تويت
تمزهل بالغلا وأقفى تلاشت بعده إوعوده
اوييييله !!يحسبني لارحل بتبع اثاريه!
قولوا للي جهل حبي تعب قلبي من إصدوده
تعب يمشي ورا الأوهام ويسبقها بخطاويه
قولوا له غصنه اليابس تهاوى وانكسر عوده
ووردات الغلا تذبل ..من الأحزان مرويه
الوح له بإيديني وروحي تطلب إوجوده
ووجهاته تضيعني شماليه وشرقيه
ولحظاتي معه كانت ماهي من العمر معدوده
نعانق كلنا الثاني ... وسط اجوا خياليه
رحل والعبره تخنقني وجوفي زادت إرعوده
شبح لفراق يرعبني
وحالي منه مبريه
تمنيته هنا يمي يجي ويجدد إعهوده
تموت احلامنا بسرعه وأنفاس الوله حيه
تجاهل كل ايامي.. وصرت بحبي محسوده
عسى ماصابني خيره..وعساني ماني بزيه
وبعده صرت احس إني بوسط الناس مفقوده
نكابر بالهوى .. لكن !!!! مشاعرنا هواويه
؛
~ريوف~
تعليق