طبقات الأرز بالدجاج بالفرن(طريقة معروفة)

المقادير؛

صحن صدور دجاج مقطع شرايح رفيعه

ثلاث ارباع كاس لبن

٥ فص ثوم مقطع شرايح رفيعه

ملعقتين اكل خل

عصير ليمونة

شوي زيت زيتون "تقريبا فنجان قهوة"

ملعقه اكل كبيره مليانه كركم

نص ملعقه اكل صغيره كمون مطحون

نص ملعقه اكل صغيره كزبرة مطحونه

فلفل اسود + ملح

رشة فلفل احمر مجروش

رشة بهارات خاصه بالدجاج،

رشة بقدونس ناشف



يتبل ساعتين او ليلة كامله


نقلب الدجاج على نار عالية "بدون اضافة زيت او اي شي"

لما تبدا تنشف موية الدجاج نقصر النار



لما يستوي نضيف حبة فلفل احمر بارد مقطع مكعبات + بطاطس مقلي

على طول نطفي النار .. نغطيه على بال مانسوي الرز


٢ كوب و نص رز مغسول

نغلي موية ونضيف لها ملح و زيت ونكب الرز كأننا نسلق مكرونه ماتهمنا كمية المويه

نسلقه نص سوا يعني لا يصير لين مره بنفس الوقت مهب يابس يقرقط

ندهن الصينية ب قطعة زبدة



نكب الحشوة ونرتبها زين بالملعقه

نكب الرز و نواسيه زين بالملعقه بعد

نصب فوقه كوب او كوب و نص قشطه خفق " على حسب ارتفاع الرز وحجم صينيتك"

نقصدرها وندخلها الفرن على نار هاديه تقريبا نص ساعه - ساعه الا ربع


وإنتي تقدري تفنني براحتك فشكل التقديم،
صحة وعافية...