رد: ♪♪ أحببگك موووت في غيابگك ولا جيت احبگ زووود ♪♪

يا بعد هلي وناسي..ويا بعد همي وحزني..
ويا بعد احساس صادق..
يا حبيبي في زمان لهجته لهجة تجني..
ويا ميره بين الناس..طبعهم حب الهلاك..
انت اسطورة زمانك.. ما مثل شخصك جذبني..
الكلام لسان طاهر..والوجه صورة ملاك..
الجمال اسمى صفاتك..ما ملك غيرك ملاك..
كل اوصافك خيال..لكن اجمل ما فتني..
لازعل مني غرورك..يبتسم لجلي حياك..
كيف اكمل في بعادك..والحزن بعدك غمرني..
وكيف احيا في غيابك..وانا انتفس هواك..
كيف اجلس في مكان..كل ما اجلس حضرني..
صورتك وانت بقربي..وضحكتك وانت هناك..
صوره من واقع حياتي..لو رحلت اليوم عني..
ينقطع تيار فرحي..وتحجب ادموعي سماك..
حزني لبعدك تراها..زعزعت بالخوف امني..
واليتميه دمعها يعلن ..نهاية كل فرحه هي بلاك..
انفجرت وباح سري..وقلت للعالم بأني..
افتخر لا صرت احبك..واعظم اطباعي معاك..
انا عندي يا حياتي..راحتك فوق التمني..
وانت عندي كل روحي..ومالها معنى بلاك..
ارجع اشكر كل لحظه..صادقه فيك اجمعتني..
وانا يكفيني بأني..عشتها لحظه معاااك

رد: ♪♪ أحببگك موووت في غيابگك ولا جيت احبگ زووود ♪♪

قال رسول الله ﷺ : أكثروا من الصلاة علي ليلة الجمعة ويوم الجمعة فإن صلاتكم معروضة علي.اللهم صل وسلم وبارك على حبيبنا محمدﷺ.

رد: ♪♪ أحببگك موووت في غيابگك ولا جيت احبگ زووود ♪♪

لا شيء ياتي كما نتمنى دآئما ولكن نحن على ثقة بإن الله يخبئ لنا الأجمل ~

صباح الخير..

رد: ♪♪ أحببگك موووت في غيابگك ولا جيت احبگ زووود ♪♪

ربـي إنها الجمـعة . .[♥] و الجمعة مـن خير الأيام عندك ... [♥] فـاكتب لـنا الخير فيـھا ۆ أسعد فيھا قلوبنا . . [♥] ربـي إن لك عبـادا ينتظرون فرجا قريبا . . فـبشرهم . . [♥] ۆ عبادا يسألـونك شفاء فـعافـهم . .ۆ عبادا يرجون رحمتك فـارحمهم . .[♥] ۆ عبادا يرجون منك تحقيق أماني فلا تخذلهم... [♥]

رد: ♪♪ أحببگك موووت في غيابگك ولا جيت احبگ زووود ♪♪

اللهم صلي وسلم وبارك عليه

رد: ♪♪ أحببگك موووت في غيابگك ولا جيت احبگ زووود ♪♪

هاي كيفكم يا اعضاء؟
هههههه عندي كلام كثير بس رح اختصر امس زواج صديقتي يعني وحده من شلتنا 3 تزوجوا من قبل وهاذي ال4 تتزوج ههه يعني عاد باقي بنات بالشله بس مخطوبين المهم والله زواج فخم مرررره القاعه فخمه وكل شيء
احنا اجتمعنا ورحنا الصالون من العصر ههههه>>استعجال
اما العروسه فالكوافيره راحت لبيتهم لانها مالها خلق تروح الصالون
طبعا انا بكل مناسبه احب ابقى اخر وحده عشان اشوف ايش اعجبني واسوي مثله البنات تجهزهم الكوفيره طبعا مو كوافيره وحده لاننا كثير كان نفسي اقص شعري لانه طويل امي ماعارضت بس اخوي قال اذا قصيتي شعر بقص رقبتش بس ماقصيته رغم انه بنات اعمامي وعماتي قاصين بوي او لين عند الرقبه وصابغين انا قبل زواج صديقتي صبغت قرمز بس القصه بحاول ارضيه لين اقص ههههه
خلصتهم ورحت جلست ههههه اجت الفصله كل ماقالت شيء الكوافيره اجلس اضحك حتى اذا كان شيء مايضحك طفشت الكوافيره وقالت والله اذا ما جلستي مثل العالم رح اتركش ههههه نذاله بس انا سكتت وخلصنا ورحنا القاعه جلسنا نرتب باقي الاشياء والاغاني واغاني الزفه وخلصنا وجاوا الناس والعروس انا كنت متوعده بالعروس لانها ام المقالب بشلتنا واكثر من مقلب تسوي فيني راحت على الغرفه ومعاها البنات اما انا فما رحت جلست اتعرف على البنات ورقص وكل شيء ههههه
بعدين رح لعندها والبنات قرروا يطلعون من الغرفه عشان يشوفون الناس اما انا تعبت وخصوصا الكعب يكسر الظهر ههههه بقيت انا والعروسه ووحده من بنات ربعها البنت بعد شوي طلعت بقيت انا واياها ما بقى حد تقولي فطوم والي يعافيش لاتكلميني انا قلت لها اوووك وجلست لحالي وهي لحالها متوتره البنت وخايفه بعد شوي تقولي تعالي سولفي وياي عشان ارتاح من التوتر شوي هههههه>>جات من الله
وجلست سوالف عاديه بعدين اقولها ترى المكان الي بتمرين فيه للزفه انكب صابون وانت رح تتزحلقي>>ابو ام النذاله
جلست تقولي احلفي اقول لها عادي لا تصدقين والناس كثير الله يكون بعونش وزوجش اذا طحتي بينحاش خلاص دموعها رح تتفجر هههههه >>تنرحم بس تستاهل الي تسويه مو شوي

وجلست اخوفها ههه لين جات امها البنت رح تبكي انا هربت من الغرفه واهي كانت حامله حذاء كعب بيدها بترميني بس انا ركضت بسرعه>>تراني استاهل اكثر

المهم جات الزفه وانزفت العروس على اغنيه بلقيس مبروك ورقصنا معها لما جاء العريس جلسوا شوي وقاموا اعتقد اليوم الفجر سافروا>>الله يسعدهم
بس نحنا بنات الشله قررنا مانروح الثانويه وطبعا مارحنا الله يستر وش بيسوي المدير فينا ههههه مو اول مره لنا سوابق بالغياب وطبعا نتفق مره مع بعض عشان نغيب
ههههههه طولت وياكم ف امان الله

رد: ♪♪ أحببگك موووت في غيابگك ولا جيت احبگ زووود ♪♪

مساء الخير لاحلى اعضاء كيفكم؟
امممم اليوم داومنا بالمدرسه وانا خايفه من المدير انا ويا رفيقاتي رح يذبحنا>>نزود المواضيع
ولازم مايقبل عذرش الا بورقه من ولي امرش انا بابا واخوي مسافرين وعمي ماحبيت اقوله لاني كل يوم غايبه ههههههه مابقى لي غير ابن عمتي تركي لسى جاي من السعوديه قبل كم يوم وهو اخوي كتب لي ورقه وراح
رحنا للمدرسه لما جاو صديقاتي احنا مننا 4 من صف والبقيه من الصف الثاني شلتنا المهم عددنا 7 قلنا رح نرقى لعند المدير والله يخوف وحده من البنات تقول لي فطوم عندي لش خبر كم رح تدفعين؟>>طبعا اهي من بنات صفي
انا قلت لها قولي بسرعه ابغى عند المدير انا كنت رح ارقى عنده قبل الطابور
البنت قالت لي ترى المدير الحصه ال2 بيجونه ضيوف واذا رحتي له وعنده الضيوف بتحرجونه ومارح يعاقبكم انا فزيت من مكاني ورحت بسرعه طيراااان للبنات وقلت لهم وافقوا الحصه ال2 رقينا فوق لقينا الضيوف بس رفضنا ندخل طرقنا الباب وطلبنا المدير وانا ارجف لانه يخوف عصبي كذا وكل شيء هههههههه
قال ايش تبون يابنات قالنا له نحنا غايبات مدري وشو >>وطبعا نصف الكلام كذب
جلس ساكت ماتكلم وقال وش سبب الغياب طبعا ماكذبنا وخبرناه اننا رحنا الزواج وتعبنا بعد ماطلعت ارواحنا وفرجيناه الاوراق تركنا نروح>>وناااااسه
احنا استاذ القران غايب كانت حصه فراااغ و3 بنات الي من الصف الثاني راحوا لصفهن طبعا اهن من شلتنا الفاشله ههههه لاجل يحضرون الحصه احنا بقينا ندور بالمدرسه زي السياح وقررنا ننزل للصف واحنا بالدرج وحده من البنات تنزلق وانا ما شفتها وطراااخ فوقها وال2 زميلاتي فوقي انا صرخت بس بالخفيف وجع من بنات ايش تاكلن وش هالثقل طبعا حتى طاح عليش بزر يوجع البنات ماتوا من الضحك وانا جسمي مكسررر خلااص مقدر امشي بالشده قمت >>ربي انتقم من الكذب
زميلتي تقول شفتوا اشلون الكذب وداكم ههههههه ورحنا الصف ما صدقت رجعت البيت وارتحت ههههه والله طيحه تاريخيه بالاستراحه احكي للبنات انفجروا من الضحك ههههه بس الحمدلله ماحدا شافنا ههههه طولت عليكم
ف امان الله

