تويت
السلام عليكم ...
رأيكم في التحول الأفقي للحالة
الغرامية عندما تتطابق الصور
وتختلف المضامين بنسب مخيفه..!!
كما في مشاركتي المتواضعة .....
((((( الغريق )))))
ياجماعة عطوني ،، رأيكم في غريق
طاح في غبة بحور ،، الهوى والغرام
عذبه مركبه ،، والبحر يصفق صفيق
ساعة غاب فيها النور ،، وحل الظلام
يزبد الموج وبصوته فحيح وشهيق
يحسب اني أبا ارفع رايتي للسلام
قمت أنادي وحلقي جف مافيه ريق
ليه ..! غدار ، باللي ، في أمانك ينام
ياجماعة عطوني الرأي علم وثيق
كان في الناس مثلي واحد مايلام
الشكاوي على الله ، كلما حل ضيق
يفرج الهم والضيقة ويجلى الغمام
من ينزل مقامه ،، عند من لا ، يليق
ينتقص منه قدره عند ناس حشام
شور ياللي على باقي حياتك شفيق
لاتنزل مقامك ،، وأنت ، عالي المقام
عاشر اللي ثبت أصله ،، بجذر عريق
واللي جذره بسطح الماء فعرفه عدام
خل عنك المشاعر ،، والفؤاد ، الرقيق
لايغرك ، بلحن القول ،، وعذب الكلام
يبتسم لك بوجه في بشاشة صديق
وفي عيونه ، إلا لدت ، حراب وسهام
بك يرحب وهو من شوفتك مستضيق
وده ، إنه يدس السم ، لك في الطعام
يبرق بوجنته ،، سيف الخيانة ،، بريق
وريحة الغدر ..! تظهر ،، لو تلثم ، لثام
ماحد ايتقيد ،، عقب ،، ما هو طليق
وماحد ،، غازي غزوة ،، بليا مرام
لازم ،، إنه مفكر له ،، بفكر ،، عميق
ودارس العواقب بالوفاء ،، والتمام .
مودتي وتقديري
محمد بن عمار
تعليق