ملامح حرف بنكهة الخيال

**شمس الشتا** · 02-02-2018, 12:57 AM

رد: ملامح حرف بنكهة الخيال

مساااء الخير

الراحة بعد تعب حلوة تشعرك انك انسان ..طيب وبعد تعب الراحة شو تشعرنا لكان

بس،جد حلو شعور التعب وانت تشعر انه بكل يوم تحقق حلمك الله يديم كرمه ولطفه فيني يارب ..

لي يمكن شهر ونصف الشهر ما طلعت مشوار خاص او اهتميت الا في الشغل لحتى نسيت نفسي .

هلأ بكره قررنا مع الاهل نقضي اليوم كله بنزهه في البر ونعمل مشاوي وجو وهيكا ^^

شاعرة انه متل الطفلة طايره من الفرح ..والسبب انه بجد انتبهت انه ناسيه نفسي لي فترة

حضرتلهم حلويات وسلطات واشيا يحبوها
واهم شي الشاي يلي برا بالبر تشعر انه انتعاش مع الجو ونكهة البر و المطر ♡

《 رسالة وجدانيه من القلب للقلب 》••

أنت حكاية تنبضني في كل شعور الف قصة عشق ،.
أنت لست ذكرى
لست ....نهاية
ولا سحابة حنينية عابرة

أنت جنين حب ولد في رحم روحي

شمس

**شمس الشتا** · 06-02-2018, 11:15 PM

رد: ملامح حرف بنكهة الخيال

°•

°•

يا ذات الأحلام الشامخات .،

أرقدي بسلآم ..فوق ...... خاصرة الأماني

فقد أشعلت نيران الشوق ..قبس الكلمات

وأغرقت بحور الحنين قصائد الشعور ..،

تجردي من ثوب البعد واقتربي ..فما عاد

في القلب الا النبض لأنفاسه ..لطيفه وأناقة

الشوق ..

**شمس الشتا** · 08-02-2018, 12:36 AM

رد: ملامح حرف بنكهة الخيال

•▪

▪•

في النفس ياقدري حاجات كثيرة ..تنزفني بسيف الذكريات ،؛

من أين ابدأ ..!
وأين الملجأ..؟

وقلبي في وسط زحام أنيني

أتناسى والدمع معلق باهداب الذات

قلت له ياقلبي مهلا

فالعشق داء لن تستطيع معه صبرا

فسطر الهوى حارق الفؤاد ، والبعد فيه جمرا

صبرا يا قلبي صبرا

فعشقك . .... بحر

فاض به الشعور غرقا ..•°

**شمس الشتا** · 09-02-2018, 01:57 AM

رد: ملامح حرف بنكهة الخيال

صباح الروقان مع انه مو رايقة

اليوم تعرضت لأول مشكلة حقيقية في شغلي . شعرت أنه لازمني صبر أيوب..حتى ما انفجر من قهري..

هلا مسؤول شركة الشحن في جنين عندنا دوم بس تجي لبضاعة بيسلمهم في سيارة خاصة .. كل حد وعلى عنوانه ونحنا نسلم الشفير المبلغ يلي علينا .. وهاده مو اول مره بستلم وبسلم
يعني حفضت كم علينا كان شحن او ضريبة ..
هلا مدير شركة الشحن هاده المره رافع التكلفة علي ..يعني بدل ما ادفع سعر كرتونين ..دفعني سعر اربع كراتين ..هلا انا كان عندي عقل وطار لأنه دفعت ٢٠٠ دولار ظلم ..بس دفعتهم لانه الشفير حكاللي اختي مالي ذنب وقعي انك سلمتي واستلمتي وتتفاهمي مع الشركة انا بس وسيط

اتصلت بالمدير حكالي مو مني هاد ازدياد التكلفة من تركيا ..اتصلت بالتاجر التركي حكالي لا انا زبطت بضاعتك انه تدفعي كرتونتين وبس ..صرت اغلى متل البركان لأنه تأكدت انه مدير الشحن رفع التكلفة لأنه قبل كم يوم صار بينا خلاف على حجز البضاعة بالمينا
وأنه زبوناتي طاروا ..

