رد: رواية: العشق المجنون

رأيكم يهمني

رد: رواية: العشق المجنون

تابعي تابعي متابعتك ماشاء الله حلوة

رد: رواية: العشق المجنون

تسلمين ؛)

رد: رواية: العشق المجنون

ننتظر التكمله حبيبتي

رد: رواية: العشق المجنون

البارت الثاني
.....................................
فـ العين ـي..بيت بو حمد..10 الصبح
العنود بصوت عالي: و متى بييبهن
حمد تنهد:قال كل خميس وجمعة بيكونن عندج
صاحت العنود:هاييل بناتي مااقدر والله
عبدالله بعصبية:النذل ها أنا بوريه...وبعدين ماله حق و لو اشتكينا بيكونن البنات من حقج
بو حمد:صح البنات من صالحج لأنهن ما كملن السن القانوني
العنود بفرحة:عيل شو نتريا
حمد يفكر"بس ليش طلقها وهو يحبها!":ليش طلقج العنود
نزلت رأسها العنود:تزوج علي و قلتله يا أنا يا أهي فالبيت وطلقني
ساره شافت العنود"و تكذبين يالعنود"
مادشت فراسه حمد:ماعليه حصل خير وبناتج بيرجعلج لأنهن من حقج
يلست العنود بعد ما ارتاحت
حمد:يلا أبويه بغيت شي
بو حمد: على وين
حمد:الشركة
تنهد بو حمد:أنا ماعرف ليش سويتلك شركة اروحك .. لو يالس ف شركة العايله ابركلك عن التعب
حمد:لا تعب ولا غيره ابويه يلا فمان الله
الكل:فمان الكريم
ساره: أبويه وين أمي من الصبح ادورها
بو حمد:ما تدريبها امج وحواطتها (وتنهد)
ساره شافت العنود والعنود شافتها وغمزت
العنود:أبويه تغار على أمي هااا
ضحك بو حمد ووقف:بديتن عاد وراح عنهن
ضحكت ساره:الله يعينك يا بوي(وصدت على العنود) أنا مب مصدقة السالفة الي قلتيلهن..اختي وعرفج
العنود توترت:مافي شي وبعدين روحي الجمعية هاتي أغراض أنا مااقدر فالعده
ساره بنص عين:ان شاءالله
...............................................................................................................................
فـ العين مول ـي..
بملل:متى بتخلصون ان شاءالله
راشد:ههههه الريم هذه نهايتج ( واشرلها على حرمه اتبيع)
الريم:جببب سخييف
سالم:ايييه إنتي وياه بفركم فالسياره ترا
شيخة ماسكة عمرها لا تضحك:سلوم متى بتروح الدوام
سالم:من أردكم البيت
راشد:أقول سالم
سالم بنص عين وهو يمشي: قول
راشد: متى بتروحون البدع
سالم:وليش تسأل حضرتك
راشد:ما يبالها..بروح معاكم انته والربع
الريم وشيخة ضحكن بصوت واطي
سالم:عنلاتك شو هالرمسه ارمس شركات الي بعمرك..انا قلت بتقول تبا تلعب او شي
راشد:مال اول ..سلوم سلوم
سالم:هااااا
راشد:أبا بليستيشن يقولون نزلت اليديده
سالم:شيخة الريم خلصتن شغلكن
شيخة:هيه
سالم:يلا
راشد:اييه وانا أبا بليستيشن
سالم بعبط:في حد يرمس
الريم ضحكت:لا
راشد:عنلاتكم يالهرم
سالم:رشوود
راشد:انا مينون وانا كلب وانا حيوان ارتحت
ضحكوا كلهم عليه
...................................................................................................................................
فـ خط العين ـي..سيارة بو ريم
بو ريم:لا أبويه انا سألت وعرفت فأي منطقة هم
الجد بحزم:زين
روضة همست:شو سالفتهم
ريم بهمس:مااعرف بس شكلها سالفة عودة وجديمة
بو ريم:بناات تبون شي من شيشة الادنوك
ريم صرخت:هيه أبويه
وقف بو ريم وصد على ورا:نزلي إنتي واختج روضه
دلال بغيض:وانا أبا انزل
بو ريم:يلسي مكانج بعدج صغيرة
انقهرت ام دلال ويلست تتوعد عليه فخاطرها
نزلن ريم وروضة
