رد: روايه نورة وجدتها الزاحفه هههه ضحك

ابشري راح اكمل

رد: روايه نورة وجدتها الزاحفه هههه ضحك

الجزء الرابع




مر اسبوع وكل يوم مثل اليوم الي قبله

انا:جده وش أخبار ابو عيالتس
جدتي:والله ماعليه مرتاح ومستانس
انا:سمعت من ناس يقولون انه يدورله على بنت يبي يتزوجها
جدتي:يآآآوه والله مايسويها مادامني حيه
انا:والله هذا قول الحريم
جدتي:يهبي ان كانه سواها صحيح والله لاهج عند اهلي << وانتي اهلتس للحين عايشين


انا:والله ياجده ان هجيتي صحيح انتس خبله بتاخذ مكانتس الحرمه الثانيه


وتجي امي في هالحظه


امي:انتي جالسه هنا
انا:لاوالله يايمه انا جالسه هناك
امي:تستهبلين انتي!!! قومي قومي سويلي حلى انا عازمه جاراتي العصر يبايجني
انا:نقي الحين دراهم واسويلتس حلا
امي: وش حقه دراهم ياحافظ تبيعين على امتس يالي ماتستحين
انا:لامابيع لي اسبوع اطلبتس فلوس بروح لسوق ابيلي أغراض
امي:ايه زين زين بعطيتس بكره الحين قومي سويلي حلى
انا:لاوالله تضحكين علي انتي
والله ماسوي لين تعطيني دراهم
امي:يابنت انتي تفهمين ولا لا فلوس هالحين ماعندي بكره اصرف واعطيتس
انا:ايه هين انطر ياحمار لين يجيك الربيع

ويدق التلفون واقوم ارد عليه

انا:الووو
المتصل:اهب ياوجهتس ماتعرفين تتصلين على اختك وتسألين عن اخبارها
انا:بسم الله لاسلام ولاكلام اكلتيني بقشوري خير من انتي!!
يؤيؤحصيصه ياويلي من زمان عنتس ياوخيتي وش اخبارتس وش علومتس

حصه:انقلعي بس لاتكلميني
عطيني امي بس
انا:انقلعي انتي الي داقه موب انا ههههههه

حصه:وتضحكين بعد
انا:حقتس علي والله وش اسوي مشغوله وقصم بالله
حصه مـشغوله بشنو ياحظي جالسه بالبيت لادراسه ولاشغل وش مشغلك قوليلي
انا:ايه يحقلتس ماتصدقين اسألي امتس وجدتس وش مشغلني من اصبح وانا ماغير اكرف في هالبيت
وقهوه رايحه وقهوه جايه للجده المصون

حصه:احسن بعد عشان بكره لاتزوجتي تطلعين ربه منزل ممتازه
انا:ومتى اتزوج وافتك ماعندتس خطيب لي منيه مناك
حصه:هههههههههههههههههههههههه
الرزق على الله ياوخيتي
انا:اي والله الرزق على الله بس هم مايمنع تدورين لختك معرس مالت عليتس

حصه: هههههههههههههههههههه ان شاء الله بدورلتس وارسله لتس فيدكس وش تبين بعد

انا: ايه يكون احسن بعد وياليت تكونين مغلفته زيين وحاطه عليه فيونكه تخبرين احب الفيونكات ههههههههههههههههه

حصه: اقول بس وين امي خليني اكلمها انتي ثراثراه مايخلص كلامتس ابد

انا:الشرهه ماهي عليتس على انا الي مضيعه وقتي مع وحده متزوجه لحظه بناديها


وانا انادي امي بصوت عالي (قولي صراخ مو عالي) وامي اصلا جنبي بس كذا فهاوه

انا:ياست خيريه تعالي ياختي بنتك عوزاك

امي:وجع قصري صوتس وش حقه تصارخين
هاتي التلفون وروحي سويلي حلا يالله
عطيت امي التلفون ورحت للمطبخ احوس فيه



وانا احوس في المطبخ واغني مثل العاده

دخل اخوي فارس : السلام

انا: سلمنا من شرك

فارس: يؤيؤ رد السلام واجب يالخبله

انا ومن دون نفس: وعليكم

فارس: وش فيك تكلميني من راس خشمك

انا: والله مانتبهت اني اكلمك من راس خشمي احسب اني اكلمك من فمي اشوى انك نبهتني

فارس: ههههههههههههههه لالا شكلتس زعلااانه

انا واسوي نفسي ثقل والف مثل الأفلام واكلمه وانا معطيته ظهري : ايه زعلاانه


ويلف ظهره اخوي فارس مثل الأفلام بعد : وش مزعلتس ماذكر اني مسوي شي

انا : انت واعدني تمشيني ولاشفت لك تمشيه مالت عليك


فارس: اهاااا ليه انا ماقلت لتس

انا: وشووو لا ماقلت لي

فارس: الخميس هذا بطلعكم مع عمي ابو ناصر

انا سويت كذا بالبدايه

انا هنا وجهي تلون وصاار احمر واخظر واصفر يعني صار اشاره بالعربي

انا: قل قصم ؟؟

فارس: اي والله بطلعكم معهم للبر ناصر هو الي اقترح طلعة البر وهو المتكفل فيها كامله

انا : طيب وشسمه بنات عمي بيطلعون معنا

فارس: لا وش حقه يطلعون ,,,وش رايك يعني اكيد بيطلعون

وانا اصفق وجهي : جااك الموت ياتارك الصلاه عزالله عينت خير

فارس وهو فاتح فمه وعلى راسه ميت علامة تعجب : ليش ؟؟؟؟


وانا انتبه اني قمت اهذري وفارس عندي قلت خلني ارقع : ايه مو مصيبه لاجوبنت عمي
هن كشخااات وانا تخبرني ماعندي ملابس كشخه

فارس: بس!! احسب عندك سالفه,,, بسيطه روحي لسوق وتقضيلك كم غرض

انا: ايه بروح اكيد هذي فيها اهل عمي وانت الي بتوديني لسوق واليوم مفهوم

فارس: هههههههههههههههههههههههههههه اشوف يمكن مافضالك

انا: فروس بلا استهبال تبيني انفضح عند اهل عمي

فارس وهو يناظر بمكر فيني: يهمونك هم!!!,, البسي اي شي من هدومك

وانا اصرخ : فرووووووووووووووووووووس لاترفع ضغطي بتوديني لسوق يعني بتوديني

فارس طلع وهو ميت من الضحك على شكلي يوم عصبت
وبعد ماطلع فارس انا قمت اهذري بالمطبخ وادور فيه مثل المجنونه واقول بنفسي

ياويلي وش اسوي معاد ابي اطلع ياررربي ,,

الله يقطعك يافارس اقولك طلعني الحالي,,, وتروح تطلع معنا ناصر واهله

الحين بالله كيف بسولف وكيف بضحك انا ماعرف امسك نفسي واصير ذربه

مير والله لعيونك يانويصر لاصير ذربه لازم اتكشخ واتزين عشان خواته ينهبلن علي ويخلون ناصر يخطبني


هيا: هييييييييييييييييه لي ساعه انادي ماتسمعيني

انا: خييير وش تبين خرعتيني

هيا: وش عندتس سرحاانه

انا: تعالي ياهيا مصييييييييييييييييبه مصيييييييييييييبه

هياو تفتح فمها : وش فيه وش مسويه يالملعونه

انا: انتي تفكيرك دايم منحرف مثلك وش مسويه مالت عليك اقولك مصيبه

هيا: طيب قولي وش مصيبتك

انا: الخميس بنطلع مع ناصر واهله ياااويل قلبي عز الله طار ناصر من يديني تهيء تهيء

واقول السالفه كلها الهيا


هيا: طيب عادي خليك مثل ماأنتي ولاتتصنعين الدلع ومدري شنو وصدقيني بيحبونك

انا: تهقين يعني ,, انا مايهموني هم انا يهمني اخوهم الدبيجه

هيا: هههههههههههههههههههههه صار دبيجه الحين وامس تكتبين فيه قصايد ياحظي

انا: آآآآآآآآآآآآآآآآه ياقلبي روحي روحي خليني اسوي حلى لامي لاتذبحني



الجزء الخامس


بعد العصر جونا جارتنا كلهن تجمعن

وامي تغصبني اطلع لهن تبيني اقهويهن << ايه هين الا تبيهن يشوفني اكود يخطبني

بس انا مابي انا حطيت براسي نويصر ولد عمي يعني حطيته ولاهو طالع من رااسي الا اذا تزوجته


المهم جلست عند هالمحرم وقعدت اقهويهن وهن ماغير الفصفص مالي فم كل وحده فيهن

وحش في خلق الله ,, فلانه تزوجت وفلانه انحاشت من رجالها وفلانه تطلقت وفلانه ياحرام كبرت وللحين ماتزوجت

دبلن تسبدي وانا ماغير اجاملهن << لاجابن طاري العنوسه يجرحني

المهم ان جدتي معهن جالسه وهبلت فيهن خلتهن يكرهن الجيه في بيتنا


جدتي: انتن وش تبن باأعراض المسلمين من جلستن وفلانه سوت وفلانه حطت هااه

ام عادل جارتنا: الله يهداتس ياخاله حنا نسولف

جدتي وتمد العصاه تبي تهبدها بس انا مسكتها لاتهور : سولفي مثل العالم والناس مو ماغير تهرجين بخلق الله

امي ووجهها طايح : يايمه الله يهديك انتي علامتس

جدتي: انتي وراتس ماغسلتي هدوم عيالتس بس فالحتن تعزم هالمحرم وبيتها مهملته

انا بخيت بضحكه عجزت امسك نفسي

وامي وجهها يتصفق الوان واشكال

المهم ان جدتي ماقصرت بردت حرتي فيهن

وبعدها ضفن وجيهن وطسن لبيوتهن


واانا اطير عند امي : يالله يالله نقيلي دراااهم واجد بخلي فارسوه يوديني لسوق الحين

امي: ماعندي فلوس الحين بعدين بعدين

انا: أأأقول بدينا بشغل النصب انتي واعدتيني يايمه ترى ان ماوفيتي بوعدتس بتصيرين منافقه

