أسهل طريقة لعمل كيكة مولتن

تقليص
X
تقليص
 
  • الصفحة لـ 1
  • الوقت
  • عرض
إلغاء تحديد الكل
مشاركات جديدة
السابق template التالي
  • رسمتك في خيالي
    عـضـو فعال
    • Oct 2015
    • 105
    #1

    أسهل طريقة لعمل كيكة مولتن

    هنا نصف المقدار... و اللي تبي تسويه بكمية أكبر تدبل المقادير...

    أول شي نجيب قوالب الكيك الصغيرة البايركس، وندهنها بالزبدة ونحطها في صينية فرن...المقدار اللي سويته يكفي 4 قوالب... و نحمي الفرن على حرارة 425...




    في وعاء لخلط الكيك نحط :
    نصف أصبع زبدة نصف كوب كاكاو خام




    نذوب الزبدة و الكاكاو إما في المايكروييف أو في حمام مائي ونتركهم يبردون شوي ...



    نضيف عليهم نصف كوب سكر بودرة ...





    طبعا بعد ما نخلطهم بتصير عندنا عجينة قاسية شوي ...




    نضيف عالمقدار بيضة وحدة زائد صفار بيضة، يعني بيضة و نص



    نخلطهم مع بعض و بيصير عندنا خليط سائل ...



    نضيف عليهم 3 ملاعق كبيرة طحين، وأنا نخلته عشان يكون الكيك خفيف...



    وهذا بعد ما خلطناه ...



    نصب الخليط في القوالب اللي جهزناها، تقريبا نعبي ثلاثة أرباع القالب... طبعا المفروض تكون أربعة



    ندخل الصينية الفرن على الرف الأوسط و لمدة ربع ساعة بالضبط ... وهذا بعد ما طلعت ...




    نمرر طرف سكين على حواف القالب عشان نقدر نقلب الكيك، و نمسك القالب بفوطة المطبخ عشان ما يحرقكم... و نقلبها في صحن التقديم على طول...
    نرش الوجه بالسكر البودرة أو إذا تحبون قدموها مع الكريما...و نقدمها وهي حارة عشان يبين الكاكاو اللي داخل وهو سايح... يمممممم






    واتمنى انه يعجبكم .....:

    تحياتي / رسمتك في خيالي
    التعديل الأخير تم بواسطة Ђŋt ą ßσЎ; 09-12-2015, 08:03 PM. سبب آخر: بـ طلب من العضو
    الكلمات الدلالية (Tags): لا يوجد
    • ام رموسه
      V - I - P
      • Mar 2015
      • 3339
      • سابقى كالعطر الفت الانتباه دون ضجيج يعرفني الجميع وابقى رغم ذلك سرا
      #2
      رد: أسهل طريقة لعمل كيكة مولتن

      مشكوره غلاتي على الوصفه اعجبتني ان شاء الله اسويها واجربها باذن الله
      سلم يدينك على الوضوع راءع
      لك احترامي وتقديري

        تعليق

        • مجنونة صديقاتي
          عضو فضي
          • Aug 2015
          • 586
          •
          #3
          رد: أسهل طريقة لعمل كيكة مولتن

          تسلم الايادي غلاتي
          شكلة جدا شهي
          يسلمووو ع الصفة

            تعليق

            السابق template التالي

            google Ad Widget

            تقليص
            يعمل...