عرف القبائل عائقا .ورثته
لولأئه غيره لي هوء ما دنا
ذنبي فتاه عشت لا رأئيا لاها
ف القبرو لا غير يجمع بينا





..........................................
خطبوني غصب ولغيرك انزفيت
وحفرو كبري لمن عقدو القراءن
جبروني وصرخت احضرني يلا عباس
وانه وحيده وعكلهم درست الديوان
طش مستقبلي من طشو الجكليت
وركبه ونص كعد كل جرح نايم جان
حتى المايشور علك بي شديت
طب للي حضره دلكه اسمك على البيبان
كرف شعر التراب وياه من امشيت
مديون وتمشه بديرت الديان
جني تيسرت ما جني انا انزفيت
اليشمني يكول فكتت بل حرب خوان
غص بلحلقه اصبعي وما برد ملكاي
انا حرورت رصاصه بتفكه المعدان
من احل شعري على متني اكطع رزق عاشور
سود البل شعر ما لمعته النسوان
من سير على نخل حسبالهم جمار
ويبلع ريجه كل عصور بل بستان
هلي شدو عبرتي بجربت المهضوم
بصدره عطش فلاح للكيعان
وجهك ديرتي ومن شوفوني اكفراك
قصر صليت من كبر الاذان
الربه بكوخ الكصب لازم قبلته الهور
يعيد لون يشتم ريحت الرعيان
ومو شرط العطش يردوي بحسوت ماي
من الماي تيبس ريد الغركان
عليله وجنحي مو بكد خزره الصياد
وشرجيه هلي حطتني بل نيشان
بشيبت جنحك استعجل يلملج الموت
حمامه زينه ويزفونها السجان
يا رخص الجنازه التنترك بل بيت
تنمل من تضل امرافكه الريكان
يا درب النجف سرفن اتراب الكاع
عروسه الجايتك يم علي اتريد امجان
لتغسلوني اخاف اثار ولفي اطيح
تره البرزخ يقدر شبكه الولهان
محسبه حسابي لا خلفله على جناز
ابدلتي مجفنه ما اتعب الدفان
باعوني برخص وذكرني يل محبوب
اذا باعوا كبالك كحل للعميان
يولفي الكبر بارد دفو احضانك وين .؟
تره يبجي اللحت من ينشغل بردان
ما انساك لا وبرود السرداب
لو حطو اعضامي بسفره الغربان
ومن ازورني امن ما تيه لا
عطر شبكاتي ادليك بل عنوان
رفعت الصافي

للشاعر رفعت الصافي