تويت
طريقة طهي اللبن الرائب
السلام عليكم ورحمة الله وبركاته
مساء الياسمين للأرواح العبقة بالبيلسان / مساء العبير لصاحبات الذوق الرفيع
لكل بلد طريقتها في الطهي ... وأنوشة مايطبخوا اللبن الرايب بتاتا ، لهيك حبيت
أنه قدم لها هالطريقة لحتى تجربها وتدعيلي طبعا
والان بتركم مع المقادير من شيف شمس
مرتبان لبن رايب ..طبعا يا أنة اللبن المعلب مايزبط للطبخ مايدسم بس لضرفك بنمشيها
بدل اللبن الرايب للمعلب ...
كيلوا فراخ أو أي نوع من اللحوم
بصلتان ، ثوم ، بهار مشكل .فلفل أسود ، دبس الرمان ، ورق غار ،هال ،أهم أهم شي
مكعبات الماجي عدد اتنين هو يكون بكيت فيه مكعبين نستعمل المكعبين .. وأنا كمان بحب
ضيف قليل من ماء الزهر أو الورد للدجاج ..
الطريقة
بعد تنضيف الدجاج جيدا ونصيحة لدجاج شهي أتركيه منقوع قبل بساعتين بالليمون والتفاح
وخل التفاح وبرتقال بجد يشهي ..
نضع الفراخ أو اي نوع من اللحم في الطنجرة الخاصة ونتبلها وهاد الصورة الأولى قبل الطهي
وعند نضجوها نشيل الفراخ ونصفي المرق هاده الصورة التانية يمكن من البخار مانها واضحة
كويس .....
هلأ نجي للبن الرايب نضعه في القدر الخاص مع بهار اللبن ونحركه جيدا بشكل
دائري وأهم شي انة لا تتركيه وانتي تحركي فيه بتاتا لانه رح يفرط ..رح تحكيلي
أيش يعني يفرط رح أحكيلك انه يصير كرات صغيره يعني يتلف اللبن ،لهيك ما تتركيه
أول شي هيك يكون شكلة
بعد التحريك نتركه عند غليانه ونطفي الغاز وهيك شكله
هلأ يا عيني نجي بمرق الدجاج مرتبان اللبن بده قباله مرتبان لبن مرق دجاج تسكبيه عليه
وهون ننتبه ان كان اللبن حلو أو حامض ... وفي منهن يحبو اللبن تقيل أو خفيف حسب الرغبه
نحنا واحد قباله مرق واحد نفس المقدار ..وعند ما تسكبي مرق الدجاج على اللبن بدك تنتبهي
تحركي كمان شوي في منهن يحركوا لبين مايغلي بس مو شرط حركيه شوي وسيبيه عزيزتي
وبعدها تضيفي النعناع للبن وهيك شكله النهائي ....
هلأ نجي للأرز .... تجيبي الشعيريه وتحمصيها بسمن وزيت زيتون ملعقة ملعقة
وتقليهن على النار لبين ما يتغير شكلهن للون الدهبي توضعي الأرز عليهن وتحمصيهن
خفيف بالزيت والسمن مع الشعيريه .... وهاده الصورة قبل النضوج ونضع الهال ...
وبعدها تتركي الغاز على درجة عالية ولما تسكبي الماء بتكون شايلة من مرق الدجاج
على جنب وبتطهي الأرز بمرق الدجاج يطلع يشهي .. ويكون المرق يغلي على الأرز
لبين ما يجي يتنشف عنه بعدها تخفضي الحرارة .. وتتركيه لبين ما ينضج تماما وبعدها
بدك تنتبهي ماتتركي الأرز مغطى ... لانه البخار بيعجب عليه فبيطله منظره وشكله عجايب
يازمن ..لهيك لما ينضج كشفيه خمس دقائق وبعدها تغطيه وهاده الشكل ...
هلأ بنجي للدجاج يلي شلناه من المرق أيش نعمل يا حلوتي عندك كذا طريقة
لا أما نقليه عادي بالزيت ... أو نشويه بالفرن ... أو نستعمل خلطات له
عندك خلطتين .... الأولى بخلطة البندورة والتوم والبقدونس والبهار وهاده
طيبة بس طيبه للمقلوبه والأوزي ... رح نعمل خلطة القرشلي ..... مابعرف
أيش تحكولوا لا تجننيني وانتي تحكيلي ايش جبتلك صورته حب
نجيب بيضة بصحن ونجيب القرشلي هاد بصحن تاني ونجيب قطع الدجاج
نغمسها بالبيض وماتخافي ماتحكي يع ومدري ايش ما يطلع طعم بيض
شيلي الصفار وماعليك واغمسيها بالقرشلي واقليها بالزيت ........ هاد الشكل
لما نوضع بالقرشلي ولما قليناه ....
وهلأ صحتين وميت هنا يارب
ومتل الحلوات ابعتيلي أحلى تقيييم شغل متعوب عليه
تعليق