هلا حكالي التاجر التركي ابو محمد انه بكره بتاكدلي ..وانا ناطره بكره بفارغ الصبر ..يعني متأكده انه مارح اعرف نام الليلة ما بحب الظلم ولا اظلم حد ولا حد يظلمني

وهاد ان طلع اهبل ورافع علي التكلفة رح جننه

.
.

هلا الشخص حلو لما يكون عنده مبدأ
يعني ان زعلان او راضي ما يجور او يظلم ..لأنه الإنسان يلي عنده مبدأ حتى لو عدوك ترتاح له او ع الاقل تحترمه .

نقطة

والصباح رباح متل ما بيقولوا

**شمس الشتا** · 09-02-2018, 03:05 AM

رد: ملامح حرف بنكهة الخيال

يعني جنون الموبايل اصعب من جنون بعض العقول

. ربع الاملاء يلي قبل خطأ انا اكتب شي والجوال يكتب من دماغه ههه..

رسالة صباحية

حتى في أصعب المواقف التي اأتعرض لها
يكفيني أن اتذكر طيفك ..فابتسم
أن أغرق بشطئآن حبك لأغرق في بحر من الأمان

فأنت دفء
انت الحنان

أنت ذاك النبض الذي يرسم على شفاه
عالمي أبتسامة

قوة خفية تدفعني للحياة بعطاء ..♡

أنت بحد ذاتك حياة
وقلبك لي ..... وطن

أحبك

**شمس الشتا** · 12-02-2018, 11:19 PM

رد: ملامح حرف بنكهة الخيال

مساااء الخيير ..♡

يا الهي هالفترة بجد تعب تعب تعب ..وارهاق روحي وجسدي كمان .
لانها فترة انتقالية من الشتوي للربيعي وبنستعد للفترة هاده ..كتييير تعبانة لدرجة انه لي كم يوم صدقا ما نمت كويس ..
هلأ للصراحة ما كنت بعرف انه الشغل هيك بيتعب وبياخدك من نفسك ..!
بس كمان حلو ..واهم شي التعامل مع الناس ..يالهووي ما اصعبه

في عقليات متل الحيط ،وفي شخصيات تجيب السكري والضغط للصراحة ..وفي ناس بلسم طبعا متل ابو محمد سكر

هلا رح تبلش دورة لغات في معهد ..وبهاد المعهد بس تاخد الدورة كاملة يعطوك شهادة موثقة من التربية وكمان يوفروا لك وظيفة فوريه على الاغلب ..حبيت سجل فيها لأحصل على وظيفة باذن الله ولاتقوى باللغات لانه بحب هالمجال ..

الاغلب نصحني انتي مبلشة بشغل واتروي لاتتعجلي
بس سبحان الله انا لما حط عقلي بشي واقتنع عقلي كمان حيط هههه

بس الله يوفقني يااارب
صح تعب ونفسيتي بجد تعبانة من التعامل مع الناس ..بس بكفي انه لما بنام حتى مافي مجال عشر دقايق فكر بشي بروح بسابع نومة

يااارب هيكا اموري تمشي كويس وحقق احلامي في مجال العمل .

ادعولي ياحلوين ..♡

لا أعتقد حتى في زخم الكلمات الهاربة منك الى سطور كلامية ..اني نسيتك ..فبين الحرف والسطر حكاية عشق لك .. ♡

**شمس الشتا** · 14-02-2018, 08:45 AM

رد: ملامح حرف بنكهة الخيال

يا صباح الجو الجميل

حلوة الدنيا وتشعرها عبقة في الفرح بعد يوم مطر بيروي عطش الارض ..ليشرق يوم جديد كله بسمة ودفا..~

بجد يوم أنيق تبارك الخالق
كان أمس مطر كتير ورغم انه بعشق المطر لكن ما بستحمل برد الشتا ، يعني باخد احتياط خطير لحتى ما اخد برد ^^

امس اضطريت نص شغلي في المطر فلما وصلت البيت كنت متل يلي طالعة من التلاجة مو قادرة كلام اتكلم بس سكوت ودفا بدي .

بعكس اليوم ..انيق مبشر بالخير والله .
هلأ رح روح اتفق مع مصممة أزياء هي معهد دارسه تصميم من خمس سنوات وما ماخدة فرصة لسه ..لكن جد تصميماتها يشلوا من جمالهم .

وبالصدفة لقيتها معلقة ليه على صفحة الشغل على موديل عاجبها ..ومن ضمن الكلام عرفت انها موديل ..

هوي انا فرحت وطرت لسابع سما سعادة ..بس تعرفوا لزوم الشغل ثقل وهيكا ..والرد بهدوء وروية يعني حركات

بعدها رح ارجع ترجم تركي لانه بدي بضاعة تركيه والرجال طلع مايعرف حرف عربي
انا بحكيله كلمني العربية او حتى الانقلش نمشي نفسنا فيه مابعرف تركي وهوي معلق لي على جملة ..ايم سوري ..طب هوي على ايش بيعتذر

ولهازا مالي الا ابو محمد ..يسعدووا والله
صار كل ليلة يبعت لي كلمة او جملة تركي ..على اساس اكون متحدثة بيوم ما اللغة التركية

مابيعرف انه الكلمة يلي يعطيني ايياها اول ليلة الليلة التانية تسافر وتطير هههه

صح انا ببعتله

iyi akşamlar

وتعني ليلة طيبة ..ولكن اقر واعترف انه بروح لبداية المحادثة بنسخ وبلصق وببعتله نسخ لصق

بس جد جد انه صرت حافضة ١٥ كلمة تركي يمكن ٦ جمل من ابو محمد والباقي انا بشطارتي هههه خلص رح اتعلم التركية .

هلأ يارب توفيقك وتحقيق حلم كل حد فينا

.
.

رسالة وجدانية من القلب للقلب ،، ♡

اؤمن بحديث القلب أكثر من مجرد بعثرات ابجدية على سطور ^^

.
.

♡

**شمس الشتا** · 14-02-2018, 01:17 PM

رد: ملامح حرف بنكهة الخيال

مساااء الجمال ..♡

هلأ الاستبشار بيوم جميل له تأثير أوي اوي على النفسية سبحان الله

اجتماعي مع الصبية كان اقل من ساعة ..بس شفت موديلاتها وتكلمنا شوي ..وحكيت لها ان بدك تشتغلي معي بنكتب عقد عند محامي لتمانية سنوات ممنوع تشتغلي لغيري ولا قطعة بيطلع عليك جزاء غرامي ..
حكت لي طب بلك صح لي عرض افضل ومابدي اكفي معك ..حكيت لها وانا كرمال هيك رح تكتب عقد بينا قانوني حتى امنعك تعطي غيري ويحق لي التميز ..ويلي اوله شرط اخره سعاده ههه

بالاول حكت لأ كتير تمانية خليهم تلات سنوات ..ماقبلت حكيت لها لا تمانية لا في مصممة من السودان جاهزة تبعت موديلات بتجنن وناطره اوافق ..هوي صح تعرفت على مصممه من السودان بس بدها ثقافة سودانيه كمان وانا ثقافتي صيني ما بيمشي الوضع هههه

هلأ هي حكت بدي فكر اعطيني يومين تلات وبخبرك ..صراحة خايفة ماتوافق مع انه ما كنت باينه لها بس كله نصيب بالتالي ..

وربنا الموفق يارب .

ما نفسي اشتغل شي اليوم من جماله لهيك بفكر اترك كل شي مؤجل لبكره وخلي هاليوم بس لنفسي ..