امي: مشاء الله متى ربيتي الحيه وصرتي مطوعه وتعرفين النفاق بعد

انا: منذو مبطي اخلصي يمه تكفيييييييييييييين

وقعدت اهاابد عندها وابتسي اكود تحس فيني

ولا مافيها فايده جلده ,,, الين جت هيااا


هيا: يمه لازم تعطينا فلوس نبي نكشخ فارس يقول انا بنطلع يوم الخميس مع اهل عمي ابو ناصر

وامي تنهبل : ليه ماعلمتني ياويلي اجل دوتس دوتس الصرافه واشتري احسن لبس تشوفينه

لاتفضحيني وتشترين ثياب عجز انتبهي

وانا احط يدي على خصري : ياسلااااااااااااااااااااااااااااام لي ساعه اقولتس عطيني فلوس يوم قالت هيا ان اهل عمي بيطلعون معنا كشته وانتي تحذفين الصرافه علي

امي: ايه ابيتس تطلعين حلوه اكود ينظرون فيتس ويخطبونتس وافتك من مقابل خشتس

هيا: ياويل حالي يانوره امي معاد تبينا شكل ان ماجانا خطاب بتحذفنا بالشارع


انا: تهيء تهيء ايه اشوفها مير ماعليتس وانا اختس ان شاء الله انا بنتزوج قبل لاتحذفنا

هيا: ههههههههههههههههههههه


مير وتقوم امي وتلحقنا بنعلتها تبينا نخلص ونروح لسوق

امي أحترقت ياعالم اكثر مني


عاد رحنا لسوق انا وهيا

مير ونفر من محل لامحل وشسمه وندخل على محل الي يبيع فيه لبناني
واختكم في الله ماصدقت اني شفت لبناني وانا اسنتر عنده بالمحل

وهو يعرض علي بضايعه وانا فاتحه فمي مفهيه

واختي هيا تكزني ذيك الكزه الي بغت تسبدي تطلع من وراها


انا: خيير وش تبين

هيا: وش عندتس نشبتي بهالمحل

انا: كيفي عجبني

هيا: ياالفالحه هالمحل مانقدر نشتري منه

انا: وليه ان شاء الله

هيا: شوفي اسعاره وبعدين تكلمي مالت عليتس هالمحلات لناس الهاي مو لنا ياوجه الفقر

انا: احلفي يافشلتي عقب ماسحبت بهالبناني من اليوم وهو فرحان يحسب اني بشتري

هيا: صرفي عمرتس مثل مانشبتي فيه

البناني: شو عجبتكون هالئطعه


انا: ايه مووووووت موووت تهبل

هيا قامت تضحك وتسوي نفسها تكح

انا: طيب خلها عندك شوي بروح اصرف واجي

البناني : عادي عنا هون صرافه

انا واقول الهيا بهمس : ياذا النشبه وش السواه

هيا: عطيها كاش بوجهه وماعليك منه خلنا نخلص

انا: اخوي بكم عليه هالبلوزه

البناني : بعد الخصم بتطلعلك 950 ريال

انا: يؤيؤيؤ هذا وهو بعد الخصم لالا مابيها

والبناني يطالع فيني بشمئزاز عرف اني بنت فقر الملعون : لكان لشو داخله هالمحل

انا: داخله اتفرج عليه عندك مانع

اهم شي انه انطم ماقدر يرد علينا نيهاهاهاهااااي

وبعدها طلعنا وحنا ميتات من الضحك

المهم لقينا محل على قد دراهمنا واخذنا منه ورحت اقيس بغرفة القياس

والقى وحده ناااعمه واقفه عند باب غرفة القياس تقل كنها بالأبتدائيه حاجزه مكان يعني


وانا اقولها : وخري لو سمحتي ببدل

البنت : لا سوري انتظر اختي الحين بتجي وتبدل

انا: ليه هو ملك ابوك وانا مدري

البنت وهي تهز كنها رقاصه: مو شغلك

هيا: لحظه نوره هالأشكال ماينتفاهم معها بالكلام

انا: هااه اجل شلون


وتقوم هيا وترفسها وتطلعها من غرفة القياس غصبن عنها

مير وانا وهيا نفقعع من الضحك ودخلت انا اول وحده بدلت وطلع مضبوط

وبعدها دخلت هيونه بدلت وطلع مضبوط

وحنا نطلع ونلقاها واقفه عند الباب تنتظر اختها الي شكلها سحبت عليه وهي عيونها متغورقه دموع من القهر

انا: هيا والله مايهون علي بعد ماطلعناها بالغصب اتركها هنا

هيا: افا عليك وش تبين بس امري انتي


وهي واقفه تخز فيني وفي هيا ثم ميلت علينا وقالت : عاالم همج


وانا امسكهاا واجرها مع شوشتها مير واسدحها بالأرض ونصب عليها مويه انا وهيونه
ورجعناها الغرفة القياس وسكرنا عليها

وحنا ميتاات من الضحك

وعقبها انحشنا من السوق كله هههههههههههههههههه

رجعنا للبيت ومبين على وجيهنا انا مسويت بلاوي بس ماأحد سألنا

وبعدها رقينا لغرفنا نبي نسوي بروفا قبل الروحه للبر

->>>> هاذي التكمله ابغى ردود وتفاعل علشان أكملها <<<<

رد: روايه نورة وجدتها الزاحفه هههه ضحك

ههههههههه

رد: روايه نورة وجدتها الزاحفه هههه ضحك

الجزء السادس



اليوم هو يوم الخميس يوم طلعتنا للبر مع عمي ابو ناصر الي ماشفته لي سنين والسبب مشاكل عائليه ماعرف وش المشاكل بالضبط

الساعه الحين 5 الفجر


البيت ماتسمع فيه غير صوت الصحون وهي تطيح واصياح جدتي على هالصبح تصارخ تنادي زوجها صنهات الي مدري متى طلع


واناساعه مقابله المرايه واحاول اشخط عيوني بدقه بس من الأزعاج الي اسمعه والرجفه الي بداخلي خلتني احوس عيوني حوس

هيا:يمآآآآآه وش فيهاعيونك تسذا وش هالرسم انتي ناويه تصورين فلم رعب

انا:امانه موب حلو
هيا : لاوالله موب حلو ناويه تنحشين الناس انتي

وانا الي اطقها بتسوه:وش ازين ياهيونه عجزت ارسم خلاص انا مابي اروح

هيا:وشو تبين امي تذبحنا قومي غسلي وجهك وانا بزينك عدل انتي شكلك مرتبكه

انا:اي والله مرتبكه بشوف اهل ناصر اليوم ,, هذا وانابس بشوفهم صارفيني كذا كيف لاتزوجت ناصروه

هيا:هههههههه لا لاتزوجتيه بتغير امور كثيره

انا:تهقين

هيا : اي اهقى ونص

المهم وبدت هيا تزيني وامي تزين فطور سنع وتجهز العده
عاد غريبه امي هالمره مانادتني اساعدها

خلصنا على الساعه 7

شلنا عفشنا كله بالسياره
عاد اول ماطلعت وشافني اخوي فارس وهو يبخ من الضحك انا على طول شكيت ان في شكلي شي غلط

انا:سلمات يابوالشباب بوه شي يضحك


فارس وهو مبتسم على الأخر:لاأبد بس تذكرت شغله وضحكتني

انا:طيب ضحكني معك مشتهيه اضحك

سفهني الهيس ومارد علي
وهومازال يضحك لاطالع فيني
انا مدري ليش شكيت ان فيني شي غلط

ركبنا السياره ومشينا للمخيم

وحنا في السياره قمنانتهاوش انا وجدتي << موشي جديد

انا: جده وخري عصاتك عن وجهي
جدتي: الحين تركتي العالم هالي راكبه السياره
وماحطيتي حرتك الابعصاتي
انا:بلى عصاتك بتخش في عيني
امي:ان لله تقابلن عااد ريا وسكينه
فارس:انتي عاد يانوروه بليس ماينركب معتس اعقلي اعقلي وخلي جدتس بحالها
انا:ياسلام الحين طلعت انا الغلطانه لافقعت عيني جدتي مانتم نافعيني
هياروس تكفى شغل اف أم خلنا نوسع صدورنا
امي:يالله صباح خير على هالصبح تبين تسمعين أغاني
جدتي:ايه ياصنهات شغل لي أغنيه وتغزل فيني

كلنا ضحكنا بصوت واحد << اجل فروس طلع صنهاات

وبعدها وصلنا لمخيم عمي ابو ناصر
اول ماوقف سيارته اخوي فارس


طلع ناصر وهو رافع ثوبه ورابطه على خصره <<< يالليل الي خقت
ولاف شماغه بشكل عشوائي
انا بديت اتنافض ومعاد ابي انزل من السياره
نزلت امي وجدتي وسلمن على ناصر وماتسمعون غير وشلونكم وش اخباركم تنعاد مليون مره


وهيا تكزني تبيني انزل وانا أحس كني عروس بيدخلونها على معرسها

نزلت هيا النذله واتركتني بالسياره الحالي
وهالخبل فارس مالقى يسولف مع ناصر الا عند السياره ياخوي قلة الأماكن طس هناك عند الخيمه ورح سولف على راحتك

المهم اني انا قررت انزل بعد ماشجعت نفسي وقمت اقول النفسي ياقويه ياأنا يعني أحاول أعزز النفسي

فتحت باب السياره وماحبيت اطالع لابفارس ولابناصر عشان ماأرتبك

ونزلت




اول مانزلت وانا اطيح ولااني على خشمي ساجده

اجل فيه احد يلبس كعب فالبر

<<<انا يقالك بكشخ لبست كعب سناره

المهم والله لايوريكم طاح وجهي خصوصي يوم جتني امي تركض
امي:جاتس شي سمي سمي واتفلي في مكانتس

وانا في نفسي اقول الابتفل على وجهي الي طاح
جاني فضول ارفع عيني بشوف نظرة ناصر لي
وليتني مارفعت عيني الرجال ماسك ضحكته يوم طالعت فيه وهو يبخ ضحكته

المهم عقب هالفشيله معاد لي نفس للبر كله

بنات عمي طلعو طيبات حيل حاولو يسولفون معي بس انا اخلاقي خلاص قفلت



اضواء:نوره احسك مو مرتاحه من الجلسه في الخيمه وش رايك نتمشى
انا:لاوالله مرتاحه بعدين مالي نفس اتمشى الحين
هيا:اضوا خلينا انا وياك نروح نتمشى
اضواء:اوكي يالله

وطلعت اضوا بنت عمي مع هيا اختي يتمشون
وانا خلاص خانقتني العبره من الطيحه


المهم بعدها رحت لخيمة الحريم وجلست عند ام ناصر اترزز

اكود اعجبها هي وتقنع ولدها فيني

عقب الطيحه ماظن بيفكر فيني ابد



الجزء السابع



انا:يازين الجو مره يهبل
ام ناصر:اي والله يهبل ورى مارحتي تتمشين مع البنات
يابنيتي

وانا اقعد اتميلح :لاحقه على التمشي الحين بساعدكم << مسويه ذربه حلايا هالوجه

ام ناصرشاءالله لاالله الا الله والله وعرفتي تربين ياأم فارس
وامي تطير من الفرحه:الله يسلمتس ياأم ناصر هذي نوره من يوم جبتها ماعمرها تعبتني
وشايله شغل البيت كله عني << وانا أقول بنفسي اخس الحين طلعت المدايح كله عشان تفتكين من خشتي


المهم وانا الي اسوي نفسي استحيت ومير اقوم واطلع من خيمتهن واروح الخيمه البنات
واجلس اتكشخ واتعطر واتزين

وتجيني ساره بنت عمي اصغرمني بسنه

انا كنت مندمجه وأغني احسب نفسي بالبيت (صبوحه خطبها نصيب آآآه خطبها نصيب يادن دن ودان )


ساره:هههههههههههههههههه اثرك زاحفه

وانا التفت لها وانا منخرشه :يمآه خرعتيني

ساره: سوري على الأزعاج بس اعجبني صوتك قلت اجي اسولف معك

انا:ههههههههه عسى ماسببت لأذنك ازعاج تخبرين الأصوات النشاز تسبب حكه بالأذن

ساره:حرام عليك ليش التحطيم والأحباط صوتك مره شي

انا: تسلمين اجل ابشري مالتس الا الي تغني بعرسك ان شاء الله وبلاش وش تبين بعد

ساره: هههههههههههههههههههههههه ياختي ماتوقعتك فله لها الدرجه اول ماجيتي تخرعين حسيتك عصبيه

وانا أقول في نفسي(بلاماتدرين وش الي صايرلي ياحظي): لا اول ماجيت كنت متضايقه من اخوي فارس عشان كذا كنت قافله


ومير تحمر خدود ساره من جبت طاري فارس

ساره: اهاا طيب قومي خلينا نتمشى ونسولف وش رايك
انا:اوكي ماعندي مشكله
قمت ولفيت طرحتي على شعري <<عاد كنت مزينه بوف عشان يرزني مالت علي يقالي بكشخ

اول ماطلعت من خيمتنا وتطيح عيني بعينه وانا الي بسرعه الف الطرحه على وجهي ولاشعوري مشيت

وقلت:درب درب ياولد درب << ردة فعل غير متوقعه

مير وش أقول وش اخلي يلعن خيره من قريب يسحر

هو لما سمعني قلت درب درب ابتسسسسم ابتسامه ياويل حالي بس

مادري وش صار عقب ماتعديته اهم شي ان ساره بنت عمي وقفت عنده اخذت شوي ثم جتني تركض


ساره : عسى ماتأخرت
انا:لاعادي
ساره:هههههههههههههههههه
انا:وش الي يضحكك
ساره:هههههههههههه ياحبيلك لاولا شي

كان ودي اسألها وش كان يقولها يوم رحت بس اني قلت النفسي اثقلي يابنت ولاتصيرين خفيفه << أيه هين


ورحنا نتمشى انا وهي وضحكنا ضحك ولعبنا مع هيوننه واريج


وبعدها رجعنا حق المخيم وجلسنا عند الحريم << كل وحده مخططه على أم الثانيه


وانتهى يوم الطلعه ورجعنا البيتنا

وذيك الليله عجزت انام يطرى على بالي يوم ابتسم بوجهي





الجزء الثامن



قمت الصبح على أشعة الشمس << انتبهتوا للتغير ماقلت قمت الصبح بس,, لا على اشعه الشمس شفيكم صرت رومنسيه ياحليلي حليلاه ..؟..




المهم وانا اقوم من الارض بسعاده ولا اختي هيونه منبطحه على سريرها وحاذفه فراشها بالارض

وصوت شخيرها واصل لسابع جار


قمت ورحت للحمام وغسلت وجهي وطلعت ورحت للمطبخ اسوي الفطور

وكانت الساعه في ذاك الوقت على ما اظن الساعه 6 لا استغفر الله 8 لان يوم قمت إلا جدتي قايمه من مبطي وجدتي ماتقوم الا لساعه 7 و43 دقيقه في انتظار قهوتها

المهم سنعت الفطور ودلة القهوه لجدتي عقب مافرشت الفرشه لها بالحوش تحت النخله جلست تتقهوى وانا اكمل ترتيب البيت

والخم والكنس يوم خلصت الا جتني هيا تتمخطر تبي تفطر كذا بالساهل ..




انا: وامسكهاا مع علباها: مافي فطور الا لما تغسلين الملابس
هيا: ابك قولي لا أله الله الله
انا: لا اله الا الله
هيا: محمد رسول اله
انا: محمد رسول الله
هيا: وتقلد الهنود : أشهدوا ان
انا: يبنت الحلال والله مسلمه وربي اخلصي علي
هيا: بغسلهاعقب الفطور
انا& لا هللحين


عقب فطورنا الصباح رحت انا وخيتي العزيزه لغرفه المعيشه نشوف

برنامجنا المعتاد صباح المملكه خخخخخ

المهم ولا يرن التليفون وكل وحده فينا تعزم الثانيه تشيل التلفون



انا: ياوخيتك ردي عليه
هياا: يابنت انت اخف
انا: أي اخف والله اني شحوم متراكمه
هياا: تفكين خففيها وروحي ردي عليه
انا: يابنت انتي حركي دمك وردي عليه
هياا: ياحول ورى كل انا وانتي وش وظيفتك
انا: وظيفتي اكنس واطبخ واسوي قهوت جدتك
هياا: يامسكينه كني انا ماساعدك في الشغل
انا: تهبين انتي ووجهك ماعمرك ساعدتيني


مادرينا ولا يوقف رن التلفون



انا : احسن جت منه وفكنا

وتدخل جدتي وهي تغني مدري تقصد المهم ان صوتها كله ونيين مافهمت شي


انا: الله الله ياجده

جدتي: مشاء الله ياملحه انتي متى جيتي

هيا: ههههههههههههههههههههههههه مشاء الله اسمك ملحه ورى ماعلمتيني

انا: اقول انطمي بس ,, اقلطي اقلطي ياصيته الله يهداتس قومتي الربع بصوتك العالي

جدتي: والله طرى على بالي هاك القصيده الي تقول

انا: ايه أسلمي ياجده

جدتي: ياعذابي منك ياموتي وياحرماني .. زابنك بالله تخفف عني اللي فيه
من عذابك وشهو اللي باقين ماجاني .. في عيوني من عذابك صايره ماريه
وانتي تدري كل ماتحتاجني تلقاني .. يشهد الله عنك ماتقدر تشح ايديه
بس تكفه لاتعذبني ولا تنساني .. ضمني يانور عيني في حشاك شويه
كل ماشفتك تدخلني في عالم ثاني .. عين تنظر لك بشر والثانيه حوريه



انا وهيا : هههههههههههههههههههههههههههه

انا: اخس ياجده والله مانتي بسيطه

هيا: جده عاد من هو ذا الي تقصدينه بالقصيده

جدتي وهي تخز هيا: والله يامزنه واحد ماتعرفينه

انا: ههههههههههههههههااي مبروك طلع اسمك

هيا: هههههههههههههه مزنه مره وحده الجده اليوم فاصله فصله قويه

انا: هيونه نسيت اقولك انا امس يوم اني كنت مع ساره حسيتها كذا تحب فارس اخوي

هيا: مشاء الله عليك كلن يرى الناس بعين طبعه

انا: تهبييين والله ,, انا يوم قلت فارس حسيت خدودها حمرت وماغير تتلزق فيني

هيا: هههههههههههههههههه ايه وش تحب فيه من زينه

انا: اي والله بس يمكن تشوف فيه شي حنا مانشوفه


المهم بعد السوالف مع هيا عن أحداث البر وش الي صار وش الي ماصار

رحنا جبنا المسجل حقنا وشغلنا الراديو ندور اغنيه نبي نرقص عليها

المهم ويطلعلنا اغنية ثامر حصني مدري حسني المهم

ونقوم نردح انا وياها ردح,,, الأرض قامت تهز هز من ردحنا

كل وحده تعدي من جهه يقالها الحين ترقص


ويدخل علينا فارس بهالحظه


فارس: امنيتي ادخل البيت وألقاكن منثبرين بالارض بالله انتن وش تحسن فيه

انا :وانزل راسي السموحه ياطويل العمر << عشانك صديق ناصر بس نزلت راسي

فارس: مشاء الله الأخت مطيعه اليوم وصايره ذربه

انا: من يوم يومي وانا ذربه بس انت ماتشوف

هيا: هههههههههههههه ايه لاصار عند الكلب حاجه قله ياسيدي


مير مادريت غير فارس لاحق هيا باسلك المسجل بس هيا حطت رجلها << أجل كلب يالخبله يقالها بتقول امثال مالت عليها

وانا الي ادخل المطبخ من الفشيله: الله يقطعتس ياهيا الحين بيعرف اني اتمصلح معه عشان أعرف اخبار ناصر منه



المهم واسمع جدتي تنادي تبي قهوه رحت سويت لها وجبتها ولقيت فارس جالس عندها وامي

امي: اي والله ان الطلعه امس تهبل وياحليلها ام ناصر

فاارس : ههههههههههههههههههههههههه

امي : وش يضحكك بسم الله علي

فارس: طرى على بالي شي ههههههههههههه

انا على طول برمجتها بمخي وعرفت انه يضحك على شكلي يوم طحت من السياره

جدتي : انتم ماهمكم غير الضحك بس

انا: لا فيه هم بعد ياجده هم العرس

فارس : استحي على وجهك عيب

امي: معاد فيه بنات يستحن هالجيل فاصخ الحيا

انا:افرقع بصابعي: بناااااات اول مو هاللحين

جدتي: هالحين البنات يخطبن الرياجيل مادريت

فارس: والله تسويها هالخبله تروح بكره تخطب النفسها

انا:هاه ماوصيك تجهز
فارس: وليه

انا: بروح اخطب

مادريت غير لاحقني بالمركى << ماكان عنده غير مركى هههههههههههه

وانا ادخل غرفتي بسرعه واقفل الباب اشوى ربي ستر علي ولا كان مردغني

هيا: هااه بشري لمختس بشي

انا: لا الحمدالله جت سليمه

هيا: اشوى اجل

انا: واجلس على السرير .. وفي وجهي حزن : هيا

هيا: نعم

انا: هيا ودي أصير بنوته ناعمه

هيا وبدون سابق انذار: هههههههههههههههههههههههههههههههه

انا: خيير قايله نكته انا

هيا: لا بس يعني صعبه نوره وناعمه وربي ماتركب عليك

انا: اقول الشرهه ماهي عليك علي انا الي افضفضلك مالت عليك


الجزء التاسع


طلعت من عند هيا عقب ماحطمتني وقالت يانوره تعوذي من أبليس

وخليك مثل ماأنتي لأن النعومه يعطيها ربي ناس وناس خلقها الله دفشه مثلك يعني

مير واروح للحوش واقعد تحت نخلت جدتي

واقعد اغني بصوووت عالي عشان افيض الكبت الي بداخلي

ياليتـــني من بنات اليوم .. وعندي سايق وهنديه
ولساعه وحده وانا ماقوم .. وغداي كيكه وبيبسيه


مير واشوف جدتي وخويها مسيرين علي << اكيد تعرفون خويها الدله

انا:ياهلا ياهلا تعالي تعالي ياجده اقعدي بشكيلك عن حالي

جدتي: والله حتى انا ودي مير اشكيلتس عن شي بس ابيتس تعاهديني امام الله ان هالشي مايطلع

وانا مير تحلالي القعده : افاآآآآ ياجده هون حفرنا وهون طمرنا

جدتي: وين حفرتي فيه لايطيحون الوراعين بحفرتس

انا وامس شوشتي: ههههههههههههه لالا جده اقصد سرررك في بير ماعليك بس علميني انتي

جدتي وهي تمد كريعاتها: والله تخبرين من توفى صنهات مافكرت بالعرس ابد

انا: ايه ادري مشاء الله عليك وفيه الجدي الله يرحمه بس ماخبر اسمه صنهات اخبر اسمه ذيب ماعلينا ماعلينا كملي

جدتي: اي واقولتس وذاك اليوم يوم انا طلعنا للبر واشوف هاك الزول الي يرد الروح مير ويرف قلبي رف

انا: وانا أقول جدتي علامها كل شوي تقصد وتغني اثر العجوز حابه

وجدتي تلمخني بالفنجال : انا عجوز يالمفصوعه ,, انا للحين صغيره والله ان مادفن جمالي غير صنهات

انا: آآح ياجبهتي الله يخلف عليك ياصنهات يالي مدري من وين طلعت ,, ايه جده ومن هذا الي رف قلبك له

جدتي: يااااااااااااااااااوه ياقلبي والله انه كل مامر طاريه ولا مر زوله انه مدري وش يصير فيني مير اكود انه الحب<< بفتح الحاء ركزو

انا: ويقولون جيلنا خايب وجيلنا فاسد الله العالم من الي جيله خايب ,,المهم ياجدتي من ذا حمستيني

جدتي: واحدا اسمه ناصر

انا سويت تسذا : وشووووووووووووووووووو لالالالالا

جدتي: علامتس تقل كنتس مقروصه

انا: جده يعني أنتي تقصدين ناصر ولد عمي ابو ناصر ماغيره ذاك الطويل المزيون الي خشمه سل السيف

جدتي وتحمر خدودها من ورى البرقع الي تمسسسه الين صار على نص خدودها : اي والله انه هو ماغيره

انا وحسيت بالغيرره تولع :جده لو سمحتي الخيانه ماهي زينه انا حبيته قبلتس شوفيلتس واحد ثاني لو سمحتي


جدتي: وانتي من زينتس تحبينه هو مزيون ومايبي غير مزيونه

انا وتتغارق عيوني من الدموع : جده ليش انا ماني مزيونه

جدتي: لامانتي مزيونه ولافيتس زين ابد وبعدين هو ذاك اليوم قعد معي وسولف ولو انه يبغاتس قعد معتس

انا: جده هذا تراه يصير بناخيتس يعني لاتفكرين فيه كازوج ,, معاد باقي الا هي ,,عجوز هذا كبرها وتبي تتزوج ولد

ماوعيت غير الدله وراها الفنجال وراها زنوبة جدتي تطرد وراي وانا احط رجلي داخل

واضحك بكل سخافه عهدتها بحياتي

الا بستقبالي اخوي فارس توه طالع من الحمام ولابس شورت سماوي وفنيله علاق بيضه
انا .. انصدمت مو متعوده اشوف اخوي بهالمنظر وعقبها غضيت البصر وقلت : حج يا حاج تستروا تستروا
مادريت إلا وفارس يضرب بالارض من كثر الضحك هههههههههههههههههههه
كان يضحك بهستريه

انا اطالعه بكل تعجب شلي يضحكه .. وبعدها راح غرفته وهو ميت ميت ضحك ..؟..


المهم واروح انظف واكرف في هالبيت

المهم اني صرت عدوت جدتي في هاليوم كله


كل ماأمر من عندها لازم تلمخني بحاجه وانا اردها لها بضحك

امي استغربت والبيت كله مستغرب وش عند جدتي كارهتني

<<بلاكم ماتدرون العجوز فصخت الحيا وتبي تتزوج الي انا حاطتن عيني عليه

المهم يوم عاد جدتي زودتها معي كل مامريت المختني

رحت اهددها ,,

انا: جده وقسسسسم بالله لو تحذفين علي شي لاعلم عليتس امي وفارس

امي وفارس كانو جالسين ويطالعون بجدتي

وجدتي قام يتقلب وجهها الوان

جدتي: يابنيتي انا ماغير امزح معتس انتي علامتس نار شابه

انا: اي والله الحين صار مزح واولى ماغير تلمخ بنعال وبالكاسات والفناجيل

فارس: وش فيك وش ماسكه على جدتي هههههههههههههههههههه

انا: اسكت اسكت بلاااوي متلتله خلني ساكته مابي افظحها

وجدتي تقوم يعنني زعلت وراحت الغرفتها وسكرت الباب

فارس: عيب عليك ليش تزعلينها

انا: ماعليك حبة راس وترضى اعرفها جدتي خبز يدي

وتجي هيا تتمخطر مع الدرج

انا: يامرحبا ترحيبتن اسبق من الفار .. ياللي على دربها ثمنين بسه

فارس انصرع من الضحك وامي حطت طرحتها على فمها تعبير بالضحك وهيا زعلت ودرعمت للمطبخ


انا: مير مارظيتي

>>>>>> هاذي التكمله ابغى ردود وتفاعل علشان أكملها ->>>>>>

رد: روايه نورة وجدتها الزاحفه هههه ضحك

ي الله ايش فيكم كذا امواات
ما فيه ردود
ي الله ابغى اشوف ردودكم علشان اكمل

رد: روايه نورة وجدتها الزاحفه هههه ضحك

خلاص مو لازم ردوودكم ،،......راح اكمل
^
^
^
^


الجزء العاشر



في صباح يوم جديد


امي: يانووووووووووووووووووير ياجعلتس ماتربحين

انا واركض بحيلي كله يوم وصلت عند امي : هااااااااااااااااااااااااااااااااه

امي : هويتي من راس جبل يالخايسه قمي نظفي المجلس الي برى ونظفي الحوش ونظفي هدوم اخوك فارس يبي يجينا اليوم ظيوف

انا: وقسسسسسسسسسسسسسسم لو اني تماتيك ماقدر اسوي ذا كله نادي بنتس الثانيه المصونه خلها تساعدني

امي: انا لله هالبنت تبيني اذبحها كل ماقلت كلمه قلتي نادي الثانيه انتي علامتس تظارينها




وانا اروح للمجلس عقب مالعنت امي خيري


دخلت وشفت فارس متلحف ببطانيته و نايم استغربت اخوي فارس وش منومه هنا

قلت قبل ماقومه بنظف المجلس المهم نظفت كل المجلس وانا مير اجيكم مسرعه

واجر البطانيه من راسه وهو متجود فيها

انا: حشى حشى علك مو بطانيه هذي,, قم قم بنظف المجلس

هو سااكت



انا: نعنبو ذا الوجه قم بنظف المجلس ناوي تفظحنا انت قم طس نام بغرفتك

والا مافيه فايده ومارد علي ابد


انا واجي فوق راسه وامسك المركى يقالك طاار (طبل) واغني على راسه عشان لاسمع صوتي غصبن عنه يقوم

يا فارس بيتكم مبني .. ومشيده مبانيه
ياعل البيت مايخلى.. ولايدور العزا فيه
يا فارس ردي لي زملي.. من خليلن شرعت فيه
نطحني ناسف الغتره..يقول زملك اخليه
يافارس ياجنين امه.. عسى ربي يخليه


وانتظره يقوم يلمخني بشي والا الولد محطوط على الصامت

ياربي وش فيه لايكون ميت

وانا انوووح عند راسه

انا: يااااااااااااااااااااوه ياويلي ياوخيي رحت غلطه

واقعد اسوي مثل المصاريه والطم على خدودي واقول ماات ماات

المهم لاحظته يهتز وكأنه قاعد يضحك

وانا اقوم اظربه وارفسه : فارس جعلك لصمرقع خرعتني احسبك مت

والا الرجاال زاد هزه من تحت البطانيه وشكله كذا فطس من الضحك ولا عنده نيه يرفع البطانيه

مير وانا ارفع كمامي قلت ياأنا ياهو اليوم

واجي عند رجوله

ومير اسحبهاا وانا أضحك وهو متجود بالبطانيه للحين << تسويها صدق ترى


وانا مستانسه قاعده اسحبه الين وصلته لاعند باب المجلس والا اشوف اخوي فارس توه طالع من داخل البيت


وهو يطالع فيني وهو فاتح فمه




انا بهالحظه عرفت اني جبت العيد




جبت العيد جبت العيد << فرحانه



أجل الي من اليوم ارفسه واسحبه هذا موفارس !!؟؟


وهالرجال للحين متجود بالبطانيه وشكله فاقع من الضحك


اخوي فاارس قام يلطم على وجهه من الفشيله

طبعا انا انسانه بديها حذفت الرجول الرجال
وظليت واقفه مكاني في انتظار حصتي من الضرب

