السللاااام عليكم

مساء الخير / مساء النوور ..♡

من زمان والله عن الكلام في المدونة .. مروا تمانية ايام كانوا من ابشع أيام حياتي على الأطلاق ..صابني التهاب وطلع عنيد متلي وله تمان ايام لازق فيني قرفني حالي وحياتي ..وانا يلي تجتمع العيلة فوق راسي اخدت خمس انواع دوا مجبرة كل نوعين مع بعض ..يالهي بجد نعمة الصحة اهم من كل شيء،حتى من الرجل

الله يديم علينا وعلى الجميع الصحة يارب .

اليوم كان ماطر الصبح ..كنت ناوية روح للمدينة غير جو واتغدى في المطعم وروح للمعهد وقضي اليوم لوحدي تغير شكل ..فالصبح كان مطر وضليت نايمة للعشرة خلصة نمت متأخر جدا ..

الساعة ١٢ الضهر قررت انزل للمدينة
اتصلت بالمعهد انه فيني روح لانه كنت مقدمة على دورات سجل فيهم وحكولي تعالي .

هلا انا معي شهادة من النقابة تجميل بس طارح المعهد دورات تجميلية بشهادات مصدقة من التربية ..سجلت في دورة تدعيمية لانه بحب هالمجال زانه تكون معي شهادة من التربية فيها شي حلو ..


كمان طارحين دورات متعددة متل التصوير ،التصميم ،مستشار ضريبي، فنون ورسم ..موسيقى ..

ودورات كتيرة من ضمنهم
دورة بيحكولها 《 الدورة الشاملة 》

هاده الدورة يلي باخدها بتكون عبارة عن سبع شهادات مصدقة من التربية بيقدر يشتغل فيها بأي بلد وباي مجال هوي بيرغب .

الدورات هني
محادثة وتقوية في اللغة الانجليزية
اللغة التركية
CDL حاسوب
التصميم الجرافيكي
السكرتارية وأتمتة المكاتب
العلاقات العامة
برامج محاسبة

هدول دورات بسبع شهادات تحت مسمى الدورة الشاملة

بالأضافة لدورة التجميل

سجلتلهم وثبتت اليوم بفضل الله ..ويارب يقدرني وانجح فيهم

صديقتي تحكي لي خدي دورة بتكفيك
بس انا بطمح لاكتر ..ولما يكون معي سبع شهادات مصدقة من التربية بتكون فرص التطور افضل ..بالاضافة لدورة التجميل يعني تمانية ..

حتى او ما اشتغلت فيهم بيكفي انه يكون عندك حصيلة مثمرة تكون فيها متميز وراضي عن نفسك ..

انا في البداية كنت حابه اخد دورة تركي لانه مجال شغلي بيتطلب افهم التركي .واخد علاقات عامة ..

بس،جد بعد ما مرضت صح هوي بفضل الله التهاب مو هالمرض الخطير
لكن هالتمان ايام يلي تعبت فيهم اكتئبت بجد ..شعرت انه الانسان طول ماعنده صحة والله منعم عليها فيها ..المفروض يستغل كل لحظات حياته يتطور ويطمح لابعد حد

الطموح والارادة وانك انسان مو بس للنوم والنزهات هاد الشي بيخلي عندك رضاء،ذاتي عن نفسك .

بحلم انا كتير وبطمح لامور حققها بحياتي بأذن الله
كتير مريت بتجارب بجد بفترةمن حياتي تغيرت جدا كنت نرفوزة ..وماعدت اطمح لشي ..بفكر بحكي لو بوقتها كنت ما اسمع لحد واعمل يلي بدي ايياه ومقتنعة فيه كان انا هلا بمكان تاني ..كان ممكن ما مريت بامور كانت قاسية .

بس برجع وبحكي كله ربنا مقدره لنا ..ويمكن كان لازم امر لكل شي لحكمة ..

بس الشي يلي مو متغير فيني واتمنى انه يتغير ممكن كون اسعد الناس وقتها ..هوي طبيعتي بجد بتاثر لو اشوف حد مجروح حد قريب مني ويغادر ..صديقة اتركها بتاثر جدا وبزعل كتير ..

لي صديقة كتير قريبة مني عندها ضروف ومن فترة مابتواصل معها وعرفت انها مرضانة..بجد نفسيتي تعبت ليه مرضانة وخفت من الفقد وانه تترك فراغ بحياتي كانت ممليته بجد بروحها وجمالها .
احيانا بحكي عن نفسي مجنونة ..وبحب تعب نفسي ..بس جد مو بيدي هالصفة متعبة ومرهقة لحد كبير وياليت فيني اتأقلم على انه يلي يروح يروح ويلي يجي يجي ..

حتى احيانا كنت قبل بس حب شخص جدا وخاف ان اقتربت منه او ايا كان بحياتي سواء صديقة او اي شخص ممكن يكون فيه احتكاك معه ..بقلب عدائية لاخسره خوف من انه يكون قريب او قريبة وتجبرنا الضروف انه نفترق ..هاد الشي بخوفني بجد ..لهيك ما كنت اسمح للي يهموني يقربوا من حياتي خوف هاد العذاب ..

ممكن لانه اقرب صديقة لي بحياتي توفت ودقت عذاب فراقها..وشخص كان مهم بحياتي توفى كمان وجدي توفى ..الموت حق بس مر وبيألم ..

وصار عندي فوبيا من شي اسمه فراق ..
من جديد بحاول عالج هالموضوع بنفسي وبحاول اطلع من هالامر بانه اعتاد انه الحياة هيك ..صح بتألم بس لازم تجاوز هالامر لانه لو ماتجاوزته بضل كل ما يتركني حد بحياتي يترك أثر ..

... ♡

▪
■

اقترب ياعزيزي وبالهوى أحتضن بقلبك كلي
فانا في عشقك أنثى قوية أحتضن في البعد
جرحي
وأنا أردد في كل شوق ..هاك قلبي ياحبيبي
ففي هواك طال صبري
•
▪
غيرتي بحر عميق فيه يتوه فكري
وبعاد نبضك عني يتعلله سوء حظي
°
°
أنثى يا حبيبي هي أنا تلتزم في عشقك
السكات
فانظر لاعماق الحروف
تجد هواك يدق كل باب

وان غبت ياعزيزي عني..فأني انهزم بكبرياء
وينكسر الحرف مني
ويحوي القلب صوت الآه ..

■
■

بعض الذكريات ..كاللعنة تصيبنا بمس الألم
ببعض من الجنون
والكثير الكثير من التوهان خلف جدران الذات
نحاول الهرب الى حيث المجهول ..علنا نصادف بعضا من النسيان
لنجد أن نبض تلك الذكريات يطل علينا
من شرفات الحنين
وتارة نجده يحتضن قلوبنا الصغيرة ..كي
نتوه وهو بأحضان... ياليت التمني
حقيقة ..

بعض الذكريات لعنة

.

■
●

بعض الاماني حكايات في عيناك تحاصرني وتسألني
عن الذكرى المصلوبة على الطرقات
وقد عاشت
وقد سقطت
سهوا بين ادمعنا
يحيرني فيها جرحي ..وآه ..آه من جرحي
قضيت العمر أداريه
ألملم شيئا من بعضي

وأخفي شيئا بكبرياء حرف سكب الاماني كؤوسا
باتت تثملني
على لحن يعانقني ..
يصرخ العشق من هواك وبالبعد يعذبني

.

■
●

خوف يعتريني لمجرد التفكير في خسارتك
في فقدانك قبل أن اودع تلك الروح الساكنة
أوردة الفؤاد
حري بالذكر أنك الشهيق لروحي
أنت
يا أنفاس الورد في عنق التمني
معك أحب كل شيء
ابتسم،ابكي،اضعف واتظاهر بالقوة
معك تعلمت كيف تكون الانثى طفلة تتمتع
بالجنون
وكيف يكون الجنون ممتعا حد العقل ..

فأنت كل شيء حينما كان لاشيء في عيني
كبير الا أنت
.
.

على سبيل الاعتراف

.
.

أنت وطن فيك تحلو هجرتي

مساااااء،الفل يا فلل


نيالك يا وسام عضويات بالقاب عليها القيمة تستاهل يا عم
بس اعطيني عضوية عم نفر خاصة واكن لك من الشاكريين


.
.

هلا شو برايكم بزبونة والعياذ بالله من عصبيتها مجنونة رسمي او مشرووع جلطة

جاي تشتري فستان لحفلة اخوها واعطتيتها سعر من الاخر وسايرتها وتحملتها هي وتقل دمها ومو عاجبها والاحلى جاي تحكيلي رحت للمدينة اشتريت فستان للصالة ب 200 دولار

وانا عندها بدها اعطيها دين
اقسم بالله كان جاي ببالي اجيبها برا البوتيك من تقل دمها
بس مضطرة ابتسم واضحك لسبب ..انه ان زعلت الاخت المصون اخواتها تمانية والتمانية ناويات يشترن مني

يعني غصب عني لازم اضحك

حكيت لها رح اكتب لافتة مكتوب عليها 《 الدين ممنوع والعتب مرفووع


الله المعين بس

السلاااام عليكم

.. هلا هلا بشمووس نورتي يابت وين هالغيبة
بدلل بنفسي هاده اخرتها ماحد يدللنا ندلل انفسنا


يعني سبحان الله هالمكان يضل له اثر بقلوبنا مهما نبتعد الا نحن ونرجع نتطمن ونرجع نغيب

انا بفكر اجتاح العالم ورح اخد نفر يجتاحه معي ومكافئة رح زوجك مزززززه
وان بدك مززتين عند وعدي

ماعندي شي احكيه بس الشوق غلاب واشتقتلكوون
وحبيت سلم ..♡

■
●

وصباح فيه أنت تشبه ..《موسيقى المطر》..♡
أنيق الحضور تروي القلوب
وفيك صخب جنوني أشبه بعنفوان المطر .
هادىء بقبلاتك على وجون الأشتياق
كحنان المطر ..
عنيف بعدك ياعزيزي كقسوة المطر ..
بأختصار أنت يا سيدي
نبيذ المطر ..تثملني فيك.. ♡.حد الغرق.♡..
فهاك يدي وراقصني يا عزيزي تحت المطر
ودفئني بمعطف حبك ..وأشعل في قواميس الابجديات
مشاعل الهوى على السطور .
حتى تتعانق انوار الحنين مع المطر ..
فتضيء السماء بنور حبك
ويغنيك المطر ..
وتغني روحي كطفلة الجدائل مبتسمة
مطر ياحبيبي مطر ..♡..
والياسمين من أنفاسك يطوي بعد المسافات
وعلى ارصفة الانتظار تتورد زهور حبك ..♡

فاقترب وتقترب ياحبيبي
..☆ويعانقنا المطر ..☆

■
●

حين مساء ألتقيت بك على خاصرة الحنين

تنبأت بأني سأكن شهيدة قلبك

...... ..،سأأسر في معالم ذاتك

فانت سر النبض كما أنت بيت القصيد

والامل المخبىء بين اضغاث المسافات

فـ هاك كلي ملك لقلبك ايها السائح بيني

وبيني ..وبين نبضك وقلبي .

لـ تسكني قبس الكلمات ..فيشع عالمي

بك وحدك .