تويت
تجربتي مع إمتحان ال TOFEL & IELTS بالإضافة إلى سر صغير
بدون مقدمات أو تعريف لطبيعة الإمتحانين لأنها متوفره بكثره على قوقل, لكن كلامي مختصر ان شاء الله
وهو خلاصة تجربتي الشخصية مع التوفل والأيلتس.
واللي ماعنده فكره تماما عن الإمتحانين أنصحه يتعرف عليها ويقراء عنها قبل يقراء موضوعي.
أول سؤال يتبادر على ذهن المقبل على أحد الإمتحانين هو " الأسهل التوفل والا الأيلتس ؟ "
ونجد إجابات متفاوته ومختلفة,, لذا يجب عليك أن تجرب الإثنين وتقرر أيهم يناسبك أكثر.
رأيي الشخصي في التوفل أولا:
هو أول شي جربته وكررت تجربتي معاه أقل شي 3 مرات لكن كان صعب علي.
لكن أكتشفت متأخر إنه بزنس. كل مره تمتحنون توفل (ترتفع) الدرجة ما تنزل,
يعني تستمر في الامتحان لين توصل للدرجة المطلوبة.
هذا السر اللي أكتشفته وقد يكون خطاء لكني نصحت به زميلاتي وفعلا تزيد درجتهم في كل مره لين وصلو للدرجة المطلوبة.
الدرجة النهائية في التوفل هي 120 وكل قسم عليه 30 درجة. والأقسام لكل مهارة وهي " التحدث - الإستماع - القراءة - الكتابة "
لكن في جامعات ما تكتفي بدرجتك النهائية فقط !.. تكون كاتبه في شروطها الدرجة المطلوبة في كل قسم من أقسام الإختبار .
رأيي الشخصي في الأيلتس :
لجأت له بعد ما أستصعبت التوفل ووجدت راحتي فيه خصوصا إني حصلت على 5 ونص من أول مره,, عكس التوفل اللي وصلت فيه ل 58
وكثير من الجامعات تقبل أيلتس من 5 و 5 ونص لكن التوفل عادة يطلبون من 61 وزياده.
التوفل تحتاج يكون عندك مخزون كبير من المفردات الأكاديمية المعقده أولا لأن الأسئلة صياغتها أصعب من أسئلة الأيلتس
يعني الأيلتس اسلوب أسئلته أسهل, ولكن الإمتحانين يتطلبون تظهرون مهارتكم الكتابيه قدر الإمكان سواء ( قواعد معقده, مفردات أكاديمية معقدة,
فهمكم للسؤال بالشكل الصحيح, أعطيتو المطلوب منكم في السؤال بشكل كامل, انتقالكم من فكره لفكره بشكل سلس وأكاديمي.. إلخ)
الدرجة النهائية للأيلتس هي 9,, والأقسام استماع - قراءة - كتابة - محادثة.
ومهم تعرفو طريقة توزيع الدرجات فيه, يعني أنا مثلا كنت أبغى أوصل ل 6
يعني المفروض أكون جايبه في كل الأقسام 5 ونص ماعدا واحد فيهم 6.. إذا نقصت وحده فيهم ما أخذ السته .
هنا جدول يشرح القدرات المطلوبة اللي توصلك لكل درجه:
هنا
وهنا حاسبه تحسب لكم النتيجه:
هنا
أرحب بأسئلتكم واستفساراتكم
تعليق