طبعا مسكني من علباي وكم طراق على كم شلوتي بعدها تعدلت ودخلت داخل ولا كأني انضربت


مير يوم دخلت داخل واجي عند هيا وانا دموعي على خدودي

هيا: وش فيتس

انا: هيا ياهيا تكفييين ياوخيتي ظميني

هيا: بسم الله عليتس تعالي تعالي الظاهر ناقصك حناان هاليومين


انا واقعد اون وانا في حظنها وابتسي بتسى عجوز مظيعه دلتها واعلم هيا السالفه كلها

ومير تنقلب هيا راسا على عقل وتقعد تضحك وتضحك وتضحك لين توقعتها تموت من قوة الضحك

انا: عمى خيييير الحين ابيتس عون صرتي علي فرعون

هيا: يااويلي منتس وش انتي مسويه اقسسسسم انك جبتي العيد بقوه ,, اجل لو أقولك هذا منو؟؟ وش بتسوين


انا وافتح فمي لين حسيت فمي بينشق وشهقت شهقه سمعوها الجيران: اماانه هيا منو!!! تعرفينه!! وليش ماعلمتيني ان فيه رجال برى يالنذله يالمفتريه

هيا: نسيت أعلمك ,, البارح جاني فارس وقال علمي أختس لاتطلع ترى فيه رجال نايم برى
وانا قلت له خلاص وانتي قمتي قبلي ونزلتي ونسيت أعلمك والله راح من بالي

انا: الله ياخذتس زيييين الحين فارس بيشك اني مسويه هالحركه عنوه

هيا: ههههههههههههههههههههههه لالا ماعليتس انا بعلمه

انا: طيب من هو ذا الي نايم عندنا!! من خوياه بالعمل ؟؟

هيا: لا هذا ناصر ولد عمي

انا واصرخ براسي كله : لااااااااااااااااااااااااااااااااااااااااااااااااا ااااااااع

واقوم الطم على خدودي واصيح وابتسي وانتف شوشتي من الحره واقول : راح خلاص راح خلاص
لو كان عنده نيه لو واحد بالميه انه يخطبني
الحين ولا صفر بالميه ياويل حالك يانوره يابنت ابوتس

ميرواصقع راسي بالجدار << فعلا ومن الحب ماقتل


وهيا يوم شافتني وهي تخاف من شكلي وانا أصارخ وابتسي واصقع راسي بالجدران وتجي تحط يدها على فمي

هيا: بنت بنت لاتفضحين عمرك خلاص تعوذي من أبليس وقولي لااله الا الله

انا : لاااااااااااااااااااأله الا الله لااااااااااااااأله الا الله
مير وتناديني امي عشان ازين قهوه لرجال واقوم واتفل على هيا وانزل تحت

وانا كلي أسى وحززن واروح للمطبخ وازين القهوه واضبطها

واحطها عند الباب واطق الباب وانحاش

مالي وجه اطالع اخوي فارس عقب هالموقف


واروح عند جدتي واجلس جنبها واحط يدي على خدي وابكي

وأقول ::

لابوك يالعين بدموعك فضحتيني .. تبكين عند العرب والناس نقاده
تبكين يالعين لاهم ولا ديني .. ابوك يالعين خليتي البكي عاده


ومير جدتي تطنها وتبتسي جنبي

المهم دخل فارس وعطاني نظره الله لايوريكم هالنظره مدري هي استحقار لالا طايحه من عيييينه بقوه مدري عجزت اوصفها



وجاءالعصر وجونا الظيوف الي امي تقول عنهم ,,, طلعو عايلة عمي ابو ناصر

واخذت ساره واريج بنات عمي لسطح

وقعدت معهن سوالف وضحك

ومير فقعت بطونهن من سوالفي ومواقفي << خربتها يوم اني فقدت الأمل من أخوهن

ساره : هههههههههههههههههههههههههههههه آآآه يابطني والله انك نكته متحركه

هيا: ماشفتي شي خني أقولك سالفه تاازه مسويتها هالخبله

اريج : اي اي قوليلنا تكفين والله من زماان ماضحكت

انا: اوماا عاد من زمان ماضحكتن ليه عايشات بحزن لها الدرجه

ساره: لا مو عايشات بحزن بس ياختي ماعندنا احد روحه مرحه مثلكم انتم مره تضحكون من قلب

هيا: تبون تسمعون السالفه ولا لا

اريج : اي اي قولي نبي نسمع

هيا: هذا مره رحنا لسوق انا والأخت نوره ودخلنا محل نبي نشتري منه وهالأخت تتميلح على راعي المحل

المهم يوم جينا نحاسب قال ياخاله السعر كذا عاد نوره بغت تذبحه اجل نهارها كله تتميلح واخرتها يقول لها ياخاله

ابو التحطييييم ههههههههههههههههههههههه

ساره واريج ماتو من الضحك على سوالفنا وانا خلاص نسيت هذا ناصر عقب ماسحبت وجهه بالمجلس بعد بفكر فيه خخخخخخ

المهم غيرنا سوالفنا وقمنا نغني

انا: هااه من تبيني اقصد فيها

ساره : انا انا قولي فيني قصيده



انا: واخطفها بنظره سريعه .. وكانت لابسه ثوب احمر واغني

هيض القلب لباس الحمر .. هيض القلب لباس الحمر
وألعبي وألعبي لاتستحين.. وألعبي وألعبي لا تستحين
لايهمك صغير ولا كبير.. لا يهمك صغير ولا كبير

ساره : ههههههههههههههههههههههههههه اوما عليك اغاني

انا: اسكتي والله اني طيحت سوق الطقاقات وش على بالك

هيا: هههههههههههههههههههههههه اشوى انك ماطيحتي سوق احلام بس

انا: احلام تدق علي كل شوي تبغيني ارد عليها واسوي معها ديتو بس انا رفضت اجل انا اغني مع هذي واااي فشله

اريج : ارحمينا ياهوه طيب غني فيني لو سمحتي احم احم

انا : بيت عمي معروف .. وبيت عمي معروف
وكل المطاعم تدله .. وكل المطاعم تدله
وفطورهن يطلبنه .. وفطورهن يطلبنه
وغداهن تالي الليل .. وغداهن تالي اليل
والزين مايعرفنه .. الزين مايعرفنه


مير وبنات عمي يزعلن علي

وانا أراظيهن بكذا قصيده زينه وهن يرضن ياحليلهن


والله عاد اني استانست مع بنات عمي وراحو البيتهم الله يستر عليهم

وحاولت اني انسى ذاك الموقف الأقشر وقعدت بتالي الليل أصيح لأن خلاص معاد فيه امل بناصر ولد عمي

وقمت اهوجس وافكر ياترى وش يقول عني الحين اكيد بيقول وش هالعربجيه الزاحفه حقت حبتين

مير واتعوذ من أبليس واتفل عليه لين غرقت وجه ابليس بتفالي واحط راسي وانام


الجزء الحادي عشر





في كل صباح تعودتم تشوفوني اشتغل واكرف يعني وش الجديد في هالصبح

غير الكرف والشغل والتمخطر بين ارجاء المنزل

وسبحان الله كل شي في البيت قلبته فوق تحت وحتى تخيلو النمل أعرف ذا نملنا ولا نمل جاينا مسير على نملنا

يعني حتى نملنا عادته واعرف زوله زين ,, ذاك اليوم جتنا نمله حمراء عرفت انها مسيره على نملنا ,, حنا نملنا اسود مو احمر

خخخخخخخخخخخخخخخخ


مر على جيت بنات عمي أسبوع كامل
المهم دقت مرة عمي ام ناصر على تلفون بيتنا

وردت عليها امي وكنت انا جالسه عند التلفزيون واقلب في هالقنوات << ماعندها غير غصب واحد وغصب ثنين



امي: ياهلا والله ومرحبا باأم ناصر وش اخبارك وش علومك

ام ناصر: ياهلا فيك والله ياأم فارس ,, حنا بخير انتم وش اخباركم وش علومكم

امي: والله الحمدالله ماعلينا

ام ناصر: والله ياأم فارس اني داقه ابيك بموضوع

من قالت ابيك بموضوع وامي تاخذ التلفون وتدخل وهي تقول ايه ايه

انا جاني فظووووووول ودي أعرف ام ناصر وش تبي باأمي

طولت امي حاولت اتجسس عليها بس ماااش ماسمعت شي

المهم يوم فقدت الأمل وانا اطلع بالحوش قلت بروح اتنفه شوي ومنها بنظفه

وقعدت عند شجرة جدتي وقمت اغني

يالله انك اتهون كل ماجاني.. تحسن الخاتمه وتزين النيه
اشهد ان الشباب اقفى وخلاني.. راح وماعاد له بالوجهه ماريه
عزتي لك وان جاك ماجاني.. أتقلب ولا ادري وش جرى ليه
صرت ماعاد أسير يم جيراني .. لطري البر والروحات والجيه


مادريت الا وذاك الصوت الي يقول : صح السانك

وانا أطالع الا ولد داج مدججته امه اعطيه حول 13 او 12 مدري المهم انه حول هالعمر يطل علي من بيتهم

انا: انت الحين ماتستحي تطل على جيرانكم وش هالحركات يالورع الداج,,, امك وينها عنك !!

هو: بدال هالمطاالب روحي تستري انتي وهالقميص الي لتس شهر ماغيرتيه

انا: نعنبو هالوجه واجبك من يحط وجهك بالتراب يالتعبان وحافظن قمصاني بعد شكلك مسنتر دايم عند الدرايش يهاالهيس



وقام يقصد ..

مسكين ياعقدن على عنق شينه .. وجهن غبر خرب وهج الالماس
منهو الهبيل اللي تبين تفتنينه.. والله يالولا العقد لقول عباس



وانا اللي ينصفق وجهي .. ياصبااح التحطيماات قلت : حسبي عليك سبعت تحاسيب
الاوله جعلك على هالقصيده تنطرم والثانيه جعلك ماتكمل خطاك والثالثه ثكلتك امك
والرابعه


هو: بس بس السموحه ولا يهمك بنقصد فيك يالمشفوحه << يااااحلو هالكلمه

وانا أقعد واتربع بالحوش واقول : يالله سمعني قصيده سنعه للعن خيرك

وهو يقول :

مية هلا باللي يكحل ثناياه .. اللي يحط الديرمه في عيونه
اللي حدا نهديه من خلف علباه .. والنهد الاخر روحوا يطردونه

انا: يعني مرقعها يقالك حلايا هالوجه,,, مالت على وجهك زييين

وانا أقوم واحذف عليه زنوبة جدتي << لاحد يعلمها تكفون

وادخل داخل وانسدح بالكنبه الي بالصاله

والقى امي مبتسمه ابتسامه شاقه نص وجهها << ماأعرف اوصف

انا: الله يجعل هالأبتسامه ماتفارق خشتس ياميمتي

امي: امين يارب

واشوف امي تنطحن مدري علامها شكل عندها شي بس ماتبي تقوله لي

انا: اي وش عندها ام ناصر كنها تبيتس بموضوع خاص

امي : اي والله داقه علي تخطب

<< تعبير عن شعوري


انا انصفق وجهي وبنفس الوقت حسيت بشعور سعااده اخيرا اخيرا لالا ماني مصدقه

ياربي لك الحمد يالله يارب اني احمدك واش*** اخيرا حققتلي امنيتي اخيرا بتزوج ناصر ولد عمي





امي: وين سرحتي

انا: هااه لاماسرحت بس تذكرت الملابس نسيتها بالغساله ,,

امي: اي روحي طلعيها وش تنتضرين وانا بروح الهيا اشاورها


وانا التفت بقوه على امي : تشاورينها بشنو !!!؟؟ << ستين علامة تعجب على راسي




امي : اي ام ناصر تخطب هيا لناصر




انا بهالحظه انصدمت وحسيت بدوخه << حامل الأخت



تمنيت امووووت ولاتنشق الأرض وتبلعني




امي لاحظت ان وجهي تلون

امي: الله بيرزقتس يابنيتي وعادي ياما بنات تزوجو قبل خواتهم الكبار لاتخلينها بنفستس يابنيتي الله بيرزقتس ان شاء الله


امي فهمتني غلط ,, امي ماتدري عن الي بداخلي ,, امي مادرت انها ذبحتني ,,

شعور بوقتها غريب بس الأكيد انه قهررر


انا: يووه وين راح تفكيرك يايمه لالا بس مستغربه من خطبتهم بهالسرعه

حاولت اصرف امي عشان ماتنتبه لي

ورحت لدورة المياه وانتم بكرامه وقعدت ابكي بداخلها عشان ماأحد يحس فيني

بكيييت وبكيييت وبكيييت وصرخت بداخلي تمنيت اني بمكاان فاضي مافيه ناس عشان اصرخ بصوت عالي

حسيت اني اختنقت بعدها قمت وغسلت وجهي عشان ماأحد ينتبه لي


نهائيه الجزء العاشر >>>> اتمنى اشوف ردوودكم علشان أكمل

رد: روايه نورة وجدتها الزاحفه هههه ضحك

الجزء الثاني عشر :




هيا: لآلآلآلآلآلآلآلآلآلآلآلآلآلآلآلآلآلآلآلآلآلآلالا مستحيييل

امي : ليش لا لوا بطنتس ان شاء الله وش فيه ناصر يوم ماتبينه

هيا: يممه انتي مأكده ان ام ناصر قالت تبغيني انا !!!

امي: ايه قالت هيا نبيها الناصر

هيا: يمه مستحييييييل مستحييييل ولاتفتحين الطاري لي الله يخليك



فتحت الباب هيا بتطلع من الغرفه وهي مافي بالها الا انا


امي: حسبي الله عليتس من بنت والله انتس لتوافقين غصبن عنتس ورجلتس فوق ارقبتس

التفتت هيا بقوه : يممممه والله لو اظطر انحاش من هالبيت ولا أذبح نفسي هالرجال لاتحلمين اخذه



وطلعت هيا من الغرفه بعد ماصفقت الباب باأقوى ماعندها


نزلت تدورني بالمطبخ ومالقتني وراحت تدورني بالغرف كلها وهم مالقتني وبعدها طلعت بالحوش

وشافتني عند جدتي اضحك واسولف عادي


طالعت فيني وهي العبره خانقتها



انا دريت انها جايه تبي تشوف انا دريت ولا لا,, وبتشوف ردت فعلي وتبي تقولي انها مستحيل تاخذه

بس لما شافتني اضحك وأمزح مع جدتي استغربت توقعت تشوفني ابكي ولا زعلانه ولا مبين على وجهي الحزن والقهر !!



ماأنكر لكم انه فعلا انا من جوا احترق واتمنى متى يجي الليل ,, عشان ادفس راسي ببطنيتي وابكي على راحتي




هيا: نوره

انا: تعالي يالبقره وراتس واقفه تقل كنتس بتودعين

هيا: دريتي


انا: عن خطبة ناصر اي دريت


هيا: وانتي !!!


انا: انا وشو هيونه انتي مصدقه اني احبه ,,


هيا: بس انا مستحيل اوافق سواء تحبينه ولا ماتحبينه


انا: ليش ماتوافقين !! يابنت حنا ماصدقنا جانا احد احمدي ربك واعرسي وفكيني خليني احس ان لي غرفه الحالي بالبيت



هيا: لاتحااولين تكذبين وربي انك تحبييينه وادري انك منصدمه اكثر مني


انا: ههههههههههههههههههههههه هيونه انتي جاده ترى وربي عقب ماسحبت خشته بالمجلس وانا كارهته ومعاد ابيه


طالعت هيا بوجهي شوي ثم دخلت داخل وهي تبكي


وانا بلعت العبره عشان جدتي ماتنتبه لي ثم تعلم هيا







مر اسبوع كامل على هالحال

وانا صرت اتهرب من امي وهيا طوال الأسبوع

واغلب جلساتي مع جدتي صرت اجلس معها بشكل مفرط وحتى انام معها


انا: جده ليش ماعاد تحبين قهوتي

جدتي: والله انها ماهي مثل قبل سواتك فيها هالأسبوع ماش

انا: جده آآفاا والله انها مثل كل قهوه اسويها بس انتي شكلك خرفتي

جدتي : لا والله انتس ماصدقتي القهوه الي تسوينها قبل لها نكهه هذي مالها نكهه ابد

انا: طيب بروح ازين لك قهوه ثانيه ولايهمك


جدتي: لا لاتسوين قهوه تعالي اقعدي علميني انتي وش فيتس ماني خابرتس كذا

انا: جده وش فيني والله مافيني شي

جدتي: اي والله اني اعرفتس زييين ماعمرتس صرتي كذا واكيد ان بخاطرتس شي ومخبيته


قمت من عند جدتي وانا طفشانه من نفسي ,, حاولت اكون طبيعيه بس عجزت
ياربي وش ازين بعمري للحين الصدمه ماأثره فيني ابي اكون طبيعيه




دخلت داخل والا التلفون يرن

رحت له ورديت

انا: الو

المتصل : السلام عليكم

انا: هلا والله وعليكم السلام

المتصل: انتي نوره

انا: اي نعم

المتصل: معك ام ناصر

انا انصدمت وفي نفسي قلت ياليتني مارديت :هلا والله ومرحبا وش اخبارك عساك طيبه

ام ناصر: والله الحمدالله طيبه وماعلي انتي وش اخبارك

انا: الحمدالله مرتاحه

ام ناصر : امك موجوده

انا: اي موجوده لحظه اناديها لك

ورحت ناديت امي ودخلت للمطبخ احوس شوي


امي: ياهلا والله ومرحبا

ام ناصر : والله ياأم فارس اني مستحيه منك ومدري من وين ابدى بالموضوع

امي : يووه وش هالكلام ياأم ناصر مابينا حيى خذي راحتس
ام ناصر: والله اني مدري وين اودي وجهي مير اني غلطة غلطه بس خبرك كبرت بالسن والمخ ماش معاد يجمع

ام فارس : والله انتس صادقه كلنا نفس الشي ,, مير يالله حسن الخاتمه بس ,, وش السالفه ياأم ناصر

ام ناصر: والله انا يوم دقيت عليك وخطبت هيا احسب ولدي يبي هيا واثره يبيني اخطب نوره
ومير يضيق صدره كل هالأسبوع من درى اني خطبت هيا وانا والله اني مافهمته احسبه يبغى هيا وأستعجلت وخطبتها له

ومير العذر منتس ومن هيا والله ان ولدي يبي نوره والغلط ماهو منه الغلط مني انا ياأم فارس

امي اسكتت شوي من الصدمه : والله ياأم ناصر اني ماكذب عليك فاتحت هيا بالموضوع ورفضت اصلا ودام انتس اصلا تبين نوره مير هذي الساعه المباركه
بشاورها وان شاء الله خير

ام ناصر: والله اني متفشله منتس ياأم فارس انا طالبتس لاتاخذين بخاطرتس مني والسموحه من هيا

ام فارس : لآ والله ياأم ناصر اني مازعلت ولاخذت بخاطري والدعوه غلطه وكلنا نغلط وهيا اصلا رافضه وماراح تزعل


ام ناصر: الله يريحك ياأم فارس كان ريحتيني ,, عاد شاوري نوره الولد مستعجل ياأم فارس


امي: ان شاء الله مايصير خاطركم الا طيب


انتهت المكالمه وام ناصر ارتاحت وامي بعد ارتاحت لأنها كانت حاسه ان فيه شي بخاطري طوال هالأسبوع


وتنادي امي هيا وتناديني

ومير تقولنا السالفه

في البدايه انصدمت وسكت


وبعدها نزلت دموعي مدري ليش مير اني انفضحت عند امي وعرفت امي اني احب ناصر

وهيا قامت تزغرررررط وجدتي قامت تردح هههههههههههههههه << اثر العالم حاسه فيني


وامي شاقه الأبتسامه شبرين ومسويه ثقل ماقامت تردح مع جدتي


دخل فارس بهالحظه

فارس: وش فيكم ترقصون وفرحانين

امي: تعال تعال ياولدي ببشرك

فارس: بشري

امي: ام ناصر خطبت نوره الناصر

فارس: وانهم خطبو هيا وش الي غير رايهم

هيا: وش قصدك أنت !!

فارس: ههههههههههههههههههه لالا ماقصدي شي بس ادري انا انهم يبون نوره الناصر بس استغربت يوم خطبوك

انا وجهي يتصفق الوان اول مره احس بالحيى ياهوه

فارس: اخس الأخت مستحيه

هيا: اسكت اسكت وتبتسي بعد من الحيى

انا ومير اخربها : اي يحقلي ابتسي مابغيت افارق هالبيت

جدتي: افآآآ ياذا العلم بتتزوجين ومن يزينلي قهوتي

كل العايله اضحكت على تفكير جدتي حنا وين وهي وين

المهم وترد امي خبر لأم ناصر بعدها بيومين ويحددون الملكه والعرس ورى بعض << ماعندنا وقت نبي نتزوج بسرعه

الجزء الثالث عشر




تحدد يوم العرس وبدت الحوسه والربشه عندي

بس تصدقون عجزت استوعب اني بتزوج ناصر هذاك

احس بتجيني امي وبتقول : كانت معك الكميراء الخفيه

والله مو مستوعبه ناصر ناصر ماغيره خلاص بيصير زوجي




انا: يااربي عرسي قرب وش ازين لازم اخلص تقضي بسرعه وابي اطلع حلوه

هيا: ياختي دبلتي تسبدي كل يوم تعيدين بهالسالفه

انا: وش ازين الي يده بالمويه مو مثل الي يده بالنار

هيا: همااتس تحبينه وتبينه يتزوجتس خلاص تحملي ,,, طبخن طبختيه يالرفلا اكليه


انا: اعنبو من علمك الأمثال,,,ابك انتي ماتعرفين تقولين مثل بمحله اقول انزلعي بس انزلعي خليني انزل عند جدتي مير اشكيلها احسن منتس

هيا: صدق ترى اختي حصيصه بتجي بكره

انا: صباح الليل يوم كنت ابيها تجي تتقضالي ماجت ويوم قرب العرس وهي تجي مالت عليها من اخت

هيا: هههههههههههههههههههه خلها تجي وتشوف وش اشتريتي

انا: وش قصدك هاااه قصدك ان شراي مو زين

هيا: ههههههههههههههههههههههه لالا حشاتس يهبببببببببببببببببببببببل الي شتريتيه ههههههههههههههههههههههههههه

انا : هيا

هيا: بخشونتها المعتاده : نعم << لا والله اكذب قالت بالحرف الواحد هااااااااااااااه
انا: وجعااه قولي نعم
هيا: نعم
انا: اخص يالذربه قولي هااه
هيا: هااااااااااااااااااه
انا: فجرتي اذني
هيا والدخان يطلع من خشمها :ان ماتكلمتي الحين بقوم اصفقك ترى
انا: خلاص بقول هيا ودي اصير ناعمه وحلوه تكفين وشلون بكره ناصر لاجيت اسولف معه باأسلوبي هذا عزالله ليطلقني من ثاني يوم
ابي اصير ناعمه

هيا.. تطالعني منصدمه وبعدها بدون سابق انذار:هههههههههههههههههههههههههههههاي
ناعمه قال ناعمه قال هههههههههههههه ياحليك يا نوره مو لايق وربي مو لايق هههههههه
تكفين بطني

انا: واضحك .. تخيلي عاد شكلي قاصه شعري وحاطه مصاصه واتدلع ياقوها قواه هههههه
ههههههههههههههههههههه ياحليلي حليلاه لو اصير ناعمه اكره نفسي وقسسسم

هيا: ههههههههههههههههههههههه يابنت تكفين غيري السيره


انا: وانتفض ..جتني نفضه

هيا: يهب مسكونه علامك

انا: تخيلت نفسي دلوعه وااااااااااااااااااااااااااااااااااع


وعقبها نزلت تحت واقعد اخطط لمستقبلي وش بزين وش مازين لاتزوجت ناصر

ومير العرس قرب وانا ماتغير فيني شي

واحس العالم بارده وماهميتهم انا

المهم اني مترت الأسواق كلها ومير اي شي يعجبني اخذ منه طقم الألوان كلها



وقبل العرس بليله جت اختي حصه

انا: ياويل حالي ياهلا ومرحبا تو مانورت غرفتي بطلتك

حصه :هههههههههههههههههههه عيب استحي ترى عرسك بكره

انا: وخير ياطير ولاصرت بعرس لازم اندس عن اختي

حصه : ههههههههههههههههههههههههه وقسم انتس ماتستحيين

انا: ادخلي بس ادخلي خليني اوريتس مقاضي عرسي

حصه : اي خليني اشوف الذهب اهم شي

المهم واوريها الذهب وهي الي تخق عند الذهبان

حصه: اوماا عز الله انتس عرفتي تشترين ذهب

انا: وش على بالك انا نوره انا مالعب تراني ,, لاطبيت السوق تعالي بس شوفيني كل الزين بين يديني

وتدخل هيا بهالحظه : ههههههههههههههههههههههه اي والله انتس ماتلعبين بالسوق

انا: انتي لو تبلعين العافيه ترى زين لتس

هيا: حصه ماشفتي مقاضيها الثانيه

حصه : لا ماشفتها

هيا: وريها وريها مقاضيك خليها تعرف الذوق يالي ماتلعبين بالسوق هههههههههههههه


ومير اسدح الشنطه الي رتبت فيها هدومي


وابتدي اوريها من ملابسي

حصه : يااااااااااااااااااااااااااااااااااااااااااااااااا اوه انتي مجنونه لا والله الا مهبوله الحين انتي متقضيه لعرسك هالأغراض

يالخبله ولاتلعبين علي


انا: يؤيؤيؤ يابنت وش تقولين انتي وش فيها مقاضي

حصه : لا أبد مافيها شي كل شي شاريه منه طقم الوان ثاني حاجه البس هذاك وينه


انا: وش قصدك بالبس هذاك

هيا: هههههههههههههههههههههههههههه حصه تقصدين قمصان النوم اسكتي متقضيه قمصان بيت وقسسم بالله

دخلتها عند محل قمصانه مره كشخه بغت تذبحني هههههههههههههههههههه

انا: يالي ماتستحين مدخلتني محل رقاصات


حصه : انا اشهد اني بنجلط اليوم والله لو اني داريه انتس بتقضين كذا كان ماخليتك تتقضين يالطعسه


انا: وجع وجع وجع والله اني ذويقه ولا عشان ماشتريت العاري الله يسترنا بس

هيا: هههههههههههههههههههههههههههههه طيب لاتشترين عاري وين البناطيل وين القصير وتقولين تبين تصيرين ناعمه مالت عليك

حصه : وبعد بناطيل وقصير ماشترت ,,, وتحط اختي حصه يدها على راسها ,, احلقي راسي ان ماطلقك من ثالث يوم

انا: تف من فمك يالهيسه ,, بعدين اهم شي الأخلاق وش يبي بالبس

حصه : انقلعي انقلعي عن وجهي بروح لسوق الحين اشتريلك كم شغله كشخه تلبسينها في صباحيتك وبشهر العسل

انا: ماني لابسه غير لبسي الي شريته وماأحد له دخل فيني

حصه : يااااااااااااااااااااااااااااااااااوه عطوني حبوب الضغط راسي بينفجر


( طبعا كانت مقاضي كلها تنانير طوال وجلابيات كلها نفس الشكل بس الوانها مختلفه وقمصان عاديه جدا ومادخل والعياذو بالله شنطتي اي لبس عاري)


ومير اقوم وانحاش منهم وانزل عند جدتي

جدتي: جابتس الله زينيلي قهوه بمخمخ عليها بيجي الحين المسلسل المنتاز

انا:جده انتي شنو تتنفسين قهوه بسك حرام اعتقي اللي يزرعون القهوه كانوا شيلين بعضها
حق الاجيال القادمه بس انتي جبرتيهم يبعونك اياها ماعاد فيه للجيل الجاي قهوه

جدتي:اقوووول بس فلفستك اللي تمصع البطن جهزي دلتي بيجي مسلسلي قمي يالله
ومير اقوم : ماكني بتزوج بكره ابد ابد حتى في الوقت البدل ضائع بيستفدون مني بدلة قهوه



المهم يوم جاء العصر وتروح اختي حصه ومعها هيا لسوق

وانا ماأحد اخذني معه مع ان ذوقي حلو ويستفيدون مني بس وش اقول خلهم يولون هم الي بيندمون

ومير امي تمسكني وتقعد تعطيني دروس وانا حاطه يدي على خدي واسمعلها

امي: رجالتس حافظي عليه مو تهملينه ثم يعرس عليتس ويجيب عليتس حرمه انتبهي

انا: لاحوووول طيب طيب

امي: وانتبهي غرفتس قفليها الحريم لايدخلن غرفتس لاتصيرين خبله وتخلين غرفتس فاتحه كل من هب ودب يدخلها

انا: شايفتني ثوره انا!!! اكيد غرفتي بقفلها وش بعد ياأم الشباب عندك من نصايح

ومير تلمخني امي بالمنديل << العايله صارت ناعمه ترى ههههههههههههههه

امي: اسمعي يالخبله كلامي ولا تراتس بتدجين

انا : والله الظاهر ان مامدججني غير نصايحك

والله وتقوم امي وتعطيني هاك الرفسه وتروح


ومير يوم امسى الليل ويوجعني بطني

حسيت انه صدق بتزوج ناصر << ليه انتي تحسبينه كذب

المهم واقعد امثل على اهلي اني مابيه واسوي نفسي دلوعه وابكي وانط مثل البزران

انا: ماابيه ماابيه

هيا: الله يبشرك بالجنه ماحنا ناقصين فضايح يكون احسن

امي: اي والله انتس صادقه ياهيا ,, اجل ماتبينه ابشري بخلي فارس يدق عليه ويقوله الحين خلاص ماعندنا بنت لزواج

حصه: اي والله يايمه بسرعه دقي دقي قبل لاتهون

انا: خييييييييييييييييييييييييييييييييييييييييييييييييي يير امزح امزح معكم ماتعرفون المزح انتم << امحق اهل ابيهم يدلعوني وماش


