رد: ملامح حرف بنكهة الخيال

صباااحو
كيفاااتكم ياحلوين ..♡
بما انه اجاني تقييمين من شخصين غاليين الله يكرمهم بكرمه . رح خبركم آخر احوالي واخباري لانه بكرا الحكي معي بفلوس هههه بس صير سيدةةاعمال وهيكا

بمزح بمزح ما بستغني عن الناس الطيبة طبعا
هلا اليوم بجد كان مرهق جدا بس مع هيك كنت مبسوطة ولله الحمد والشكر .
رحت لمنطقة اسمها سلفيت لآخد بضاعتي المكياج والتنحيف و و يلي حجزتها عنده وكان زوجي طبعا كالعادة قلبه ميت ومتردد لانه مابحب المغامرة بس وين معه حضرتي شعلة نشاط الله يحرسني ههه وضليت زن على راسه يلا وهلا التاجر بيروح لجننته ومشي معي مغلوب على امره هههه.

اوصلت هناك وانا طايرة فرح لانه رح اخد بضاعتي ماركة ومن شركة معروفة وبأسعار خيالية ..ودخلت الشركة ونسيت انه زوجي والتاجر موجودين وانشغلت باختيار ماركاتي وبضاعتي ..

وتم كله بسلام الحمد لله ..
هلا الانسان المتحدث او اللبق او يمكن الشخصية يلي تثبت وجودها بثقتها بنفسها توحي للطرف الاخر بامان ..بحكيلكم انه واثقة وفخورة بنفسي ههه مو غرور كتير بس شوي

هلا التاجر لما تحاسبنا بحكي له انت عندك ميك وماكنات وتاجر وانا لسه ببدايتيربس داخلة بقوة وببضاعة تركية ومطلوبة لكبار التجار ايش رايك متل ماتعطيني اعطيك ملابس تركية وتسوق عندك ..هيك انت تستفيد وانا استفيد وبلشت حاوره ههه.

بس المفاجئة يلي صعقتني داخليا فرح وسرور بس مابينتله لزوم الثقل والبرستيج خخخخ

انه عرض علي انا وزوجي انه يشاركنه بمحل كوزمتكس بمدينة جنين ..وحكى لزوجي انه عقل زوجتك تجاري بحت وتخوف مابعرف انه يمدح او يذم بس يلا نمشيها ههه.

حكيت له بنشارك بس مو كوزمتكس مكياج وماكنات وهيك بدك نشارك بشارك على انه يكون كوزمتكس مكياج وكمان بوتيك ملابس تركي ..

طبعا هو مو فارقه معو لانه معو اسم الله يعني المليون دولار عنده كانه يدخن سيجاره تبارك الله ..ومتوهم علي انه معي وانا مامعي شي احكيه ههههه.

هلا بكمل لكم فاصل ونواصل

رد: ملامح حرف بنكهة الخيال

انا بحب الصراحة ولانها تريح

حكيت له انا زوجي ما بيغامر قلبه ميت يخاف يخسر
بس انا بحب غامر وبتمنى فصاروا يحكوا واتفقوا يتشاركوا وانه يشوف بشويش مكان مناسب
هلا انا ماعندي صبر ولاشي ومتحمسة ..وكان عندي نزلة للمدينة لندفع بضاعة تركية . اخدتها حجة وحكيت له يلا للمدينة نسينا للتركي والدفع ..طبعا هو مسكين مابده يزعلني بس مو راضي وساكت ههه. بحكيلي بنشوف وين رح توصيلنا

حكيتله بوصلك المريخ بس رد علي ههه بس بدكم مين يرد ..
ونزلنا وبعد مادفعنا وكله تمام ..حكيتةله نروح صرنا بالمدينة نشوف لنا محل بالموول واخترت ارقى موول
بجنين موقعه على موقع الجامعة ..

شرب الشربة وبحكي لي رح تشحدينا ههه هاد مين رح يقدر يدفع تكلفته وهو معه حق للصراحة بس شجعته الحياة مغامرة ..

ودخلنا ورحنا حكينا مع المدير للمول وطبعا محسوبتكم تنشف ريق البائع لاخد المبلغ الي بدي ..

