تويت
إهداء خاص لأول من يقرأها
بسم الله أبدأ
::
تعبنا من عنا الفرقا وجرح بعادنا يزداد
تعبنا نشعل شموع المحبه في ليالينا
تعبنا من عنا الاحزان يكفي والظروف شداد
تعبنا نمسح اثار ملامحها بدت فينا
تعبنا ننتظر صدفة لقى لو هي بلا ميعاد
تعبنا ما بقى فينا صبر والبعد مشقينا
تعالي نمسح الدمعة تعالي والحروف جداد
أبيك وما أبي غيرك حنانك هو يدفينا
تعالي يا هوى .. خلي المحبه تقهر الحساد
نعيش الحب ليلة في حضور الزين يغنينا
تعالي نرسم البهجه ونقضي عمرنا أعياد
تعالي نزرع البسمه .. نحقق كل أمانينا
أنا يا كم صبرت وكم تجرعت الصبر ما فاد
أبي شمعة وفا تضوي طريقي ثم تضوينا
وأنا يا كم صدفني في هواكم من تعب وإجهاد
ابي بلسم جروح نازفه عله يداوينا
وانا يا كم تحملت العداوه والوشاة أضداد
رسوا بالمركب المشئوم في شاطي موانينا
عسى ذيك الليالي يا غناة الروح ما تنعاد
خلصنا من عنا الهجران .. ما جانا يكفينا
عساها دوم هالفرحه ويبقى حبنا يزداد
ولا نسمح لضعف الياس يفرق في خطاوينا
قلمي/عادل الدوسري
تعليق