومي فزي سوي لك شي بكره نهار تتزوجي يجي زوجك يقول هذي طول وقتها ع الجوال ) <<كله شي يدخل الزوج عاد الله يعين زوجي دايما ادعي عليه ههههههه

لم تشوفني اكنس الغرفة ( كنسي زي الناس و لا تسيري زي ام عثمان تكنس الوسط و تترك الأركان لو جوال كان فلحتي فيه )<< ام عثمان مثال لكن وربي اكنس زي الناس بس ماما تحب النظافة بزياااااده لو مخده طاحت ع الارض قالت انتي م ترتبي زي الناس و الجوال هذا شي طبيعي لازم يدخل ف كل شي زيه زي زوجي المستقبلي

لم تشوفني البس و اتضبط بزياده يعني مكياج و خرابيط ( مافي خطاب و حتى لو اتخطبتي م ح ازوجك لسا صغيره و لا العريس ع الباب ) <<يعني اذا قعدت بالبجامة قالت قومي بدلي ملابسك افرضي احد جا ع غفله وان لبست و م حطيت شي ف وجهي قالت نفاس الاخت ؟ و ان حطيت قالت الكلام الي فوق والله م عرفت لها الله يسعدها

لم نمزح انا و وئام ( بس انتي وهي جبتوا لي الصداع الضحك بدون سبب قلة ادب و كترة الضحك تموت القلب م تعرفوا تسكتي انتي وهي دحين مزح و ف النهاية تقلبوها مضاربة ) <<حسستني اننا بزوره و اذا م ضحكنا قالت خير متضاربين انتي وهي ان شاء الله ليه م تكلموا بعض ههههه

لم تسمعني اغني ( ماشاءالله ست هانم هذا الي فالحة فيه تغني وبس قومي أقري لك قران بدل هالغنا الي كله حب ومحبوب حتى الأغاني معادت زي اول قومي حسبي الله ع ابليسك )<<وان م غنيت تقول شفيك ساكتة م تغني سمعيني ايش حافظة وقتها معرف أغني انا احب اغني من حالي مو احد يطلب مني

لم اطلب منها ان اروح عند صحباتي ( من متى عندنا بنت تروح عند صحباتها ؟ بكره اذا تزوجتي خلي زوجك ياخذك عندها انا م عندي بنات يروحوا عند صحباتهم اصلا افرضي تروحي و يكونوا اخوانها فيه انا قلت كلمتي و م تتغير و اظن انتي عارفة رأيي من البداية ) <<للاسف ماما للان م ترضى يعني مثلا اخوانها لم يعرفوا ح يقولوا واو موده جايه يلا نستقبلها ! يعني الصراحة نفسي امحي هالفكره من بالها يعني والله بروح بيت صحبتي مو شالية و اختلاط و معرف ايش بس يلا عادي مو مشكلة استنى لم اتزوج ههههههه

وفي غيرها كتيييير بس خلاص تعبت وانا اكتب ان تذكرتها سويت جزء تاني ههههه بأخر كلامي اقول الله لا يحرمنا منهم لان احنا بدونهم ولا شي ف هالحياه الله يسعدهم و يرزقنا رضاهم وبس


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

هناك من ينصت الى فمك
هناك من ينصت الى عينيك
هناك من ينصت الى اختلاجات وجهك
هناك من ينصت الى ارتجاف ذقنك
هناك من ينصت الى تصعيرة خدك
هناك من ينصت الى يدك
هناك من ينصت الى الفراغ الذي تتركه بين كلمة و اخرى
هناك من ينصت الى صوتك
هناك من ينصت لو صمتك
هناك من ينصت الى ما تقول
هناك من ينصت الى ما لا تقل

عندما تقول ؛ انا بخير
يصدقك الجميع
وحده من يحبك يعرف كذبك !





Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

الناس يفضفضون و يرتاحون
انا افضفض و يهددوني بالسالفه
فوق الغبه ابتزاز الله وكيلك


Sent from my iPhone using منتدى عبير

رد: ☆*✲ﾟ*｡(((يوميات وخواطر مبعثرة )))｡*ﾟ✲*☆

م قلت لك ؟ قلبي يتيم بغيبتك !


Sent from my iPhone using منتدى عبير