سجل حضورك بأبيات شعرية...*

**ندى الروح** · 19-11-2016, 04:45 PM

رد: سجل حضورك بأبيات شعرية...*

..‏↓ ❁ ‏
‏يـا مساء الخيـر .. ياكل الاحبه
‏و يامساء الطيب و الورد وعبيره

‏المشــاعـر كــلهـا .. ورد ومحبـه
‏وانتم احساس الغلا من كل ديره

**"لحن الوفاء"** · 20-11-2016, 08:51 PM

رد: سجل حضورك بأبيات شعرية...*

؛

جيت المكان .. ورحب الصمـت فينـي
وآستوحش الأطـلال منـي . ونـاداك

لولا غلا ذكـراك .. ماشفـت عينـي
تبكي كمـا دمـع السحابـه . وتنعـاك

آيـام تحسبنـي بحسـبـه سنيـنـي
وأخيل بارقهـا .. علـى مـد ذكـراك

تعصفبـي آمـواج الغـلا وتغطيـنـي
عن نظـرة العـذال .. ياحـر لامـاك

تشربنـي اهمومـي . ولاترتويـنـي
وأعود لك عطشان .. وأشربك وأضماك

آحتاجلك وإن جيت .. ضيعـت وينـي
آلقاك فيني نوب .. وآحيـان ماألقـاك

آحيان آشوفـك بيـن جفنـي وعينـي
وأغمض عيونـي علشـان ماأنسـاك

وتصير في جفنـي وعينـي سجينـي
وآحـرمـك مــن ذولا وذولا وذولاك

وآحيان آحسك وألمسـك فـي يدينـي
وآحيان آضيـع درب رجلـك وماطـاك

تدري وش اللي في غيابك يجيني؟!!
صفير ريح .. وقرعة الأرض بخطـاك .

**"لحن الوفاء"** · 22-11-2016, 07:51 PM

رد: سجل حضورك بأبيات شعرية...*

؛

جيتك غلا واشواق في صادق البوح
أرسم مساءات الوله في كلامي..

صمت وأمل وأحلام مع فرح وجروح
أعبر حدودي وارتحل مع هيامي..

أشعار تكتبني على صفحة الروح
ضلعي قلم وحروفها من غرامي .

**وزير السلطان** · 23-11-2016, 12:58 AM

رد: سجل حضورك بأبيات شعرية...*

تواعدنا ، تعودنا ، توادعنا ، تباعدنا!
..................................................حروف البيت تتشابه ، لكن يفرق المعنى.

**ندى الروح** · 23-11-2016, 01:04 AM

رد: سجل حضورك بأبيات شعرية...*

‏بعض البشر عالي مقامه ولو غاب
مثل النقوش اللي بقت في حجرها

مرت عليها دهور وعصور واحقاب
عيت تروح اخلاص للي حفرها❤

**سما روحي** · 23-11-2016, 01:50 AM

رد: سجل حضورك بأبيآت شعـرية...*

‏أبغاك من بين البشر لي لحالي
أنت سحابة حب وأنت مطرها

لا يابعد عمري وكل الغوالي
حبك أخذ قلبي وروحي أسرها

**گشمآء** · 23-11-2016, 09:27 AM

رد: سجل حضورك بأبيآت شعـرية...*

أنا متعبه..
ودفاتري تعبت معي!!

هل للدفاتر يا ترى أعصاب ؟

حزني بنفـسجة يبللها الـندى

وضفـاف جرحي روضة معشاب

لا تعـدلني إن كـشفت مواجعي

وجه الحقيقة ما عليه نقاب،،!!

**عادل الدوسري** · 23-11-2016, 01:02 PM

رد: سجل حضورك بأبيآت شعـرية...*

يابنت

أنا ماجيت أدور من وراء الاشعار لي جمهور
ولكن جيت أنا لجلك ابهدي لك بيوت جزال

عادل

**حبيبهـ عيونهـS** · 23-11-2016, 08:29 PM

رد: سجل حضورك بأبيآت شعـرية...*

‏كل شي تقدر مع الايام نسيانه
‏الا اول انسان في دنياك حبيته

Sent from my iPhone using منتدى عبير

**"لحن الوفاء"** · 24-11-2016, 01:22 AM

رد: سجل حضورك بأبيات شعرية...*

؛

يافوح صدري فوحة البن لافاح
على هروج أهل القلوب النظافي

أرتاح لأهل الطيب والعرف وارتاح
على الذي قلبه من الغش صافي

تركض بنا الدنيا على خف وجناح
والعمر ينقص والليالي مقافي

لذاتها تشبه سنا البرق لا لاح
وصكاتها مثل السيوف الرهافي

مايرفع الهافي كثيرات الأمداح
ولا صدت الوافي علوم الضعافي

تصفق بنا الدنيا مثل صفق الأرياح
وما اقول غير الله يديم العوافي .

سجل حضورك بأبيات شعرية...*

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget