تويت
الى الشهيد.............
حلاتك يا نجم يمتعب السهران سهرت اليعدك وانت ما تنعد
حلات السيف بتراب الجزيره عيونه ما ترمد
حلات الجرح من يزهك عالسجين تتكسر بدمه وينكطع كل شد
حلات ادموع تالي الليل من يذكر حبييبه وما يشوف احد
حلاتك يا نهر عمرك سفر تمشيه لا ترتاح لا تكعد لا تمتد
حلات الجرف تتكحل عيونه برمل الولايات وبزند السفينه التايه تنشد
حلات الماي من يزهك يفيض بغيضه وما يوكف بوجه السد
حلاة المهره لو شافت نعش خيالها عالكاع مثل اخته العزيزه وياه تتمدد
حلاتك يا شهيد صدك وفيت جي لنك متت عالحد
شهيد انته الشمس دكت عليك الباب يالماشي بدربها وطيبتك عاده
الجبل منذور اجاك وعندك امراده
اجه النخل متهلهل يريد الثار اجاك الماي راكب روجه اعناده
اجه البردي بحنين الهور طور محمداوي وغنته الساده
يهل ملحه بلهاة الكاع ومغرز وفه وطيبته وزاده
شكبر؟ ؟ ؟ نعش النهر لو مات
يا سده التصير الركبته وساده
اجه سرب الحمام زتك من سمه البصره
اجه يشع العلم بالليل لان جرح الشرف فوك الصدر كمره
ومن شاف النعش مر عالجسرمهيوب حط ايده على خاصرته الفرات وصاح حول يا شهيد بقلبي الك حضره
اجت صاحبتك السمره الطويله وهلهلة بلباب وركصت وبيدها الغتره
يصير الموت بيه لذه وطعم للطلقه لبصدره
وذليل يموت من يجفي ويجيه الموت من ظهره
للشاعر الكبير كاظم اسماعيل الكاطع
كاظم إسماعيل الكاطع شاعر شعبي عراقي. يعد واحدا من ثلاث أعمدة للشعر الشعبي في العراق وهم مظفر النواب، عريان السيد خلف وكاظم إسماعيل الكاطع.
كاظم إسماعيل الكاطع يعود بجذوره إلى محافظة ميسان في العراق من مواليد 1950 م في بغداد. خريج الجامعة المستنصرية/كلية الاداب/ قسم اللغة الإنكليزية1974 م. يحمل شهادة الماجستير في الأدب الإنكليزي من إحدى الجامعات الهندية. عضو جمعية المؤلفين والموسيقين العالميين(باريس) عضو الاتحاد العام للشعراء الشعبيين في العراق ورئيسه في دورتين انتخابييتين عام 1993
حلاتك يا نجم يمتعب السهران سهرت اليعدك وانت ما تنعد
حلات السيف بتراب الجزيره عيونه ما ترمد
حلات الجرح من يزهك عالسجين تتكسر بدمه وينكطع كل شد
حلات ادموع تالي الليل من يذكر حبييبه وما يشوف احد
حلاتك يا نهر عمرك سفر تمشيه لا ترتاح لا تكعد لا تمتد
حلات الجرف تتكحل عيونه برمل الولايات وبزند السفينه التايه تنشد
حلات الماي من يزهك يفيض بغيضه وما يوكف بوجه السد
حلاة المهره لو شافت نعش خيالها عالكاع مثل اخته العزيزه وياه تتمدد
حلاتك يا شهيد صدك وفيت جي لنك متت عالحد
شهيد انته الشمس دكت عليك الباب يالماشي بدربها وطيبتك عاده
الجبل منذور اجاك وعندك امراده
اجه النخل متهلهل يريد الثار اجاك الماي راكب روجه اعناده
اجه البردي بحنين الهور طور محمداوي وغنته الساده
يهل ملحه بلهاة الكاع ومغرز وفه وطيبته وزاده
شكبر؟ ؟ ؟ نعش النهر لو مات
يا سده التصير الركبته وساده
اجه سرب الحمام زتك من سمه البصره
اجه يشع العلم بالليل لان جرح الشرف فوك الصدر كمره
ومن شاف النعش مر عالجسرمهيوب حط ايده على خاصرته الفرات وصاح حول يا شهيد بقلبي الك حضره
اجت صاحبتك السمره الطويله وهلهلة بلباب وركصت وبيدها الغتره
يصير الموت بيه لذه وطعم للطلقه لبصدره
وذليل يموت من يجفي ويجيه الموت من ظهره
للشاعر الكبير كاظم اسماعيل الكاطع
كاظم إسماعيل الكاطع شاعر شعبي عراقي. يعد واحدا من ثلاث أعمدة للشعر الشعبي في العراق وهم مظفر النواب، عريان السيد خلف وكاظم إسماعيل الكاطع.
كاظم إسماعيل الكاطع يعود بجذوره إلى محافظة ميسان في العراق من مواليد 1950 م في بغداد. خريج الجامعة المستنصرية/كلية الاداب/ قسم اللغة الإنكليزية1974 م. يحمل شهادة الماجستير في الأدب الإنكليزي من إحدى الجامعات الهندية. عضو جمعية المؤلفين والموسيقين العالميين(باريس) عضو الاتحاد العام للشعراء الشعبيين في العراق ورئيسه في دورتين انتخابييتين عام 1993
تعليق