جاء بالليل واختي حصه تمسكني وتحذفني على سريري

حصه: ارقدي

انا: ماني راقده بروح اسمهر معكم

حصه : اقول ارقدي عشان بشرتس بكره تزين

انا: مسويه لها تنضيف وفكيني من شرتس وتعوذي من أبليس نوم ماني نايمه

حصه : اعنبو هالوجه وجهه ابك نامي نامي ترى عرسك بكره

انا: خلاص برقد بس مو الحين الساعه 3 بنام

حصه وتنزل نعلتها: قسسسم بالله ان مانمتي الحين لادق على ناصر واقوله حرمتك ماهي نايمه

انا وعيوني يطلع منها ورود << لاتشرهون : تكفييين دقي خليني اشوفه وش يقول يمكن لاسمعت صوته امرح


حصه: ومسويه خايفه وماتبينه الظاهر بكره هو الي بيتنافض وبيخاف منتس ,, ارقدي رقدو عليك عشر جنون

انا: يهب عشر جنون مرتن وحده خليهم خمس على شاني

وهي الي تقوم وتمعط شوشتي وتصارخ :أأأأأأأأأأأأأأأأأأأأأأأأأأأأأأأأأأأأأه ناامي ناامي لاذبحتس

وانا اخاف منها واتلحف واسوي نفسي نمت

وهي توقف على راسي نص ساعه وهي تقول: نمتي

اونا اقول : ايه نمت

وهي تبتسي يوم قلت لها نمت

استغربت ليش بكت

مع اني سويت الي تبيه ونمت

هههههههههههههههههههههههههههههههه

<<<<<<<<<<<<<<

رد: روايه نورة وجدتها الزاحفه هههه ضحك

روايه رووعه
بس ليه نوره دووم مسكره الباب
ههههههههههههههههههه
نسيت صباحك شهد

رد: روايه نورة وجدتها الزاحفه هههه ضحك

تسلم مرووورك الاروع
هههههههههه مدري
صباااح النور

رد: روايه نورة وجدتها الزاحفه هههه ضحك

الجزء الرابع عشر



** هلا ياللي تمنيك نصيبي .. هلا يافرحي وسعدي وطيبي ...
هلا يانصفي الثاني هلا بك .. هلا باللي اناديه بحبيبي ..
جمعنا ربنا العالم بحالي .. جمعنا الخيرودعوات الاهالي ..
وانا والله يابو العيالي ... شكرت الله بأنك لي نصيبي..
انا كملت نصف ديني يا حبي ..لقيت اللي يماشيني بدربي ...
لقيت الطيب وأخلاص وتفاني ..لقيت اللي غدى دائي وطبيي..
عليم الله يا اجمل واطهر واشرف حب يحيبي ويكبر..
لانك في وجودي شي اكبر .. من اني اخذ انفاسي وريقي..





يوم العرس..

في الصبح جت حقت الصالون بالبيت عندي

وامي ماغير تزغرط من اصبحت وريحة العود من اصبحت وانا اشمها عفوا اقصد اشفطها شفط


عاد قامت ارجولي تنافض وحسيت بالرعب

وهالمره مو تمثيل سكرت غرفتي وصليت ركعتين عشان اهدى من الربكه الي بداخلي


دخلت اختي حصه

حصه: صباح الخير ,, يالله خذيلك شور واستعدي بتجيك الكوافير الحين وتبتدي فيك

انا: هاااه

حصه: هوااااه اعجلي يابنت لاترفعين ضغطي

انا: حصه كفين مايمديني اهون

حصه: لاوالله معاد يمديك ,, ويالله خلي عني الدلع الي مال امه داعي يوم اعرست انا ماسويت سواتك

انا: انتي غير انتي فاجئوك من الصبح قالولك البسي وروحي بيت زوجك تقارنيني فيك

حصه : تعايريني يعني ,, على الأقل احسن منك وقومي يالله خذي شور بسرعه الساعه الحين 10

انا: طيب طسي عني

حصه : اعنبو هالوجه عدلي اسلوبك لاتفشلينا عند الرجال بكره


وطلعت اختي حصه وانا طولت جالسه اخطط وش ازين اليوم لما اشوفه وش أقول

فكرت قلت بهل عليه من هالقصايد وبغني له وبرقص <~ امحق حيى تعرفينه


المهم رحت اخذت شور واستعديت وبدت الكوافير تحوس بخشتي

ولما خلصت بدت تصورني انتهت من التصوير وبعدها سمحت الخواتي يدخلون


جت حصه وهيا عشان يساعدوني بلبس الفستان

انا: اشهد ان لا أله الا الله حي على الصلاه
حصه: علامك علامك
انا: وبديت ابكي : حصه مابي مابي بقعد عندك
هيا: يامي طسي اصلن اليوم بستحل سريرك بشبكه مع سريري واصير نفرين
انا: ايا الخسيه كنتي مخططه عليه من سنين
هيا: هههههههه هش هش المعرس بيجي الحين

حصه : واااااااااااااااااااااااااااااااااااااااااو شكلك اليوم توحفه

هيا وخنقتها العبره : مشاء الله لاااله الا الله طالعه قمر قمر

انا واحس اني ببكي : بنات انا خايفه مابيهم يزفوني تكفون خله يروح وانا بلحقه مع اخوي فارس


حصه :ههههههههههههههههههههه اقري على نفسك بس الزفه فيك فيك

انا وارجف بقوه : خايفه ابي امي نادوها ابيها جنبي

وتجي امي وهي تمسح دميعاتها فديتها والله كنها حست انها بتفقدني

ومعها البخور وتقعد تزغرط وتكبر وتهلل <~ ياربي شعور شين والله

وجدتي ياحليلها لابستن ثوب احمر وبرقع الصقر والطرحه عليها شك احمر والنعال حمر <~ ياربي على التطقيم بس

وتجيني جدتي وهي توقف جنبي : انا اسألتس بالله ياأم فارس من احلى انا ولا بنتس

انا: لاحووووول احسبك بتباركين لي اثرك جايه تجاكريني

هيا: هههههههههههههههههههه جده وخري وخري والله ياطلعتي سوداء جنبها

جدتي : تهبين والله اني طخمه وش زيني

حصه: الله يهداتس ياجده انتي تتكشخين المن ماأحدا ناظر فيتس راحت عليتس

جدتي وهي تخز حصه : والله لو ماسكتي لاخلي هالمزهريه على جبهتس

امي: ههههههههههههههههههه لاحول الله يالله يالله تزهبن بيجي فارس الحين ومعه المعرس


انا رجولي قامت تتنافض ياويلي ويلاااااه وش هاليوم الأغبر يارب يطلع حلم

واقعد اكبر بصوت عالي وامي وهيا وحصه ماتو من الضحك


وبعدها نزلوني على الكوشه وكانت بالصاله صديقات هيا وصديقاتي وبنات جيرانا وكل من اعرفهم ماريني بالبيت بيسلمون ثم بيروحون للقصر

نزلت على الزغاريط وصوت الزفه الي تغني باأسمي


وسلمو علي كل البنات ثم راحو

وجاء اخوي فارس وسلم علي ونظر فيني وضحك <~ اعنبوك حتى بيوم العرس مانت فاكني من نظرات السخريه اهبي عليه


ودخل ناصر ومعه ابوه

بس وربي ماذكر من هذيك اللحظه شي فجأه انا بزعاج مدري شلون إلا انا جالسه على سرير وناصر يسكر باب الغرفه وراه .. بعدها استوعبت انا وين ..؟..





اناوقامت تسكر اسناني في بعض من الخوف ..


ناصرولا حتى طالعني قط بشته ودخل الحمام ..


ناصر:قلت لهلك يسون لك شنطه وعانيها بالكبت اذا بغيتي تبدلين ملابسك

انا:اجل حنا وين

ناصر رافع حاجب : تستعبطين
انا: وببراءه : اعرفك عشان استعبط عليك

ناصر: ويخزني حييييييييييل .. وبعدهاقال .. حنا بفندق.. ودخل الحمام يتروش ..؟..

انا: هذا العرس والزواج الي مزعجيني فيه مالت عليك بس


انا قمت واجر ثوبي وراي .. وفتحت الشنطه واطالع إلا في قميص نوم لم اراه من قبل انا ما اشتري هالنوعيه من القمصان .. شفاف حيييييييل ...

انا: يانعنبو ذا الزول حصيصه مافيه غيرها حاطه هالقميص انا اوريها
وادور بين الملابس ولاماش كل واحد يقول الفاصخ عندي ههههههههههههههههه

وقمت اسب هيا وحصه مع اني توني باتسيه عليهن بس مادريت انهن مسويات لي هالحركه

انا: يعنني اغراء مالت على الكشره أولن لامن زين جسمي يوم أطلع كرشي ولا من بياضي الناصع حتى ركبي سود يما الفقر


ومادريت غير اسمع ضحكه قويه رجت الغرفه رج

ناصر. بخبث : هذا شنوو
اناو اطالعه بخجل : شويه خرق أنظف فيهم الغرفه
ناصر: هههههههههههههههههههههه
انا: يقولون النظافه من الايماان ..
ناصر: لا باين النظافه اجل الركب سود
انا: وابقق عيوني ونزلت راسي

ناصر: انا بنام تصبحين على خير

وراح ابن الذينا بينام صدق وبيسحب علي

انا بنت ابوي بنته <~ هههههههههههههههههههههههههههههه

انا:هذا علامه اليوم شكله مرتاع مني

ماعلينا هين اوريك يالهيس نام نام نامت عليك طوفه

نصار ويرفع راسه : وشو

انا: لالا ولاشي بس اقول تغط زين عشان مايجيك برد

ناصر: اييييييه وانتي مافي راسك نوم

انا: لا بروح اسهر على فلم

ناصر:ههههههههههههههههههههههههههههههههههه

انا: فيه شي يضحك !!

ناصر: لا مافيه شي يضحك روحي تابعي الفلم وعلميني وش نهايته

انا وبقلبي اقول: لالا بس كذا وين العشااء اللي يقولون عنه وين الكلام العذب وين الرومانسيه
ابك هذا طلع ألعن مني بالرومانسيه مالت على الوجهه ..
رحت بدلت ملابسي فصخت فستاني حق العرس ..
لبست قميص حرير طويل وفيه فتحات من الجوانب وكمومه شيفون وعليه قصه من الصدر وورده بيضه <~ استر واحد لقيته
ومثلهاا حطيتها بشعري بعد مافتحت التسريحه واللي خلت شعري كيرلي من تحت
لفيته على صوب والورده ورى اذني ورحت خمدت جنب الادمي ..؟

وهاذي التكمله >>>>>>>