سلام عليكم.اخواتي الله يسعدكم تكفوون ادعوا لي انا تعبانة فعلا نفسيا وجسديا بموت قهر من وضعي
بالمختصر انا محتاجة افضفض لاني تعبت اكتم بداخلي
انا سيدة متزوجة من 3سنوات زوجي لايعجبني اسلوبه معي جاف عاطفيا تعبت منه ليه كل هذا بعيد كل البعد عن الرومانسية فقط يشبع رغبته ويدعني في تعب نفسي والم في قلبي على حظي
وغير كذا مايحب يمشيني طيب انا بشر تعبت مليت يخلص مشاوريه ويجي ع البيت وانا طفشانة وقرفانة من كل شي احيانا اعاتبه واحيانا امشي حالي واصبر واضيفوا لذلك مايصرف علي ولا
يذكرني من راتبه بشي لاموري الشخصية عاد الهدايا حدث ولا حرج ماشفت منه حتى مناسباتنا يأجلها ولا يسعدني ويفرحني ..تصدقون ماحس اني متزوجة زي غيري اشوف الحريم في عالم رومانسيات وهدايا وروحات وانا مكبوتة
غير كذا يوعدني وعود كاذبة بوديك وبجيبك ولا شفت شي ...ياناس والله اكتب لكم وفيني صرخة تعبت ابكي تعبت اشكي تعبت اعاتب...زميلاتي مايبغاني اتواصل معهم زيارات وهو يواصل زملاؤه ...رسايل وغزل في المكالمات مافي ابدا
ابغي حل معاه
زيادة على كل هذا ..مايقدر ان كنت تعبانة يخاصم وانتي بس تعبانة طيب انا بشر اكيد بيجي فترة واتعب واتحسن وانتي بس عند النوم ولا تسوين لي شي ولا نفعتيني وليتني ماتزوجت وكلام مثل السم ...وقلبي يتقطع والله اني ماقصر معاه ..واذا فيه مناسبة او شي ينشف ريقي ماذكر يوم طلعت مبسوطة لازم يرفع ضغطي بأي شي حتى لما ولدت ولا كلف على نفسه وقال حمدلله ع السلامة جاني واقف انا بروح مشوار وطلع وانا طايحة في المستشفى ..ولا سلامات حبيبتي ولا شي وراح ولا شفته الا لما كتبوا لي خروج ووداني لاهلي واختفى وكل يوم بجيك بجيك ولا
اشوفه ..حتى هدية بعد الولادة ماعطاني ولا اعطاني اغير من شكلي قص صبغ وغيرها بس مابغى اشمت الحريم علي دبرتها وخلصت اموري

اش سبب كل هذا مع اني احبه لكن اخاف لو استمر على وضعه اكرهه
انا اشوف انه مايحبني لان الي يحب يريح حبيبته ويسعدها وطلباتها اوامر وزي العسل على قلبه
لكن زوجي لا تعبت منه تكفون ادعوا لي ان ربي يسخره لي وابغي حلول الله يرزقكم