بس المشكلة بكره عندنا حفلة والجمعة بالاصل بتكون للعيلة وهيكا ..

.
.

وعلى سبيل الشكر

شكرا لأنك في حياتي قبس نور .

**شمس الشتا** · 15-02-2018, 02:46 AM

رد: ملامح حرف بنكهة الخيال

●
•
■

لا اؤمن بذاك اليوم الذي يحتفلون به بالمحبين ..،
ولكتي أعشق فيه أن أجعلك احدى طقوسي المميزة .

كأن اجعل من طيفك ..فاتني لتلك الليلة ..اسامره مع ضوء القمر ..واغازله في ليلة انس يحلو فيها السهر ..

كأن اجعل كاس عشقي ..خمر حبك
ومعزوفتي ..دقات قلبك الساكن بالوتين

كأن اجعل من حرفي ..أبجدية جنونية على اشطر من عشق متمرد على الاعتياد ..

اهوى جدا وجدا أن أبتكر لغة غير تلك اللغات التي يتداولها العاشقون ..

فقط لك
فقط لاجلك

أسكن رياض الحروف

..

•°

•°

**شمس الشتا** · 17-02-2018, 11:56 AM

رد: ملامح حرف بنكهة الخيال

صباااح المطر والجو الجذاب ...♡

صباح تجديد النشاط ..

يوم الاربعاء اصدرت قرار بحق نفسي انه يكون الخميس والجمعة عطلة من الشغل . بدوعشرة يبعتولي شي واتس شي مسن شي على صفحة الشغل نفسي جد تحكيلي ارحميني حرام عليك. بدي نااام

تشجعت تركت موبايل الشغل في البيت واخدتي شنطة صغيرة فيها بجامة وكم شي بيخصوني ورحت يومين اجمل استراحة من التعب ..

والجميل انه مافي نت يعني يومين بلا نت ، بلا شغل ،بلا ارهااق .

امس الجمعة ..اتصلوا علي يمكن كانت التاسعة مساءا ..جنان اجت البضاعة التركية ..انا تعجبت لانه بفتكر ضايل لها كمان اسبوع لتوصل ..يعني فرحة ..وماصدقت اوصل البيت وروح للبوتيك لاتطمن ..

بجد شكلها يفتح النفس خاصة انه زوووقي عالي الله يحرسني

هلا شفتها سريعا لانه كان وقت متأخر ، ورحت البيت نوووم ..قبل شوي صحيت ومو جاي ببالي اشتغل بشي
لسه تحت تأثير الاستراحة النفسية

بعد شوي ان شاء الله بفطر وبروح شوفها ودققها خاصة جو مطري بيجنن ..يعني بكون ببوتيكي بس راقب المطر وانا بجد بعالم تاني ..بس شوف روعته لما بيروي الارض وبيروي ارواحنا ..

رومانسية البت حتى في الشغل

هلا المصيبة انه بعيدا عن الرومانسية والشغل ..لي بضاعة مصرية، سوريه
السورية يعني سوريين لهم مصانع في مصر .
ولسه مو لاقيين شحن بين مصر وفلسطين ما فيي

يعني ان بتأخر كمان شوي على البضاعة ترووح ربي يعين .. او لازم اطلع بنفسي جيبهم وانا لسه مو طالع لي الرقم الوطني الاردني ..بده شي شهرين على الاقل ..والفلسطيني يجننوا اهله ان سافر لاي منطقة بما انه مغضوب علينا ..فلهيك مابرغب بالسفر بالجواز الفلسطيني لاي جهة ..لانه متاكدة انه تعاسة رح يقلبوها وخاصة بالاوضاع الاخيرة ..

ربي يعين ..ويرزقني سعة الصبر ،وقوة الارادة يارب
وتكون هالبضاعة وجهها خير يارب

..☆

ملامح حرف بنكهة الخيال

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget