السلام عليكم ورحمة الله وبركاتة

وصفتنا اليوم محشي الكوسا بطريقة مطبخ جدر عويش اتمنى تعجبكم

الموضوع بيكون عبارة عن قسمين ( الاول فيديو من اعدادي تطبيق للوصفة ) و ( الثاني كتابتة الوصفة + صور )

بسم الله نبدأ



الوصفة كتابة

طبعا عدد قطع الكوسا تعتمد على حسب الكمية الي تبون تسونها

اولا : نغسل الكوسا ونقص الراس والقاعده

ثم نطلع اللب من داخلها حتي تصير الفتحه خاليه بحيث اني ممكن احشيها



بعد ما نكون حفرنا جميع قطع الكوسا الي عندنا
نجهزه الحشوه





مقادير الحشو

كوب عيش / رز مغسول ويفضل زر مصري
لحم مفروم
بصله كبيره مفرومه
فصين ثوم مهروسين
بقدونس + كزبره + شبنت مفرومين //ما يقارب نص كوب كل نوع
كمون
كركم
كاري
كوب سكر
فلفل اسود



نخلط كل هذي المقادير مع بعض



بعد ما نكون خلطناهم بشكل جيد نبتدي نحشي الكوسا ونصفهم في الصينية




ثم نسوي الصلصلة الي بنحطها فوق الكوسا

مقاديرها

ثلاث ملاعق معجون
ربع كوب دبس الرمان
ربع كوب زيت زيتون
كوب سكر




نحط عليه ماء
حسب الكميه الي بتسوينها
كمية الكوسا الي انا مسويته مثل ما شفتوه بالصوره فوق تحتاج كوب ماء واحد




ثم نخلطها الى ان تتجانس المكونات وتصبح سائل

ونصب الصلصة فوق الكوسا





ونغطيه بالقصدير وندخله الفرن علي درجة حرارة ٢٠٠ لمده ساعه ونص تقريبا



وبس يستوي ونطلعة من الفرن



نرش عليه نعناع ناشف وهذا الشكل النهائي