تويت
قصيدة : رساله للي ما يغيب عن القلب ذكراها
كلمات القصيده : الشاعر احمد عصام قاسم الرواجيح
رساله للي ما يغيب عن القلب ذكراها
واللي غلاها احساس بوسط الروح
.
بين كل ثانيه وثانيه القلب يطراها
كنها مسك بداخلي دايم تفوح
.
اعشق حسنها وعيوبها قبل سماها
وبعشقي لها كل ما القاها ابوح
.
ان جيت اوصفها سبحان من سواها
في شهادة وصفي لها عدت جروح
.
لمع عيونها وهمسه من بين شفاها
خلاني على شوفها دايم انوح
.
دخيل عيونها من بين اوصاف حلاها
بسهوم هدبها وجفنها صرت مذبوح
.
ولا نثرت شعرها هاذ هو بلاها
لا جيت اوصفه زادت بحرفي الجروح
.
الا جلست بكامل جسدها غطاها
والا وقفت حول خصرها قام يلوح
.
يمين الله ما لي حيله على فرقاها
ويش حيلتي في اللي عيونه سلاح مسموح
.
من يوم لقياها وانا بالغلا ارعاها
عسى الله يحفظها لي وين ما اروح
.
هذي الحبيبه بداخل القلب سكناها
احبك .. احبك بكل صراحه و وضوح
كلمات : احمد الرواجيح
تعليق