ايوه ياشمس هذه الضيوف اللي ودك من يحشرهم بالاسئله لين الصبح
ضيوف فخمه تستحق الاستضافه وماشاء الله اشوف العالم شادين حيلهم بالاسئله

حي الله الوسمي
الفخمه هي أسئلتك صراحه, تسلم

ماعندي اساله لاني اشوف الكل سال نص الاسئله اللي بسالها
بس برضوا مايمنع اعصر الموخ المتركب عكس واسال كم سوال ع الطاير

نجي للاسئله وترى مدة الاجابه محدده كل سوال ثلاث دقيقه بس

ما بتخوفني تبلد إحساسي من كثر ما أمتحنت تحت ضغط الوقت

اسالتي ؟

- نبدا بكلمه تخلينا نتفائل شوي بالقادم من الايام !

- مثل او حكمه دايم ترددها شهرزاد ومخليتها شعار لها لو بينها وبين نفسها !
" الحمد لله إن الأرزاق بيد الله وحده مو بيد الناس " من تأليفي بس لها مفعول

- الرسم ليه رسمك قليل رغم ابداعك فيه !
ممكن لأني في فترة مافيها استقرار فكري,, في أمور حابه أحققها والرسم لاحقه أستمتع به في فترة التقاعد ^^
فيه نقطه كمان.. ما أحب أرسم أي شي.. صدفه تجي قدامي صوره تجبرني أرسمها !
ولما أحد يطلبني أرسم شكله أتورط لأن بعض الوجوه ما أحس إني مستوعبتها عشان أتقن رسمها.
هذي هي الأسباب .

- فكره مجنونه ودك تطبقينها بس لسى ما قدرتي او لين الان ماجا وقتها !
أووه كثير أحب الأشياء المجنونه,, من زمان وأنا أفكر بالقفز المظلي من الطياره لكن مدري متى ألقى الفرصه.

- لو بيدك تحقيق لاحد امنيه ايش الامنيه اللي ودك تحققيها لشخص عزيز عندك !
أختى الصغيرة متعلقه برسم القصص المصوره بالأسلوب الياباني وإسمه ( المانقا )
هي شغوفه ومبدعه في هذا المجال وقابلت بعض مشاهير مانقاكا في أمريكا لما زارتني لأن كان فيه مهرجان للأنمي
غرفتها كلها رسومات وكتب مانقا. ودي تحقق أمنيتها بتأليف قصة كامله وتواصل.
رغم إنها ألفت قصة قصيرة واقعيه ك هديه لأستاذتها.

- كلمينا شوي عن امك وخذي راحتك لو تكتبين ثلاث صفحات الله يحفظها لكم ويطول بعمرها !
اللهم امين ويحفظ لك الوالده ويخليها لكم يارب..
أمي الحمد لله راقيه جدا رغم إنها ما أكملت تعليمها لكن غلبت كثير سواء متعلمين أو لا,
كل من يتعامل معاها يعتقد إنها مديرة مدرسة وهي مامعها إلا سادس إبتدائي ودرست شوي من المتوسط لكن ما كملت وتزوجت.
أتمنى أكون مثلها في حسن التصرف خصوصا لما إحنا نجيب لها مشاكلنا وفضايحنا ما ترتبك والا تخلينا نندم إنا لجأنا لها,
وأبويه شديد وله هيبه, ف كانت هي اللي تنقذنا.
أحكي لكم موقف لأمي,, كانت رايحه لإحدى جاراتها في الصباح وشافت دفتر طايح قدامها, لقيت عليه إسم بنت الجيران
شالته عشان تعطيه للأم ممكن طاح من البنت بدون ما تدري. ولما تصفحته أمي لقيت الدفتر كله كلام خاص بالبنت وأسرارها.
وإنها تحب ولد الجيران وهو مايدري, ف تسولف عنه لهذا الدفتر وتكتب عن تحركاته وأي خبر عنه.
أمي بطلت تعطيه لأم البنت وأتللفته.. بعدين لما أجتمعت مع الجارات وكانت أم البنت موجوده, قامت تكلمت بشكل عام وما وجهت كلامها لأم البنت بشكل خاص..وقال
كل أم لازم تحتوي أولادها وتخليهم يحكون لها أسرارهم بس تراعي أنهم لازم يخطئون وكمان محتاجين أحد يسمعهم ويحفظ أسرارهم..
مو تسخر منهم أو تهزئهم على طول. لما نحتويهم ونوجههم بهدوء وأسلوب, كذا إحنا نحميهم أكثر وما يلجئون لأحد برا البيت أو شخص غريب يضرهم.

هذي نبذه عن الماما

- نجي للرياضه كيف ميولك للرياضه بشكل عام وهل لك فريق محدد !
مالي ميول لأي فريق ومو متابعه للرياضه,, أبويه كان في فريق الشباب في شبابه وعشان خاطره أقول شبابيه.
لكن كنت أستمتع لما أتابع الجمباز

- حلم شهرزاد وهي صغيره اكيد تغير الان لان العقل صار اكبر واعقل ( حلم الطفوله + حلم المراهقه + حلم الان ) !
وأنا صغيره كان حلمي أمتلك حصان لدرجة كانت كل أحلامي عن الحصان. برضو أكون طبيبه وأعالج الناس..
بعدين في المراهقه كان ميولي لعلم النفس وتنمية الذات واستكشاف البشر وأولهم نفسي..
في نهاية المراهقه كان حلمي أسوي معرض فني.. وأبدع في مجال الكمبيوتر.
الان حلمي أكون أستاذة في الجامعه ولما أكبر كمان وأسير مفيده أكثر.. حابه أكون مؤلفه :$
والأحلام مستمره.

- الصداقه عندك كيف تكون وكيف المفروض تكون !
الصداقه عندي تبادل إهتمام وحرص.. ماهي بكثرة التواصل بقد ماهي بقرب القلب والشعور,
ونكون فاهمين لدرجة إنو نرتاح لما نحكي أشياء تفشل إن محد يفهم الثاني خطاء أو تتغير نظرته.

- اغلب البنات يحسدون الشباب على بعض الامور ايش هي هذه الامور اللي تحسد فيها شهرزاد الشباب !
أنه مسؤول عن نفسه في كل شي مو يضطر يدور محرم.


- بسرعه وباختصار تكلمي عن !
اش عندك مستعجل ههههههه عاد هذا أطول رد بالنسبة لي, كل شوي أشيك على طبخ الغدا وأرجع أكمل أسئلتك


* عاشقة المطر
أحبها في الله بصراحه ما أعرف بالضبط أشرح ليه أحبها رغم إن مابينا تواصل .

* شمس الشتا
شعلة في المنتدى وحريصه عليه كثير. ونصيحتي لها كبري راسك لما تلاقي حولك ناس حاقده وكذا.. التعب عليهم
مو يقولو " ما يضر السحاب نبح الكلاب " .

* انه حرف
أحس إنها أم المنتدى الحنونه.. ويكفي شعور الأعضاء بغيابها الله يطمنا عليها قريب وتقوم بالسلامه يارب

* شوق
إختياراتها راقيه في مواضيعها وجميله جدا.. أعتقد إنها تحب القراءه

ودي اقول وسمي بس ماله داعي لان العارف لايعرف هههههاي
شدتني كمية التواضع هنا هههههههه
بصراحه إنت ونفر كويس تذكروني بخفة دم أخويه قبل يسير ضابط
لكن لما دعكته الحياة تلاشت الكوميديا


شكلي طولت الاسئله وبتعبك بس ماهو كل شوي بحصلك بذا المكان وكثرت الاسئله
والله أسئله متعوب عليها ^_^ كل يوم تعال وجيب قهوه ومعمول

يالله نتظر الاجابات وبالتوفيق والف شكر شمس على هذه الاستضافه

فتكم بعافيه

خودافس