وهم يشرحوا لنا انه الاختيار صح والموقع كويس كتير وحلو اجيت انتبهت انه مساحة البوتيك ماتكفي لكوزمتكس وبوتيك . فحكيت للتاجر انه لو ناخد محلين جنب بعض شو يطلع ..شعرت زوجي حابب يرتكب فيني جريمة ههههه هو مو خلصان بمحل وانا رح لبسه اتنين ههه ..
المهم حكولنا مبلغ اعتقد بدنا عشرين سنة لنحصله ان حصلناه

بس اناماهمني للصراحة لانه معنا شريك ولانه الشريك معه ماديا اكتر منا بكتيير هو تاجر معروف ماشالله ونحنا بداية .
طلعنا من المول وبحكي لي زوجي ولاا كلمة هاد آخرته يلي يرد غلى زوجته ههههه
وانا مو سامعتهةاصلا عاملة نفسي خلص براسي رح اعمله ان شاء الله ..

وبس وصلنا البيت حكينا مع التاجر وزوجي مسكين مفجوع من المبلغ ..
بس شرحت للتاجر الفكرة وطرحت عليه اقتراحي بما انه كنت حاكيه لهم انه انا مديرته للبوتيك والمسؤولة عنه بما انهم حكوا مارح يقدروا يجوا للبوتيك لاشغالهم ..فحكيت وناقشت ووااافق على اقترااحي الحمد لله ..واثبت للجميع انه وراء كل رجل ناجح بجد امراءة

هلا بكرا ان شاء الله طالعة للاردن منه سياحة اسبووع هالمرة ومنها جيب طلبية مطلوبة مني باذن الله ..ويلي مفرحني بالموضوع واخيرا رح روح البحر الاتنين يلي في الاردن ..البحر الميت وبحر العقبة

واكيييد رح اتذكركم ورح صورلكم من هناك صور حلوة كحضرتي

طولت عليكم
وميتة انه نااام ساعتين قبل السفر

تصبحون على احلام سعيدة وآمال محققة يااارب

رد: ملامح حرف بنكهة الخيال

صباااحو ♡

اليوم بلشت رحلتنا في الاردن ..الحمد لله.
كنا مقررين نطلع رحلة اسبوع ما للشغل ولا لحد
من وقتنا فيها شيء ..تكون بس سياحة وتغيير نفسية.
واليوم بلشت نشكر الله ..
بلشناها من اول عمان من الاغوار وقضينا
وقت بيجنن ..وطلعنا على العشرة بالليل لاربد
وعلى الساعة وحدة تقريبا رحنا الاوتيل بعد ما اخدنا جولة
خفيفة باربد لانه الوقت كان متأخر ومو متل النهار ..
وهلا لدخلنا الاوتيل بس ميتة تعب وارهااق .

مو مصدقة ايمتا رح نام لحتى اصحى باذن الله وكمل
السياحة الحلوة ..خاصة انه ماخده وعد روح لمناطق كتيرة فيها ..
تبلش من الاغوار لأربد وعمان وسط البلد والمفرق والعقبة وننزل البحر الميت ..ان ربي أراد ..

يعني الحلو انه رح روح بحرين مو واحد كمان ههه

واكييييد رح نزلكن صور حلوة متلي

رد: ملامح حرف بنكهة الخيال

رد: ملامح حرف بنكهة الخيال


هاااايز كيفاتكم ..شلونكم علومكم عاملين

عم نفر متواجد بس مخفي لمازااا
يلا المهم متواجد مو مخطوف

ضايل بأذن الله ١٢ يوم وبفتتح البوتيييك الخاص فيني
كتير فرحانة الحمد لله .
هلا رح سميه " بوتيك الاناقة فاشن "

احترت في الاسم خاصة بانه حلمي مايقتصر على بوتيك وطوره لأفرع باذن الله ..ادعولي بس