روضة:نحن فالعين؟
ريم:لا بعدنا ماوصلنا هاي بس بين دبي والعين
ودخلن يتشرن والمكان كان شبه فاضي
ريم شافت البطاطس الي تحبه وراحت وتوها تبا تاخذه
مد أيده وخذه وراح
انقهرت ريم وبدون شعور:مااااااالي
لف عليها وانصدم"يخررب بيتها"
توها تستوعب ريم واحمر ويها وصدت بتروح
مشى ورده مكانه وراح
لفت ريم وشافته بنص عين وخذت البطاطس:فديت البطاط انا وراحت صوب اختها
روضة:بلاج إنتي تصارخين فضحتينا
ريم:هههه هاك المينون الكيوت كان بياخذ بطاطي
روضة:خيبه كل ها عسب بطاط امواج
ريم:احبه
روضه:شو ناخذ ديو ولا فانتا
ريم:فانتا
وخلصن وراحن يحاسبن
رفعت راسها ريم وشافته" ها اجنبي ولا شو يخرب بيت جماله اقصد ماشاءالله "
روضة دزتها شوي:عطيه البطاقة
عطته ريم وشافت الريال هذاك يشوفها وما نزل عينه
ريم" من حقي اجنبي يشوفني"
قرب الريال يوم خلصن وبيطلعن:و بطاقة اتصالات
لفت ريم وشبه مصدومة وهمست:مواطن؟ بس شكله يوحي غير!
...............................................................................................................................
فـ خط دبي ـي..
وهو سرحان: و عيونها تذبح مروان
مروان:هههه سلوم شو ياك تخرفنت
سالم: ماشي..انزين ترا جيه بنتاخر على الدوام
مروان:بس بنأخذ الشغلة من دبي مول وعقب سييييده خط بوظبي
سالم بملل:حبشان قصدك
مروان:هيه وشغل اغنية وهو يضحك على حالة سالم
...............................................................................................................................
فـ العين ـي..بيت بو سالم..
ام سالم: حسررتي ومتى صار كل ها
ام حمد:من يومين طلقها بس ماعليه اهم شي الحين نحن رفعنا دعوه وان شاءالله البنات بيردن عندنا
ام سالم تنهدت:الله يعينكم والعنود شحالها الحين؟
ام حمد:ربج يحلها حالتها حالة بس تخبي حزنها
ام سالم:ماعليه كلها كم شهر وتنسى.. الا ماقلتيلي شو سويتوا على سالفة السفر
ام حمد:دام اجازة كمن شهر قلنا بنروح ان شاءالله السعودية
ام سالم:كلنا؟
ام حمد:لا بس انا ونتي وبو سالم وبو حمد
ام سالم:والعيال؟
ام حمد تحط كوب الشاي:هووو بلاهم كل واحد اكبر من الثاني..يا يتيمعون هنئ ف بيتكم او بيتنا وييلسون نحن الا سبوع وشي ورادين
ام سالم: يالله على خير ان شاء الله
دخل عليهم بو سالم ورد على ورا شوي يوم شاف ام حمد:شحالج ام حمد
ام حمد:الحمدالله شحالك انته وشحال العيال
بو سالم:الحمدالله عايشين بنعمة
((تنننن تيييين تننن))>> الجرس هههههه
بو سالم راح وفتح الباب وتيبس مكانه من الي شافه
................................................................................................................................
نرجع .. قبل ثلاثة وعشرين سنة!!
فـ بيت جديم ـي وحالته لا ترثى
بصوت عالي: انا قلت الي عندي الووووورث بس يتوزع حق الي يستحقه
عصب: ونحن مب عيالك هاااا مب عيالك نحن ع الأقل نرتاح ونعرف نربي عيالنا
ابتسم بمضض:هذا انته فيصل ما تتغير..حياتك بتوقف بدون فلوس؟ بتوقف اذا كنت على قد حالك؟!
فيصل : بس ها من حقنا بعد مب صح خالد
خالد:ابويه شفيك نحن عيالك مثل ما سالم ولدك
الابو بصوت حاد: ساااالم فوق راسكم .. كلكم عيالي بس ماشفت ولد برني مثل سالم..انتو همكم الفلوس ووصخ الدنيا..انا اتبرى منننكم ومن امثالكم.. استحي أقول أنكم عيالي
فيصل بصوت خفيف غامض:لان سالم ولد حبيبتك؟ ونحن عيال بنت عمك الي انغصبت تاخذها
صرخ بصوت عالي وعطاه كف قوي حركه من مكانه
خالد وسالم واقفين وهم مصدومين
بصوت عالي:يااااا كلب ماعاش من يعلي صوته فويهي..روووووح لا انا ابوك ولا أعرفك
نرجع للواقع
..............................................................................................................................
فتح الباب وتيبس مكانه من الي شافه
بصوت خفيف:بتخليني واقف وانا ابوك؟
بو سالم بعده مصدوم وصد يشوف البنات الي ورا ابوه:تـ تـ تفضل
دخلوه كلهم وبعضهم فحالة صدمة
بو سالم قرب من ابوه وهو مصدوم:أبوي
ابتسم بحزن :من زمان ماسمعتها هالكلمة منك فيصل
بو سالم نزلن دموعه وحضن ابوه بقوه وهو يصيح
بو فيصل يصيح معاه:امسح دموعك انته ريال ريال يا فيصل
فيصل حاز عن ابوه وباس راسه:السموحه الغالي السموحه بس ماقدرت اشوف ويهك من هذاك اليوم
بو فيصل:مسموح يا ولدي والشيطان كان بينا..انا ياينك اليوم ويايب اخوك سالم وبناته
صد بو سالم وشاف اخوه سالم وقرب منه:سالم
ابتسم: بو ريم ياخوي (و حضناه)
بو سالم غمض عيونه:ظلمتك انته وأمك السموحه اخوي السموحه
بو ريم:مسموح الغالي ونحن خوان وما بينا هالسوالف
بو سالم خاز عنه: وتقدر تناديني بو سالم
أنصدم بو ريم ومن اكثر عن الجد
بو ريم:ما نسيتني يا فيصل
بو سالم:الفلوس ضيعتنا ياخوي بس من اليوم ورايح مايبعدنا الا الموت وانا اخوك
ابتسموا
بو فيصل:ها ام سالم ما بتقهوينا
ام سالم مصدومة:ا أكيد حياكم البيت بيتكم
ريم بهمس:أبوي شو السالفة يعني انا عندي عم؟
بو ريم ابتسم:عندج عمين وعمة
ريم:بس ..بس كيف؟
بو ريم:عقب بخبرج تعالي الحين
و تيمعوا كلهم ويلسوا فالصالة العودة
بو فيصل:وين اخوك خالد؟
بو سالم:بو حمد فالصناعية وبعد شوي بيمر علي
بو فيصل تنهد: زين
بو ريم" أعرفك يا أبوي مستحيل تيمعنا وتيي بنفسك هني وتهين عمرك والمفروض العكس...الا وراك سالفة يابوي وانا خايف من هشي"
بو سالم"في سالفة وراك أبوي.. بعد كل هالسنين بنفسك اتي"
بو فيصل: ها ام سالم وين عيالج
ام سالم ابتسمت بخفيف :سالم راح شغله وراشد والريم راقدين اما شيخة بيت عمها بو حمد مع البنات
بو فيصل:ماشاءالله عندكم الريم وعندنا ريم
روضة بهمس وبدون نفس:الريم غير عن ريم ....افف
ريم سمعتها:ششش قصري حسج
ام حمد: عمي وين ساكنين انتو
بو فيصل: دبي ( وشاف بو سالم) وبعض الناس يدرون
ام حمد: يا حيكم.. تعالو قروبوا ف بيتي
بو فيصل:زاد فضلج ام حمد..قلت بيلس سبوع ف بيت ولدي البجر وعقب باذن ربي برجع دبي
بو سالم: لا يا بوي من اليوم ورايح ايلس هني فالعين .. ف بيت ولدك معزز مكرم مالك رجعه دبي
بو فيصل: بيتنا فـ دبي يوسعكم كلكم.. وان بغيتوا تعالوا دبي وسكنوا عندنا
دلال همست:امييي كيف يعني بيسكنووون بيت جدي؟!
ام دلال: خليهم يتجمعون الله لا يوفقهم وفوقهم ابوج
بو ريم: صدقه أبوي تعالوا دبي وخلوا عنكم العين.. نبا نتجمع على خير... حتى عيالكم وعيالنا مايعرفون بعض
بو سالم تنهد: على خير ان شاء الله ولازم نتشاور مع بعض بس نحن ناويين نروح السعودية سبوع وشي
بو فيصل بتفكير: نروح السعودية ليش لا .. ونخلي العيال هنيه ومن نرجع نتوكل على دبي
بو سالم:الي تشوفه الغالي
ام سالم"من متى حد يتحكم فيك يا بو سالم"
................................................................................................................................
فـ بيت بو حمد ـي..تحديدا غرفة ساره
قرب صوبها وجب كل الي فالكيس ف شبريتها وهو يقول:بغيت اشتريلج شي احلى بس ماعرف ذوقج
رفع وحده:هذا كندر الي يي فيه الأولاد ويقولون ( وهو يقلد صوتهم)ابي ابي نريد شيئا طيبا...اشتروا ماتريدون
ضحكت:رشوود انقلع بررررع
راشد يكمل وهو يشوف اخته مندمجة فالرواية الي تقراها:لالا .. لاتاكليه يقولون فيه حليب..يعني مفيد.. الشوكولاته ليش احنا ناكلها لانها مب مفيده
ساره:لااا صدق.... احلف بس
راشد ببراءة:والله..شوفي هذا بيبسي الي يطلع بالاعلانات يشربون ويروحون عالم الحماس والفله.. جربته مع سالم وحمد وربعهم بس ماصار شي
الريم:رررراااااشششد انقللللع برررررع
ضحك راشد:قولي السيد راشد لو سمحت اطلع.. وعقب بفكر اطلع
شيخة ارتفع ضغطها:رشوووووودوووووووه
نقز راشد وطلع وهو يتحرطم
ساره مسكت رأسها:مب طبيعي هالولد
ضحكت الريم:ههههه من يومه
ساره:اقولج أمي دقت قبل شوي وخبرتني سالفة يدي
الريم وشيخة: شوو؟ اي سالفة
ساره:الله يسلمكن( ..............................) وهاي السالفة
الريم انصدمت:وليش أبوي جيه سوه
شيخة:بس يدي غلطان الصراحة من جيه عرف غلطته وبنفسه يا العين
ساره:عاد الحين يا شاطرات لازم نروح بيتكم
شيخة:انزين واختج العنود!
ساره: مايصير تطلع... يلا نشن نروح بيتكم ونسلم على يدي
دخل عليهم:ايييييييييييه إنتي وياها اللزمن مكانكن
ساره وشيخة والريم:ررررررررااااااااششششششددددد
خاف وصد على ورا ودعم فـ الباب
.................................................................................................................................
فـ بيت بو سالم ـي..المغرب 7:33..
حطت أيدها على الطاولة بقهر:ليييين متتتتى لييييي متى...كييييف كل الي أسويه يروووح على الفاضي...هاذيل من وين طلعولي من وييييين(سكت شوي) بس انا براويكم شو تسوي نوره
كانت واقفه فالمرر ومتسانده على الباب بحيث محد يشوفها: تحلمين يا نوره تحلمين وايد
اما تحت فالصالة ~
بو فيصل:حجزت التذاكر
بو سالم:هيه الحمدالله لحقنا
بو فيصل:زين سويت ... عيل دام العيال هنيه بيتمون منو المسؤول عنهم؟
بو سالم:سالم خذ اجازه وبيكون الصبح هنيه ان شاء الله
بو فيصل:اها عيل على خير.. حمد ولدي
حمد: هلا يدي
بو فيصل: متى ناوي تتزوج
حمد يكره هالطاري: عقب يدي مب الحين
ام حمد: انته العود هني دير بالك على خواتك وبنات عمك تراهن خواتك ها
حمد توه بيرمس
وهو داخل: عود ولا قيتار
كلهم صدوا على ورا
ابتسم ابتسامه غبيه:أوب عندنا ضيوف أبوي
بو سالم:تعال رشود سلم على يدك وعمك
راشد:اخيرا وقرب سلم عليهم
بو سالم: اشوو اخيرا ما اخيرا
راشد"يا غبي يا طمه يا راشد خلك ساكت لا يعرفون": ماشي ابويه..شحالهم الربع
بو فيصل:ابخير وسهاله انته شحالك يا ريال
راشد بفخر:الحمدالله ابخير ونعمه
كلهم مع بعض فطسوا ضحك
بو فيصل:تعالن شفيكن واقفات
قربن الريم وشيخة وساره وسلمن ويلسن بأدب
ام سالم بنص عين: طاح الأدب اشوف
............................................................
بيت ابو سالم عائلته من أغنى العوائل ومعروفين

سالم:22 يشتغل فـ الادنوك ..شخصيته قويه و الي فراسه يصير و مايهمه رأي حد.. يحب أهله وأيد وخصوصا خواته
،معضل وطوله مناسب،مربي شعر شوي وشعره ناعم طبيعي و راد ع اللون البني الفاتح..نص بنات العين يتمنن نظره منه.. جماله اجنبي طالع غير عن اهله
شيخه:19 ف أولى جامعة .. حبوبه وبعض الأحيان تستوي نفسيه..تموت ف اخوها سالم..و تخاف من ابوها وايد، مربربه شوي .. بس مأخذه شوي من جمال اخوها
الريم:14 عاد هاي دلوعه اخوها وأبوها .. ودوم تغايض أمها.. شيطانه وفيها غرور مب طبيعي..ضعيفه وأيد
راشد:12 شخصيته كومديه..يحب يتمصخر وايد وخاصه ع خواته..
.................................
بيت ابو حمد (اخو ابو سالم)

حمد:28 يشتغل ف شركة باسمه ، عنيد و الي فراسه يصير.. ما يحب حد يفرض رأيه عليه، في غرور شوي.. بس بنفس الوقت فرفوش.. ضعيف وايد وطوله تقريبا 166(هو الوحيد من شباب العايله قصير شوي)..جماله جمال بداوه
عبدالله:25 مشكلجي بس حبوب وطيب وايد..يحب المفاجآت ..غيوور درجة أولى ..جسمه حلو معضل شوي..عنده شامه صوب شفايفه وهاي الي محلتنه
العنود:24 متزوجة ولد خالتها..عنيده..عصبية..بس جمالها يسكت..عندها بنتين(صفا و مروه) مربربه شوي
ساره:18 توها متخرجة من الثانوية..مينونه وهبله وفرفوشه..كله تضحك وابتسامتها احلى مافيها..ضعيفه ..شعرها كيرلي طبيعي(بس مب وايد)
..................................
بيت بو ريم
(بناته من حرمته المتوفيه)
ريم:17 متخرجة من الثانوية،عنيدة وشخصيتها قوية، و وقت الجد جد، بس ضعيفة فالمواقف الصعبة، شكلها طفولي،ضعيفة وايد ،وجسمها مثل عارضات الأزياء ، شعرها طويل واسود ،عيونها عسليه،عندها سر كبير ومع الأحداث بنعرفها
روضة:15 شخصيتها ضعيفه، على نياتها، ماتعرف الصبر والي تباه لازم يكون معاها بسرعة، جسمها حلو وشعرها كيرلي
(بناته من الزوجة الثانية نوره)
دلال 12 خقاقه وشايفه عمرها لانها جميله..عصبية وتحب تتحكم ف أمور مايخصها
دانه:9 طيبه وع نياتها >هل بتتغير او بتم ع حالها
.........................................................................................................................
الغرور والثقه!!.. عندما يجتمعان يؤلمان
حياة جديدة ومستقبل اجمل..!
يا ترى ما مصير ابطالنا؟
ومن هو بطلنا!!!
احداث مشوقة تنتظركم ... في جزيرتي
العائلة والسفر؟
المسؤولية و التقدم؟!
هل يا ترى سر غامض في القدوم!!!

رد: رواية: العشق المجنون

أسفه ع الأخطاء الإملائية

رد: رواية: العشق المجنون

لا ولا يهمك بعد كملي ماشاء الله حلوة كتير ومتشوقة للجاي

رد: رواية: العشق المجنون

البارت الثالث
.............................................................
فـ البدع ـي..العين.. 11:37 فليل...
ضحك بقوة:عبووووووود ادددددعسسس
عبدالله بتهور سرع اكثر ماعنده وهو مستانس والشباب يصارخون.. والي يصور..والي مستانس ويشجع
وقف عبدالله السياره وراح صوبهم:هااا صقر شرايك مأروم
صقر:تررووم ومحد يقدر عليك
بملل:من يومه مينون
لف عبدالله عليه:بتخبرك وليد انته دومك جيه!! متى بتتغير
مشى عنه وليد:يوم يبيض الديج
صقر:ها شفيه دومه نفسيه
عبدالله:ماعليك منه..انا قلت حق حمد مايرابع هالاشكال بس عنيد
صقر:ماعليه (صارخ)بووو حمييييد يااااك يااااااك
ضحك عبدالله:مينون
صقر:من يومي(وغمز)
......................................................................................................................
فـ بيت بو سالم ـي..تحديدا الحديقة...
ساره:اووويه ومن متى؟
شيخة:من ايام ثانوية العامة ..ماتذكرين يوم اقولج كله من بخوت وتعصبين وها
الريم:هاي البويه
شيخة بنص عين:خلج ع روايتج
الريم بوزت:بس لان عمري 14 ترا كبيره شفيج
مسكت ضحكتها شيخة:نزين كبيره
ساره:الله يعينج دامها معاج فالجامعة بعد
شيخة تنهدت:المهم .. وين عيل ريم و روضه وخواتهن
ساره:شكلهن مستحيات منه او بعدهن ما استوعبن
شيخة:الريم روحي ناديهن
الريم بوزت ونشت
شيخة غمزت:صح شحال حبيب القلب
ساره شافت يمين ويسار:قصري حسج ي كلبه
شيخة:ههههههه
ساره: حبيب القلب ما درى عني والله
شيخة: قلتلج تراه مب مال هالسوالف أبد و شال من مخه فكرة الحب
ساره :خلاص جب يات ريم وخواتها
لفت شيخة:هلا هلا
يلسن كلهن:أهلين
ساره: وينكم من متى ونحن هنيه نترياكم
ريم بخجل:كنا داخل وها
شيخة:مايحتاي تستحن..نحن شرات الخوات
الريم: يدي يقول الغرفة الفاضيه الي عدال غرفة سلوم بتاخذها ريم اما روضه بترقد معاي
روضه ابتسمت
ريم:و ليش انا غرفة اروحي
ساره: عسب تاخذين راحتج فيها
شيخة بحماس: اييه بنات بأجر بيسافرون ترا .. عقب لازم ناخذ راحتنا .. نبا نطلع ونستانس .. او اقولكم.. نسوي بارتي هني
ساره:مينونه إنتي هم رايحين ونحن نسوي بارتي
ريم: شو معناتها هاي بعد ههههههه
شيخة حكت رأسها:هيه والله..انزين بنقول حق حمد نروح البدع شرايكم
دلال بغرور:البدع؟ ليش رياييل أنتن.. قولن مول او بارك..اونه البدع
ريم بحده:ليش الرياييل بس يروحون البدع.. وإذا مب عايبنج يا سيده مب لازم تيين
حست دلال بحراره ف راسها: مارمستج
شيخة تغير الجو: يلا ندش انا مييته يوع
دشن البنات وشافو الكل ف الميلس
بو فيصل:لا اله الا الله .. والحين العنود بتم هناك بروحها؟ و خواتها هني
بو حمد: ماعليها شر وهي حابه هالشي..وبعدين أكيد بيروحلها البنات ع كل يومين
بو فيصل: ع خير..ريم بابا تعالي
ابتسمت ريم ويلست عدال بو فيصل
بو فيصل همس: مرتاحه ريم؟
ريم سكتت شوي:هيه ابووي
بو فيصل توه بيرمس
:مررحبا الساع
كلهم لفوا
لفت ريم صوب الباب وانصدمت ...
بو حمد:المرحب باجي .. اقرب سالم
وقفوا حمد وعبدالله وسلموا عليه
سالم راح وسلم ع ابوه وأمه
بو سالم بهمس:روح سلم ع يدك
صد سالم صوب يده وتيبس مكانه وهو يذكر
""انقهرت وبدون شعور:مااااااالي
لف عليها وانصدم"يخررب بيتها"
صدت بتروح
مشى ورده مكانه وراح""
قرب سالم وباس راس بو فيصل: شحالك شو صحتك
بو فيصل بنص عين:الحمدالله بخير ونعمه..ايلس
سالم رفع راسه وشافها" منو هاي احين؟""
نزلت عيونها وهي منقهره من نظراته
يلس سالم:علومهم الربع
راشد بغرور ويخلي عمره ريال:ابخير وسهاله من صوبك انته
الشباب مع بعض:ههههههههههههههههههههه
سالم غمزله:بخير يا عيون اخوك
ام سالم:بنات تعالن معاي عشان توزيع الغرف
استغرب سالم شو السالفة بس سكت
ام حمد وقفت:يايه معاكن
بو حمد:دام راحن الحريم .. انا أقول الاحسن البنات يقعدن بيتي مع العنود والشباب هنيه
بو فيصل بحده:لا وكلامي مايتغير .. يقعدن هنيه دام البيت عود وكل يومين يروحن عند العنود
بو سالم شاف بو حمد وسكت
بو ريم:أبوي يمكن هم مب متعودين شراتنا..البنات يقعدن مع ا
بو فيصل قطع برمسته: شو فيها.. تراهم عيال عم وشرات الاخوان ..عن النفسيه والحركات الي مالها داعي
سالم همس: شو سالفة شباب!
عبدالله وعينه ع الفون:بيسافرون باجر وبيخلونا نحن مع البنات والمسوولين عنهن
سالم:لاوالله!! خلوني أخذ اجازه عسب ها
حمد ضحك بخفيف: وأزيدك من البيت شعر .. بنات بو ريم مستقويات
راشد: من الشعر بيت ي ذكي
حمد: مايخصك
بو فيصل وقف:يلا ع ساعه تسع تكونوا جاهزين ونته عبدالله بتوصلنا
عبدالله" ياليل.. من متى عندنا حد يتحكم فينا كلنا":ان شاءالله
وراح بو فيصل
سالم: ابويه ماخبرتنا من قبل ان يدي موجود وعايش
بو سالم تنهد: خلاص عرفتوا الحين( وقف وراح عنهم)
بو حمد شاف نظراتهم ووقف:يلا نشوا وكل واحد يروح يرقد..
حمد:سلوم بترقد عندك ترا لا تشوفني جيه
سالم وقف :فـ احلامك
حمد:عبدالله علومك
عبدالله وقف :متزوج وراح عنهم وهو يضحك
سالم:مينون ها هههههه
حمد قرب من راشد وباس خده:بتسهر هنيه معاي صح
راشد:كم تدفع؟
حمد:خيبه
سالم وهو رايح:ههههههههههههههههههههه