رد: ♪♪ أحببگك موووت في غيابگك ولا جيت احبگ زووود ♪♪

مساء السعاده والطيبه لاحلى اعضاء
عساكم بخير يارب؟
اممم تراني عندي حكي ابغى اتكلم بس يالله قلت مالي غير المنتدى الله يسعدكم
راسي صداع احس انه بينفجر تعرفون الانسان لما يجيه سن العقل يعني سن مو عمر مفرد اسنان يجي بنهايه الفك السفلي من داخل انا بلش يطلع احس بوجع اقول مساكين الاطفال كيف يتحملوا ولما كنت احكي لصديقاتي كانوا يقولون لي وين العقل عشان يجي سنه ههههه>>تحطيم
اليوم الصباح تأخرت على المدرسه انا من بعد ماسافر ابن عمي تركيا مافيه احد يودينا المدرسه والباص يتاخر ومدري شو المهم انا وبنات عمي نروح طبعا اوديهم بسيارتي بعد ماعمي جابها لي ونمر لمنطقه صديقاتي3 ويجون ويانا واليوم ما صحيت لا انا ولا بنات عمي وشوي الجوال يدق صديقاتي كل شوي يتصلوا بس ما انتبهت له يوم رديت صديقتي تحط ذيك الصرخه فزيت من الفجعه تقولي مو شايف الساعه كم ؟كانت 7:30 قمت زي المجنونه وصحيت بنات عمي وكل شيء على السريع وبنات عمي خلصوا قبلي وخرجوا للسياره وكل شوي يضربوا بوري كنت البس نقابي وشوي ما اشوف الجدار ويعطيني ذيك الصدمه بنص راسي خلااص اليوم راسي بينفجر الله يستر وقمت واشوف كل شيء اثنين والدنيا تدور رحت بسرعه غسلت وجهي واقفز في الدرج وشوي اطيح ذيك الطيحه الله لايوريكم حالي وبسرعه رحت للسياره والبنات يتحلطون وبعدين بهالوقت يكونوا الناس راحوا اشغالهم واسوي ذيك السرعه والله لو نصدم رح نمووت على طول>>بعيد الشر عننا
واوصل لعند صديقاتي وجلسن زي العجايز يبربرن ودي اكفخهن ووصلنا الثانويه بس لحقنا قبل لا يوقفنا المدير
الحصه الاولى والثانيه كانت كيمياء كنت مستحمله وجع راسي بس الحصه الثالثه ما استحملت ماعاد صرت اشوف غير ضباب وصديقتي ودتني المرفق الصحي حقت المدرسه وجت هاذي الحرمه الي بالمرفق تقولي افتحي راسش اشوفه وفتحت كانت مكان الضربه حقت الجدار متورمه سوت لي ثلج وحبه بانادول وراح الوجع ورجعت كملوا الدوام كنت مو قادره اسوق وصديقاتي وبنات عمي مايعرفوا طبعا احنا فيه بنات كثير عندهم سيارات وقلت مالي غير انا اسوق وكنت امشي حبه حبه عشان اخاف اسوي حادث >>الله لايقولها

الحمدلله على كل حال بس لازم مايمر يوم الا بمغامره>>احسب اني ماوكلي هههه

ف امان الله

رد: ♪♪ أحببگك موووت في غيابگك ولا جيت احبگ زووود ♪♪

صباح الخير والسعاده لاحلى اعضاء
مركز تحميل الصور

رد: ♪♪ أحببگك موووت في غيابگك ولا جيت احبگ زووود ♪♪

دعواااتكم الي انا رايحه مغامره اليوم
بس والله لصالح المدرسه والمدير حكيانا له كل شيء ووافق انا اذا رجعت من الثانويه ونجحت الخطه بخبركم
تعباانه بالحيل ابغى انام كنت جالسه لين الساعه2الفجر والحين صحيت ومستحيل ارجع انام اخاف اتاخر والجووو برررد ترجفين رجف الله يستر بس لما تصير دراسه وبررد حلووو
انا رايحه اتزهم ف امان الله