من ناحية انه التجارة حلم لي وانه مبسوطة فيها لانه واخيرا بلشت حقق حلمي .
بس من ناحية تانية أمر متعب جدا ومرهق فكريا ،تعاملك مع ناس مختلفين . منهم الكويس منهم لا ،منهم هادىء منهم عصبي ههه ..
وأنت لازم يكون عقلك راجح ..يعني من هاده الجهة الحمد لله متطنه على رجاحة عقلي الله يحرسني بس لمصيبة انه صرت وانا نايمة احلم بالملابس والتجارة ..يعني العقل عندي ماعاد يفصل مافي عندي فاصل ونواصل كله مواصل هههه

لدرجة صرت اشرب قهوة وانا بحياتي ماكنت فكر فيها ونكهتها الا ان بدي اكتب خاطرة

كل شيء له سلبيات وايجابيات .. بس بيضل انه الانسان بيسعى من دون مايلتفت لتحطيمات تجننه افضل من انه يكون محطم نفسه بنفسه .

ادعووولي الافتتاحية تكون جميلة كحضرتي
وبس امدح نفسي اتذكر تنهيدة يسعدها

هلا ان شاء الله اخيرا وليس آخرا ..رح صور من الأفتتاحية فيديو وصور ورح فرجيكم بوتيكي لصغير بأذن الله ..صح مارح يكون فخم كتير بس كل بداية وتكبر بأذن الله


يسسعدكم

ويا اهل السطوح ردوا على وسااام لانه لازم يشرب زنجبيل على قد مايناديكم

رد: ملامح حرف بنكهة الخيال

رد: ملامح حرف بنكهة الخيال

رد: ملامح حرف بنكهة الخيال

رد: ملامح حرف بنكهة الخيال

صباااح الخير ..♡
كيفاتكم اخباركم شلونكم علومكم / البت مروقة
هلا اليوم كان اول ايام البوتيك خااصتي ..كان يوم من
الآخر بفضل الله . حلو ومليان وشعرت هيكا بانه لا أمت للشخصيات القوية بصلة بجد بجد ..
يعني متوهمة على نفسي وطلعت هبولة

اليوم كنت ضابطة الاسعار للجاكيتات والموديلات بشكل عام ..وكل موديل وسعره ومع انه والله المربح ثابت ومو كتير كبداية بس الحمد لله ..

هلأ تجيني الزبونة وتقعد تفاصل وبدها اشرح لها عن الخلمة وهيكا .وبس تقتنع ساااعة وهي تحكيلي سايريني لبين مايكون جاي ببالي احكي لها خديها مجاني بس ارحميني وروحي

وكنت اخصم للأسف اكتر من المبلغ اللازم خصمه لانهن يصرن يشتكن انه مامعهن ومابعرف كيف وبما انه قلبي رقيق مابستحمل واخصم
فالوالدة الله يحميها تحكيلي انتي ما تهديهن ايياهن ببلاش احسن الك خسرانة خسرانة هههه

بس ماتعرف عقل بنتها انه في شوية صغيرونة ذكاء
كنت الشي يلي ب ٢٠ دولار متلا احكيلهن خمسة وعشرين فلما يجننوني سايرينا انزلهم للعشرين واحملهم جميلة متل ما يقولوا

بس الشي الي زعجني اليوم انه لقيت عندي في المحل كل الموديلات للنحيفات ..وطبعا اغلب التركيات نحيفات مو كرش وبطن ومابعرف كيف بكنن العربيات بالاغلب

فبعتت للتاجر انه بدي لمقاسات كبيرة وانه بدي بالذات للاحجام من ١٠٠ كيلوا لمية وعشرين كيلو
فتعقد الرجال وحكالي هدول اناث او مصايب خخخخ

وحكالي مافي عنده مقاسات كبيرة لهيك ببحث عن ماركات تانية او موديلات تانية يمكن استورد مصري لانه في مقاسات كبيرة عندهم .. لانه لو ما لحقت نفسي وجبت مقاسات كبيرة مارح بيع الا القليل بما انهن بالاغلب اكتريتهن سمينات لله الحمد

.
.

رسالة خاصة
تواجدك بحياتي وبين جزيئات وقتي
تقاسمني الفرح وتساندني في لحظات
الالم
بحد ذاته
نكهته الجمال وانفاس اليوم في وجودك حياة

رد: ملامح حرف بنكهة الخيال