....................................................................................................................
عند البنات ... ف نفس البيت ..
ريم: لااا لا مابا برقد عندكن
روضه والريم:هههههههههههههه
شيخه بمكر:ليش تخافين؟..ههههههه
ريم:هاه....لاا
:شفيكن
لفن بسرعه ومع بعض:ماشي
خاف:بسم الله (وسكت يوم شاف ريم)
شيخه: ما بك يا اخي
سالم بنص عين:لا شي يا اختاه هل أستطيع ان اذهب للنوم
ساره ماقدرت تمسك عمرها:هههههههههههههههههه
سالم:استنزلت علينا هاي..خوزن أبا ادش
لفت الريم ع ريم:ها ريموه نروح عنج ولا هههه
ريم بتوتر وهي تشوف سالم يشوفها ونزلت رأسها:انقلعن ودشت غرفتها بسرعه وهي تسمعهن يضحكن
سالم شافهن بنظره
الريم:يلا روضه
روضه تشوف سالم وتحاول تذكر وين شافته:يلا وراحن
دش سالم غرفته وفج البلكونة العودة و تيبس يوم شافها واقفه وشعرها مفتوح
سالم" محد قالها ان البلكونة فيها بابين من غرفتي ومن غرفتها بعد!"
قرب منها لين صار وراها:ا احم
تيبست مكانها ولفت بسرعه وتبا تصارخ:حرا وسكتت يوم شافته
ضحك سالم:حرامي قصدج
ريم مصدومة :ا انته كـ كيف تدخل هـ لحظه لحظه(صرخت)روووووح يبااااااااااا شيييييلتي يمممم
حط أيده ع شفايفها:فضحتينا سكتي تراني ما اكل
ريم سكتت وشافت عيونه
همس سالم:يا مينونه غرفتج تراها كانت غرفتي مع هاي بس جسمناها عرفتي.. من جيه في باب من غرفتي وباب من غرفتج..وبعدين كيف طالعه(شافها من تحت لفوق)ببجامه وبدون شيله والشارع هني وينشاف
ريم ساكته وتايهه فعيونه
همس اكثر و ايده بعدها ع شفايفها:لا تطلعين جيه ثاني مره(فج ايده وقرب من إذنها وهمس)مينونه وراح وخلاها
ريم همست بسرحان:انته مينون وبتينني معاك..(سكتت شوي) ياربي كيف شافني جيه .. شو بيقول احين
................................................................................................
بعد يومين ...فـ مكان اول مره نروحله ـي..الصبح 7:22
بغيض وقهر وهي تهز ريولها:والله ما اخليه يرتاح واللللله.. بيندم ع كل ثانيه خلاني فيها(ضحكت وبغرور)بدمرك وبدمر اهلك..بخليك تيي ليييين ريولي...بخلييييك مينووووون
هزت راسها بيأس:الهنوف خلاص انسيه..وبعدين ها مب اول واحد ترمسيه
الهنوف تحط صبعها ع السجين وتحركها عليها:ادري.. بس ها اول واحد يتجرا ويخليني...(وقفت وصارخت بضحكه)انا اخلي الرياييل يربعون وراي ومن القى ثاني افره فالزباله..(بقهر)ايي هذااا ويفرني جيه؟...بدمرك وبتندم صدقني(لفت عليها وضحكت)صدقيني ميثوه انه بيندم ..هههههههههه
................................................................................................
فـ بيت بو سالم ـي..7:30...تحديدا المطبخ
ضحكت شيخة:ما اتخيل شكلج ب ساري ريموه
ريم مركزه ف السلطة الي تسويها:حلوو بيطلع.. لازم نجرب شواخ
شيخة حطت القلاصات ف صينية:انزين بنشوف
دخلت ساره:ها خلصتن
الريم دخلت وراها: الشباب ميتين من اليوع
ريم:ها خلصنا تعالن شلن معانا عسب نخلص
تساعدن البنات وجهزن السفره والكل تيمع "تجمع" ف صالة
يلس سالم ف نص وع يمينه عبدالله ويساره حمد والبنات مجابلينهم
سالم:وين راشد
حمد بصوت كله نوم:راقد
سالم :بسم الله شفيك انته
حمد بنص عين :مب راقد عدل(لف ع ساره)عقب روحي البيت شوفي اختج اذا تبا شي..انا بروح الشركة
عبدالله وشعره الي ناقز كله:انته ما مليت من هالشركة
حمد وقف وبهدوء :يوم انته بتسوي شغلك بنفسك وتبني مستقبلك بنفسك بتمل ؟
عبدالله شاف حمد بترقيع:لاا
حمد راح:بس عيل
سالم:شواخ عطيني هاي السلطة شكلها فنانه
شيخة تشرب عصير وتاشر ع ريم الي تشوفها
فهمت ريم ومسكت صحن السلطة ومدتها حق سالم:يود
شاف عيونها ومسك الصحن وحط صبعه ع صبعها
خوزت ايدها بسرعه وعدلت يلستها
لاحظ عبدالله وابتسم باستهزاء ع صوب
ريم همست:روضه وين خواتج
روضه:دلال ماتبا تاكل ودانه راقده للحين
ريم:اها "هاي انتي نوره ما تفكرين ف بناتج.. بس يهمج نفسج والفلووس"
روضه:متى بتي نوره
ريم:اليوم فليل
روضه:هاي ما اشتاقت حق اهلها الا الحين
ساره:احمم
سكتن وكملن اكلهن وعم الهدوء المكان
وقف سالم ويحاول مايحط عينه ف عيون ريم:الحمدالله وراح
ساره:عبود
عبدالله:هاه
ساره:شسمه شرايك اطلعنا الفجيرة
رفعت عيونها ريم وسسسرحت من سمعت الفجيرة
((مسكت الصحن وفرته فوق راسها ..صرخت ومسكت راسها وهي تحاول توازن عمرها وصرخت :رييييييييم روووووووحي))
:ريييييييييييم
ريم نقزت:ها هاه
شيخة:شفيج من متى نرمسج
ساره:هاه شرايج بالفكرة مب حلوه
ريم حطت ايدها ع راسها و ايدها تنتفض:ها. . هيه .. حلوه..هيه وراحت بسرعه تركض فوق
الريم استغربت: شو السالفة
شيخة:بلاها!!!
روضه توترت وراحت فوق
وقف عبدالله : اذا حمد وافق بنروح باجر الصبح.. وطلع بسرعه
ساره:خلاص خلو حمد علي وبيطيع
شيخة تشوف دلال الي شغلت التلفزيون وحطت ريل ع ريل:زين
................................................................................................
غرفة ريم ..~
تمشي رايح ياي وهي ماسكة راسها:12 سننننه 12 سننننه بس ما نسيت.. ولااااا بنسى
فجت روضه الباب:ريم
وقفت ريم وابتسمت بخفيف:ها حبيبتي بغيتي شي
روضه:فيج شي؟ مب طبيعيه
ريم:لا حبيبتي بس مصدعه شوي
روضه:متاكده؟
ريم:هيه
روضه:انزين احتمال باجر نروح شاليه ف دبا الفجيرة
ريم"شاليه!..دبا الفجيرة !":ها..كلنا
روضه:هيه وطلعت
يلست ريم وحطت ايدها ع راسها:لا.. شو السالفة.. ليييش ما اقدر.. ليش..
................................................................................................
توقعاتكم
هل صقر له دور ؟
موقف ريم و سالم؟ وهل هو صدفه لا اكثر !
الشخصية الجديده في قصتي؟ الهنوف!.. و هل لها دور في روايتي؟ ولما تنوي الانتقام! ومن هو الشخص!!!!!
الفجيرة والمصير القادم!'
أبطالي ورحلتهم القادمة!؟
الشخصية الغامضة "وليد" وما هي قصته!!

رد: رواية: العشق المجنون

بكملها بعد ما أجوف ارائكم وتوقعاتكم